|
- 帖子
- 47282
- 精華
- 0
- 威望
- 352
- 魅力
- 47472
- 讚好
- 197
|
145468#
發表於 2020-10-4 05:21 PM
| 只看該作者
想討論一下 , 世界近代各國的社會基層結構
小弟以前睇歷史 , 鐘意睇王侯將相呢 D上流人物 ,
不過E+人大左 , 反而更加關係同我地生活息息相關既基層組織
理論上 , 西方政治中最理想既狀態 , 應該社會上個個係自由人
生活唔需要比基層組織綁定 ... 但我最近先發現 ,
就算係西方 , 都有好多組織綁定左個人生活
當然 , 現代社會一定有唔少自由人 , 但基本上同你所處既階層
係直接成正比 ...
印度 泰國 東南亞等鄉村
--鄉賢 / 地主
印度 泰國 東南亞等鄉村其實仍然由鄉賢 地主所控制 ,
印度之前國大黨執政 , 就係依賴鄉賢 地主幫佢掌握地方選票
甚至係泰國 , 就出現政黨執政時鄉賢 地主勢力越強 ;
軍方執政時 , 鄉賢 地主勢力越弱既情況 ...
前蘇聯 中國 北韓 越南 古巴等
--黨的基層組織
社會主義國家基本上 , 就係最能夠將政策貫徹到基層既國家 ,
就係因為佢地有強大既基層組織 ...
印度人民黨既莫迪 , 可以扳倒國大黨上台 , 而且幹出一定成績
就係因為佢地基層組織RSS既強大 , 可以架空鄉賢 / 地主 ,
直接係基層落實政策 ...
北美 西歐等基層或底層社會
--壓力團體 / 工會 / 社福組織
係睇北美 西歐政治時 , 好多時會見到 "壓力團體" 呢4隻字 ,
佢當中最有代表性既係工會 / 社福組織 ...
其中工會對工人影響最大 , 當然佢地會爭取工人權益 ,
但佢得要交會費 , 如果罷工運動期間你返工 , 即使本人無入會
都會比佢地暴力攻擊 , 因為你係 "工賊"
至於社福組織 ... 因為政府就部份福利 , 包括現金等 ,
都唔係直接自由派發 , 而經由社福組織發放 , 有部份社福組織
其實係政黨傾向(工會都係) , 咁變成又綁定了選票 ...
日本 南韓等大城市
--企業
因為日本 南韓好多企業都係行終身僱佣制 , 亦變相令 "企業"
成為員工生活上最重要組織 , 甚至有 D家長式管治既味道
相反 , 因為終身僱佣制 , 又變相令企業唔敢直接聘用正式員工
令日本 南韓有大量兼職社員存在 , 為左有人可以轉正 ,
反而又變成最服從企業既一批 ...
西亞 非洲等
--部落
如果有睇如沈旭暉等 , 香港國際政治代表性學者既文 ,
都會知道 , 西亞 非洲社會基層政治單位 , 亦=就係 "部落" ...
不過又唔好將 "部落" 睇得太落後 , 如果查下定義 ,
其實 "部落" 同 "氏族" 既意思相差並不大 ... 再簡單 D來講 ,
中國南方既咩牛家村 李家村 , 其實都可以視為部落
再簡化 D講 , 部落政治其實又接近於鄉賢 / 地主政治
早期拉美地區
--種植園 礦場
小弟之前研究過拉美歷史 , 拉美早期經濟依賴種植園 礦場 ,
政治上不論早期的考迪羅(軍閥) , 還是中期既封制式政黨政治 ,
背後無一不靠種植園 礦場既支持 ...
係呀我無講錯 , 係封制式政黨政治呀 , 因為佢地可以祖孫幾代
以及整個地區 , 都支持同一個政黨 ...
有時種植園支持紅黨 , 礦場支持白黨 ; 有時一部份種植園 礦場
支持紅黨 , 另一部份支持自由黨 ... 甚至兩黨唔係靠選票 ,
而係靠戰爭劃分地區 ...
巴西貧民窟
--黑社會
巴西貧民就係主流社會併棄既一群 , 佢地集中住係貧民窟 ,
因為被併棄於主流經濟之外 , 自然從事政府規犯之外既經濟活動
而黑社會其實就係因此形成既社會組織 ... |
|
