sonyguy

<公認為世上最好既劊子手>...?
呢個好似無聽過...
不過個人認為費高既窒步射法其實係多餘...
因為佢跟本唔係捉龍門心理...
好多時...龍門郁先...但費高都係射埋同一邊...
所以基本上我覺得...
佢既窒步只係一個噱頭...無實際用途...

我覺得段文章講得好好...
當然乜野<射上角係十二碼既死穴>呢d係阿媽係女人既道理...
但...<由此可看出英超文化於12碼的處理上何等不濟，而英格蘭於大賽中被12碼淘汰出局的下場又怎會是偶然呢﹖>呢句真係好有道理...

我想講既係...
e+討論既係射得靚唔靚...有無信心射...而唔係入唔入既問題...
射得靚都可以唔入...(同樣射得唔靚都可以入)
好有信心射都可以唔入...(同樣無信心都可以入...)
英格蘭球員普遍都係好無信心...射得唔靚...
係唔係同佢地既足球文化有關?? 呢個真係有代研究...

如果話係佢地唔入因為佢地都背負著好大既壓力...
同樣既情況有少少似NBA入便射罰球...
我唔覺得要在罰球線射入會易過十二碼射上三路...
但好多NBA 球員都有90%以上既命中率...
佢地面對既壓力唔會比足球員少~~!!
(好難直接比較足球同藍球...不過都係突然諗到...所以講出黎~~=)...)

[ Last edited by sonyguy on 2006-9-17 at 12:37 AM ]

chrislovegill

Originally posted by sonyguy at 2006-9-17 12:35 AM:
<公認為世上最好既劊子手>...?
...

一場足球會出現幾多次十二碼呀?籃球一場又會有幾多次罰球呀?
十二碼好少有,所以有極刑之稱,人波機會大之餘壓力又會好大
但係籃球罰球出現得多而且唔算難入
所以兩者唔可以比較~

robby

根本好多時講哩啲嘢都係得個講字!
好多人都係覺得個球員本身勁或球隊名氣大就同十二碼必贏掛扣!
十二碼唔係中籠或唔係向唔夠角度位置碌埋去先叫唔靚!!
今屆世盃, 睇睇德國班友!有邊個夠膽話佢哋射得唔靚??有勁度,角度.....唔係球球都上三路,但龍門救到既機會好低.....
英格蘭??對葡萄牙,甘多個射得夏拉維斯入....佢只係射得夠勁度,角度一般,但列卡度撲到都入,甘代表啲乜?代表咗其餘幾個射得唔好囉! 係,龍門係捉到路, 但你練十二碼時都會遇龍門捉到路啦...佢哋可以練到好似班德國佬射得甘靚入既機會咪大好多囉!!唔係冇英格蘭佬得格...以前舒利亞,舒寧咸.....唔球球收死你咩?? 佢哋退下來之後, 冇哩啲射手之嘛!!搞搞下碧咸哩啲都話射十二碼既.....佢下下好似拗柴甘既腳,射罰球咩!!罰球路程遠,個球有時間高處墜下...十二碼喎!!唔抄飛機有鬼囉!!下下射失就賴草皮! 自己打職業既响場邊嘔到隻狗甘..之後仲扮晒嘢又話唔做國家隊隊長!而家好囉,選你都嫌嘥時間,英格蘭球隊成績突飛!全英格蘭人都真係多謝佢!!
講返十二碼.....德國佬射得好..但我比較欣賞以前既巴的斯途逹.....佢係下下硬轟中間!!就係搏你龍門唔夠膽唔捉左右兩邊!!就算龍門有數據知佢實中間, 都唔夠膽唔撲兩邊...印象中都好似真係得一件半件名不見經傳既龍門係夠膽企定中間而救出佢既射門!!

高手

12碼只有2個可能性
一係入，一係唔入

BarristerSpring

Originally posted by 高手 at 2006-9-17 11:56 PM:
12碼只有2個可能性
一係入，一係唔入

高手 高手 高高手 .......

76

足球唔可以同籃球比.........

籃球射得好就一定入
足球射得好就可能比keeper 接到

michael86

不如調返轉話英格蘭咁耐都出唔到一個撲12碼叻既龍門...
英格蘭近兩次失利都係對住撲12碼叻既列卡度