曼聯 vs曼城 球員逐個評

alanfcw

雲達沙：基本上維持一貫水準，唯一挑剔點就係第一球失球。佢救出果下手法似乎不太正宗，擋個波去中間，好似擺定個炮台比華素爾咁...但係綜合成場黎計，表現尚可接受。

布朗：攻守都有，但係好一般。對住快速既柏杜夫，正正就好似遇上剋星一般。對於佢，真係冇乜好講。

李奧費迪南：今日最差佢認第二都冇人敢認第一！幾次無壓力下交失波，有次仲差d失波，好彩維迪包到；有球諗住「得」位，點知比馬華路禾尼搶埋個波，險象環生。今日既佢，真係隨時英冠水準而已。

維迪：後衛中打得最好一個，包抄、攔截、頭球都表現出自己既水準，柏檔踢得差，佢一個撐起條後防線，如果佢有d火，鬧下隊友可能會更好，今日值得一讚。

奧沙：睇得出佢想落力助攻，但威力遠不及艾華，不論速度、技術...但防守尚算稱職，好難對佢有更高要求了。

C7：今日其實唔係好沉，但係佢上季至今狀態都太好了，所以今日既表現顯然唔合格，尤其是作箭頭時，更加受制於包夾防守下...今日冇左朗尼，佢踢得好辛苦，由此可見朗尼既拼勁、走動真係好重要；作為眾矢之的，雖然唔搶眼，但算係咁啦！

史高斯：今日踢得比熱刺果場好，控制到節奏，幫左好多波，防守都不俗，有球直線比到C7好靚，但係佢控甩左；可惜佢既侵略性已經越黎越低，始終年齡影響...但呢場表現算對得住人了。

安達臣：好有活力，但曼城中場亦非善類，無論突破、傳送都未及個零兩個月前果期咁好，不過睇得出佢好有心踢，被換出真係有d可惜。

傑斯：真係老矣，好多時都係踢「一腳波」，經驗老到，傳送更毒，但係速度已不復再，死一隻左腳都比人睇穿左八成，幾次「吸」波都唔成，今場威脅極低...

蘭尼：有兩次致命傳送，但其餘時間表現好差，出波又彎出底線，突破又冇，比人換出都好正常，再無改善，今季出場機會只會越黎越少。

泰維斯：單箭頭衝鋒陷陣，仲要面對米卡李察士同鄧尼，真係遇左冇啖好食，冇左朗尼作掩護，亦都沉左好多，只係上半場一球禁區頂半車身
「窩利」令人留下印象。

（後備）朴智星：費格遜應該係想用佢既體力、拼勁帶d活力落場，但係星仔一人之力始終衝唔散曼城鐵壁...中規中矩。
（後備）卡域克：短時間出場機會已有一個入球，冇得挑剔了。
（後備）夏格維斯：又係出得果一陣，不過有兩球睇到佢真係組織唔到攻勢，甚至最後階段都要比番個波隊友做，唔敢斬上去。


都係果句啦，輸波唔緊要，但你要比球迷睇到你地有「心」踢丫！
下個禮拜先對阿記，乜都抖夠啦，朗尼、艾華都出得番，
唔好講勝負，希望你地生生性性，至小踢番場好波啦。

[ Last edited by brightlee on 2008-2-11 at 08:23 PM ]

amigofans

ALAN兄, 有咁多對曼聯既寶貴意見, 的確唔錯, 但下次post曼聯既不仿po係"奧脫福茶餐廳",
入面一定有一大堆fans等住倍你講....