事但

Originally posted by austin666 at 2005-11-17 06:50 PM:



1.賽馬係運動,不過係騎果個同隻...

1.有邊個騎師會認為自己係一位運動員?
(可能真係有,不過我唔賭馬,唔知)
我而家好少踢波啦,不過我真係視足球係運動架(我一場波都未買過)

2.因為政府收取博彩稅呀麻,
咁又點可以比投注額減少呢.

3.咁做為乜.....??
增加收入囉.
馬會做莊,基本上佢一定贏.
開多幾場,佢咪收多d囉.

<以賭制賭>
依一點我一直都唔同意.
如果係咁,政府應該賣fing頭,賣老翻,賣四仔?

[ Last edited by 事但 on 2005-11-19 at 01:11 AM ]

藍

Originally posted by 馬蘭奴 at 2005-11-17 12:01 AM:


馬會是在催眠市民，...

仍然係好主觀既講法,點叫催眠市民去賭?如果講宣傳,賭馬,六合彩個催眠性勁過賭波多多聲,若然要計,令到d賭仔養成賭波習慣沉迷落去既,有排都未數到馬會,你諗下馬會個賭波開左幾多年先,係馬會未開盤之前,通街得係外圍波檻,幾乎每間有波睇既吧都至少有一個波檻收數佬係度,吾係情況甘嚴重,政府都吾會比馬會開賭波拉;另外,就算吾計外圍在內,仲有一個澳門,澳門哥邊直頭係有哂專線比香港人開戶口電話投注既,就算到今時今日,係澳門買波既香港人依然有好多,澳門d盤開得仲奇拉,連中甲中乙都開過,甘你米應該係個topic度連澳門賭波都鬧多一份?
開賭,我自己本人都吾支持,不過反對還反對,做人,要客觀d好,啱就啱,錯就錯嘛

藍

Originally posted by austin666 at 2005-11-17 06:50 PM:



1.賽馬係運動,不過係騎果個同隻...

馬會一定有掠水,但係呢個係香港以至全世界所有話非牟利機構都有既情況,吾單單止馬會有
就連教會,一樣賺到盤滿砵滿既時候,吾應該只鬧馬會,要鬧就鬧哂佢

你貼出黎哥段政府既甚麼防範措施,令我更覺得政府何其無能,一係,就吾好比佢搞,成立個獨立監察委員會,有咩用,用黎自欺欺人;推行公眾教育治療病態賭徒,更多餘,黃賭毒三樣,黃同毒搞左甘多年都係得個吉,搞埋個賭,又係得個搞字;最好笑既係"馬會亦須在投注站張貼告示，使投注者認識賭波的風險和禍害，向疑有病態的賭徒提供求助方法",簡直係白痴,行到去馬會,仲會因為呢d甘既野而吾賭咩,完全好似咸網叫人未夠十八吾好入一樣,多餘,又係自欺欺人

反而我好認同你既第三段,以賭制賭並不是要以賭養賭,呢個講得好,講到呢度,我又諗多樣點解去要開多d瓣數,其中一個原因,係要同澳門呢邊爭,當然,佢想賺多d呢個諗法,最少都佔左一半,但係既然澳門同外地d賭波,你吾開盤,人地開,d賭仔實去人地度買(家下太方便,電話,網上投注都容易),肥水不流別人田嘛,反正你班傻仔都係要輸錢,入人地袋不如入返自己袋(呢個純粹係我諗法姐,哈哈)