[股票經營] 小孩講股：02/05/07好淡角力，靜中待變

笨小孩

氹仔果邊大暴亂，警民衝突仲開埋槍添。香港呢邊好友淡友都打得火熱，雖然全日波幅不足百五點，不過杜拜巨資入主滙豐，好友跟風追入，淡友不甘示弱，狂沽中移還擊，期指繼續大低水，好淡角力，形成內困待變格局。宏調陰影未散，國企股陰雲密佈，核心股五行三保全面下跌，哇哇哇，中字股全部跌到媽媽聲，散戶個個喊咁口，睇到中行、工行個價真係火都黎，國企收市仲係一個月新低添…

其實有乜好驚，國企由一月開始調整，三月已經見底，嘻嘻，擺明營造緊肩位，不過仲有一個隱憂，大陸果邊人多錢多，資金犯濫，個瘋牛市隨時爆煲，A股爆煲，H股可以獨善其身嗎？呢個係小孩一直擔心o既問題。A股會唔會爆煲？幾時爆煲？阿爺幾時出招？有d野人算不如天算，若大陸股災，形勢唔同左，大戶認錢唔認股，滙豐就算有乜王子太子入股都係假，一個突發消息，天王老子都要止蝕離場！要錢唔要貨例子實在太多，早兩個月前又有邊個估到連滙豐都要發出盈警呢？

洛陽鉬業得勢不饒人，成交繼續旺盛，升到成13蚊，不過最後都係見高即沉，全因洛陽鉬食左豹子膽，斗膽登公告抗命不印2006年業績，下午盛傳聯交所會將它停牌或除牌，個消息真係勁搞笑，想整跌隻股真係乜都做得出，聽日又唔知會玩乜囉。

睇番杜仔果邊，今晚開市又升，又創新高，唔係下化？美股真係好勁，Keep住個勢，聽日港股就有望逃出生天！港男生性d啦，唔好成日都要靠阿爺！激死人啦！

講多無謂，都係求神拜佛聽日六合彩一定要中，我唔係好貪心，中七千萬就夠啦！


中..中..中..  中..中..中..  一定要中.....




免責聲明：本文純為小孩無聊之作，若對閣下造成任何投資上的損失，實屬不幸！

BOYDWAN

Originally posted by 笨小孩 at 2007-5-2 22:09:
睇番杜仔果邊，今晚開市又升，又創新高，唔係下化？美股真係好勁，Keep住個勢，聽日港股就有望逃出生天！港男生性d啦，唔好成日都要靠阿爺！激死人啦！

今日精句~

Originally posted by 笨小孩 at 2007-5-2 22:09:
講多無謂，都係求神拜佛聽日六合彩一定要中，我唔係好貪心，中七千萬就夠啦！

今日最精嗰句~

笨小孩

Originally posted by BOYDWAN at 2007-5-2 10:26 PM:


今日精句~



今日最精嗰句~

都係中六合彩最實際

littlepig

好消息盡出,大象都只係踏前$1.1,睇黎差不多見頂了

'nice'

一定支持你的post的,不過今日無野reply,
淨係想問:你今日買左六合彩未??