Board logo

標題: 郎尼同郎拿甸奴 你地會揀邊個 [打印本頁]
作者: buengland    時間: 2006-2-25 10:51 AM     標題: 郎尼同郎拿甸奴 你地會揀邊個

郎尼同郎拿甸奴同樣都係球隊既靈魂

又係不可多得既足球天才

話說幾年前曼聯想出3000萬鎊買郎拿甸奴, 點知比巴賽截湖

之後買郎尼

我唸如果當時買左郎拿甸奴, 之後就未必有錢買郎尼

如果可以俾你地揀, 你會揀郎尼定郎拿甸奴呢?????
作者: buengland    時間: 2006-2-25 10:57 AM

兄弟, 知吾知點樣整個投票既訊息?????

請各位指點指點
作者: Tinghey    時間: 2006-2-25 11:17 AM

有郎拿甸奴, 球隊既進攻質素絕對有保證

無論分波, 自已突破, 助攻, 仲有得閒有啲神乎其技 (即係你都估吾到會入到波果啲) 實在係現時球壇上的number one

郎尼就20歲, 前途無限, 最引人入勝既係佢每場波90分鐘內起碼跑足80分鐘既體能, 過人同保護個波既能力, 見佢控球時啲防守球員想搶佢波, 真係好少搶到, 吾知點解, 可能佢腳粗, 重心底加技術起卓所至

而且打法具團體性, 攻門, 助攻, 二傳, 防守皆精

係一個全能型既天才


我就揀郎尼, buy佢有無限將來
作者: alan1984    時間: 2006-2-25 11:40 AM

以現時黎講,我會揀朗拿甸奴,因為在進攻上起到好大作用,牽制到對方後衛,要幾個人mark佢,罰球,傳球,組織都係一絕
我覺得朗尼都係好球員,但場外既私生活不好,場內就經常同球證理論,火爆既性格,都係令我唔揀佢既原因
作者: abc123aa    時間: 2006-2-25 11:44 AM

鍾意朗尼多d,雖然話細哨好過佢,但我會揀朗尼,因為佢有青春
作者: slwong3    時間: 2006-2-25 11:53 AM

......don't need to choose la....
of course Ronaldiho....

Even Rooney is young and has great future....but maybe his best years in the future might still can't compare with Ronaldiho....
作者: ThomasKoon    時間: 2006-2-25 11:55 AM

細哨絕對係當中球壇最超班嘅一個﹐球隊有佢喺度﹐真係唔憂入唔到波﹐個人控波、分波、射門、腳法等等各方面都係一流﹐不過唔知係咪我比較少睇西甲﹐佢防守方面好似略為遜色少少；至於肥仔﹐佢始終仲後生﹐性格可能未收歛到﹐不過睇佢落場夠晒搏命﹐經常返後參與防守(呢樣而家啲球員都要﹐不過未必個個都做到)攻門質素唔使講﹐個人突破能力亦都有﹐仲不時交到靚助攻﹐年紀尚輕但落場表現非常成熟。

至於揀邊個﹐如果睇兩個人而家嘅表現﹐細哨肯定贏晒﹐不過肥仔將來肯定有好大成就﹐再加上佢而家喺曼聯﹐睇到有成績﹐但細哨始終係我哋憑空想像﹐好難講佢黎咗會點﹐所以我都係揀番肥仔﹗
作者: MaxFigo    時間: 2006-2-25 12:29 PM

以曼聯角度黎睇

朗尼會好過細哨

細哨太單薄la，佢鐘意上腳ge踢法好易引到英超防守球員ge暴力犯規
而且曼聯一向踢整體，細哨ge踢法未必融入到球隊進攻模式
相反崇尚進攻ge西甲佢先會發揮得最好

朗尼就一向都踢慣英超
加上佢大大份，唔怕撞
雖然有d火爆，但咁先激起到球隊士氣
腳法又唔差，假以時日佢會係曼聯一個傳奇人物
作者: fkualexander    時間: 2006-2-25 01:32 PM

Originally posted by MaxFigo at 2006-2-25 12:29 PM:
以曼聯角度黎睇

朗尼會好過細哨

...
我都係咁認為.....
作者: Kian76    時間: 2006-2-25 02:12 PM

肯定是朗尼，原因？？不盡在於球技，只是著重於成果上，現時的朗尼十分之適合曼聯踢法，也是曼聯前場的""跑腿""，為曼聯前線帶來強大活力，補足雲尼斯杜萊的配合度不足，以及曼聯一向也不甚重視個人主義強大的球員，即使是當年的佐治貝斯，也只是一名突破力強的翼鋒，突破也理所當然是他的職責，而簡東拿也不是想像中那麼獨食，也非必要控球不可的球員，曼聯一向也不需要天才，只需要一名合作起來是天才的球員，個人技術還得放在後面看，最佳例子是華朗，他是真天才，但有他就沒有團隊，球隊要為他而生，但曼聯的踢法是要球員為團隊而生，結果出來的是一大錯配，在英超聯變得走動不足，控球過多，拖慢球隊進攻速度等問題，結果也是以失敗的離去終結。而且，南美人在英超的表現除了少數的後防守員外，想得出成功的可能只有蘇蘭奴和普耶這兩名歐洲式踢法的中場球員了，朗拿甸奴來到曼聯不一定可以成功，以他的踢法來看，在布力般面前可能早就斷了雙腿了......而且他的控球在腳也會大大拖慢曼聯的反擊速度，他習慢踢快速的小組地面組織，在反擊時也需要隊友在其身旁穿插配合他，但在今時今日的曼聯，這些是不可能的，反而每人少控一會球，做出第一時間撞牆配合，再兩翼傳中才是曼聯一直以來的成功之道，當年傑、堅、史、碧的無敵中場線就是這樣，再配合兩個前場苦力約基、高爾四處奔跑，所以朗拿甸奴絕不會比朗尼好。而且朗尼比他更年輕，以及朗拿甸奴需要多一個外援名額。
作者: LMQ    時間: 2006-2-25 05:01 PM

位置唔同喎
1個打前鋒
1個打進攻中場
兩個而家名氣真係差不多
如果真係要比較
我都會比較buy朗尼
原因如下:
一.英超講求體力化打法,但係佢可以全場肯走肯博肯搶波,體能身型都極好
二.配合到曼聯既打法,以佢才能應該過多幾年足以做到曼聯領袖
三.佢無細哨既秀麗腳法,但係佢同隊友可以發揮到團隊精神
四.計年齡點都會朗尼著數d~XDDD

唔係話細哨唔好,只不過佢適唔適合踢英超亦係1個疑問
首先上面我都講左,英超d打法真係打得好緊密
無番少少身型都好難護到個波
細哨好波就係人都知,過人keep波傳波射波樣樣掂
但係往往其他後衛就睇準你呢點跟住一野剷埋黎
避到就好彩,避唔到就入廠架喇
而家就係西甲果度無打得咁硬淨
細哨咪可以發擇到佢既能力囉

補充多一點
細哨亦係一位鍾意上腳既球員
會唔會因為佢呢d鍾意上腳踢法,打亂哂曼聯d節奏呢(等同而家c7一樣,因為鍾意上腳搞到好多隊友同埋球迷插佢)
就算俾佢keep到個波,人地已經返哂後防佈陣,你又要再組織過攻勢,即係浪費時間

ps.我印象中當年曼聯係因為出得太少錢去買細哨(搵7百萬磅加巴夫斯,俾我都唔去啦=.=)
同埋因為氣候問題
令到細哨覺得巴塞比較適合,所以先唔選曼聯

[ Last edited by LMQ on 2006-2-25 at 05:03 PM ]
作者: brightman    時間: 2006-2-25 05:36 PM

見到以上都係一面倒支持朗尼, 我就有其他睇法.

談談為什麼曼聯近幾年成績下滑? 我想這與碧咸離隊不無關係. 碧咸離隊後曼聯少左一樣必殺技 -- 長傳急攻, 以及係傳中球方面的威脅都弱了. 原本打算想收購朗拿甸奴去填補這一空缺, 但失敗告終. 之後找C7代替...效果不如理想, 後來先再買朗尼加強實力.

如果當初能得到細哨加盟, 我想曼聯呢兩年成績一定不會如此不濟..因為細哨的傳送能力正是曼聯如今所缺. 細哨係射波, 傳中波方面與碧咸相距不遠, 但他在比波的心思, 肯定在碧咸之上, 甚至隨時也可以做出一D NO LOOK PASS. 騙過對方守衛. 我想細哨加盟曼聯的話雲佬入波既機會肯定會上升好多.

而我亦都唔覺細哨係盤弄過多既球員, 佢應交波時會交波, 可以盤扭先會做, 比起C7 的上腳踢法差好遠, 細哨打法係聰明好多. 所以話細哨或者會破壞曼聯以往撞牆組織, 我持保留意見, 細哨是識比波既球員, 唔係好似C7咁鐘意每個波都要上腳.

當然朗尼的能力不用懷疑, 他勁於走動, 夠硬淨, 熟習英超踢法...但近期曼聯反而擺他踢中場位置. 間接令他的表現不如之前突出, 入球也小了. 曼聯作出如此調動不外乎是因為中場缺乏創造力的關係. 無可奈何之下才做的.

最後, 我唔敢講話細哨一定比朗尼適合曼聯, 但我覺得細哨可以配合到曼聯踢法的.

[ Last edited by brightman on 2006-2-25 at 06:03 PM ]
作者: 迷途小羔羊    時間: 2006-2-25 05:42 PM

朗尼，原因大家都講得好清楚…我都唔長氣啦

補充一下，兩人位置上雖不盡相同，但作用上相若
可推前，可墮後，實有比較餘地

再者當年有花邊新聞話，dino覺得barcelona好玩過manchester，多些娛樂，所以最後決定選前者
當搞笑野聽下^^"

當中我最認同的觀點在於：

1.rooney踢法比dino踢法更岩踢曼聯：
曼聯著重打整體，dino未必融合到；再者南美洲既中前場球員起曼聯都多無好結果

2.rooney身體質素比dino更強壯：
雖然dino都好大隻下，但rooney更撞得；再者以dino既技術型踢法，起英超隨時被人收山
作者: brightman    時間: 2006-2-25 05:49 PM

仲有一樣野想講, 點解個個都話技術型球員係英超踢會收山? 如果係咁洛賓, 祖高爾, 馬白蘭基....咪收左好耐 =3=
作者: 奇    時間: 2006-2-25 05:50 PM

Originally posted by LMQ at 2006-2-25 05:01 PM:
位置唔同喎
1個打前鋒
1個打進攻中...
補充多一點
細哨亦係一位鍾意上腳既球員
會唔會因為佢呢d鍾意上腳踢法,打亂哂曼聯d節奏呢(等同而家c7一樣,因為鍾意上腳搞到好多隊友同埋球迷插佢)
就算俾佢keep到個波,人地已經返哂後防佈陣,你又要再組織過攻勢,即係浪費時間
拎c7同細哨比?創造力同傳送差幾皮wo
細哨亦唔係果d死扭爛扭既球員

就算俾佢keep到個波,人地已經返哂後防佈陣,你又要再組織過攻勢,即係浪費時間
????????????
你緊係無睇巴塞點入車仔第二球比c7....果球反擊真係好大機會浪費
作者: brightman    時間: 2006-2-25 05:59 PM

朗尼，原因大家都講得好清楚…我都唔長氣啦

補充一下，兩人位置上雖不盡相同，但作用上相若
可推前，可墮後，實有比較餘地
再者當年有花邊新聞話，dino覺得barcelona好玩過manchester，多些娛樂，所以最後決定選前者
當搞笑野聽下^^"

當中我最認同的觀點在於：

1.rooney踢法比dino踢法更岩踢曼聯：
曼聯著重打整體，dino未必融合到；再者南美洲既中前場球員起曼聯都多無好結果

2.rooney身體質素比dino更強壯：
雖然dino都好大隻下，但rooney更撞得；再者以dino既技術型踢法，起英超隨時被人收山
我對此並不同意, 細哨係創造力, 比波眼界一流, 係中場頂級PLAYMAKER.
朗尼, 步大力雄,過波一流, 射門威力強, 且勤於走動, 係一個效率一流既衝刺型前鋒....

[ Last edited by brightman on 2006-2-25 at 06:40 PM ]
作者: austin666    時間: 2006-2-25 07:14 PM

論人品&球品
朗尼
郎拿甸奴

以曼聯今時今日
仲學咩人講整體
話朗尼比郎拿甸奴更適合曼聯
咁呢d只係買唔到好野先咁講
講到朗尼咁好曼聯的成績咪一樣......唉
另外,朗尼仲要擔心佢俾人紅牌

以一個球會老闆角度
今日的曼聯係需要d名氣大&又多fans的球星
咁佢地先可以重登世界第一球會
好似皇馬咁的成績
點解係第一先
咪又係靠d球星
贏唔到波咪一樣勁賺錢

何況郎拿甸奴正直當打
而且又狀態大勇
以生意人的角度你話朗尼點好點好都冇用
以後日子會生金蛋都係以後的事
大佬郎拿甸奴呢d係依家就會生金蛋
你做老細都識選擇啦

不過買唔到現在講乜都冇用
希望朗尼的球品會改善&
打耐左d球路可以多d
咁諗應該比較實際
作者: tkk2p    時間: 2006-2-25 07:22 PM

差個前鋒咪要朗尼,差個中場咪要甸奴囉~
作者: 迷途小羔羊    時間: 2006-2-25 07:59 PM

Originally posted by brightman at 2006-2-25 05:59 PM:


我對此並不同意, 細哨係創造力, ...
多謝賜教
所謂作用上的相若，係指兩人都可以做到起前場組識、策動進攻的作用
以於誰球場視野一流、誰射門步大力雄，誰創造力較好；則是討論到能力既範圍
其實兩者皆有，在乎程度之別

當然技術型球員來到英超不一定被收山，不過在體力化既英超比賽中受傷既機會會更高
洛賓不就是試過嗎？雷耶斯初到阿仙奴也常投訴被侵犯
除非適應到，否則技術型球員在英超發揮定必受阻

再些此討論翻樓主既問題
就係曼聯買朗尼時已肯定朗尼無適應英超既問題
但買朗拿甸奴，則有一定程度上既風險
作者: brightman    時間: 2006-2-25 09:00 PM

Originally posted by 迷途小羔羊 at 2006-2-25 07:59 PM:


多謝賜教
所謂作用上的相若，係...
或者是我誤解了你的意思吧
作者: Kian76    時間: 2006-2-25 09:24 PM

Originally posted by brightman at 2006-2-25 05:36 PM:
見到以上都係一面倒支持朗尼, 我就有...
這裡我有一點不同意的，是朗拿甸奴來代替碧咸？？位置上不一樣是完全不同嗎？？一個是習慣左路，個人突破後右腳大位命射，這是朗拿甸奴的招牌動作之一，而且碧咸的位置上站得較後，在反擊之中他是作出致命長傳的""炮台""，朗拿甸奴雖有傳送技巧，但以他在球場上的位置和踢法上，實難有機會像碧咸般作出致命長傳，他反而是在前場接應長傳的前鋒之一......又難度想把朗拿甸奴放在右中場上嗎？？雖然他比C朗拿度聰明，但試問他又會如何少上腳呢？？以往曼聯中場線左右二路一個斬波一個扭波，成條中場線上腳時間最長就是傑斯，難道想加入一名上腳肯定比傑斯更多的朗拿甸奴嗎？？那曼聯以往乾淨的踢法不也一樣會失去嗎？？多的是朗拿甸奴的個人創造力，但難度華朗就沒有嗎？？但的確朗拿甸奴比華朗有優勢的地方是他有強大的活動能力作後盾。而且，曼聯以往最強之處也不盡是踢法、戰術這些表面的東西，反而是默契，朗拿甸奴沒有默契下，更沒有同鄉之下(最多只有以前的基巴臣)，又應如何去配合呢？？在現時的角度上看，朗拿甸奴加盟曼聯末知性實在太多，相比現時己在曼聯發光發熱的朗尼，怎也看不到朗拿甸奴會更加成功。
作者: Kian76    時間: 2006-2-25 09:36 PM

Originally posted by brightman at 2006-2-25 05:59 PM:


我對此並不同意, 細哨係創造力, ...
PLAYMAKER，這個詞實在太過被濫用，試問馬勒當拿當年世界杯中是否Playmaker？？不是，真正的Playmaker是中場的布魯齊加，負責中場控制攻守節奏的工作，才是Playmaker，馬勒當拿只是一名超強的前場自由人。

而朗拿甸奴在巴塞隆拿又是否Playmaker？？不是，巴塞的Playmaker是迪高和沙維共同分擔的，朗拿甸奴在巴塞隆拿更加只是左翼鋒！！！不是甚麼Playmaker。

朗尼又是甚麼？？前鋒？？輔鋒？？翼鋒？？攻中？？他是馬勒當拿的位置，中前場自由人一個，沒有明顯的位置，簡單看是前鋒，但事實不盡是前鋒，以朗拿甸奴的踢法，某程度上跟朗尼是一樣的，大家也不是甚麼Playmaker。而且朗拿甸奴踢攻擊中場時 (多數在國家隊) 的表現好壞參半，相比他在巴塞隆拿踢左翼鋒的無敵表現實在有點失禮，原因在那？？可能正是他的控制節奏能力相比其他神一般的能力特別差吧。

相反，列基美才是現今球壇真正最有級數的Playmaker。甚麼托迪、艾馬、卡卡等人全部也不是。
作者: garfieldkeane    時間: 2006-2-25 09:42 PM

其實兩個球員ge 踢法唔同, 好難話要揀邊個
最重要ge 因素係睇隊波要d 咩人材
作者: brightman    時間: 2006-2-25 10:03 PM

Originally posted by Kian76 at 2006-2-25 09:24 PM:


這裡我有一點不同意的，是朗拿甸...
當然唔係話用細哨來代替碧咸, 但細哨的到來肯定可以補足曼聯自碧咸離去後中場策劃不足的毛病. 現時史高斯,傑斯已步入黃昏期, 要曼聯再已他們為進攻中心不是那麼現實的事, 所以曼聯至會購入c7和朗尼. 而事實傑斯出場的機會正減少, 史高斯墮後做較砲又有點吃力不討好的感覺, 而c7更加不用說, 踢三四場至會踢一場好波..是故細哨或可補足到這方面的不足.

小上腳的意思是不會作多餘的盤扭,好似c7咁, 扭黎扭去都唔可以拉散對方後方. 拖亂己隊的進攻節奏 細哨除了盤球到家, 他最可愛的地方是不會獨食, 球友一走到空位一定比, 有好多都係靚波,為史高斯及雲佬這種善於入楔的球員提供入球機會.

當然現在朗尼在曼聯打出成績所以許多人說朗尼較適合曼聯. 但唔好忘記當曼聯買朗尼時佢只得18歲, 用超過2千5百萬磅價錢買一個18歲小伙子是一件幾有風險既賣買, 君不見90年代沙柏的例子嗎? 不過, 朗尼較後的表現已經證明佢值呢一個價錢. 但我想講既係如果當初細哨係加盟曼聯既話細哨在曼聯的影響力未必比現在的朗尼細. 不過這些都只是假設的情況, 細哨不能踢曼聯, 不能證明他在曼聯的作用...討論到此似乎沒有什麼意思了.

[ Last edited by brightman on 2006-2-25 at 10:22 PM ]
作者: LMQ    時間: 2006-2-25 10:11 PM

Originally posted by 奇 at 2006-2-25 05:50 PM:
拎c7同細哨比?創造力同傳送差幾皮wo
細哨亦唔係果d死扭爛扭既球員

就算俾佢keep到個波,人地已經返哂後防佈陣,你又要再組織過攻勢,即係浪費時間
????????????
你緊係無睇巴塞點入車仔第二球比c7....果球反擊真係好大機會浪費
唔好誤會我意思~
我意思只係指c7同細哨上腳情形only~~

可能俾我感覺細哨就係專俾d定哂既波俾隊友
先至俾到我咁既感覺~
作者: brightman    時間: 2006-2-25 10:17 PM

Originally posted by Kian76 at 2006-2-25 09:36 PM:


PLAYMAKER，這個詞實在太過被濫用...
巴塞在中前場的攻勢的泉源是在細哨身上, 雖然細哨活躍於左路, 但說他只是左翼鋒相信大部份細哨迷都不認同, 細哨的踢法比起只是活躍於左邊的翼鋒(如洛賓)立體得多. 球隊中很多美妙的組織都是以細哨為起點, 想想沒有細哨那幾場比賽球隊的組織如何沒有章法就可以看出這點...playmaker這個名詞不是我按給他的, 連REUTERS記者都用playmaker這名詞來形容他:

http://www.thestandard.com.hk/news_detail.asp?pp_cat=19&art_id=4044&sid=5131443&con_type=1&d_str=20051024

[ Last edited by brightman on 2006-2-25 at 10:25 PM ]
作者: Kian76    時間: 2006-2-25 11:38 PM

Originally posted by brightman at 2006-2-25 10:17 PM:


巴塞在中前場的攻勢的泉源是在細...
我自問足球智識淺薄，與一些足球評論員相比實在太過無知，即使看了這篇文章也不能理解朗拿甸奴是一位Playmaker，可能我太蠢，往往只信自己的判斷，難以過份相信報章......當看到報章那些我自己認為是跟紅頂白的評論時，我就不會相信報章了......

左翼鋒只是位置，朗拿甸奴在巴塞隆拿的確是左翼鋒，左翼鋒一定要像洛賓般的嗎？？那你認為洛賓與皮里斯又有何分別？？我自己就覺得分別非常大，一個係靠出波，一個係靠組織放直線的球員，但當把洛賓與杜夫比較呢？？相比之下洛賓就比較喜歡切入中路，杜夫踢得更邊。朗拿甸奴的踢法如何，也不會改變得了他在場上的位置。正如伊古謙莫域是一名前鋒，但他所做的一切是一名中場所做的，難道他就不是前鋒嗎？？
作者: brightman    時間: 2006-2-25 11:57 PM

Originally posted by Kian76 at 2006-2-25 11:38 PM:


我自問足球智識淺薄，與一些足球...
當然以記者同你所謂的言論比較, 我會較信前者, 畢竟前者是專業的.

細哨雖然擺係左邊, 但係我覺得話佢既打法定性為左中場比較適合. 翼鋒大家都知打法係點, 只係長期係左路活躍,負責底線出波為主. 如果話擺係左邊係左翼鋒既話, 咁話施丹係左翼鋒又如何? 如果你話無問題既我都唔想同你拗...

大家對位置睇法唔同, 無為咁樣將自己既意見強加係別人身上.

[ Last edited by brightman on 2006-2-25 at 11:59 PM ]
作者: Kian76    時間: 2006-2-26 12:13 AM

Originally posted by brightman at 2006-2-25 11:57 PM:


當然以記者同你所謂的言論比較, ...
不知道你有否留意朗拿甸奴比施丹站得前，而且，巴塞隆拿的確是踢433，他和美斯是左右翼鋒。

小弟末聽過左翼鋒一定要踢得好邊只是出波，但左中場卻不用出波這分別，只知道左中場比左翼鋒站得後，而站在前鋒身邊的翼就是翼鋒，站在兩側的前鋒的意思，而站在左邊的中場就是左中場，站在左邊的中場的意思。

施丹是左中場，但朗拿甸奴不是左中場。
作者: brightman    時間: 2006-2-26 12:21 AM

翼鋒大家都知打法係點, 只係長期係左路活躍,負責底線出波為主.
Originally posted by Kian76 at 2006-2-26 12:13 AM:
但左中場卻不用出波這分別
不要斷章取義,
你以企位來定性翼鋒,中場的話, 我不再和你拗, case closed.
作者: MaxFigo    時間: 2006-2-26 01:00 AM

我認為中場同翼鋒ge區分方法...應該係球員係球場上ge打法，而非企位或是作用

正如森保達在祖雲的位置是左後衛，但他打法往往喜歡跑得較前，所以我們稱他為左翼衛
迪比亞路在祖雲的位置明明是前鋒，但他往往喜歡在中場組織攻勢，所以我們稱他為輔鋒
尼維特在祖雲的位置是左中場，但他偏偏喜歡在球場四處走動，所以我們稱他為中場自由人

姑勿論如何....細哨的踢法怎看也不似是一名連繫攻守的playmarker
嚴格來說，是一名跟卡卡相似的進攻中場，或是迪比亞路般的後上前鋒

純粹個人意見，但好像已經和主題相差太遠了....

[ Last edited by MaxFigo on 2006-2-26 at 01:01 AM ]
作者: Kian76    時間: 2006-2-26 01:29 AM

Originally posted by brightman at 2006-2-26 12:21 AM:





不要斷章取義,
你以企位來定性翼鋒,中場的話, 我不再和你拗, case closed.
而朗拿甸奴在巴塞隆拿又是否Playmaker？？不是，巴塞的Playmaker是迪高和沙維共同分擔的，朗拿甸奴在巴塞隆拿更加只是左翼鋒！！！不是甚麼Playmaker。
我由始至終也說明朗拿甸奴在巴塞隆拿的位置是左翼鋒，由始至終也是，為何要執著於他實際上最佳位置是那？？他的確在巴塞隆拿是踢左翼鋒，這是事實。正如李華度是攻擊中場(或輔鋒)，但當年在巴塞隆拿，亦是他最輝煌的時期他是踢翼鋒的。(被逼)

在我看來，朗拿甸奴的踢法和走位傾向比較像卡卡、托迪、艾馬、朗尼這些球員，半個中場半個前鋒，總括黎講即係前場自由人，沒有明確的位置，但他們也絕對不是Playmaker。當然，在球會和國家隊層面上，他們是否被認為是自由人，讓他們自由走動則很難說，原本托迪是，但球會缺前鋒，他便當上了前鋒，艾馬是，但卻不太受重用，朗尼是一個成功個案，朗拿甸奴？？他自由度非常之大，但卻還得要主力在左路踢他的左翼鋒，他試過在季初與伊度奧調位踢中鋒，在中路的他反而自由度被嚴重壓制，表現也不見得好，最後還是要踢回他的左翼鋒。而一直以來，即使是在巴黎聖日門或是世青杯，朗拿甸奴也從末正式當上攻擊中場位置，反而在攻擊中場位置出現得最多的只有近年在巴西國家隊中。一直以來他也是一名輔鋒。在世青杯更是正前鋒。
作者: Kian76    時間: 2006-2-26 01:29 AM

Originally posted by MaxFigo at 2006-2-26 01:00 AM:
我認為中場同翼鋒ge區分方法...應該係...
認同你的說法。
作者: Kian76    時間: 2006-2-26 01:38 AM

Originally posted by brightman at 2006-2-26 12:21 AM:





不要斷章取義,
你以企位來定性翼鋒,中場的話, 我不再和你拗, case closed.
補多句，我可能用詞有點不當，我是完全沒有想筆戰的想法的。
作者: scorerhk    時間: 2006-2-26 01:42 AM

Originally posted by MaxFigo at 2006-2-26 01:00 AM:
我認為中場同翼鋒ge區分方法...應該係...
講得好,一語道破
球員本身的踢法類型,同排陣上的位置類型係唔同的

[ Last edited by scorerhk on 2006-2-26 at 01:45 AM ]
作者: 奇    時間: 2006-2-26 04:52 AM

Originally posted by LMQ at 2006-2-25 10:11 PM:

唔好誤會我意思~
我意思只係指c7同細哨上腳情形only~~

可能俾我感覺細哨就係專俾d定哂既波俾隊友
先至俾到我咁既感覺~
你意思不是他們同樣上腳,效果一樣嗎?
會唔會因為佢呢d鍾意上腳踢法,打亂哂曼聯d節奏呢(等同而家c7一樣,因為鍾意上腳搞到好多隊友同埋球迷插佢)
就算俾佢keep到個波,人地已經返哂後防佈陣,你又要再組織過攻勢,即係浪費時間

所以我才說出他們上腳情形一樣(其實有分別的,細哨不會死扭)但效果不一樣(創造力和傳送)....

鍾意上腳就一定打亂節奏?(有時太急第一時間比反而仲亂)
巴塞有邊個唔鍾意上腳?
迪高,沙維....但他們放d直線咪一樣恰到好處

[ Last edited by 奇 on 2006-2-26 at 04:57 AM ]
作者: Kian76    時間: 2006-2-26 01:50 PM

Originally posted by 奇 at 2006-2-26 04:52 AM:

你意思不是他們同樣上腳,效果一樣嗎...
但問題係曼聯班波唔同巴塞班波，巴塞近乎任何一人都有能力拉開對手防線，佢地更加係靠呢種踢法，但曼聯唔同，就算朗拿甸奴有能力拉開對手，但得佢一個又拉得幾空呢？？曼聯唔係o個班波，更冇理由要成隊紅魔鬼就住一個巴黎聖日門小子黎踢(當時)！！！

還記得朗拿甸奴在巴塞的頭半季是幾咁獨食嗎？？我見倒既係超獨食。係後半季得到戴維斯加盟加強中場攔截力以及朗拿甸奴變得聰明了巴塞才有起色。

[ Last edited by Kian76 on 2006-2-26 at 01:51 PM ]
作者: MaxFigo    時間: 2006-2-26 01:57 PM

Originally posted by 奇 at 2006-2-26 04:52 AM:

你意思不是他們同樣上腳,效果一樣嗎...
想問一句....你可以確保朗拿甸奴在節奏明快、壓迫力強的英超比賽時
仍可以像在西甲比賽中有足夠時間從容地傳一球靚直線？

你可以確保當在如高貝利球場般比例較少的球場，
可以有足夠地方像在魯營球場般給朗拿甸奴個人表演，過兩個之後再比直線？

若細哨不可以盡情發揮的話，這豈不是限制了朗拿甸奴的進步空間？
也同時限制了曼聯在進攻上的表現？

根據你的意思，是要細哨遷就英超的踢法，而不是盡情發揮自己功用
這分分鐘會造成雙輸的局面.....
作者: Kian76    時間: 2006-2-26 02:00 PM

Originally posted by MaxFigo at 2006-2-26 01:57 PM:



想問一句....你可以確保朗拿甸...
這些就是朗拿甸奴加盟曼聯的末知數。有人說投資朗尼風險大(代入之前)，但投資朗拿甸奴這個巴黎聖日門巴西小子風險也不見得小，當時有誰知他會是球王？？沒有。
作者: MaxFigo    時間: 2006-2-26 02:11 PM

Originally posted by Kian76 at 2006-2-26 02:00 PM:


這些就是朗拿甸奴加盟曼聯的末知...
個人認為若他當初加盟曼聯....
他未必能像在巴塞一樣揮灑自如...
更遑論成為球王...
作者: brightman    時間: 2006-2-26 02:46 PM

Originally posted by Kian76 at 2006-2-26 01:50 PM:


但問題係曼聯班波唔同巴塞班波，巴塞近乎任何一人都有能力拉開對手防線，佢地更加係靠呢種踢法，但曼聯唔同，就算朗拿甸奴有能力拉開對手，但得佢一個又拉得幾空呢？？曼聯唔係o個班波，更冇理由要成隊紅魔鬼就住一個巴黎聖日門小子黎踢(當時)！！！
咁而家c7在陣成隊球又咪就哂佢踢, 費sir仲話c7係曼聯未來既希望. 豈非自相矛盾乎?
作者: brightman    時間: 2006-2-26 02:59 PM

Originally posted by MaxFigo at 2006-2-26 02:11 PM:



個人認為若他當初加盟曼聯....
他未必能像在巴塞一樣揮灑自如...
更遑論成為球王...
同意你所講, 細哨係曼聯未必會成為球王, 但我覺得佢加盟唔多唔少可以補足到曼聯中場線的不足, 至少好過c7吧? 如果這貼的標題是細哨加盟曼聯或巴塞的成就會更高, 我當然話巴塞, 但現在標題是若你是曼聯領隊你會選朗尼或細哨?

兩者都可以補充曼聯的不足, 但強要比較我覺得好難, 以一個已知的情況[朗尼踢曼聯]對比假設下的情況[細哨踢曼聯]是有點問題.

至於話適應上既問題, 個個球員都有, 由於細哨結果無加盟曼聯佢都證明唔到佢適應上的情況如何
作者: brightman    時間: 2006-2-26 03:04 PM

Originally posted by scorerhk at 2006-2-26 01:42 AM:



講得好,一語道破
球員本身的踢法類型,同排陣上的位置類型係唔同的

[ Last edited by scorerhk on 2006-2-26 at 01:45 AM ]
這正是我所想, 翼鋒只是踢法類型...如說奧華馬斯踢法是翼鋒踢法,相信無人反對, 但說細哨是翼鋒踢法....我會大有保留..
作者: brightman    時間: 2006-2-26 03:33 PM

我由始至終也說明朗拿甸奴在巴塞隆拿的位置是左翼鋒，由始至終也是，為何要執著於他實際上最佳位置是那？？他的確在巴塞隆拿是踢左翼鋒，這是事實。正如李華度是攻擊中場(或輔鋒)，但當年在巴塞隆拿，亦是他最輝煌的時期他是踢翼鋒的。(被逼)

在我看來，朗拿甸奴的踢法和走位傾向比較像卡卡、托迪、艾馬、朗尼這些球員，半個中場半個前鋒，總括黎講即係前場自由人，沒有明確的位置，但他們也絕對不是Playmaker。當然，在球會和國家隊層面上，他們是否被認為是自由人，讓他們自由走動則很難說，原本托迪是，但球會缺前鋒，他便當上了前鋒，艾馬是，但卻不太受重用，朗尼是一個成功個案，朗拿甸奴？？他自由度非常之大，但卻還得要主力在左路踢他的左翼鋒，他試過在季初與伊度奧調位踢中鋒，在中路的他反而自由度被嚴重壓制，表現也不見得好，最後還是要踢回他的左翼鋒。而一直以來，即使是在巴黎聖日門或是世青杯，朗拿甸奴也從末正式當上攻擊中場位置，反而在攻擊中場位置出現得最多的只有近年在巴西國家隊中。一直以來他也是一名輔鋒。在世青杯更是正前鋒。
從這句我可看到我和你對翼鋒的理解上的分別, 你著重只係排陣上企位, 我著重係打法. 事實上打法比企位有意思得多. 至於你用其他球員踢法來比較根本就無相干.
PLAYMAKER，這個詞實在太過被濫用，試問馬勒當拿當年世界杯中是否Playmaker？？
你可以唔同意playmaker形容細哨, 但係用濫這個字很不當. 試試上網找關於細哨資料吧. 很多外國傳媒都用這名詞稱呼他. 當然你可以繼續用這字眼來批評用這字詞來形容細哨的人, 但我從不會話那些將朴智星的朴讀做"扑"的人是濫讀, [雖然正音係"培"],只是一個稱呼罷了.
作者: Kian76    時間: 2006-2-26 07:48 PM

Originally posted by brightman at 2006-2-26 02:46 PM:


咁而家c7在陣成隊球又咪就哂佢踢, 費sir仲話c7係曼聯未來既希望. 豈非自相矛盾乎?
哈哈，誰就住C.朗來踢呢？？我看不到，只看到C.朗獨食，隊友局住配合(非自願)，費sir會不會狂插C.朗呢？？插C.朗係咪某程度上係踩自己隻腳，衰俾碧咸睇？？當初神氣地放走碧咸，大聲聲地話C.朗繼承碧咸，人是要面的。
作者: Kian76    時間: 2006-2-26 07:51 PM

Originally posted by brightman at 2006-2-26 03:04 PM:


這正是我所想, 翼鋒只是踢法類型...如說奧華馬斯踢法是翼鋒踢法,相信無人反對, 但說細哨是翼鋒踢法....我會大有保留..
我那一句是說朗拿甸奴的""踢法""是翼鋒？？我從來都是說他""在巴塞的位置""是翼鋒。

你就不斷話我話佢係翼鋒係影低了他，但我從來都沒有說他是翼鋒踢法。我只說過就算踢翼鋒，都有不同踢法。皮里斯是踢左翼，但踢法不是落底出波咁簡單。

希望你明白我講乜。
作者: Kian76    時間: 2006-2-26 07:55 PM

Originally posted by brightman at 2006-2-26 03:33 PM:


從這句我可看到我和你對翼鋒的理...
從這句我可看到我和你對翼鋒的理解上的分別, 你著重只係排陣上企位, 我著重係打法. 事實上打法比企位有意思得多. 至於你用其他球員踢法來比較根本就無相干.
甚麼？？我只著重企位嗎？？那麼放杜夫踢左閘，那一場杜夫又是否左閘？？誰不知道他是左翼？？但的確他那一場在車路士中是踢左閘。同一道理代入朗拿甸奴裡，朗拿甸奴本身係前場自由人(或輔鋒)，但在巴塞隆拿長期出現在左翼鋒位置上。

我的意思一直也是這樣，請不要把自己攪錯了的責任推在我身上。
作者: Kian76    時間: 2006-2-26 07:59 PM

你可以唔同意playmaker形容細哨, 但係用濫這個字很不當. 試試上網找關於細哨資料吧. 很多外國傳媒都用這名詞稱呼他. 當然你可以繼續用這字眼來批評用這字詞來形容細哨的人, 但我從不會話那些將朴智星的朴讀做"扑"的人是濫讀, [雖然正音係"培"],只是一個稱呼罷了.
我不知道用濫這一字有何問題，錯就是錯吧，正如即使你不去告訴別人朴字的讀法，的確他是讀錯，讀錯就是讀錯，你不去告訴他正確的答案的話，他凱不是一直不知道真正答案嗎？？？

而且當上一個體育記者真的特別專業？？我看不出黃興桂這個專業講波佬有何專業。事實上，只要你基本條件適合，你也可去當一個體育記者。你寫得出一篇好文章自然有人請你，即使你不懂足球也不要緊。
作者: Jk    時間: 2006-2-26 08:14 PM

咁都仲使揀!?梗係癲奴啦!擺落隊波度影響力大好多,瓣數都多d,非常重要!

郎尼都好,不過同癲奴重差好遠好遠...
作者: brightman    時間: 2006-2-26 08:15 PM

而且當上一個體育記者真的特別專業？？我看不出黃興桂這個專業講波佬有何專業。事實上，只要你基本條件適合，你也可去當一個體育記者。你寫得出一篇好文章自然有人請你，即使你不懂足球也不要緊。
好, 講到自己專業過體育記者..寫文章唔代表係記者呀, 長毛都寫波經啦, 我講緊係新聞呀.

你咁講係侮辱緊從事體育記者工作既人, 好野好野
作者: brightman    時間: 2006-2-26 08:22 PM

Originally posted by Kian76 at 2006-2-26 07:59 PM:


我不知道用濫...
我會告知佢正確讀法, 但唔會話佢濫讀. 注意語氣上的分別. 話人濫乜濫物係不禮貌的語氣...不過你連體育記者行業都不尊重的人大抵不會明白
作者: brightman    時間: 2006-2-26 08:36 PM

而朗拿甸奴在巴塞隆拿又是否Playmaker？？不是，巴塞的Playmaker是迪高和沙維共同分擔的，朗拿甸奴在巴塞隆拿更加只是左翼鋒
甚麼？？我只著重企位嗎？？那麼放杜夫踢左閘，那一場杜夫又是否左閘？？誰不知道他是左翼？？但的確他那一場在車路士中是踢左閘。同一道理代入朗拿甸奴裡，朗拿甸奴本身係前場自由人(或輔鋒)，但在巴塞隆拿長期出現在左翼鋒位置上。
第一段同第二段解釋分別頗大, 如果你作出第二段解釋我都唔會作出質疑.
作者: brightman    時間: 2006-2-26 08:45 PM

哈哈，誰就住C.朗來踢呢？？我看不到，只看到C.朗獨食，隊友局住配合(非自願)，費sir會不會狂插C.朗呢？？插C.朗係咪某程度上係踩自己隻腳，衰俾碧咸睇？？當初神氣地放走碧咸，大聲聲地話C.朗繼承碧咸，人是要面的。
紅句同綠句互相矛盾..非自願配合咪即係"就"
作者: brightman    時間: 2006-2-26 09:06 PM

而且當上一個體育記者真的特別專業？？我看不出黃興桂這個專業講波佬有何專業。事實上，只要你基本條件適合，你也可去當一個體育記者。你寫得出一篇好文章自然有人請你，即使你不懂足球也不要緊。
桂神他在ESPN講波只是作戰術分析的環節, 以他的水平可以勝任.
但係因為佢講波有點兒悶, 但咁質疑人係足球方面的水平?人地可是當過東方教練的.
當教練不專業? 你試試吧, 單單做本地C級教練亦都要在足總修讀兩個課程.可況係甲組球隊教練.

[ Last edited by brightman on 2006-2-26 at 09:12 PM ]
作者: Kian76    時間: 2006-2-26 09:21 PM

而朗拿甸奴在巴塞隆拿又是否Playmaker？？不是，巴塞的Playmaker是迪高和沙維共同分擔的，朗拿甸奴在巴塞隆拿更加只是左翼鋒
你唔好玩啦，你鐘意分開睇野我真係無野好講，我一早講到明在巴塞，但你都仲要硬要將你攪錯我意思既責任推在我身上......既然如此，我都冇辦法，你一心想贏，咁咪俾你贏囉。
作者: Kian76    時間: 2006-2-26 09:24 PM

Originally posted by brightman at 2006-2-26 08:45 PM:


紅句同綠句互相矛盾..非自願配合咪即係"就"
我可能解釋不太清楚，就住某人黎踢都有分自願和不自願，有部署同冇部署既分別，以某人為基本建立球隊，是有部處，但C.朗拿度出場擅自控死個波，打亂球隊部署，隊友局住去配合。係兩樣野。
作者: Kian76    時間: 2006-2-26 09:25 PM

Originally posted by brightman at 2006-2-26 08:22 PM:


我會告知佢正確讀法, 但唔會話佢濫讀. 注意語氣上的分別. 話人濫乜濫物係不禮貌的語氣...不過你連體育記者行業都不尊重的人大抵不會明白
我不懂甚麼是禮貌，只知道對錯。
作者: Kian76    時間: 2006-2-26 09:26 PM

Originally posted by brightman at 2006-2-26 08:15 PM:


好, 講到自己專業過體育記者..寫文章唔代表係記者呀, 長毛都寫波經啦, 我講緊係新聞呀.

你咁講係侮辱緊從事體育記者工作既人, 好野好野
你又miss左我既留言內容喇，我一早就話過自己係唔熟悉足球，點解你又要咁講？？

新聞？？雅虎那位8號仔都非常專業。
作者: brightman    時間: 2006-2-26 09:27 PM

Originally posted by Kian76 at 2006-2-26 09:21 PM:


你唔好玩啦，你鐘意分開睇野我真...
我無話想贏, 係不滿你討論的方式的不禮貌. 覺得自己講既野係真理, 不斷質疑別人睇法, 甚至連體育記者行業的專業都嗤之以鼻, 對於你呢D自以為事的人我都無須尊重.
作者: Kian76    時間: 2006-2-26 09:28 PM

Originally posted by brightman at 2006-2-26 09:06 PM:


桂神他在ESPN講波只是作戰術分析...
悶？？他不是錯在悶，只是錯在極度主觀去評論球賽。
作者: brightman    時間: 2006-2-26 09:28 PM

Originally posted by Kian76 at 2006-2-26 09:25 PM:


我不懂甚麼是禮貌，只知道對錯。
我明白了
作者: Kian76    時間: 2006-2-26 09:28 PM

Originally posted by brightman at 2006-2-26 09:27 PM:

我無話想贏, 係不滿你討論的方式的...
原來無需尊重就可以用y理。
作者: Kian76    時間: 2006-2-26 09:29 PM

Originally posted by Kian76 at 2006-2-26 09:28 PM:


原來無需尊重就可以用y理。
要出去一會，希望你不會話我逃走吧。
作者: brightman    時間: 2006-2-26 09:35 PM

Originally posted by Kian76 at 2006-2-26 09:26 PM:


你又miss左我既留言內容喇，我一早就話過自己係唔熟悉足球，點解你又要咁講？？

新聞？？雅虎那位8號仔都非常專業。
唔熟悉足球仲要質疑別人行業的專業性, 果真自大

新聞記者同專欄作者職能是有別的.
作者: brightman    時間: 2006-2-26 09:37 PM

Originally posted by Kian76 at 2006-2-26 09:28 PM:


原來無需尊重就可以用y理。
無的放矢
作者: brightman    時間: 2006-2-26 09:56 PM

Originally posted by Kian76 at 2006-2-26 09:29 PM:


要出去一會，希望你不會話我逃走吧。
我都唔再花時間和你討論. 同你呢D無禮貌,唔肯面對自己問題,唔尊重別人甚至係整個體育記者行業的人講都係花時間
作者: Kian76    時間: 2006-2-26 11:35 PM

Originally posted by brightman at 2006-2-26 09:37 PM:


無的放矢
無的放矢？？我本來真的不想用利用前文的方式去回應你，但你要我這樣做我也這樣做吧，讓其他人明白我們誰對誰錯，看個明白吧。
而朗拿甸奴在巴塞隆拿又是否Playmaker？？不是，巴塞的Playmaker是迪高和沙維共同分擔的，朗拿甸奴在巴塞隆拿更加只是左翼鋒

甚麼？？我只著重企位嗎？？那麼放杜夫踢左閘，那一場杜夫又是否左閘？？誰不知道他是左翼？？但的確他那一場在車路士中是踢左閘。同一道理代入朗拿甸奴裡，朗拿甸奴本身係前場自由人(或輔鋒)，但在巴塞隆拿長期出現在左翼鋒位置上。
這是我在這問題上差不多最初的意見，但你卻說：
第一段同第二段解釋分別頗大, 如果你作出第二段解釋我都唔會作出質疑.
還說我這兩句有問題，是左翼鋒、朗拿甸奴本身係前場自由人，有自相矛盾。但我這樣回應你：
你唔好玩啦，你鐘意分開睇野我真係無野好講，我一早講到明在巴塞，但你都仲要硬要將你攪錯我意思既責任推在我身上......既然如此，我都冇辦法，你一心想贏，咁咪俾你贏囉。
因為前文我早就說明了意思，說了是在巴塞時的位置，你就把我的在巴塞故意看漏。

你卻這樣回應我：
我無話想贏, 係不滿你討論的方式的不禮貌. 覺得自己講既野係真理, 不斷質疑別人睇法, 甚至連體育記者行業的專業都嗤之以鼻, 對於你呢D自以為事的人我都無須尊重.
所以我忍不住這樣說。
原來無需尊重就可以用y理。
現在你竟然說我無的放矢？？太不講理了吧？？？

[ Last edited by Kian76 on 2006-2-26 at 11:36 PM ]
作者: Kian76    時間: 2006-2-26 11:45 PM

Originally posted by brightman at 2006-2-26 09:35 PM:


唔熟悉足球仲要質疑別人行業的專業性, 果真自大

新聞記者同專欄作者職能是有別的.
隨你喜歡啦，你覺得我質疑某些你眼中專業的人仕係自大咪自大囉，我自問就唔會人講乜就信喇，正如所有"""專業人仕"""見羅馬季初戰績差就把這些戰績無敵代入法認為托迪季初表現一樣差，但事實上有睇過羅馬季初賽事的人都知道托迪的狀態根本與現在沒多大分別，是非常的好，納比也曾發表言論希望托迪世界杯時能保持季初的表現，只是當時羅馬前線把托迪創造出來的大部份機會浪費晒咁姐，托迪真正表現差是在季中呀！！！直至冬季開始才回勇。但一眾""專業人仕""根本可能連托迪的比賽都唔知有冇睇過，就話佢季初同羅馬一樣差，而家回勇之類，真係笑大人個咀，我自問就唔會信呢類型既報導。

我只懂得看每篇報導時都會加以分析，不敢麻木相信。
作者: felixluihk    時間: 2006-2-27 01:43 AM

i would choose Rooney, coz he is much younger... can still improve a lot!!
作者: scorerhk    時間: 2006-2-28 09:23 PM

大家唔使咁肉緊,你地講得arm 但又arm唔哂姐
只係有時解釋得唔清楚造成混亂,
點解話dino(容許我懶一點)係左翼鋒,因為佢確確實實係踢左翼位置
不過,難道踢左翼就只演繹出左翼的工作? 非也!(相信大家都同意)
dino踢法多變,咁佢又係一個乜類型球員?(技術型?)
在下不才,找不到一個名,給dino配上去,因為根本無人定義到佢個種叫乜踢法
既然dino能勝任中前場所有位置,那麼是但叫"全能"罷了!,不用那麼煩


另外playmaker,唔識講
好多人將攻中代表playmaker(包括我),
但試問有誰能找出那個位置,最適宜演繹playmaker,這種踢法的位置嗎?
的確難



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0