skjeiw

先知先覺...高等人也
後知後覺...平常人也
不知不覺...低等人也

最怕佢地都係不知不覺

abc123aa

唉,香港人既所謂本性又出黎嚕........為左3分,連香港既面子都唔要,傳左出去真係笑大人地個口

金魚佬

你個投票一樣無得俾人揀。
你吾係又係用流浪領隊既思維搞投票。

fffffa

垃圾足總~~~~仲話想搞番好本地足球,真係搞左鑊杰既出黎~!

ciger

我覺得要從三方面角度睇,首先香港球壇唔同外國,香港係大家共用兩個球場,所以根本唔可以好似外國一樣星期六日就本地聯賽,週中就杯賽,而且球隊少,編來編去都係那8隊波,所以一早根本好難避免賽程重疊,而且今次問題係在於機位而唔係賽程編排,如果有機位星期日一次過載晨曦去黎巴嫩就冇問題,所以足總編排不當根本唔成立
其次流浪係冇責任遷就晨曦,大家比賽各為其主,人地備戰咁耐都係為依場波,盡可能都唔想改期,歐聯好多球隊在歐聯賽期前都會派副選上陣,唔通曼聯皇馬又可以叫人改期
第三,晨曦魚與熊掌不可兼得,如果係因為賽程頻密而擔心體力應付唔到就要自己取捨,作為職業球員5日3場波應該要有能力應付
最後就係今次事件關鍵,如果係100%因為機位問題,足總應該有行政權力安排改期,因為黎巴嫩唔係一個港人熱門去嘅地方,要安排機位真係唔易,而且香港球圈根本冇能力安排私人飛機去黎巴嫩,所以足總應該確認是否冇足夠機位比晨曦去黎巴嫩,如果係就應該用行政權力去安排改期,唔應該交由球會磋商

艾奧羅斯

流浪自私,足總白痴!
香港都唔多波打,就一就有幾難啊,
就算拎到呢三分,都唔代表一定有冠軍啦!

Dicksonheng

第1, 我地無話足總原本的編排是不當喎
足總 唔通未卜先知 晨曦會打得咁好  為香港爭光呢
但人地英超見曼聯周中有比賽既話 都會特別為佢地比賽提中少少舉行 畀佢地備戰啦!
我都唔明 你地話歐洲各大足總 唔幫球會的調子!!!
明明外國既足總見到自己國家有隊 出國際賽  一定出手拉兩隊出黎慢慢傾
但香港無喎! 足總根本只是逃避自己應該要負的責任!

2. 講流浪啦, 我係流浪我就一定會改期!
而家唔改,  雖然有3分, 但係會唔會因為呢個3分而一定可以拎到冠軍 仲未知之數

在理方面, 人地晨曦要為香港爭光, 你雖然話無傾過,
但你話備戰咁耐又乜又墨所以唔肯改  已經表態否決左啦!!!
你流浪  唔通想香港足球個名  唔夠衰咩
這種自私的行為  真是可恥

在利方面,
最重要係整臭哂自己個名!
人地傑志呀 用左幾多錢宣傳 又搞乜野香港fantasy league, 都只不過幫手搞形象咋!
你一話唔改  跟住可以橋埋雙手  攞3分
人地會點唸你?  仲有人睇你D波咩?  入場人數居次, 球迷會唔會杯葛你地先緊要啦!

第三啦, 5日3場波 我睇咁耐波 都好少見 (係足球唔係NBA)
都唔明你話乜野  "職業球員可以應付"

機位根本唔係一個大問題, 最重要係D球員 唔通一落機即刻踢咩
點都要適應一下天氣環境掛  呢個先係重點
但人地夾埋迫你留係香港同佢地踢, 唔准過去  有乜辦法者  咩走囉
咁你就高高興興 攞3分走啦

恭喜恭喜 流浪 李輝立 連中三元, 位置行政總監, 現為神射手大熱門!

bigfish

李輝立仲咬牙切齒話有人只重視出外比賽, 輕視本地聯賽, 又不斷重用傳媒俾壓力流浪, 所以佢無論點都唔肯"屈就"

abc123aa

Originally posted by Dicksonheng at 2005-9-25 09:29 PM:
第1, 我地無話足總原本的編排是不當喎...

5日3場波係高級聯賽先有既啫,我諗ciger係講緊外國既頂級聯賽
講返正題,呢件事點樣睇香港足總同流浪都有不足既地方,香港既聯賽已經好唔掂,自己人都唔支持自己人既話係邊度搵人支持自己球圈入面既球隊先?呢樣野我覺得香港足總同流浪都係應該要首先諗呢樣野,萬一晨曦真係攞到亞協盃冠軍......大家都會開心,但依家搞d咁既野出黎,變相好似香港足總死都唔想香港球隊為香港爭光咁,傳到出去其他國家球圈既人度真係笑死人,自己人都唔支持自己人........仲成日講咩野中華民族要團結喎,真係笑大人個口,我諗足總依家最好做定準備晨曦入到決賽之後點

abc123aa

Originally posted by bigfish at 2005-9-25 09:40 PM:
李輝立仲咬牙切齒話有人只重視出外比賽, 輕視本地聯賽, 又不斷重用傳媒俾壓力流浪, 所以佢無論點都唔肯"屈就"

例如:曼聯出去踢歐聯,英足總比佢地休息暫時打少一場聯賽,又唔見對手唔肯屈就????
唔好話流浪班人驚晨曦攞到亞協盃冠軍,特登咁樣做,自己隊波實力又唔係高,貪果3分黎有鬼用咩,犯眾憎就有佢份