美女班房

kuhoming

現袋教育又有新搞作，搵kensir一皇拖二后，帶住兩條短裙仔，強勢推出補習皇牌至激班：「美女班房」(廣告片)。課程嘅索索聲有如用左鑽石能量水洗菜，攻勢簡直一柱擎天，令全城男同學肅然「起敬」，齊齊現袋化。

美女班房一推出，所向披靡，連早排憑「巫極」裝扮紅極一時嘅鐺袋書院三大畸呢怪都即刻被比下去，當中以猜枚教學奇技「三個字呀六個字」成名嘅S-men都話唔做補習天皇，改去做補習學生。

美女班房嘅一眾美女更迅即引黎日本電影界嘅垂青。多間日本電影公司準備出超高片酬邀請眾美女參與拍攝「痴女教師」、「誘惑の教室」、「家庭教師の誘惑」等日劇。港女揚威日本，令人熱血期待。

美女班房空前成功，各補習社有意抄橋推出加強班，將全學校改裝，並設置美女band房、美女生物實驗房、美女休息房、美女電腦房、美女沖涼房等等，實行全校美女化。而短裙裝亦會升級，推出deep V、Low Cut、Lace透視裝等服飾，務求令美女學校胸前成功。

不過此舉亦令社會有好大反響。有學生投訴，自己參加嘅美女班房變左「美女扒房」，紛紛向消委會投訴。消委會表示會對有關班房進行鑽石能量水式測試，睇下係咪掛女頭賣扒肉。

平機會亦接獲投訴，指現袋教育冇設立「美男班房」，令一眾女學生銀牙咬碎不特止，仲要成績猛進，擔心將來大學男女比例嚴重失衡，男同學嚴重冇女溝。

教統局則收到數千宗投訴，指呢啲補習社用美女班房教英文絕不恰當，應立即改為教生物科，全年只教一課——Reproduction。

中學出現罷課潮，有名校男學生公然指miss醜樣，集體罷課，並上書李國章，以會考零分要脅，要求所有miss入職前要考取「美女基準試」。

另外，有兩成就業人士已辭職(包括s-men)，重考會考，令香港生產力嚴重下降，預計未來出生率卻會大大提高，香港前景堪憂。

有家長入稟法院，指仔仔參加左美女班房，成績不升反跌，意圖向現袋教育索償。不過現袋教育回應指，美女班房係一種增值服務，所增值嘅係美女而唔係教學。如果家長唔係想仔仔搵美女方面嘅增值，其實叫佢地番去自己學校俾心機聽書就夠。

[ Last edited by kuhoming on 2006-11-7 at 09:16 PM ]

tree728

你搞笑??

76

唔係newspaper ma? = =

天下一心

Originally posted by 76 at 2006-11-7 09:30 PM:
唔係newspaper ma? = =

梗係唔係啦

bbho

其實補習都係為咗佢d notes 同埋 tips, 如果加埋美女, 我一定上啦

mvspires

佢真係好野,人做我唔做,殺出新血路,將補習班 AV 化

vally

我覺得e+個d野...開始慢慢變啦....d補習班都開始啦

76

Originally posted by 天下一心 at 2006-11-7 09:34 PM:


梗係唔係啦

angela 好索

Edgar_Davids

一個好爛 gag ~~

不過實在不切實際。

feuosma

Originally posted by Edgar Davids at 2006-11-7 22:59:
一個好爛 gag ~~

不過實在不切實際。

杜夫可唔可以回我???