袁媽媽私房菜

win715

是日一家 12 個人去袁媽媽私房菜。




就係咁多人先顯得袁媽媽嘅功力，是日袁媽媽煮咗 11 個餸加煲咗一個老火湯，總共 12道菜，勁嗎?



帶大家睇下袁媽媽煮咩餸啦，唔好流口水流到成地濕哂喎。

冬菇燒肉炆海參：冬菇要用乾個隻，唔識整呢個，復雜呀!



炆鮑魚：一定唔識整0家啦，不過炆鮑魚就炆咗 4 日啦。



我地一人一隻南非乾鮑，好富貴啊!


炒土豆絲：薯仔要切絲，最緊要係要用日本米醋呀，記得用煙肉起獲先香口好食。



脆皮素雞：袁媽媽呢個唔係用豆乾整0家，係用好多腐皮卷埋一齊再煎脆個皮。



乾煎蝦碌：要用大蝦，有膏個種，因為成班人都食唔到辣，袁媽媽無落辣椒，落隻辣椒仔會好食好多。



梅菜扣肉：都係唔識整，不過最好食嘅一定係啲梅菜。



清蒸雲腿冬瓜夾：將冬瓜去皮切件，再將中間開刀釀片金華火腿，之後隔水蒸。



椒絲腐乳通菜：都係一般普通菜式，不過袁媽媽啲腐乳係加工過，都唔知道有咩係入面。



臘腸魷魚蝦乾炒九菜花：呢個正! 好香口。



袁媽媽版桂花炒瑤柱：袁媽媽話啲瑤柱要用凍水浸，唔好貪快用熱水喎。



古法蒸走地雞：都係個句啦，唔好蒸太耐，啲肉會鞋0家!



袁媽媽老火靚湯：花 膠鮑片煲雞：問過點解會煲到白雪雪，袁媽媽話啲料靚咪得囉，車!




計過數，呢個大餐位位 $200，每位 $200 可以食到咁多嘢咩，都係屋企食飯好!