LIUSHEK

其實阿仙奴下半季開始跌watt, 最大既因素應該係球員既心理質素差!!!
諗返轉頭, 阿仙奴o係聯賽連和4場之始, 就係達施華受重創果場波!!
有睇果場波既兄弟, 都知道當睇到達施華受傷果一刻, 阿仙奴既球員既面上都係流露出惶恐既表情, 而且o係球場上既表現即刻亂哂籠, 仲俾打少一個既伯明翰先入一粒!! 雖然o係下半場反先, 但其實已經浪費o左無數個拋開比數既機會, o係完場前再被一個咎由自取既12碼被對手追平!! 阿仙奴球員既信心o係果場波已經被嚴重破壞, 單係見到球隊最有經驗既加拿斯賽後坐o係球場喊就已經可見一斑!!
往後既比賽, 阿仙奴已經踢唔返之前所有既霸氣, 成隊波患得患失, 而對手曼聯就越踢越順, 幾場波之後就由落後7分變為反超前, 阿仙奴就越急越見鬼, 球員同球員之間又唔o岩, 艾廸巴約居然會o係比賽用頭撞賓特拿, 而列文同艾蒙尼亞o係聯賽未完已經公開對罵!!
球員心理質素咁樣, 又點會踢到好波呢?

fderek

年年阿仙奴都係3月開始仆直架啦
原因頗簡單: 阿仙級既後備兵源較少同埋質素差
主力球員一有受傷球隊既表現就大打折扣
另外佢地比較少全面性既球員
一係就純技術:法比加斯 希比,一係就純體力或速度型:托尼,伊保爾,禾確特
全隊比較全面算係加拿斯同艾迪巴約
最後的致命傷就係賣走哂D老大哥: 龍格寶, 皮利斯, 亨利等
睇下曼聯點解到依家都仲唔肯俾史高斯,傑斯退下來
大家應該明白球隊有老大哥的重要性了~

kaing

其實我覺得阿記既中場係...真係好強...
論速度,傳送,合拍....絕對可以叫頂班...
曼聯對羅馬...同阿記對曼聯...可見一班...

只可惜係前場把握力不捉...後防欠信心...
lee 兩樣係致命....
其實阿記既中場傳送組織上前...殺傷力真係好大...
如果艾迪巴約把握好d 唔只入20球波...
雖然我覺得艾迪都交到功課...但係佢就怪d...d 好q 難入既佢又入到...
真係空曬食得既...又可以....射到....><

不過昨日曼聯果個場...列文真係交曬功課....被入果個兩球...
真係輸得心服口服...不過都係多口一句啦....果球12碼...
雖然無誤判....但係我覺得如果真係唔比12碼....
到時就真係攪笑...

Shaqleung

Adebayor 真係盡哂人事架啦~其實個陣容問題都唔太大,真係衰後備.到禾仔有料又唔敢用,後防既後備兵源更唔夠,senderos, traore, djourou全部都未成大器~其實雲加真係需要一兩個老將去ballance下......今年gilberto silva又打得唔好~打長途戰真係惡打~

反而費sir,雖然呢幾年我都好唔滿意佢d換人既方法,同埋用咁多錢去搵後生仔,但係證明佢真係幾有眼光.同埋之前都好多人講過,其實佢今年換人都換得幾好~用人方面亦都好好.睇到布朗,艾夫拿,尤其老將史高斯,傑斯收放自如,仲有tevez~不得不服~

雲加係揀人既眼光真係唔錯~但係可能太重視後生仔啦...~

supsup

達施華既斷腳絕對係全隊波既轉列點,當時既達施華當然是之前雲佩斯受傷既雷霆救兵,
但還有個重點係他對伯明翰果場,被馬田泰來踢致倒場後,
其實當時有時都有數位阿仙奴球員走向前示察是什麼情況,法比加斯被嚇到目定口呆,法明尼既一下長嘆....今人心酸,而在這剎那班小將既心理質素已經轉變,有d擔心戰友既傷勢,
而重點係會以自己作這事作一個比喻,恐怕自己都會身受其害,
再見不到水銀射地,耀眼星輝既阿仙奴足球,加上運氣問題,縱使班小將付出比人多數倍既努力,
都難途厄運,其實好多阿仙奴既fans都已經睇化,只要欣賞到阿仙奴既悅目足球已經係賞心樂事,
禾確特既70碼連過4個助攻,作客AC勝利,還有達斯華既凌空半倒掛,雲佩斯既假身射球,都會令每個阿仙奴FANS記憶猶新,雖然命運係由WIN到和,和運LOSS既兩場歐聯賽事,
依家既阿仙奴已經贏盡口碑,無人會覺得入唔倒4強係佢地唔夠利記打,只係人為,只係黑商作業,
多謝一班不是阿仙奴FANS橕阿仙奴,奕都多謝一班阿仙奴既FANS不離不棄!!!
繼續支持具觀賞價值既足球!!!

amigofans

Originally posted by kaing at 2008-4-14 02:32 PM:
其實阿仙奴我覺得只係差後備,一個係可...

用艾利亞迪利黎同朗尼比, 已經可見到你既"準則"...

艾利亞迪利兄係阿仙奴幾季既入球數字, 絕對會令世上任何一個領隊掃佢出隊..
雲加掃佢唔單止無錯, 用謝菲斯黎比, 佢已經好好彩有咁多時間機會...

至於講番場波, 點解和確特無正選, 其實係非常正路,
因為無人會係一場咁重要既比賽度, 出晒車馬炮,
正如曼聯都留一手tevez就後備, 唔出火力最強既3差擊...

試諗下當日和確特係正選, 到被追和或落後果時,
換入黎果個係無咩狀態既雲配斯, 係咪仲衰??

amigofans

Originally posted by kaing at 2008-4-14 07:31 PM:
其實我覺得阿記既中場係...真係好強.....

放低個12碼心結啦唔該, 要話曼聯好彩或者阿仙奴唔好彩有球12碼,
不如講下曼聯果兩球救番出黎既烏龍啦...

比雲達沙救番100次都可能救唔番出黎...

kaing

Originally posted by supsup at 2008-4-14 10:13 PM:
達施華既斷腳絕對係全隊波既轉列點,當...

非常同意...我本身就唔係阿記fans 我本來就想曼聯追過阿記...
但係由阿記達施華既斷腳開始留意lee 隊波...
真係好老實...好自然慢慢就想希望佢地可以勝到...

而且都好老實有阿仙奴既比賽...真係可觀性十分高...
佢地既打法...雖然穩定性唔高...但係真係好正...
佢地既快速傳送...one two...no look pass....
我以近幾場佢地咁既人腳...咁既體力...打到咁既水準...
4大聯賽...真係無咩邊幾隊係有lee d 水準...

而且阿仙奴...d 球員真係好低人地想幫佢地...
球證既誤判...or 不如意既事...佢地隊波...都唔會有咩爭執...
唔會點發脾氣...真係忍得住...

kaing

Originally posted by filter-052fans at 2008-4-14 10:25 PM:


用艾利亞迪利黎同朗尼比, 已經...

算啦...其實我真係唔想同你傾...
你下下都反人地既論點...將自己既觀點放係人地度...

場波踢完...大家點馬後砲都可以...
無問題...
但係你就講到自己個d 絕對無錯...

我真係無咩野想講...以個別比賽以論...朗尼昨日既表現我真係唔收貨...
我本身係曼聯迷...但係我真係以波論波...

kaing

Originally posted by filter-052fans at 2008-4-14 10:31 PM:


放低個12碼心結啦唔該, 要話曼聯...

我覺得你真係錯左啦...我唔係因為阿仙奴先講果球十二碼...
我只係覺得誤判係唔可以接受既事...你可以接受係你既事...
我唔接受係我既事...放咩低ja...我唔覺得我有錯...

我只係追求公平既比賽...好似西甲個d 我唔睇啦...
但係咁大既賽事我真係接受唔到可以有誤判羅...
歐協我都唔講啦...假到無朋友...