馬刺終於倒下......

rockinpunk4d

今年係馬刺打出76 - 77年ABA轉會以來最佳常規賽成績Win63 - Lose19.而且季前簽回兩個星級Shooting Guard : Van Exel同Finley.好似已經完全堵塞其他球隊挑戰其衛冕之路.然而隨著常規賽進行.卻不見馬刺可以打出比上年更加強勢既球風.中後段尚被小牛打出13連勝直接威脅西岸榜首之位.尤幸最後10場小牛卻疲態漸露.最終以3場半之差將榜首拱手相讓.一路打來.甚至見到馬刺竟比上年表現退步.主因Duncan足下之患日益嚴重.雖然仍可以上陣80場.其實只係小牛愈咬愈緊.Popovich無奈之下仍需要Duncan出來壓陣以保戰績.但係今年Duncan於得分,藍板,投射命中率同Blocks Shot均創下生涯新低.而Ginobili亦因傷患缺陣19場.季初佢常任正選亦明顯狀態不穩. 幸好Parker既大躍進成為馬刺既一大喜訊.新加入老將Van Exel成績下滑,仍然可以創下63勝成績.足見呢支全NBA合作時間最長既球隊成熟度之高.亦不得不佩服Popovich臨危不亂既指揮能力
        然而一到肢體碰撞及惡性犯規增加既Playoff.馬刺既弱點就逐樣逐樣出來.例如傷患,過份慢熱等等......面對成陣不久.表現不太成熟既帝王.尚可以以速度快既Guard去製造Foul Trouble,加上精準既射球.留有一手之下以4-2晉級.但與大暴走既小牛對陣.馬刺立刻原型畢露.係第2,3,4場都被小牛既快速矮仔陣打亂陣腳.而且PARKER亦受傷.速度太慢成為主要敗因.呢個同馬刺身為NBA中平均年齡第二高既球隊不無關係.Horry,Van Exel又打唔出以往水準.如果唔係Finley同Ginobili係第5場扳下一勝.馬刺Game 5就要"投奔初夏".而且小牛仲有一個熟識馬刺戰術既小將軍Avery Johnson.小將軍係呢7場一直放生Duncan予取予求.而用盡全力鎖死馬刺既3分.使得一向慢熱既老將更加無從入手.呢個方法令Horry,B.Barry同Bowen一向頗重手感既外線完全繳械.變得流於單打獨鬥.加上小牛既顛峰實力.7戰之下加時敗陣.已經超出預期.

       下季開始之前.馬刺一定要把握時間調養三主將既傷.三人正值當打之年.不太嚴重之傷勢只要安心寧養自可解決.亦不會影響下年馬刺之主戰力.但係為人津津樂道既板凳深度下年可能完全崩潰.Finley,Bowen,Van Exel,Horry,B.Barry都已經10幾年年資.其中只有Finley可望保持水準.Bowen不需要進攻,只需專注防守及放冷箭.其餘3人均於今年Playoff大失水準.尤以Van Exel同Horry最令人失望.Duncan不知不覺都已經10年年資.狀態即使冇問題,亦要考慮體力調整.Mohammed,Nesterovic雖只有7-8年年資,但係速度過慢.不可以完全支撐禁區.反而係成個板凳最令人擔心既兩個.除非可以培養出新血輪交替,或者於選秀會尋寶(Tony Parker都只係第一輪第28位)及季中作大手交易.否則悲觀而論馬刺最短於3年內就會進入板凳戰力空白期,甚至於踏入重建期.

queenly

Originally posted by rockinpunk4d at 2006-5-27 03:51 PM:
今年係馬刺打出76 - 77年ABA轉會以來...

其實一隊球隊唔可以成季都打得咁好, 個人認為馬刺同活塞仍然係今季最強既球隊, 我覺得馬刺對小牛果時仲未發揮到最癲既實力, 就當小牛同馬刺互鬥果時兩隊都去到癲峰, 我覺得都係馬刺win, 馬刺輸既原因係佢對小牛果時未發揮到盡, 但係小牛又咁q發揮得好。 另一面既活塞再係咁落去都未必入到總決賽。 太陽就係最經典既例子, 對湖人頭果幾場果時可以話係太陽對既谷底, 而家........

[ Last edited by queenly on 2006-5-27 at 04:03 PM ]

kgkgkg212121

suns而家真係打起晒...
pistons就... 仲未打到最好果時咁...

dragonass31

我睇住馬刺班老柴贏咗幾年總冠軍已經好悶嘞
而且我勁憎Bowen同Ginobili
而家佢哋出局真係心都涼哂~~

queenly

Originally posted by dragonass31 at 2006-5-27 11:32 PM:
我睇住馬刺班老柴贏咗幾年總冠軍已經好悶嘞
而且我勁憎Bowen同Ginobili
而家佢哋出局真係心都涼哂~~

why hate gino?

nashisthebestpg

Originally posted by dragonass31 at 2006-5-27 11:32 PM:
我睇住馬刺班老柴贏咗幾年總冠軍已經好悶嘞
而且我勁憎Bowen同Ginobili
而家佢哋出局真係心都涼哂~~

意見相同!!!!!!!!!!!!!!!!!!

bigfish

普波域治輸陣 la
冇理由唔用雙塔陣, 改用一鋒四衛陣, 進攻又進唔入, 防守又唔夠高度同速度, 做乜鬼收埋兩個後備中鋒呢

rockinpunk4d

Originally posted by bigfish at 2006-5-28 01:09 AM:
普波域治輸陣 la
冇理由唔用雙塔陣, 改用一鋒四衛陣, 進攻又進唔入, 防守又唔夠高度同速度, 做乜鬼收埋兩個後備中鋒呢

Mohammed,Nesterovic速度過慢.不可以完全支撐禁區.

adamjacky123

幾時先到Rockets上位............= ="

queenly

Originally posted by adamjacky123 at 2006-5-28 12:36 PM:
幾時先到Rockets上位............= ="

有排