[原創小品]飲食的文化[C+]

亨九利

飲食的文化

英國皇夫菲臘親王曾經取笑中國人：「在天上除了飛機之外所有有翼的東西、在地上除了桌子之外所有四隻腳的東西，中國人都會拿來進食。」 言下之意，即係話中國人好似啲未開化嘅生番咁唔理乜春都煮嚟食。中國菜以被公認為全世界最美味嘅菜式，中國餐館遍佈全球每個角落，花樣配搭千變萬化，反而未曾聽過你大英帝國有啲乜嘢出名好食嘅嘢為世人所知。其實各處鄉村各處例，每處地方都有自己一套飲食文化，又何怪之有？

SARS被傳為係由於進食果子狸而導致感染人類。中國人食野味嘅習慣並非一朝一夕，從來冇聽過會感染到啲乜嘢病毒，我諗呢次係一次個別事件，唔可以蓋棺而論；等於你食啲唔乾淨嘅豬肉、雞肉等等，一樣會感染病毒，所以有時唔驚得咁多。

講開又講，早排睇到一段花邊新聞，有幾個日本仔同一個香港人坐埋食飯，班0架仔一路食一路取笑中國飲食文化，話中國人連啲野生動物都食，破壞大自然生態咁話喎。在坐唯一嘅中國人不甘示弱，反問班日本仔一句：「唔知邊個國家最鍾意食面臨絕種嘅鯨魚呢？咁又算唔算破壞大自然生態呢？」班日本仔當堂鴉雀無聲。

正所謂「民以食為先」，你鍾意食就食，冇話應唔應該。

[ Last edited by crap on 2005-7-1 at 06:18 PM ]