搭巴士

xkyo

搭巴士                                                                                                        

[按此打開][隱藏]

                                                                                                                                                                                                                                呢個都係以前聽電台節目(蔡生做主持)有位聽眾打上黎講既……
事主每晚返工都會搭巴士返屋企(唔記得邊度，
剩係記得係港島區)，事發當晚事主要 OT ，
所以太約十二點幾先去到巴士站，當時巴士站冇人，
得佢一個，等到巴士到佢就上車，
佢坐咗係下層最近司機既位置，
當時車入面都有幾個乘客，初時佢都冇為意，
但係望望下，發現其他乘客都木無表情，
而且巴士轉灣時，個身郁都冇郁過……
佢開始驚，就想叫司機停車，
點知望到個司機同個 D 乘客一樣都係木無表情，
個時佢驚到唔知可以做乜，好彩呢個時候
佢見到前面有 ROADBLOCK ，而個司機又
好奇怪咁照停車開埋度門，有個 PC 仲上埋車，
事主都唔諗得咁多，梗係乜都唔理就衝咗落車向前跑，
當跑過 ROADBLOCK 個時……
佢回頭望，成條路乜都冇而且好靜，
就得佢一個自己企咗係度……

(PS:雖然我聽個時都覺得有 D 誇，但如果真係遇到都幾驚....)