[轉貼]胡亂「方便」得罪水底紅人

kaixinren

以下的一個故事，忠告各位要「方便」自己之餘，也要方便別人，否則後果不堪設想。

　話說在筲箕灣對出的海面上，有一個可泊船的燈塔，但這個塔荒廢已久，所以也沒有發揮其功用。數年前，約有四、五個年輕人相約出海潛水。事實上，這天的天氣不太好，亦頗不適合潛水，但這群年輕人是經常潛水的，習以為常，也不想掃興，所以不顧一切地按原定計劃出發。當他們坐的船駛近這座燈塔時，其中有一位叫阿文（假名）的年輕人，人有三急，再加上他認為可以這座燈塔作為他們潛水的一個坐標，於是他就首先登上這個塔，繼而「方便」起來。阿文完事後，齊了潛水衣，手上帶一隻名牌潛水表 ，跟便潛落水，而其他同行的隊友亦相繼落水。過了大概半個鐘之後，隊友發覺不見阿文的蹤影。他們心裏盤算，阿文是一名潛水高手，應沒可能這樣容易出事。但世事往往難料，經過一輪打撈後，始終找不到阿文，阿文自此一去不返。

　一年之後，這群年輕人重遊舊地，亦準備在筲箕灣對開海面潛水。當他們將船泊定，如常地穿好潛水衣，戴好所有裝備，正想下水之際，突然在船頭出現一個人影，各人覺得非常奇怪及恐慌。他們再細看，就看見一個全身紅色、滑潺潺，綠色眼，猶如電影中恐怖故事的喱人一樣，而手上也戴一隻名牌潛水表，正向這群年輕人揮手。當中，不斷有人叫：「阿文、阿文呀……」

　原來在筲箕灣一帶有個傳聞，話說在大概十多年前，這個燈塔之下的水底，住了一群「水底紅人」。這群「人」大多因為遇溺後死亡，這些亡魂就寄居於燈塔之下，全部都是一身紅色、綠色眼睛的。阿文當日為了一時「方便」而開罪了這群「水底紅人」，最後連他自己亦成為了「紅人」。

bengrace50

我老豆以前做警察的時候，佢有個水警同事夜晚同D同事在船上打牌，打打下想去解決。  咁因為佢地正在煲糖水，咁其他同事順便去『較味』。  佢條友仔就去了船頭解決，但『痾』咪『痾』囉，又要問：『喂，甜唔甜呀？』佢想問較味個同事。  點知聽到有人答：『唔咸唔甜』。  佢心想，有無攪錯啊，落錯鹽啊！  糖水來的嗎！ 咸！  佢再問多次，點知又聽到：『唔咸唔甜』。

於是他返回去問D同事，喂糖水點會：『唔咸唔甜』，落錯鹽啊！  d同事個個都好奇怪佢講d野。 仲話無人講過野，咁佢就覺得好怪。  點知到天光，佢地就知識.............原來..

條友仔晚上在船頭解決的地方有條浮屍，仲係開口的。  大家知點解啦，痾尿痾正人地個口呀  不過隻野又幾幽默！

史艷文2

個故仔好搞笑,最好笑部份↓

但『痾』咪『痾』囉，又要問：『喂，甜唔甜呀？』佢想問較味個同事。

bengrace50

Originally posted by 史艷文2 at 2005-7-12 13:02:
個故仔好搞笑,最好笑部份↓

但『痾』咪『痾』囉，又要問：『喂，甜唔甜呀？』佢想問較味個同事。

係啊，我次次講俾人聽都笑到D人碌地！

史艷文2

可能隻嘢知道佢地係警察,
幫到佢唔駛浸係水,所以冇害佢.

bengrace50

Originally posted by 史艷文2 at 2005-7-12 13:07:
可能隻嘢知道佢地係警察,
幫到佢唔駛浸係水,所以冇害佢.

都唔係呀，佢跟佢排，不過就真係無害佢就真。 但就人去飲茶佢又去，總之跟到實，最後條友仔有人教佢要照開位俾佢，之後自己靜雞雞即日搬屋先無事。

不過呢PART我就有d懷疑，又唔好笑先無講。

史艷文2

靜雞雞即日搬屋。應該撇佢唔甩.

bengrace50

Originally posted by 史艷文2 at 2005-7-12 13:21:
靜雞雞即日搬屋。應該撇佢唔甩.

所以我咪話有D懷疑，我都思疑我老豆講D笑話引我地笑，我幾好笑就講出來大家笑下。  不過我老豆又話唔係，可能佢地用了其他方法無講瓜。