娛樂滿紛 26FUN - Powered by Discuz! Board

標題: [愛情診療室] 救命! 好痛呀!又話時間會治療一切傷痛!!! [打印本頁]

作者: hate1118 時間: 2006-4-13 10:05 PM 標題: 救命! 好痛呀!又話時間會治療一切傷痛!!!

救命! 好痛呀!又話時間會治療一切傷痛!!!

我個心時時刻刻都痛, 只時嗰刻痛多定痛少,
又話冇一個人可以24小時都掛住一個人的,
點解我點抺都抺唔走, 仲好想聽到佢把聲,
明明知唔應該為一個對自己咁既人傷心,
但真係好掛住好掛住佢, 唯有聽住以前佢錄下的聲音,
但每聽一次嗰心就痛一次, 唔聽又會好想打電話比佢,
但唔可以呢! 究竟每個人的構造有d咩唔同, 點解有d人
可以咁冷血, 但有d人又會咁冇用, 好似我咁!

刹死我啦!!

作者: ＬＵ 時間: 2006-4-13 10:22 PM

咁．．．又唔使死的．．．我壓抑咗幾年喇，我都仲係睇唔開呀．．．就算有鍾意其他人都唔敢去馬，仲成日傷害Ｄ唔應該傷害的人．．．．唉．．．．妳唔好死啦，係都比我先啦．．．

作者: Rya/V 時間: 2006-4-13 10:23 PM

時間的確可以治療傷痛...
但你自己本身就不停地去增加自己既痛...
當你不停去掛住一個人...時間又點夠你快呀?
說到底你是唔甘心...定還是係仲愛佢呀 ?

作者: Rya/V 時間: 2006-4-13 10:24 PM

Originally posted by ＬＵ at 2006-4-13 10:22 PM:
咁．．．又唔使死的係都比我先啦．．．

哈哈...依種安慰人既方法我都係第一次見咋

作者: Chenjinnan 時間: 2006-4-13 10:24 PM

超！呢個情況我已經面對左十年！有啲麻木...

作者: Rya/V 時間: 2006-4-13 10:26 PM

Originally posted by Chenjinnan at 2006-4-13 10:24 PM:
超！呢個情況我已經面對左十年！有啲麻木...

嘩....十年都係甘鍾意佢呀??....你都好長情喎.... / _ \"

作者: hate1118 時間: 2006-4-13 10:26 PM

Originally posted by Rya/V at 2006-4-13 10:23 PM:
時間的確可以治療傷痛...
但你自己本...

我知自己仲愛佢, 但咁又點, 感覺好愛佢都好,
現實及理性已經唔可以一齊啦!!!

作者: hate1118 時間: 2006-4-13 10:31 PM

Originally posted by Chenjinnan at 2006-4-13 10:24 PM:
超！呢個情況我已經面對左十年！有啲麻木...

咁我係唔係都要等十年呀! 我同佢已經10年, 拖拉左大半年,
都未好, 仲要痛多十年點面對呀!

作者: Rya/V 時間: 2006-4-13 10:31 PM

Originally posted by hate1118 at 2006-4-13 10:26 PM:

我知自己仲愛佢, 但咁又點, 感覺好愛佢都好,
現實及理性已經唔可以一齊啦!!!

有冇聽過一句老說話..."愛一個人不一定要擁有"

作者: hate1118 時間: 2006-4-13 10:33 PM

Originally posted by Rya/V at 2006-4-13 10:31 PM:

有冇聽過一句老說話..."愛一個人不一定要擁有"

我冇話要擁有佢, 係我要佢走, 但心痛麻, 我諗我精神分裂呀

作者: Rya/V 時間: 2006-4-13 10:36 PM

Originally posted by hate1118 at 2006-4-13 10:33 PM:

我冇話要擁有佢, 係我要佢走, 但心痛麻, 我諗我精神分裂呀

哈哈...我以前分手時都會嫁...
但到後來明白到可能佢幸福過我同佢一齊個陣...
so...以後一發覺我同個女仔已經冇可能係一齊...
我就會直接了當...走左...對兩個都好ma...

作者: byros04 時間: 2006-4-13 10:39 PM

倚.....我又係咁喎.....大鑊啦.....我仲要會考添架......唉.....好煩..好痛.....

作者: kaixinren 時間: 2006-4-13 10:40 PM

睇你系什么心态，如果你可以放开，一秒後可能都已经唔记得了。
如果你一直执着，思念和憎恨将会越来越深，永远也忘不了，100年可能也是等于你的一秒（相对论）。

作者: Rya/V 時間: 2006-4-13 11:01 PM

Originally posted by byros04 at 2006-4-13 10:39 PM:
倚.....我又係咁喎.....大鑊啦.....我仲要會考添架......唉.....好煩..好痛.....

讀書緊要呀...手足...!!

作者: ＬＵ 時間: 2006-4-13 11:05 PM

Originally posted by Rya/V at 2006-4-13 10:24 PM:

哈哈...依種安慰人既方法我都係第一次見咋

我擺明唔係安慰人啦，似乘機發自己脾氣就真

[ Last edited by ＬＵ on 2006-4-13 at 11:10 PM ]

作者: hate1118 時間: 2006-4-13 11:08 PM

Originally posted by byros04 at 2006-4-13 10:39 PM:
倚.....我又係咁喎.....大鑊啦.....我仲要會考添架......唉.....好煩..好痛.....

讀書時唔同, 仲有大把青春, 時間, 仲後生, 況且後生是容易忘記東西,
加上未婚未嫁, 就算分手都冇咁大壓力, 唔似我

作者: Rya/V 時間: 2006-4-13 11:10 PM

Originally posted by ＬＵ at 2006-4-13 11:05 PM:

我擺明唔係安慰人啦，似乘發自己脾氣就真

講還講...一定要清楚死係完全解決唔到問題嫁

作者: ＬＵ 時間: 2006-4-13 11:10 PM

Originally posted by Rya/V at 2006-4-13 11:10 PM:

講還講...一定要清楚死係完全解決唔到問題嫁

咁你放心．．．．我發吓脾氣就無事嫁喇，不如睇吓樓主ｅ＋點先啦，佢好似好慘咁

作者: JerryLee 時間: 2006-4-13 11:43 PM

塭過第二個拉呢個世界有好多值得你愛的
For example , like me

作者: hate1118 時間: 2006-4-13 11:51 PM

但係呢個世界唔係你話愛第二個就愛到, 亦未必找到
人愛我呢, 我老啦! 用左十年去愛一個人, 一世人未必
有咁多個十年, 加上我有病點愛呢!

作者: JerryLee 時間: 2006-4-14 12:03 AM

介意我問是甚麼病嚴重嗎?

作者: hate1118 時間: 2006-4-14 12:11 AM

好似做戲咁, 贊人熱淚韓劇咁, 初期癌症,
不是嚴重, 醫生話有50%完會康復, 就係未
嚴重到死, 咁先辛苦, 係朋友家人面前要扮
堅強, 扮會努力生存, 懶有意志咁會去醫好佢,
實際真的想不打針不食藥, 由得佢!!

作者: JerryLee 時間: 2006-4-14 12:47 AM

雖然有D難以致信
但我覺得這也不是出奇的事情人生不如意十常八九
不過你要為支持和關心你的朋友努力對抗病魔和心魔
人生高高低低一切隨安
再者人不一定要用十年來限定一段感情
人有選擇和被選擇的權利
如果註定你會找到Mr right
你一定會找到的將來的事情沒人知道
坦然面對現在的一吧

還有我很喜歡你俏像幅相很可愛
你都要好似她甘開心喔

作者: hate1118 時間: 2006-4-14 12:56 AM

Originally posted by JerryLee at 2006-4-14 12:47 AM:
雖然有D難以致信但我覺得這也不是...

我都覺得難以致信, 我面對左呢個問題半年, 都而家都唔相信,
真希望我係思覺失調或發夢, 一醒來就冇事發生咁就好!
我想問萬一我仲可以生存, 但註定冇mr. right咁點呀!
咁咪仲慘!!!

作者: JerryLee 時間: 2006-4-14 01:04 AM

點會你重有大班關心你的朋友
Miss right我都找緊
唔介意交個朋友

作者: hate1118 時間: 2006-4-14 01:23 AM

交朋友冇所謂, 我有好多好朋友, 佢地個個
都好有義氣, 但你唔可以成日煩住朋友架!
如果係佢哋面前發癲或者飲酒, 好似好對唔
住佢哋咁, 所以不其然就壓住自己, 好辛苦

作者: JerryLee 時間: 2006-4-14 01:38 AM

有心事send e貓我拉朋友
我係一個不喜歡煩別人的人
[email protected]

作者: chison74 時間: 2006-4-14 02:27 AM

曾經深愛過，又點會咁易好返，我都熬咗6年，都唔敢再愛！

作者: hate1118 時間: 2006-4-14 02:39 AM

就係因為愛得深, 所以佢咁對我, 我就恨得佢更深,
整日都想整死佢同個女人, 因我佢哋有痛腳係我手,
我可以令佢哋工都冇得做, 但我咁諗係唔係好衰,
我整日徘徊在呢個邊緣, 就癲啦!

比你會點呀?????

作者: JerryLee 時間: 2006-4-14 02:41 AM

拿得起放得低

作者: kakeidevil 時間: 2006-4-14 08:21 PM

愈愛一個人傷得愈痛,愈需要用更長既時間去沖淡...
所以呢一刻你最需要既係一段長既時間~!!!

10年時間你放唔低好正常..而家你一定仲會掛住佢~!!!
因為你習慣左有佢o係你身邊....冇唸過會搞到而家咁~

傷心係人之常情~唔好話抺唔抺得走...因為你一定會記得佢曾經咁樣對過你!!
叫你唔好唸佢係廢話!!!...你愈想忘記就偏偏愈記得!!!....

但你要記住...~
過去左既野已經過去,雖然係痛苦,但你再係咁沉淪落去只會愈黎愈辛苦!!!!..
想喊既一次過痛痛快快喊出黎,嗌出黎,發洩左去...~
唔係你既始終唔係你既...冇得強求!!!

喊完痛完之後就要控制自己....
例如比個目標自己做d野寄託,人有寄託就會覺得時間好快過~

但如果你再係咁逼自己入堀頭巷既,冇人幫到你!!!

作者: Rya/V 時間: 2006-4-14 11:02 PM

Originally posted by kakeidevil at 2006-4-14 08:21 PM:
愈愛一個人傷得愈痛,愈需要用更長既時...

講得好

作者: 155220 時間: 2006-4-14 11:21 PM

痛苦中的我
問情是何價
誰人能夠付
愛情的代價

作者: austin666 時間: 2006-4-15 08:04 PM

時間會治療一切傷痛

意思係你冇曬時間的時候
你的一切傷痛都會一起消失
即係死左就唔會再有傷痛
係咁樣解決
唔係其他人講的咩你會忘記．．．．咩咩咩咩咁．．．
有Ｄ野係唔可能忘記＼解決的
只有接受＼面對

作者: cwleung 時間: 2006-4-15 10:45 PM

Originally posted by austin666 at 2006-4-15 08:04 PM:
時間會治療一切傷痛

意思係你冇...

唔會掛....就算再難忘記...都一定會忘記...
就算依一刻我好愛一個人....之後同佢分手..
一百年之後...佢就樣我仲會記得清楚咩...

作者: Lazyman13 時間: 2006-4-17 05:39 PM

Originally posted by hate1118 at 2006-4-14 02:39 AM:
就係因為愛得深, 所以佢咁對我, 我就...

咁你唯有希望快d出現另一目標啦...

作者: toro 時間: 2006-4-18 09:56 AM

今日補左分

歡迎光臨娛樂滿紛 26FUN (http://26fun.com/bbs/)