娛樂滿紛 26FUN - Powered by Discuz! Board

標題: [散文小品區] [轉貼] 女人希望男人做既野~~一 [打印本頁]

作者: 151515 時間: 2006-2-6 09:47 PM 標題: [轉貼] 女人希望男人做既野~~一

女人希望男人做既野~~一

1. 唔准同任何15歲以上 35歲以下無血緣關係既女性單獨外出或者傾超過5分鐘電話。

2. 我'meet'你既時候你唔准縮。

3. 我唔會check你既來電顯示，但係你最好唔好俾我聽到你同不明來歷既女人講電話。

4. 你個電話裡面只可以有兩個女人既相，你媽媽同我。

5. 唔好俾我見到你著白襪，除左打波既時候。

6. 我明白每個人都有過去，你會有舊情人既相呀信呀禮物呀，但係唔o係我面前飄揚，有咩爛左唔好怪我。

7. 我鍾意收情信，但係好憎見到錯別字。

8. 每日起碼要打一次電話俾我，因為我會掛心你。

9. 你要俾我知你去左邊，我唔係要check你行蹤，只係如果新聞話有三名行山人士失蹤，我要知道係唔係你。

10. 我地未必可以一生一世，但希望你同我一齊既時候，每一刻都對我認真。

11. 我鍾意既手袋牌子係Lu Lu Guinness、Kate Spade、AnyaHindmarch、cheche、agnes b 同 Tod's你千祈唔好買Patrick Cox同Westwood俾我。

12. 你心裡面諗d咩，一定要同我講，因為我好蠢，你唔同我直接講我唔會知道。

13. 我去dating你叫我玩得開心d既話，我會以為你唔愛我唔緊張我唔想要我。

14. 我鍾意男朋友買香水俾我。

15. 我希望你會記得一切既大時大節生日同紀念日，我唔會提，亦會扮大方，但唔代表我想你失憶。

16. 男子以才為貌，但係都要乾乾淨淨。

17. 唔好企圖或意圖用「中五妹妹仔o者……」黎做藉口安慰我，我唔會睇小妹妹仔既威力，因為我都曾經年青過。

18. 我慣性去i.t、Marie同Lane Crawford買鞋，鞋碼係Italy 36.5。如果你打算買鞋俾我，記得唔好買錯 size 。

19. 唔准對我講大話。

20. 唔准一腳踏兩船 (或以上 )。

21. 除非d食物好美味，否則我唔想去任何張椅冇椅背既餐廳。

22. 出街一定要拖實我，因為我會蕩失路。

23. 我唔揀飲擇食，所以食咩你話事(法國菜除外)，不過，揀甜品既主導權歸我。

24. 如果我遲到，都只係因為我想著靚 d見你，所以你唔好鬧我。

25. 你最好唔好有一堆女性朋友同契妹之類既不明物體o係身邊，否則我會大你三十萬用行動證明俾你睇我都有一籮男性朋友同契哥加uncle。

26. 我係一個會講粗口既淑女，你最好忍耐一下。

27. 食飯時第一箸夾既食物記得要係俾我既。

28. 我唔會要你幫我去麥當勞換公仔，但係會叫你幫我去Sogo 、Joyce同Lane Crawford 買化妝品。

29. 你唔好走去旺中買o個d所謂既純銀俾我，我會皮膚敏感。你有3個選擇： 1.Tiffany 2. Georg Jensen 3. A Different Corner

30. 鑽石同珍珠，我永遠都唔會嫌多。

31. 我會想你同我一齊揀Lingerie，你唔需要面紅。

32. 我唔會問你我靚唔靚 (因為我知道我唔靚)，你最好諗定第二樣o黎讚我。

33. 我鍾意食Cova 既tiramisu、Zoe既 zoe同1459 ，仲有 Glace既Rose。

34. 我知道你冇可能每秒鐘都掛住我，但係如果你全日都冇諗起我，我會好驚。

35. 如果你著到成個板仔或者 MK Guy咁樣同我出街，我會面青。

36. 如果你郁手打我，我一定會走。

37. 你要留意亦舒既新書幾時出，儘快買俾我。

38. 記得要多d同我既父母social，因為我同佢地關係唔好，靠你去修補。

39. Shopping 時可以分道揚鑣，但係你唔好又要企我隔離又要黑面。

40. 我好樂意同你行你鍾意既舖頭，你唔需要怕我悶，我會自得其樂。

41. 行入7仔我只會買 3 種飲品：柑桔檸檬、參蜜同 Perrier。

42. 唔好批評我既好朋友，因為我同佢地共過患難，唔係酒肉朋友。

43. 我承認我係一個膚淺既人，我既日常讀物係《忽然一周》，你唔高興既我會隊本《紅樓夢》俾你睇。

44. 我唔介意你望靚女，介意既係有筍野睇你都唔同我講。

45. 如果你見到我望住本《飲食男女》兩眼發光，你可以留意下係邊間餐廳，唔太貴既就帶我去試下。

46. 我鍾意食魚蛋河，但係如果大時大節紀念日生日時都係食魚蛋河，我會發火。

47. 我喊既時候，你一定要tum我，因為我只會o係好傷心好傷心既時候先喊。

48. 你打機既時候，我會自己搵野做，你唔需要擔心，最好你教我打埋一份。

49. 你最好有一首只係屬於我既電話鈴聲。

50. 如果你冇開口講，我都為你去改變，代表我真心鍾意你，請你珍惜我。

51. 我好樂意幫你煮飯洗衫執屋做massage，但係請你唔好當「奉旨」。

52. 買野俾錢既時候，你記得要快我一步拎張credit card出黎，因為每個月俾完家用同找完經常性咭數之後，我既 account只會得番$2000cash。

53. 我會間唔時嗌「我好想嫁我好想嫁 ……」呢句係我既口頭禪，你唔需要太恐慌。

54. 你需要比我更清楚我既電話、 DC同電腦既操作。

55. 當你睇波既時候，我會問你「咩係12碼」等低B問題，你唔好嫌我煩，因為我真係有興趣，但從來冇人教過我。

56. 我會希望你將我介紹俾你既朋友識。

57. 放假時我會間唔中留o係屋企休息，你即管出去玩，唔好以為我係貼身膏藥你唔同我出街我就唔出。

58. 因為我有一d唔係太開心既過去，對人好冇安全感。所以請你用用行動話俾我知你對我係認真既，你唔係玩玩下。

59. 你先要努力工作，然後盡量抽時間陪我。

60. 你唔需要係有錢仔，但係要有上進心，想出人頭地。

61. 你一定要有自己既理想。

62. 我唔會問你「我今日有咩唔同」，你唔需要每次見我都恐慌性將我由頭到腳scan一次。

63. 我想睇日出。

64. 我有寫 blog既習慣，如果你發現o個篇係講你既，你最好俾d反應我。

65. 我好刁蠻任性。

66. 你要做我既人肉地圖。

67. 我M之前一個星期會情緒暴躁，你要小心d 。

68. 我發脾氣cut你線，你唔好即時又打電話俾我， send SMS得架啦。

69. 絕對唔可以check我既 ICQ 、MSN同 SMS。

70. 如果你發我脾氣仲逼我上床，我會覺得好hurt。

71. 你煮飯俾我食，就算只係一碗餐蛋麵，我都會開心過食 Rougie鵝肝。

72. 我同你講野既時候自不然會嗲聲嗲氣，我都冇辦法架。

73. 我好有興趣知你既戀愛史，最好由頭到尾同我講一次。

74. 因為愛你，我會珍惜自己，要自己身體健康，叫自己開開心心，你都係。

75. 如果有一日，我地分左手，我都希望可以繼續做朋友。

76. 我唔係唔想陪你著牛仔褲，而係未買到o岩我著既牛仔褲。

77. 我最憎人唔信我。

78. 如果你愛我，你唔會捨得要我傷心。

79. 我都鍾意行山，不過你可唔可以搵 d易行d既路線俾我。

80. 一個男人對女人最大既尊重係向佢求婚，其次係帶佢返去同父母食飯。

81. 男朋友既功用係對女朋友好，女朋友既功用係對男朋友好。

82. 我用慣 LUSH既 soap，麻煩你每個月去買一塊俾我。

83. 好多事唔係我懶底扮唔識搵你做，而係我真係唔識。

84. 我希望你間唔中都會俾比d小驚喜我，係「小驚喜」，唔係「大驚喜」。

85. 你講過，而我又應承過既，我一定會做。例如：你唔o係我身邊我就要凌晨1點前返到屋企。

86. 唔好熄電話，萬一半夜我要去急症室我會想你陪我。

87. 我最鍾意既花係 peony，最鍾意既顏色係紅色。

88. 我唔多鍾意收花，你送盆栽俾我好過。

89. 每次出街請你俾 10分鐘我去行書店。

90. 如果你見我個樣冇乜表情，唔係我唔緊張你，而係愛一個人就會變得笨拙，我唔知用咩表情面對你好。

91. 如果有人追你，記得同我講，我會用掃把掃佢。

92. 好遺憾我冇機會細細個就識得你，所以宜家請你俾多d時間我，俾機會我去了解你。

93. 我既工作或者比唔上你既重要，但我都希望你會尊重我既工作。

94. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。

95. 著得sexy 係有兩個原因：1. 我覺得靚 2. 等你緊張我。

96. 我知你對我用咩化妝品護膚品冇興趣，不過問下咩顏色好都得掛。

97. 你要記得間中同我講「 I love you」，否則我會以為你唔再愛我。

98. 我地要開一次會，睇下你對呢d 戒條有冇異議。

99. 條文內如果有唔清楚既地方，以我既說話為依歸。

100. 其實，我明白這些戒條有點吹毛求疪有點不設實際有點妙想天開。我只想你知道，在寫這些戒條的時間內，每一秒鐘，也在牽掛你。

作者: yeahchan 時間: 2006-2-7 10:47 PM

女對男齋講心
男對女又講金又講心, 仲要斷埋六親.............

作者: men 時間: 2006-2-10 09:59 AM

???斷埋六親???

作者: kantang4910 時間: 2006-2-10 12:10 PM

當男人做到以上嘅嘢同公仔有乜分別,亳無性格,主見,自我空間,做人會成功嗎?除非能夠一人分演兩角色,否則這樣的男人可來成就?咁嘅男人除非係吃軟飯,如果唔係就係廢人一個,你會唔會要.談戀愛唔係執垃圾.啲小女人唔好再寫埋呢啲無謂嘢

作者: siredes 時間: 2006-2-10 12:48 PM

D戒條, 有D合理, 有D唔合理.

作者: 甘田壹 時間: 2006-11-12 02:35 PM

嘩...嚇鬼咩

作者: ravemother 時間: 2006-11-12 03:42 PM

the last sentance is pretty sweet...but i dun get this" 5. 唔好俾我見到你著白襪，除左打波既時候。 "

y!??!

作者: trista_cheong 時間: 2006-11-12 03:54 PM

Originally posted by 151515 at 2006-2-6 09:47 PM:
女人希望男人做既野~~一

1. 唔准同...

.......................... 救命

愛情邊有條件可言??

作者: 自由神 時間: 2006-11-12 03:54 PM

Originally posted by trista_cheong at 2006-11-12 03:54 PM:

.......................... 救命

愛情邊有條件可言??

算了吧！已經有3個以上類似既topic

作者: trista_cheong 時間: 2006-11-12 04:00 PM

Originally posted by 自由神 at 2006-11-12 03:54 PM:

算了吧！已經有3個以上類似既topic

係呀

又真係幾無聊~

作者: 自由神 時間: 2006-11-12 04:01 PM

Originally posted by trista_cheong at 2006-11-12 04:00 PM:

係呀

又真係幾無聊~

慘在又有分加呀！

作者: trista_cheong 時間: 2006-11-12 04:02 PM

Originally posted by 自由神 at 2006-11-12 04:01 PM:

慘在又有分加呀！

冇啦﹐轉貼一律全部唔加分ga

作者: 自由神 時間: 2006-11-12 04:04 PM

Originally posted by trista_cheong at 2006-11-12 04:02 PM:

冇啦﹐轉貼一律全部唔加分ga

回果D有呢！

算了吧！總可當作人氣呀！多post無防！

作者: sls17199 時間: 2006-11-15 11:52 PM

講真有時女人真係幾煩

作者: trista_cheong 時間: 2006-11-16 12:51 AM

Originally posted by sls17199 at 2006-11-15 11:52 PM:
講真有時女人真係幾煩

不如你講O下點煩法??

作者: CopperRed 時間: 2006-11-16 10:57 AM

也不是全無道理吧，一Ｄ適量既規限有時都係一種情趣我覺得，大家都會有唔想另一伴做既事既，咩都唔理重會令人冇安全感

作者: 12d3 時間: 2006-11-16 11:43 AM

Originally posted by trista_cheong at 2006-11-16 12:51 AM:

不如你講O下點煩法??

我女人煩到連佢自己都覺得自己煩

作者: jiese 時間: 2006-11-16 01:19 PM

don't be control freak, have a little a space for other.

作者: 自由神 時間: 2006-11-16 02:42 PM

Originally posted by 12d3 at 2006-11-16 11:43 AM:

我女人煩到連佢自己都覺得自己煩

好多時都係咁嫁啦！
男仔成日都話對自己女朋友唔住嫁！咪一樣繼續對佢唔住！

作者: sakura310 時間: 2006-11-16 06:30 PM

咁點解無男人希望女人做ge野????

例如我同朋友吹水,講到興起,俾我講粗口

得閒向我撒下嬌(但唔係野蠻)

我有權過問同你關係特殊男士ge身分,因為我愛你,所以唔想俾人介入我地ge生活

我不懂說話,所以請原諒我無言以對,即使我無出聲,都請你繼續講,因為我想多了解你一點

暫時係諗到咁多

第時我女朋友做到呢幾點我覺得已經足夠,過多的要求無用,佢自己都知道相方要互相遷就一下
咁樣感情先會長久,太多要求梗係唔好,但唔可以無要求,不然一方將會成為另一方的傀儡

作者: trista_cheong 時間: 2006-11-17 03:00 AM

Originally posted by 12d3 at 2006-11-16 11:43 AM:

我女人煩到連佢自己都覺得自己煩

其實我都覺得女人其實幾鬼煩﹐又成日亂發脾四

作者: 自由神 時間: 2006-11-17 04:52 PM

Originally posted by trista_cheong at 2006-11-17 03:00 AM:

其實我都覺得女人其實幾鬼煩﹐又成日亂發脾四

其實男人天生就係要俾女人煩嫁啦！
男人天生就要接受女人既短處！

好似我阿媽咁呀，我真係覺得佢好煩嫁！不過我老豆都可以頂得順，有時真係幾佩服佢！

作者: sakura310 時間: 2006-11-17 05:57 PM

話唔定第時你老婆仲煩過你亞媽 haha
到時又到你個仔講呢句,點解我老豆頂得順 XD

作者: ＊豪＊ 時間: 2006-11-18 12:59 AM

愛情有條件=.=

作者: 極樂 時間: 2006-11-18 03:00 PM

Originally posted by trista_cheong at 2006-11-17 03:00 AM:

其實我都覺得女人其實幾鬼煩﹐又成日亂發脾四

果然夠爽朗~~

但係....當你拍拖果陣就會不經意地發脾四...

...
特別係d 年紀細 (思想細) 既女仔身上~~

作者: trista_cheong 時間: 2006-11-18 03:07 PM

Originally posted by 極樂 at 2006-11-18 03:00 PM:

果然夠爽朗~~

但係....當你拍拖果陣就會不經意地發脾四......
特別係d 年紀細 (思想細) 既女仔身上~~

雖然係爽朗﹐但係我同極樂姐你一樣都係女人﹐拍拖o個時﹐尤其係愛得越深﹐就會越冇晒理智﹐甚至係越黎越不可理喻地發脾四…… 唔通真係女人ge 天性………

當我d 姐妹向我不可理喻地發脾四( 我只會對我男友發脾四)﹐我就開始明白做男仔有時又真係幾苦…… (聽到o個d 我唔理!! 我唔制!! 總之就係要咁咁咁咁之類… )

作者: sakura310 時間: 2006-11-18 03:39 PM

死啦><
美人講到d女仔同我想像中差咁多ge...
唔通而家d女仔真係會好似你地講咁會亂咁發脾氣?><
因為我係個唔忍得ge人,人地無理取鬧的話我鬧返人轉頭
咁搞法我覺得我好難搵到女朋友wor haha~

作者: trista_cheong 時間: 2006-11-18 03:46 PM

Originally posted by sakura310 at 2006-11-18 03:39 PM:
死啦><
美人講到d女仔同我想像...

你拍過拖你就知ga la ﹐你未拍拖之前所有準則…… 我認為有時會突然變得蕩然無存……

其實女仔發脾四係有時係想你愛錫佢ga ja﹐換個角度諗都幾可愛ga (歪理)

你諗o下你係唯一一個佢可以有權亂咁發脾氣ga 人﹐依家d 女仔好多時都要對外show 一個理性剛強個樣﹐因為佢o地都要為學業同事業而衝﹐但係骨子底下話唔定佢o地好需要一個人ge 無條件理解都未定ga~~

冇計﹐女人係咁ga la ﹐鬼叫你鐘意女人咩……

作者: sakura310 時間: 2006-11-18 04:00 PM

Originally posted by trista_cheong at 2006-11-18 03:46 PM:

你拍過拖你就知ga la ﹐你未拍拖之前所有準則…… 我認為有時會突然變得蕩然無存……

其實女仔發脾四係有時係想你愛錫佢ga ja﹐換個角度諗都幾可愛ga (歪理)

你諗o下你係唯一一個佢可以有權亂咁發脾氣ga 人﹐依家d 女仔好多時都要對外show 一個理性剛強個樣﹐因為佢o地都要為學業同事業而衝﹐但係骨子底下話唔定佢o地好需要一個人ge 無條件理解都未定ga~~

冇計﹐女人係咁ga la ﹐鬼叫你鐘意女人咩……

美人個歪理我認同wor~~
不過我覺得,我女朋友佢發脾氣可以,我會tum返佢,但係佢唔好向我發脾氣lor(我無做錯做咩要受氣><

我可以tum返佢開心,咁我呢個男朋友先有ga ma

同埋我好鐘意我女朋友嗲我,我會好冧的 XD

我唔鐘意女人,我鐘意女仔

作者: trista_cheong 時間: 2006-11-18 04:01 PM

Originally posted by sakura310 at 2006-11-18 04:00 PM:

美人個歪理我認同wor~~
不過我覺...

我女人同女仔都照殺

我都好鐘意嗲人﹐but 只限我男人

作者: sakura310 時間: 2006-11-18 04:09 PM

Originally posted by trista_cheong at 2006-11-18 04:01 PM:

我女人同女仔都照殺

我都好鐘意嗲人﹐but 只限我男人

我咪係你男人lor haha趁自由神唔係度,我黎橫刀奪愛啦 haha

咁如果我女朋友真係向我發d無理由ge脾氣
我應該點做?美人咁有經驗,快d教下我啦~~

歡迎光臨娛樂滿紛 26FUN (http://26fun.com/bbs/)