阿叔名字之由來 - 「想學我講波 永遠學唔到」

bigfish

曾奪1958年亞運金牌 2006年6月8日

【明報專訊】現年68歲的林尚義畢業於香港中文大學經濟系，曾在柴灣文理書院任教體育、社會與國文。1972年掛靴後，林尚義開始「講波」生涯，曾擔任「五台山」多間電台及電視台的足球評述員。

90年獲「阿叔」之名

「阿叔」這個稱謂，據他本人所說是1990年加入無後獲「賜予」的，但他已不記得人們為何這樣稱呼他，估計跟他經常說﹕「等阿叔話你知……」有關。

阿叔當年被譽為天才球員，16歲便加入甲組球隊，1958年更代表中華民國勇奪亞運足球金牌，亦曾出席1960年羅馬奧運會。1972年他效力流浪時奪得聯賽和高級組銀牌「雙料冠軍」，年輕時有重炮手及魚等綽號。

一個打防中o既球員竟被譽為天才球員?

[ Last edited by bigfish on 2006-6-8 at 05:13 AM ]

bigfish

2006年6月8日

【明報專訊】香港近年湧現不少新的球評家，Keyman(馬啟仁)、李德能、丁偉傑等多不勝數。不過論到殿堂級人馬，大家一定會想起人稱「阿叔」的林尚義。將會在今屆世界盃後「掛咪」的他談起接班人，只是說了一句「你要學我講波，永遠都學唔到﹗」似乎阿叔認為沒有人可代替他的地位。

曾當球員21年的阿叔，在1972年退役後便展開足球旁述生涯。他說﹕「講波，每個人都有自己特色。你要學我講波，永遠學唔到。換轉要我學你，亦永遠學唔到。」評了30多年球賽，他又覺得自己值多少分呢﹖「我唔會評價自己。總之你鍾意聽我就聽，唔鍾意就唔好聽﹗」阿叔就是憑這份自信敢言的風格，吸引不同球齡的球迷。他對於有意入行當評述員的新人有這樣的建議﹕「利用你的技巧，觀察比賽發生的事情，懂得強調其中重點，再加入個人意見。」

大哨突上陣最難忘

「講波」逾千場，阿叔又有何難忘經歷﹖他說﹕「1998年世界盃決賽，場波真係惡哽﹗我記得賽前1小時收到兩隊出場名單，當時明明無朗拿度，點知最後出場竟然有佢。最後佢更夢遊球場，令巴西輸0﹕3。如果唔知人，仲以為我講錯﹗」

另一場令阿叔印象難忘的是一場香港7人賽，由加山對東方﹕「當時由於龍門網無拉過，加山的張耀國射波由網側入，球證又吹入球，結果在投訴下，要即時開會，仲足足開半個鐘。我結果講故仔講足半個鐘，當中除講波歷史，仲加其他足球故事。」這種情若換上其他評述員可能會手足無措，所以阿叔說﹕「踢過波做評述始終數好多。睇波的經驗不同在球場(踢波)的經驗﹗」

太太去世決退休

縱橫球圈數十年，阿叔說﹕「我有乜唔敢講﹖批評球員一定要講出他的錯處。」對於現今的評述員過多重數據和花邊新聞，阿叔不以為然﹕「球迷唔係想聽你講資料﹗資料﹖佢早上歎一盅兩件時都睇晒啦﹗我唔會理人，我有我講。」

儘管許多人喜歡阿叔「講波」有見地，風趣又幽默，但球迷的支持亦無法改變他退休的想法。68歲的他說﹕「年紀大，機器壞，我尿酸同膽固醇過高，試過隻腳腫到落唔到地。醫生叫我唔好做，只係佢(電視台)極力挽留我，我先決定捱埋個世界盃。」雖然阿叔以健康作為退休的理由，但真正令他意興闌珊的是太太劉蕙芳在去年突然病逝。他說﹕「以前咁辛苦搵錢，都係諗住留畀老婆用(阿叔比太太年長20歲)。依家人都死，搵咁多錢都唔知做乜，無晒mood﹗」

勞碌大半生，阿叔沒有計劃退休後的生活。他說﹕「到時先算啦﹗悶話，去做義工打發時間囉﹗」

白頭人送黑頭人...都幾慘

bigfish

呢位就係阿叔接班人, 大家覺得佢點呢?

stereo

以前睇阿叔做戲，有時辦下女人又做神父；真係笑到吐痛。
當時心裹面都有個疑問，點解阿叔無端端會走去拍戲架呢？

但依家見到佢咁講，終於明白阿叔去拍戲原因。可惜天意弄人，希望阿叔早日平復傷痛；保重身體啦。

abc123aa

對於現今的評述員過多重數據和花邊新聞，阿叔不以為然﹕「球迷唔係想聽你講資料﹗資料﹖佢早上歎一盅兩件時都睇晒啦﹗我唔會理人，我有我講。」

阿叔有佢既道理
不過唔係個個球迷都知嫁嘛........
所以講波佬們最緊要有個人風格,唔好個個都揸住d資料係咁講,否則就悶爆......
如果一場波兩個講波佬就最好一個有資料有數據講,另一個主力講場波,當然啦,講資料果個都要講場波既

bigfish

Originally posted by abc123aa at 2006-6-8 06:50 AM:


阿叔有佢既道理
不過唔係...

丁生, 基仔, 柏霖仔, 張...張...浩文同鍾仔都係有名o既數據王, 不過鍾仔d 數據有時唔係咁準, 唔知o係邊度聽返黎, 呢四個評述員除左柏霖仔之外有一個共通點, 就係本身做資料搜集員, 做做下走去講波, 除張..張..張生之外, 其餘三人都係靠口材出眾搵食, 講波之餘做埋主持, 分配d 嘉賓說話時間

bigfish

Originally posted by stereo at 2006-6-8 06:29 AM:
以前睇阿叔做戲，有時辦下女人又做神...

佢o係本地球壇都有佢o既作用, 起碼佢係第一個深入民心o既評述員 (起碼師奶都識佢), 同埋佢都為形象負面o既本地足球帶來少少正面影響

艾奧羅斯

Originally posted by bigfish at 2006-6-8 05:14 AM:
呢位就係阿叔接班人, 大家覺得佢點呢?

黃兆龍
佢咪亞記開波龍門陣其中一員,
不過今年小左出現

alantai

Originally posted by bigfish at 2006-6-8 05:14 AM:
呢位就係阿叔接班人, 大家覺得佢點呢?

成個細路咁, 應該上唔到位

約望保祿

『阿叔』系ATV果陣紅唔出，一過無線即紅。系亞視好難發圍，陳煒已經算亞視最紅果個，但系都紅唔到頂，如果系無線包佢可以做巨星。