俾老公叫「蕉蕉」 岑麗香婚後計劃造人：生咗第一個先

自拍男

咁既尊容   

【星島日報報道】岑麗香（香香）與Joshua（強強）行禮後，正式升呢為「強嫂」香香於溫哥華時間六時左右，換上裙褂並孖實強強接受傳媒訪問。強強更應傳媒要求，兩度親吻香香，二人又全程十指緊扣，大放閃光彈。
香香升呢人妻，問到「香香」一名會否被改口？廣東話不太靈光的強強笑說：「強嫂啦！哈哈哈！」問到他私下如何叫香香？他笑說：「蕉蕉囉！（點解？）香蕉嘛！」提到香香經常讚他，問到他覺得香香如何？他說：「好好好囉！哈哈哈！」
新人透露擺約30圍酒席，婚宴以拖手熊仔糖及聖誕節為題，因此場內都以白色為主。談到今早接新娘情況，香香透露兄弟們都相當辛苦，除了疊羅漢還要用腳指食葡萄。
問到行禮時可有感動落淚？香香說：「教堂見到親朋戚友，又見到佢係另外一面。我好眼淺，見到咁樣已經眼濕濕，我埋到去佢已經畀紙巾我。」
此外，日前香香提到婚後都會先過二人世界。問到他們可有計劃生BB？香香直言會生BB，但日期未定。問到可有共識生多少個小朋友？香香笑說：「生咗第一個再睇吓點先啦！」