周杰倫《地表最強世界巡迴演唱會》，南亞黃牛黨搞搞震

港燦男

  

地表最強周杰倫下年1月來港舉行紅館個唱《地表最強世界巡迴演唱會》，暫定開六場，門票今日開始公開發售，點知開售20分鐘已搶購一空，除咗周杰倫fans，仲有勁多南亞裔黨。有網友話開頭只得一、兩個南亞裔人，不過差唔多開賣嗰陣有疑「蛇頭」企喺度搵人插隊，一個二個買完就入落公民袋，好明顯係排隊黨囉！
小編真係唔明，香港呢個文明社會，就連康文署book場打羽毛球可以網上預約，偏偏買演唱會門票，唔係信用卡打電話，就要人肉排隊，加埋時間成本勁低的南亞裔人幫手排隊，香港人每次買略為熱門的演唱會飛，幾乎都要捱炒價。除咗今次周董，排隊黨都唔係第一次攪攪震，以下幾個例子，一齊回顧下。

五月天
今年五月天來港開十場演唱會《Just Rock It》，南亞兵團結隊圖打尖驚動警方到場，聽講唔少係持行街紙嘅假難民，兩日都有$400日薪，如果買到一張可額外獲$200，如成功買到四張，兩日便可淨賺一千六百元。


Sammi
被黃牛黨視為最好賺嘅女歌手之一，每次開賣，售票處排頭位都係南亞裔人，甚至封Sammi做「南亞女神」，淘寶網則有大量飛出售，但不知真偽，而
Sammi亦曾開腔叫fans唔好買黃牛。


Lady Gaga
美國天后Lady Gaga於5月來港開4場演唱會，雖然最後一場演唱會嘅門票更只限於網上及電話訂購，諗住打擊「排隊黨」，點知其他場次都有價有市，有人即於網上炒賣Gaga演唱會門票，最高票價的$1,580元門票，更炒高至$30,000，十分猖獗！

港燦男

點解改個咁膠既演唱會名   

港燦男

當今只有「巴塞」先夠膽話自己地表最強

港燦男

當今只有甄子丹先夠薑話自己地表最強

港燦男

膠髮王就真