球員領隊最忌衰多口...

amigofans

車仔谷底反彈, 作客反勝華倫西亞....
其實華倫自從賓帥走人後, 已經不復當年,
車仔雖然走左個摩連奴, 但巨星球員仍在,
贏波唔係咩出奇事, 本來無咩好講,
反而賽前維拿一番說話, 有d野想同大家吹下水...

華倫西亞前鋒韋拿在週三面對車路士前向對手
發動口水戰，指領隊格蘭的能力無法跟前任領隊摩連奴相提並論。

韋拿指他看過車路士上週對曼聯一役的錄影帶後認為格蘭無法帶領
車路士像摩連奴時代一樣強大。

韋拿說：「我相信格蘭跟摩連奴不能相提並論。我不認識格蘭，但是
看過影帶後相信他和摩連奴仍有一段距離。」 (u-soccer綜合報導)

呢d就係叫做衰多口, 波係用腳踢既, 唔係用把口,
尤其切忌賽前 up d 說話刺激對手士氣, 呢種係蠢到加零一既做法....

記得幾年前, 曼聯作客對波圖, 費sir話人地波圖攞冠軍就如買牛奶一樣,
即係人地派比你, 唔洗爭都有, 因為對手太弱也....
結果up完之後敗走於波圖腳下啞口無言...

教過波圖既摩奴連亦衰過, 歐聯對利記前夕, 同傳媒講利物浦其實
一開始係搵自己教先, 係佢唔教先到有得賓尼迪斯手,
結果後者送佢出局, 答左摩奴連自己唔比佢差....

所以領隊球員切記波係用對腳踢, 唔係用把口....

hwkeung

除左多口會刺激對方士氣之外, 亦係囂張之表現, 正所謂驕兵必敗.

wyman05

不過韋拿首名入球噃

amigofans

Originally posted by wyman05 at 2007-10-4 07:16 PM:
不過韋拿首名入球噃

有個屁用咩, 主場輸1比2...