[轉貼]搞笑Ｇa廣東話名˙.。

大中国

1.有一次因工作關係, 同人交換卡片, 佢遞片俾我時好奇怪,耷低哂個頭...我一望張卡片, 都忍唔住哈一聲笑左叫黎, 因為佢叫“蘇育宣“ （So 肉酸)... 我諗佢係由細至大都俾人笑個名, 所以耷低頭, 諗落有點唔好意思添... （So Sorry)

2.有次係商場，有個男人唔見左個仔，於是就搵security ,幫手係商場廣播，話佢爸爸係門口等佢… 廣播內容係如下：「徐家權小朋友，你爸爸“徐定富”（除定褲）係門口等你…

3.(中文名)
洪梅貴（紅玫瑰）,
周新恆（周身痕）,
羅有大（籮柚大：屁股大）,
吳長大（唔長大）,
吳昭德（唔超得：不能看）,
吳美麗（唔美麗：不漂亮）,
林花（淋花）,
郭德雲（覺得暈）,
麥生仁（陌生人）,
吳廣德（唔講得）,
周蕙娟（周圍鉆：到處鉆）,
鍾樂海（鐘落海：跳進海）,
柯蘭詩（屙爛屎）
劉比蒂（流鼻涕）
史塔蓋（屎塔蓋）
黃嘉嵐”（黃加藍）--- 變綠?

4.宥嗰三兄妹 : 遊詠富（遊泳褲）, 遊詠依（遊泳衣）, 遊詠慈（遊泳池）...遊世伯, 咁大整古呀!

5.上次去臺灣某銀行唱臺幣...睇一睇櫃面個名牌... 個服務員叫“吳曉郁”（唔曉郁：不會動）...一 行六人冇個忍到笑...

6.仲有,有冇聽過人叫“陸浩昌（6號窗）,伍浩昌（5號窗）“??? 陸浩昌先生,請即到5號窗;伍浩昌先生,請即到6號窗!!!

7.其實聯婚都好好笑，例如：“賴廖聯婚”（賴尿聯婚），“賴史聯婚”（賴屎聯婚）.......“史廖聯婚”..... 等等.........

8.“賴史羅庫利米爾維奇”------賴屎落褲你米以為奇（俄羅斯名）

9.*一對夫婦生一子名叫阿笨。一天，阿笨突然離家不返，於是夫婦二人到差館報案。
警員問夫：“你叫乜名？”
夫答：“李廣仙”（你講先）
警員又問婦：“你叫乜名？”
婦答：“吳港住。”（唔講住）
警員大怒講：“錦你地來做乜？”
夫婦大聲齊答：“穩李笨。”（揾你笨）

10.*我有個F叫“馬熙帆”（麻X煩）啊！
搞到個個見到距到話麻X煩，哎！改個咁既名真系嘛X煩咯！

11.仲有個F叫“陳速新”，姓陳無問題啊，不過叫速新（畜生）就慘D，個個見到距唔會叫距既姓架，就叫畜生咋！

12.
吳潔芬 （唔結婚）唔......新時代女性，一於同居算
楊晞曈 （氧氣桶）亞爸亞媽真小心，驚我唔夠氧氣用
洪躍瑞 （紅藥水）跌親都唔怕!
車美霜 （車尾箱）果然有容乃大......

13.
有三姐妹叫：
周慧琴----周圍“琴”（意指：到處爬）
周慧娟----周圍“娟”（意指：到處鉆）
周慧嫻----周圍行（意指：到處走）
睇離佢三嗰都幾調皮喔..,

kingdom

有d都幾搞笑架wo
真係唔怕生壞命,最怕改錯名呀~
哈哈哈

oz2

我都識個朋友叫
１）周泰祥（周太長．．．嘩！）
２）吳進朝（唔俊俏．．．－．－”）
３）年玉喜（連肉起．．．好恐怖！）

jsp

Originally posted by 大中国 at 2007-7-18 01:09 AM:
13.
有三姐妹叫：
周慧琴----周圍“琴”（意指：到處爬）
周慧娟----周圍“娟”（意指：到處鉆）
周慧嫻----周圍行（意指：到處走）
睇離佢三嗰都幾調皮喔..,

仲有一個。。。周慧[敏]。。（意指：到處吻）