旺角寵物黑店(所有準備想buy寵物or其他人一定要入黎睇！！)

neitly

旺角寵物黑店

旺角原來有五大寵物黑店，而且佢地仲有關連，買寵物時要小心！小心！
http://hk.geocities.com/coraluby2004/

neitly

專門醫死動物的診所

首選............紅磡獸醫診所
紅磡黃埔新村民泰街30號
23307556

已經醫死左好多狗狗啦(包括街坊同自己隻小狗)，個日佢同我隻狗打左枝怎就死左啦！
我個街坊隻狗d牙有事去睇佢，個醫生乜都冇講就叫佢流醫，點知第二日個護士打俾佢話佢隻狗死左啦，原來個醫生剝o西佢d牙，隻狗已經好老啦，試問又點樣承受到做手術剝o西d牙？
又有個街坊隻狗去o個度求醫，個醫生話隻狗
子宮有事，要做手術，點知做完手術就死左啦!

仲有好多，未能詳盡。如果係愛你的動物的話，就唔好帶佢去紅磡獸醫診所啦.............

neitly

請注意旺角有新黑店!!!!!!

我係6月2日係旺角登打士街昕悅寵物美容以$2180買了一隻松鼠狗，連用品共
$2600。買了後我便立即到獸醫檢查，表面健康不過重量過輕但最後都証實患了狗瘟。我便拿住醫生比我測試結果立刻到寵物店要求退款但被拒絕。於是跟佢地理論，佢地表示所賣的狗隻絕對健康不可能患狗瘟，叫我如果唔放心可以而家換過另外一隻，但絕對唔會退錢仲話醫生一定係驗錯。我話我對佢地已失去信心，如果隻隻都有問題我淨係比Body Check 錢都唔掂啦，但佢地堅持唔肯退錢，話聽日有新狗返會有獸醫打針，仲話最多呢次保證我7日，一般如果有問題再返最多保5日，單上面只寫24小時咁我地都算有責任，最後經過一倫爭拗，佢地只肯退回我買用品錢。我唯有第二日再去過啦，但即晚
佢地電話留言比我話佢地驗過隻狗係冇狗瘟。
於是第二日再去過，揀了另外一隻松鼠，我話如果呢次有問題我唔理你地一
定要退錢，其中一個職員話尋日果隻我地自己驗過都冇問題啦，唔知點解你個醫生話有問題，我便即時火滾，然你講得咁委屈我就還你清白，而家我比錢你同我一齊去搵另外一個獸醫去驗番尋日隻狗，如果有問題你即刻退錢，如果冇問題我番隻狗走。此話一出個職員即刻冇聲出，我就催促話快D行，最後佢就打比佢老闆，以下就係個老闆係電話度所講:
而家咩事?咪換個隻囉，我話你地話隻狗冇狗瘟，咁點解唔肯再去驗，我尋晚同佢驗係腸病毒我話佢冇腸病毒我點知我D員工點同你講呀，邊度有人好似你咁買完隻狗即刻去Body Check，你根本唔信我地，叫你放底隻狗比我地照顧你又唔肯(醫生話隻狗重量過輕好難醫好)我話唔通你Pro過獸醫?佢話你唔好理我點醫，總之你而家隻新去Body Check如果冇問題之後隻狗係生係死唔關我事，你估你係9姐呀你話點就點你都on 9 ，你咪告我咪登報我未驚過
你再係度嘈我報警，你自已話咁樣做對我地係咪唔公平(而家受害係我哇)近住仲Cut我線，雖然隻新狗驗過冇狗瘟，但第二日發燒又屙又嘔仲成眼眼屎最終都要再睇醫生又再驗過狗瘟醫生話暫時驗唔出但唔代表冇，打針連藥又$650
跟住果兩個星期我冇覺好，日日擔心佢，因為福福兩個星期我共用$4800，
不過好彩佢終於能夠好番，我買福福果陣寵物店話佢係迷你松鼠狗，但醫生話冇分迷你定唔迷你，純種比例上是呈正方形而價錢約$30000福福是長方形，雖然我唔介意福福是否純種松鼠狗，我在此分亨這經歷是不希望有人會受騙。

ar_koyeah

thx ar!!!

2RYAN

thx

446622

旺角區好多呃人寵物店,買果時勁落咀頭,又點又點,
買左就話之你!負責任既sales就會叫你去獸醫check,
如果無問題又怕咩check呀,寵物都有生命,何必又浪費心機,時間,金錢呀.........
或者可以去領養一定有保証!

446622

最好去消費者委員會投訴!

robertchai

其實...要養小動物...米去愛護動物協會咯...搞咁多野做咩姐...

266

thank you

S011838

依家依D黑店應該執晒啦