ming8964

別人只是客觀指出亞洲球隊的不足, 何錯之有!!!
真正的支持者不應護短, 知道自己愛隊的不足, 才可透過輿論督促愛隊改善提昇實力, 爭取好成績!!!
輸唔起就唔好玩呢個遊戲, EQ咁低點贏人呀!!!

bigfish

Originally posted by donald15 at 2006-6-25 02:08 AM:
想當年田徑亞洲人完全唔掂既
依家劉翔都做到欄王啦
點解要睇死亞洲人呢

[ Last edited by donald15 on 2006-6-25 at 02:10 AM ]

日本短跑接力都世界第四 la
日本游泳隊更係世界第三 tim

flash_2006

Originally posted by ming8964 at 2006-6-25 06:27 PM:
別人只是客觀指出亞洲球隊的不足, 何...

係既, 亞洲球隊實力不足, 佢地既支持者遇到乜野批評都要接受, 就算係個d"同瑞士差成半班波"批評都唔好出聲, 就算打贏多哥同打和法國都係人地大意甚至係玩野至有機可乘, 唔係南韓球員自己實力做出黎架....就算睇到南韓球員盡哂力踢都好, , 都唔好讚, 要彈, 彈,彈!!! 彈得多就會提升實力, 不論個d批評係事實與否
係囉, 你地d支持者一對呢d批評反駁就係eq低, 唔為亞洲球隊將來著想, 枉為亞洲球隊既支持者.....係咁架啦, 鬼叫你地係支持亞洲球隊咩

ming8964

輸就係度發爛渣, 對球隊將來, 亳無好處, 檢討原因作出改善才是上策!!!
巴西自七零年三奪冠軍便無以為繼, 咎其原因 : 球員空有天份, 但防守差, 戰術落後!!!
直至九十年代作出改善, 終能於九四及零六連奪兩屆冠軍, 成為真正的王者!!!
若各大亞洲球隊, 像你們只沉醉於昔日光輝, 不思進取, 將會輸得更慘!!!

brightman

Originally posted by ming8964 at 2006-6-25 08:56 PM:
輸就係度發爛渣

誰人發爛渣?有人開個topic話理智點吧! 亞洲球隊的擁戴者! 即係隱喻左所有亞洲球隊的擁戴者係唔理智, 仲要話登南韓入唔到16強唔抵既人要理智d...對於呢d標籤化既品評作出糾正就叫作發爛渣? 無人夠你講lu~~~

檢討原因作出改善

我地係教練團嗎 ?

像你們只沉醉於昔日光輝, 不思進取, 將會輸得更慘

係呢度有邊個沉醉於昔日光輝, 一味捧亞洲球隊上天? 抱歉, 找不到, 大家只係對南韓打唔入16強而可惜, 但從來無講過佢地可以再係wc作一番作為...係你自己以為大家咁諗啫.

HansChan

其實一路都係講緊樓主對擁護亞洲球隊的人有底毀既字眼--->"理智點"一詞!
之前亦講過, 擁護同盲目吹捧係兩回事.....擁護一隊球隊同隊波有冇實力係可以冇直接關係(哩啲叫支持)......但唔係話隊波實力唔夠進唔到級啲球迷响樹賴地硬(哩啲叫盲目!)
雖然樓主層話人誤會咗佢,又作出咗解釋.....但同佢一開始既原意係出入的!
第二個留言就話係講緊嗰啲盲目吹捧亞洲球隊既人......
但一開始明顯係話"支持亞洲球隊既人,都因亞洲球隊出唔到線而怨三息四!!"......對支持同盲目吹捧分唔開之餘仲有點對支持亞洲球隊迷不敬!
我唔否認樓主對兩枝亞洲隊既批評有固中道理, 只是佢憑乜叫支持亞洲球隊既球迷"理智點"?? 我本身亦有支持南韓的.......實話實說我亦認為佢哋難同世界勁旅比較......南韓人自己唔知咩??明知自己實力不足就唔可以盡力一試進級??甘以樓主既立場,哩啲隊根本冇資格參加世界盃...甘世界盃又做乜要有亞洲球隊既分兒??再講進級唔一定係實力超群就可以..好多嘢include响入面, 如球隊部置及爭勝心, 領隊既功力將球隊發揮到最好(如今屆既澳洲!!!).. 欣賞及支持哩啲球隊點唔理智??
講反南韓甘, 樓主認為南韓實力不足以出線, 所以出唔到線係應該, 而認為南韓出唔到線係唔抵既人就係要"理智點"!! 甘樣立論佢覺唔覺自己過份?? 南韓實力係不足, 但人哋球員因種種因素攞到4 分...4 分出唔到線係好唔抵, 實力不足但盡力攞到好成績但出唔到線係更唔抵!! 有幾唔理智???????????今日報紙見到南韓個新聞女郎一路報南韓出局既消息一路喊...自己支持既球隊落敗到傷心係好合理......但樓主所言.....南韓根本唔夠班, 出唔到線係應該,覺得唔抵喊既人就係唔理智喇!!!
一路都係講緊樓主哩種態度問題......而唔係唔接受亞洲球隊實力不足哩個事實.....