元老有冇睇過梁愛做戲?

自拍男

TVB經典綠葉


查看相片

(採訪：戴彩煥)(攝影：馮嘉銘、陳慧安)
更多
「當你有工人，你要識使工人，你冇工人嗰陣，你要識做工人，有雙手你就搵到兩餐。」這是81歲前無綫「御用工人」梁愛最深切體會。
人稱愛姐的梁愛，是已故名導演左几太太，60年代拍粵語長片入行，直至70年代開始在無綫《江湖小子》、《狂潮》、《京華春夢》、《誓不低頭》、《他來自江湖》、《流氓大亨》甚至早前重播的《義不容情》等劇飾演女傭，由民初到現代，服侍過的事頭閒閒地過百。
原來，「御用工人」愛姐最風光時，曾經擁有3個工人和一個司機，直至67暴動，變成一無所有。
愛姐日前接受《蘋果》專訪時說：「我都做咗幾十歲人，風光又試過，捱窮又試過，67暴動我又捱過，左派同右派鬥，我先生本來同泰國拍咗啲錄影帶同電影，佢哋話佢係左派嘅人，賣唔到過去(泰國)，一夜之間唔見咗成60萬，破咗產，我由3個工人，結果我自己做咗工人。嗰時香港環境立立亂，佢又冇工開，我又冇工開，大家咪食穀種！」
為生活，愛姐走去工廠做包裝工人，丈夫亦變賣自己珍藏的魯迅作品及其他名書過活。愛姐感慨：「一個人擁有嘅嘢唔係必然，所以我奉勸每一個人，當你有工人，你要識使工人，冇工人嗰陣你要識做工人，有雙手你就搵到兩餐。」
後來麗的電視（亞視前身）邀左几和愛姐加盟，兩公婆一個幕後一個幕前，生活總算穩定下來。至70年代，愛姐過檔無綫，開始當上「御用工人」。
「可能我比較醒啲，有好多環境要自己執生，第二，我嗰時好發錢寒，因為我要供個仔喺英國讀書，工人係咪最容易搵錢呀？對白唔使記咁多，可以走幾組，老實講，嗰時都係為錢啫。後期冇咁為錢，咪話唔玩囉，識攰咪唔玩咁多囉。」
00年愛姐重返亞視後，也不時演女傭角色，隨着亞視減少劇集製作，愛姐開始淡出娛樂圈，僅偶爾客串舞台劇和港台劇集演出。
前年年中，愛姐在街上仆倒受傷，留院足足數個月。這一跌，愛姐體重由110磅急跌至73磅，亦因這一跌，導致腰骨痛，要經常服用止痛藥。
不過，止痛藥止得住愛姐肉體上的痛，止不了心靈上的痛，愛姐一生最疼錫的獨生子，數個月前在加拿大因隱性心臟病發猝死，終年55歲。
「上邊要人，佢咪收囉！佢同我say goodbye都冇講，咁就走咗啦。」提起獨生子，硬淨的愛姐忍不住落淚。
「我好似老鼠拉龜，佢走咗我唔可以跟住走㗎嘛，我要堅強！人哋覺得我會發癲，我畀佢睇到我係可以活下去。我本來唔郁得嘅(前年跌傷)，我o依家話畀佢聽我又郁得、又可以活下去，我為呢個仔好緊張，所以我話我表面風光，內裏陰乾，一個女人，就算畀老公激親都唔係咁乜嘢，但你一生人嘅希望，個仔又唔係唔乖，佢又孝順、又好，一年返嚟睇你兩次，佢失驚無神離開咗你，你有乜嘢感想？在我嚟講好似耶穌釘十字架。」
愛姐跟丈夫左几，在片場邂逅相戀結婚，婚後誕下一子(左几與前妻有四子)，後來為了兒子讀書而舉家移民溫哥華。97年左几病逝，愛姐00年回流香港拍劇，兒子一年兩次返港探望，去年兒子探完愛姐後，本訂了機票在去年11月初再返港，為愛姐81歲做大壽，豈料半年前兒子在家中猝死，愛姐回加國出席兒子喪禮，白頭人送黑頭人。
「不過佢死得好好、好舒服，佢從來冇心臟病，佢話頭痛上樓瞓覺，一瞓就瞓咗啦。」
愛姐邊抹眼淚邊說：「我同佢哋講晒拜拜，我哋三人行移民去加拿大，去完之後得番我一個返嚟香港，嗰種感受好難形容，我話：『阿爸，你個仔都跟埋你去下邊啦，睇我幾時嚟啦。』」
愛姐有一個孫仔一個孫女，兩個都快將30歲，在加拿大生活，愛姐習慣獨居生活，無意返加國定居，每日就由鐘點上門清潔打點，閒時相約好友食飯吹水。愛姐說前年仆倒受傷後，醫生本來評估她將臥床不起，叫她準備入住老人院，結果愛姐留院幾個月後，竟康復過來。
「我奉勸所有有病嘅人，一定要話畀自己聽：『我得嘅！』我起得到身……如果你插滿晒啲天綫(喉管)又唔死得，嗰種先係痛苦。命運弄人，如果我唔係咁硬朗，一早畀佢(上天)玩死咗！」
73磅的愛姐，仲撐得住。
查看相片

「御用工人」梁愛獨生子月前猝死，白頭人送黑頭人。
更多
查看相片

愛姐說兒子未有跟她說再見便先行離開。
更多
查看相片

想起兒子離世，愛姐忍不住落淚。
更多
查看相片

體重跌到73磅的愛姐說自己仍撐得住。
更多
查看相片

81歲梁愛說自己風光時曾有3個工人。
更多

查看相片

《義不容情》中落手落腳湊小朋友。 (無綫截圖)
更多
查看相片

《義不容情》中為雲姨照顧子女。 (無綫截圖)
更多
查看相片

《他來自江湖》演梁芷珊管家，跟周星馳鬥得相當精彩。 (無綫截圖)
更多
查看相片

《回到未嫁時》為黎明和梁珊一家打工。 (無綫截圖)
更多
查看相片

梁愛在《江湖小子》演羅蘭的女傭，周潤發是羅蘭的秘密情人 。 (無綫截圖)
更多
查看相片

《京華春夢》演汪明荃家女傭丁媽，跟阿姐有不少對手戲。 (無綫截圖)
更多
查看相片

愛姐《狂潮》演程一龍家的女傭。 (無綫截圖)
更多
查看相片

愛姐演工人冇難度。 (無綫截圖)
更多
查看相片

《誓不低頭》演陸國榮家工人。 (無綫截圖)
更多
查看相片

梁愛獨生子跟媽咪餅印一樣。 (受訪者提供圖片)
更多
查看相片

愛姐跟兒子感情深厚。 (受訪者提供圖片)
更多
查看相片

亞視年代與馬景濤和李香琴拍《愛在有情天》。 (受訪者提供圖片)
更多
查看相片

《天涯歌女》中跟譚炳文演夫妻。 (無綫截圖)
更多

自拍男

由細睇到大

自拍男

60年代粵語片睇到依家