娛樂滿紛 26FUN - Powered by Discuz! Board

標題: 車路士?? 有$$係咪可以玩哂?? [打印本頁]

作者: Aivn 時間: 2006-5-29 12:29 AM 標題: 車路士?? 有$$係咪可以玩哂??

車路士?? 有$$係咪可以玩哂??

大家覺唔覺得有$$就大哂?!
亂出$$買人,
連ballack, 舒夫真高都買埋..
球壇會變成點??

咁d細球會點算??
會唔會變成惡性循環...??
其實依家都開始係...
西,意,英,德都係得2-3隊爭...法,荷,葡都係...

車路士就黎好似玩緊winning 既master league 啦...
會唔會好似我打到成過百分一季架...

請踴躍發言!!

作者: sexysexy 時間: 2006-5-29 01:01 AM

有錢未必可以玩晒(老樸), 但冇錢都未必輸梗(保頓), 但講真, 有個有錢既班主, 可以係咁買人, 又係唔錯喎, 好似你玩master league咁, 你會唔會一路用原創球員而唔去買球星呀

弱既細既球隊, 係咪好應該諗下辦法去賺多啲錢呀, 訓練好啲既球員去賣呀, 唔好成日怨啲有錢球會先得架

作者: Azuma 時間: 2006-5-29 01:17 AM

Originally posted by Aivn at 2006-5-29 12:29 AM:
車路士?? 有$$係咪可以玩哂??

大家...

其實我唔明點解會好多人覺得車仔有錢=玩晒.....................

1.好多朋友都講過係
無錯係車仔想買人.............
但係明顯地人地知佢有錢唔通仲唔當佢水魚?
每個球員都有一個價值
你覺得個球員太貴或唔值你就唔會買,
wsp 值咁貴ma?
我覺得唔值
所以無球隊會願意買或者買到
朗尼
貴唔貴?
mu一次過用兩季轉會費買....................

2.亂出錢買人?
無錯
車仔的確係狂買人
佢地資源比人地多
可以比其他球隊更加大膽買人...............
但係
唔好忘記一樣事情
車仔係有入有出
唔係買曬o的勁人(PARKER,TIAGO,MUTU,KEZMEN.................)
講真有幾多個真係世界級係呢幾季買....................
j.cole,lampard,galls,cech,galls,terry,馬基....................
都唔係呢兩年買

P.S.
BALLACK係簽番黎
係零轉會費

3.車仔有錢唔係呢兩季事情
其實好多球會都好有錢
但係佢地分開使姐
巴塞隆納,皇馬..................
有錢唔代表有成績
要球員,教練配合...............

我鍾意車仔
因為摩師
我成日都諗到一句火鳳名言
"敵常勝者,側貶其有勇無謀"

作者: aspiderman 時間: 2006-5-29 01:32 AM

舒夫真高都買埋..
??????

作者: slwong3 時間: 2006-5-29 01:36 AM

Originally posted by Azuma at 2006-5-29 01:17 AM:

其實我唔明點解會好多人覺得車仔...

敵常勝者,側貶其有勇無謀
agree with you

作者: Kian76 時間: 2006-5-29 01:46 AM

我諗車路士要快點打回原型長期負債、拼命爭聯賽第四名，同英超雙雄阿、曼無利益衝突，先能夠引起阿、曼兩大球迷集團既同情。(只是說部份有問題的球迷)

p.s. 同情是指唔再惡意中傷。

作者: abc123aa 時間: 2006-5-29 02:14 AM

一d都唔覺車仔玩晒............波歷克唔洗轉會費嫁...........=3="
舒夫真高都唔一定係黎車仔,就算黎車仔都係正常,點解人地揀車仔唔揀曼聯?原因好明顯啦........=3="

作者: 瑞比 時間: 2006-5-29 02:33 AM

物極必反..

作者: harvey22 時間: 2006-5-29 02:38 AM

Originally posted by Azuma at 2006-5-29 01:17 AM:

其實我唔明點解會好多人覺得車仔...

i think you explain the whole thing pretty well!
but one thing i want to point out~
obl mikel (whatever his name is) signs for man utd at 1st place, but ten turn his back to chelsea becoz of more money!
ballack is being critised by others that he is joining chelsea just because of money!
others as well, swp maybe money?

so my point is chelsea is not twisting the transfer market by their spending spire, the are ruining players heart with money!!! is all about money!! you play for chelsea you get money!

作者: abc123aa 時間: 2006-5-29 02:47 AM

Originally posted by 瑞比 at 2006-5-29 02:33 AM:
物極必反..

唔好意思,呢個係世界定律,到佢反既時候先算啦

作者: Azuma 時間: 2006-5-29 03:02 AM

Originally posted by harvey22 at 2006-5-29 02:38 AM:

i think you explain the whole t...

無錯......
錢係重要
但係如果真係為錢
點解仲要走?
Crespo,Dorga,Huth,古莊臣,Galls,BRIDGE ..................
因為無或將會無正選打

其實錢係一個因素,但係球員有無得出場都係好重要
(如果你有試過做後備的話,你會更加明白)

你睇下nba

點解馬龍,parton 當年過湖人?
係因為錢?(當然nba有薪金上限)

唔要錢想要冠軍....................
老實講
你係世界級球員踢到28,29歲姐係咩都搵夠(當然錢無人覺得多)

obl mikel
其實好有問題
佢想要錢就一早應該去車仔...............................
係唔係

你貪錢都無理由搵間無咁有錢球會咁矛盾.............

其實
球員轉會(唔係屎波或者係就收山個o的)
都一定有人工加...........................
係唔係為錢
可能係
或者
唔係
但係
車路士個o的就點解一定係

作者: abc123aa 時間: 2006-5-29 03:08 AM

Originally posted by Azuma at 2006-5-29 03:02 AM:

無錯......
錢係重要
但係如果...

點解車仔果d一定係為錢?因為d反車既人妒忌車仔囉

作者: cfccfcc 時間: 2006-5-29 03:48 AM

可能當油王一入主車仔時,加盟的球員係為左錢
但當摩帥幫車仔贏左兩年聯賽冠軍之後
我相信會有好多好似(Malone and payton)咁既想法的人去加盟車仔

作者: cwc_tkd 時間: 2006-5-29 08:10 AM

算啦, 有錢真係大晒架, 哈

作者: alexk116 時間: 2006-5-29 08:21 AM

我覺得就算支持車仔o既人點講都好，
反車仔o既人都係覺得車仔有錢大晒。

作者: ahho319 時間: 2006-5-29 09:22 AM

球員為錢都好正常姐....
一個足球員生涯係好短..係有能力o個時搵多d都好正常既...

再講如果我係細球會車仔比咁多錢買我d人..我開心都黎唔切啦..
d錢可以幫助我發展自己既球會...

同埋車仔買人最多咪十幾廿個....好既球員全界多的是啦..

作者: buengland 時間: 2006-5-29 10:02 AM

無錯, 球員為錢係好正常, 當然同時佢地都為自己前途, 這兩個因素, 係球員心目中多多少少佢地自己心裡有數

我成日都話, 車仔啲球員都好多係有品既球員

lampard, terry, crespo, duth ..... etc .....

無話啲球員錯bor, 你可能要求人工高 30%, 但同時你歇盡所能踢好波, 做足training, 你仍然會係球迷心目中既英雄 (當然吾好太過份啦)

但車仔既情況, 係不尋常地有無限量支金 (我指作為一支even係英超班霸足球隊, 都無可能可以支持到咁既 budget)

車仔既budget, 其實根本係 ridiculous, 世上有邊間球會容許一年蝕 14 億, 仲越蝕越多?

呢個時候, 我地就要留意

蝕左呢啲錢係邊到嚟 - 大家知道, 係身家 1600 億既阿巴莫域治到嚟 (14億等如佢既玩具)

呢啲錢 (即令到球會蝕每年蝕 14 億) 支出左去邊到
1) 去左用超高人工吸引最頂尖球員加盟
2) 去左用超高 (高於市價轉會費) 吸引其他球會放人
而且呢啲都係持續性咁樣去做的

換言之, 超大量金錢就造成左一個強大的誘因, 令到世上絕大部分頂級的球員都俾錢買到手, 當然成績自然有保證,

但代價係球賽失去了競爭性, 呢個問題如果大家由佢存在, 好可能係英超聯, 或職業足球壇逐漸失去過去5-6年的吸引力的原因

作者: LMQ 時間: 2006-5-29 10:30 AM

或者我都試下俾意見

1.車仔如果繼續去買更加多既星級球星返黎,遲早呢個地方會變成球星墳墓
點解?正選只得11個,球員就大把
就算俾你輪流出,你出得幾多個?
而不明不白俾犘佬打入冷宮果d條氣又會順咩?
基斯文,查路鍚果d就係例子

2.o係車仔果度,每個球員幾萬磅甚至十幾萬磅周薪
身價更加幾百萬到三千幾萬磅都有
對油王黎講只係九牛一毛
但係對其他球隊黎講,有d已經等於佢地運作既班費
難怪會令其他人妒忌,但係你吹呀?有錢就有有錢既好處
其實而家車仔唔係賺哂,都有洩錢(你估車仔球員d周薪平架?)
只不過油王o係自己身家度拎筆錢出黎咁就解決左
只怕油王有朝一日玩厭左唔再玩落去既
車仔就真係可以講88

3.買得愈黎愈多人(無疑實力又再相對提高)
自不然減低左競爭性
你叫d中型球隊點同車仔打?
嬴到or和到都係果場人地有神來之筆je,根本無可能場場都同你打到五五波
我唔敢講話車仔場場大炒
但係你會覺得車仔有可能唔嬴咩?
間接做成強者愈強,弱者愈弱既道理
無乜既,只會搞到更加多人想車仔輸波je(除左車仔球迷)

4.球員為乜入車仔?
1係為錢,2係為名利
唔通走入去為前途?
成隊波咁多勁人,除非你真係場場都打到超出水準(林伯泰利果d就係例子)
一個唔好彩坐埋冷版...到時又係等賣
同埋大佬..而家車仔咁多勁人
我博佢下季拎冠軍好正常je,我係球員都想去車仔分一杯羹啦
理得佢出唔夠10場無獎牌,我去沾下光唔好咩?
呢個就係點解ball仔唔續約都走黎車仔
舒夫真高寧願離開AC呢個老地方都黎車仔碰下

5.講左好講次,唔爭在講埋呢點
車仔買人下下都係同身價x大幾倍而買番黎
搞到個轉會市場有點兒亂左籠
就好似里昂賣個艾辛都要成二千幾萬
從而搞到迪亞拉都話要二千幾接近三千萬
但稍為想一想,呢d球員有無可能值咁既身價?
另外,wright phililips成二千幾萬磅買番黎,有無人會話呢個身價係值?
都係果句,人地油王有錢你吹呀?
我鍾意將d錢點用都得,你唔恨得咁多

6.好多人都話摩佬串
但我覺得如果摩佬唔串嘴既話
就真係好難管理好咁多眾星球員
想人服你,有時手碗強硬d係無可厚非
(雖然我都唔係好鍾意佢個格-.-)

以上咁多點
交代哂我對車仔既感覺~~

ps.我係曼迷黎~無話幫邊度,只係有果句講果句

作者: Kian76 時間: 2006-5-29 10:44 AM

Originally posted by alexk116 at 2006-5-29 08:21 AM:
我覺得就算支持車仔o既人點講都好，
反車仔o既人都係覺得車仔有錢大晒。

我唔支持車仔.........只是認為佢地無辜.......

我覺得就算反車既人點講都好，明眼人都會覺得佢地發緊窮惡，唔忍心見倒自己球隊咁無能搵咁少錢........

作者: Kian76 時間: 2006-5-29 10:59 AM

Originally posted by buengland at 2006-5-29 10:02 AM:
無錯, 球員為錢係好正常, 當然同時佢...

有唔認同既地方，就係花錢買勁人=成績有保證？？？國際米蘭和皇家馬德里一定年年冠軍了。AC米蘭和國米都試過放巴治奧在後備唔用，成支球隊分開兩隊踢都完全冇問題，盡收天下兵器減弱對手實力是當年無敵AC米蘭創出的，今日既國米都係狂買人，但為何沒有人鬧？？反而咁多人支持？？我諗反車既一堆所謂既人真係要諗下加入國米呢個討伐目標。若連無敵AC米蘭的絕世絕招都唔識既人，就唔該去讀下足球歷史，唔好口口聲聲說到車路士特別另類。

仲有，英超失去觀賞性這個是球迷角度的觀點，關車路士屁事？？我只知道佢唔引入有實力既球員的話，失去冠軍就好大獲。站於車路士的立場，冇理由讓賽，正如當年曼聯玩左英超咁多年，都冇讓過賽一樣，當年英超近乎年年都係曼聯贏，但點解冇人唔睇？？你有冇睇？？點解曼聯可以玩晒，可以做世界最富有球隊，但車路士就唔可以玩晒，唔可以做最富有球隊？？雙重標準？？？

作者: hung414 時間: 2006-5-29 11:42 AM

其實你地玩winning都咪係咁上下
成隊明星隊...勁人都係做後備
只不過我地係遊戲(PS2)
人地就真金白銀咁做囉(國際米蘭和皇家馬德里都用唔少錢啦)
請問你地又係唔係場場win,場場數電腦6:0先

作者: buengland 時間: 2006-5-29 01:04 PM

Originally posted by Kian76 at 2006-5-29 10:59:

有唔認同既地方，就係花錢買勁人=...

quote 「仲有，英超失去觀賞性這個是球迷角度的觀點，關車路士屁事？？我只知道佢唔引入有實力既球員的話，失去冠軍就好大獲。站於車路士的立場，冇理由讓賽，正如當年曼聯玩左英超咁多年，都冇讓過賽一樣，當年英超近乎年年都係曼聯贏，但點解冇人唔睇？？你有冇睇？？點解曼聯可以玩晒，可以做世界最富有球隊，但車路士就唔可以玩晒，唔可以做最富有球隊？？雙重標準？？？」

我地講緊如果你隊球隊係自付盈虧, 你有好既管理層, 有好既足球以致市場策略, 踢得好, 得人鍾意.....咁有本事你賺到勁多錢, 我會服你, 因為呢個係你踢波踢得好, 球會運作得好既成果, 因為咁樣而你有足夠資金買人, 係買人市場有優勢都係理所當然, 因為係球會和球隊本身有本事.

但以你所講, 車仔失去冠軍就好大獲, 所以狂買人, 用佢1600億老闆既金錢優勢壓倒其他球隊, 買晒最頂尖既球員, 其他球隊點踢? 你會話波係圓既, 其實大家心裡有數, 係好難踢, 車仔有咁既金錢優勢, 好難win 吾到.

但係呢啲錢係咪來自本身車路士球會一路發展上嚟建立的基礎, 令到佢有咁既優勢? 事實話俾我地知油王入主之前 10 年, 車仔只係入過 1,2 次三甲, 而上年就要蝕 14億, 換言之, 佢呢兩年取得成績, 同金錢有直接關係, 即係可以講係簡接用錢買冠軍返嚟.

曼聯不同, 當然曼聯都有時有重要收購, 近年有郎尼, 4,5年前有雲佬, 李奧, 華郎, 不過以佢既駛錢量, 同頻密程度, 都不比國際大足球隊高, 而且都係以球隊本身既資本同能力作出收購,

有乜吾同?
即係車仔球隊本身 (我講 2 年前) 就未有能力自己打造出宜家既星河戰隊, 係靠亞巴莫用自己銀包入面啲厠紙俾車仔買人, 買完人先至攞到好成績..... 換言之, 佢攞既冠軍都有好大程度同錢有關 (當然, 我咁講對努力硑搏既車仔球員好吾公平, 我都想趁機讚下車仔球員, 佢地真係打得好好, 打得出自己頂尖既身價, 對球員來講, 打得咁好咁穩定, 攞冠軍係實至名歸的) 但呢個冠軍, 應該屬於球員因為係佢地努力成果 ; 但對車路士球會同亞巴嚟講, 冠軍就係買返嚟.

曼聯點解當時係班霸, 又吾會少左人睇, 仲1999之後返而多左人睇成為英國人的狂熱, 好簡單, 球迷係隨著球隊一起發展的, 眼見曼聯80年代頻臨降班, 費sir做領隊後對住班中規中矩既人三年都攞吾到錦標, 之後win左fa cup, 慢慢整頓青訓, 引入一些有能力的球員 (記住當時都係以曼聯自已既財政能力去買, 球會買球員都有風險的, 係球會既重大投資), 直至1999年攞三冠王, 隊中backham,giggs,scholes,gary,phil,butt 6 個主力都係自己訓練出來的, 一絕門神係費sir係佢仲係名不見經傳既時候用60萬鎊買返來.......

曼聯呢啲球隊 (arsenal都係), 發掘左同幫助好多有potential既球員發展佢既潛質, 踢出個未來

而車仔就吾駛, 人地棓訓好球員, 車仔就俾錢, 攪掂!!!
obi mikel, 曼聯吾發掘佢出嚟, 車仔都吾話要, 仲要係簽晒約........用錢攪掂
ballack, 又係曼聯話有興趣先, 又係車仔出到成億一年人工, ........同班一年加埋成about 23,4億人工既星河隊友, 增加佢地win ECL 機會..........都可算係用錢攪掂
舒夫, 35000000 鎊, 成5億, 世上邊間球會比得起...........用錢攪掂

作者: Azuma 時間: 2006-5-29 02:04 PM

我地講緊如果你隊球隊係自付盈虧, 你有好既管理層, 有好既足球以致市場策略, 踢得好, 得人鍾意.....咁有本事你賺到勁多錢, 我會服你, 因為呢個係你踢波踢得好, 球會運作得好既成果, 因為咁樣而你有足夠資金買人, 係買人市場有優勢都係理所當然, 因為係球會和球隊本身有本事.

車仔係英超冠軍................
佢都踼得唔好

用4,5時間投資大量金錢打造一個足球王國
到o左10年之後仲會有人記得車仔係因為油王的錢................
小財唔出大財唔入
市場佔有率
球員價值
你又知唔知升o左幾多?

但係呢啲錢係咪來自本身車路士球會一路發展上嚟建立的基礎, 令到佢有咁既優勢? 事實話俾我地知油王入主之前 10 年, 車仔只係入過 1,2 次三甲, 而上年就要蝕 14億, 換言之, 佢呢兩年取得成績, 同金錢有直接關係, 即係可以講係簡接用錢買冠軍返嚟

曼聯無新老板?
費sir一樣有叫
自己老細都有開水喉啦...................................
曼聯唔買人
你不如話曼聯唔買人可唔可以入到3甲
大部份球隊都係用金錢搵成績...........係多定小的問題

曼聯不同, 當然曼聯都有時有重要收購, 近年有郎尼, 4,5年前有雲佬, 李奧, 華郎, 不過以佢既駛錢量, 同頻密程度, 都不比國際大足球隊高, 而且都係以球隊本身既資本同能力作出收購,

有乜吾同?
即係車仔球隊本身 (我講 2 年前) 就未有能力自己打造出宜家既星河戰隊, 係靠亞巴莫用自己銀包入面啲厠紙俾車仔買人, 買完人先至攞到好成績..... 換言之, 佢攞既冠軍都有好大程度同錢有關 (當然, 我咁講對努力硑搏既車仔球員好吾公平, 我都想趁機讚下車仔球員, 佢地真係打得好好, 打得出自己頂尖既身價, 對球員來講, 打得咁好咁穩定, 攞冠軍係實至名歸的) 但呢個冠軍, 應該屬於球員因為係佢地努力成果 ; 但對車路士球會同亞巴嚟講, 冠軍就係買返嚟.

油王係3-4年前已經係老細................

打造o左星河戰隊好耐...................................
不過係無冠軍的星河戰隊
無錯
錢係一個有利因素係係
錢唔等於冠軍
如果係咁
睇下邊隊球星多o的or transfer budget 多o的就比冠軍佢啦

曼聯呢啲球隊 (arsenal都係), 發掘左同幫助好多有potential既球員發展佢既潛質, 踢出個未來

而車仔就吾駛, 人地棓訓好球員, 車仔就俾錢, 攪掂!!!
obi mikel, 曼聯吾發掘佢出嚟, 車仔都吾話要, 仲要係簽晒約........用錢攪掂
ballack, 又係曼聯話有興趣先, 又係車仔出到成億一年人工, ........同班一年加埋成about 23,4億人工既星河隊友, 增加佢地win ECL 機會..........都可算係用錢攪掂
舒夫, 35000000 鎊, 成5億, 世上邊間球會比得起...........用錢攪掂

其實obi mikel係唔想去MU.................
如果係簽o左約曼聯可以唔放人..........
係obi mikel個經理人的問題...............
攪到個個都話車仔

ballack, 又係曼聯話有興趣先................
話姐.............................
咁曼聯話對全世球員有興趣
咁味唔洗買人

13萬rio 都差唔多啦............................
其實
大家有無玩過fm
簽約係可以negotciate ........................
ballack想去mu
唔通mu出到12萬周薪都唔制?
咁點解熱剌新簽個個前鋒又唔過mu?(曼聯有offer比佢)

當年摩帥攞足協,歐冠的班費.........................係mu七份一

有錢係有好處
但係so what.....................

人地有錢係人地的事
唔通你屋企無錢比你補習
你就話人地阿爸阿媽咁有錢我都唔使讀
不如買個學位算啦

球隊唔係買勁人就得
係要arm自己隊波先會好
你睇下阿記用有限的金錢味一樣有成績

車仔勁又點?
唔通mu和新特蘭,歐聯出局又關車仔事?

其實
我覺得
係一個唔正覺的諗法

有錢無錢
有成績無成績唔緊要

係踢得好唔好波先係問題

mu係季尾一樣場場好波

點解唔可以共存

係要諗到"玩晒","唔使玩"

作者: 艾力克 時間: 2006-5-29 03:38 PM

Originally posted by buengland at 2006-5-29 01:04 PM:

quote 「仲有，英超失去觀賞性這...

"買完人先至攞到好成績", 咁都好正常姐, 有邊隊波唔係??
分別就係...
有好多隊波買完人都攞唔倒好成績, 領隊同球會就會俾人話管理不善, 冇眼光等
而車仔就係買完人而攞倒好成績, 但領隊同球會並唔係俾人話有眼光, 調配球員有一手, 而係俾人話用錢買冠軍

我都唔想再討論依個topic, 太無聊喇

anyway, 車仔已經話明未來幾年會注重培訓, 以england players為主
john obi mikel 都只係用2m買姐, 相信佢都只係其中一名培訓成員, 唔會咁快有正選; 但到時又實會有人話車仔用12m買個人返黎都唔出
而swp俾人話用21m買係唔值, 但佢o係man city時真係打得好, 咁黎到車仔發揮唔好, 領隊唔出佢都好正常姐, 你估有人真係想用幾千萬買個人返黎坐咩~

唔通manu以前明知veron, forlan等人唔適合manu打法都要場場俾佢地出咩~

作者: abc123aa 時間: 2006-5-29 03:59 PM

Originally posted by 艾力克 at 2006-5-29 03:38 PM:

"買完人先至攞到好成績",...

其實我好明白你既心情,車仔既野等於皇馬同碧咸既野一樣,成日都比人誤會同妒忌

作者: Aivn 時間: 2006-5-29 04:01 PM

不過呢個世界就係咁,
唯有大有大搞,
細有細搞,
target唔同lor~

作者: kevin4321 時間: 2006-5-29 05:10 PM

淨係識買星, 仲要個個都3章幾
d年青球員就賣鬼晒

買左又唔用喎
e.g 胡禮,文尼冶,GUDJOHNSEN

我覺得胡禮好慘lo~
攪到世杯都冇得踢

作者: kuru 時間: 2006-5-29 05:33 PM

我一d都唔覺得有$等如玩晒,
大家都係11個踢11個,
你話有錢出多幾個球員,係一場賽
事裡面就話姐~

作者: babo 時間: 2006-5-29 06:05 PM

Originally posted by kuru at 2006-5-29 05:33 PM:
我一d都唔覺得有$等如玩晒,
大家都係11個踢11個,
你話有錢出多幾個球員,係一場賽
事裡面就話姐~

球季係長時間~
多兵源係著數好多~

唔想o係度評論係咪有錢係咪玩晒.
我只係覺得~車仔最成功收購係摩連奴~~

作者: abc123aa 時間: 2006-5-29 06:14 PM

Originally posted by kevin4321 at 2006-5-29 05:10 PM:
淨係識買星, 仲要個個都3章幾
d年青球員就賣鬼晒
買左又唔用喎
e.g 胡禮,文尼冶,GUDJOHNSEN

我覺得胡禮好慘lo~
攪到世杯都冇得踢

雖然佢出場時間唔算多,但係都有一定既出場時間,但係佢一場好波都冇..........

艾歷臣選佢先奇

作者: bigfish 時間: 2006-5-29 06:15 PM

好彩車仔冇買埋雲達沙, 里奧, 施維斯達, 奧沙, 星仔, c 朗, 朗尼, 傑斯同沙夏佢地o者, 如果唔係點夠佢玩

作者: cfccfcc 時間: 2006-5-29 06:19 PM

Originally posted by bigfish at 2006-5-29 06:15 PM:
好彩車仔冇買埋雲達沙, 里奧, 施維斯達, 奧沙, 星仔, c 朗, 朗尼, 傑斯同沙夏佢地o者, 如果唔係點夠佢玩

真係好彩無買佢地
唔係就贏唔到冠軍lu~

作者: skjeiw 時間: 2006-5-29 07:40 PM

我之前都覺得車仔成日亂駛錢買人
但係到左今時今日,我又唔係咁lum

首先,你話有錢就玩晒...呢點已經錯啦
最簡單一句..."錢唔係萬能"
係玩晒就唔會俾利記贏足總杯
巴塞贏歐聯,阿仙奴入到決賽佢地都入唔到啦

之後,你又話佢買晒波歷克,舒夫真高
講真,出得13萬週薪簽波歷克,3000萬買舒夫真高
肯定唔係得車仔一隊做到
佢地值唔值呢個價係一個問題
你肯唔肯俾又係一個問題
好多隊波都有錢,不過佢地有自己一套,唔會用太多錢去買人
亂用錢?有巴士搭的士係咪亂用錢?有粉絲食魚翅又亂用錢?
見仁見智啦

到你話細球會
曼聯以前贏左咁多年有無人提過
皇馬當年贏歐聯贏到開巷都無人會話啦
其實呢家四大聯賽實力係反而平均左
費倫天拿,漢堡,熱刺,奧沙辛拿等等
都有力威脅呢家0既強隊
聯賽2-3隊爭n年前都已經係啦...

作者: abc123aa 時間: 2006-5-29 08:50 PM

Originally posted by cfccfcc at 2006-5-29 06:19 PM:

真係好彩無買佢地
唔係就贏唔到冠軍lu~

係呀,哈哈

作者: DeepThroat 時間: 2006-5-29 09:13 PM

真係好彩無買佢地

正到爆....

作者: 金魚佬 時間: 2006-5-29 09:30 PM

有錢既話，有最好既人及後備力量，係循環制度既聯賽，的傕係無敵既。
但係仲有種叫淘汰賽喎，如果係這種賽制上，只要有其中一場波當黑既話，就已經同冠軍無緣。何況足球吾同籃球，籃球場上控制到局面就幾乎實贏，足球好像還有另一種力量，能夠改變球賽結果。尤記季初曼城有場球中了五次門柱或門楣嗎？結果怎樣？曼城那場波連打和都做不到，結果要輸掉賽事。歐聯最重要個兩個杯，最後階段都係淘汰制。所以車仔就算點買人都好，都重要加上一定既運氣。

作者: Aristo~ 時間: 2006-5-29 09:31 PM

Originally posted by Kian76 at 2006-5-29 10:59 AM:

有唔認同既地方，就係花錢買勁人=...

你講得好好
中哂point
一些人只為反車而反...
講真車路士以經用成績去證明, 有錢都唔一定可以拎哂所有冠軍
點解一d人仲講, 用錢買球星就等如玩哂呢???
而家英超, 出現4或5強頂立既局面, 好大因素係車仔勁左...,

仲有德國既拜仁都有用呢招, 用得仲好勁tim

作者: Kian76 時間: 2006-5-29 09:34 PM

我地講緊如果你隊球隊係自付盈虧, 你有好既管理層, 有好既足球以致市場策略, 踢得好, 得人鍾意.....咁有本事你賺到勁多錢, 我會服你, 因為呢個係你踢波踢得好, 球會運作得好既成果, 因為咁樣而你有足夠資金買人, 係買人市場有優勢都係理所當然, 因為係球會和球隊本身有本事.

但以你所講, 車仔失去冠軍就好大獲, 所以狂買人, 用佢1600億老闆既金錢優勢壓倒其他球隊, 買晒最頂尖既球員, 其他球隊點踢? 你會話波係圓既, 其實大家心裡有數, 係好難踢, 車仔有咁既金錢優勢, 好難win 吾到.

首先，車路士最大的市場成就是他們利用他們的足球，他們的成績，他們的策畽來吸引了阿巴莫域治收購，難度這成就能夠漠視？？你地其他球會咁叻管理，點解唔可以吸引到阿巴莫域治、李家誠佢地注資、收購？？？為何曼聯會由世界第一富有球會一下子變成負債的假有錢球隊？？？唔該大家反省下自己的雙重標準。

但係呢啲錢係咪來自本身車路士球會一路發展上嚟建立的基礎, 令到佢有咁既優勢? 事實話俾我地知油王入主之前 10 年, 車仔只係入過 1,2 次三甲, 而上年就要蝕 14億, 換言之, 佢呢兩年取得成績, 同金錢有直接關係, 即係可以講係簡接用錢買冠軍返嚟.

曼聯不同, 當然曼聯都有時有重要收購, 近年有郎尼, 4,5年前有雲佬, 李奧, 華郎, 不過以佢既駛錢量, 同頻密程度, 都不比國際大足球隊高, 而且都係以球隊本身既資本同能力作出收購,

首先，沒有任何世界級球隊是唔用巨額金錢來成功的，曼聯不作出超巨額收購是因為他們沒有能力，但車路士有足夠能力作出這樣的收購，我想知你冇能力日日去半島食早餐，係咪代表李家誠唔可以日日去食半島早餐？？日日去半島食早餐就要被人討厭？？？咁樣似係發窮惡，非常低賤既想法多d囉，有少少大志既都會知道唔能夠只顧妒忌他人的財富、成功，反而應該想一想如何增加自己，反省下。

即係車仔球隊本身 (我講 2 年前) 就未有能力自己打造出宜家既星河戰隊, 係靠亞巴莫用自己銀包入面啲厠紙俾車仔買人, 買完人先至攞到好成績..... 換言之, 佢攞既冠軍都有好大程度同錢有關 (當然, 我咁講對努力硑搏既車仔球員好吾公平, 我都想趁機讚下車仔球員, 佢地真係打得好好, 打得出自己頂尖既身價, 對球員來講, 打得咁好咁穩定, 攞冠軍係實至名歸的) 但呢個冠軍, 應該屬於球員因為係佢地努力成果 ; 但對車路士球會同亞巴嚟講, 冠軍就係買返嚟.

曼聯點解當時係班霸, 又吾會少左人睇, 仲1999之後返而多左人睇成為英國人的狂熱, 好簡單, 球迷係隨著球隊一起發展的, 眼見曼聯80年代頻臨降班, 費sir做領隊後對住班中規中矩既人三年都攞吾到錦標, 之後win左fa cup, 慢慢整頓青訓, 引入一些有能力的球員 (記住當時都係以曼聯自已既財政能力去買, 球會買球員都有風險的, 係球會既重大投資), 直至1999年攞三冠王, 隊中backham,giggs,scholes,gary,phil,butt 6 個主力都係自己訓練出來的, 一絕門神係費sir係佢仲係名不見經傳既時候用60萬鎊買返來.......

曼聯一直以來使既錢，沒有可能不用老闆錢，由一開始百幾年前開始既一刻就己經使緊老闆錢，再者，出身於富裕家庭的人取得成功，我們是否要討厭他們？？出身於貧窮家庭的人成功後，是否必定比有錢那個人出色、值得加許？？？我只知道分辨他們的實際實力，即使有錢仔一開始便有好環境開始，但最後其實力的確較強的話，沒有可能不能被認同。

曼聯呢啲球隊 (arsenal都係), 發掘左同幫助好多有potential既球員發展佢既潛質, 踢出個未來

而車仔就吾駛, 人地棓訓好球員, 車仔就俾錢, 攪掂!!!
obi mikel, 曼聯吾發掘佢出嚟, 車仔都吾話要, 仲要係簽晒約........用錢攪掂
ballack, 又係曼聯話有興趣先, 又係車仔出到成億一年人工, ........同班一年加埋成about 23,4億人工既星河隊友, 增加佢地win ECL 機會..........都可算係用錢攪掂
舒夫, 35000000 鎊, 成5億, 世上邊間球會比得起...........用錢攪掂

曼聯佢地現時陣中的青年軍數黎數去都只係七小福殘兵和一兩個名大於實的球員，有幾多青年軍呀？？又係同一個問題，你無論係用甚麼方法，貧窮、富貴、短時間、長時間都好，總之邊個成功就邊個出色，仲有，球員有自己既思想，曼聯話想要其他球隊就唔搶得，嘩！！！好惡囉！！仲惡過火舞九巴個阿叔......同時波歷克係咪就唔可以揀曼聯以外既球會？？？這個結果不能証明車路士用金錢屈機，只能証明曼聯無能、唔受波歷克歡迎。而且，舒夫真高的加盟，是車路士三年間的不斷努力引致的，你們曼聯會嗎？？可能最長時間邀請的只有雲佬......

[ Last edited by Kian76 on 2006-5-29 at 09:37 PM ]

作者: 艾力克 時間: 2006-5-29 10:05 PM

以前反車topic係愈黎愈多人一齊反車, 而家就愈黎愈多人反反車
證明多左人識睇波

有錢唔係大晒, 因為有錢未必嬴倒冠軍同球迷o既心, 但係如果因為佢有錢, 唔理佢交唔交倒成績都要俾人插o既話, 咁佢地就真係大晒喇

作者: masi 時間: 2006-5-30 12:56 AM

有錢唔係大晒...
我覺得車仔好在有個好教練...

唔..至於收購...
好似話原本油王想收購熱剌先
但熱剌唔賣,車仔果時負債...
跟住油王入主還$+買人...
記錯唔好插><

作者: Kian76 時間: 2006-5-30 01:08 AM

Originally posted by masi at 2006-5-30 12:56 AM:
有錢唔係大晒...
我覺得車仔好在有個...

其實係因為熱刺同埋阿士東維拉個價太高(相比起球會實力)，所以油王退而救其次，選擇了叫價、潛力、實力同自己意願最match既車路士黎發展足球王國。

作者: 金魚佬 時間: 2006-5-30 02:15 AM

Originally posted by 艾力克 at 2006-5-29 10:05 PM:
以前反車topic係愈黎愈多人一齊反車, ...

點會呢，起碼我就吾鐘意呢部車。佢咁既實力，贏法就變成應份既。何況佢隊波個入球數字吾多，無娛樂及可觀性。
反而我鐘情既利勿浦，乜野人腳？吾係又係年年捧杯。今年足總杯就係佢踢翻部車仔，然後再贏個杯番o黎。上年個杯又係全歐洲最重要既大杯。兩場決賽都大起大落，咁先叫扣人心弦嗎。我點解要捧個d無娛樂性既球隊！

作者: Kian76 時間: 2006-5-30 02:24 AM

Originally posted by 金魚佬 at 2006-5-30 02:15 AM:

點會呢，起碼我就吾鐘意呢部車。...

利物浦年年都買好多人.......每一季最少用2-3000萬鎊.......就算到頭來買中廢人，都係自己既問題。

仲有，車路士既入球咁都叫少？？睇番前幾年英超既數據就知其實唔算少。

我點解要捧個d無娛樂性既球隊

其實呢個係重點黎架，因為冇人要求過你捧車仔，只是要求唔好踩車仔。上面咁多留言，撐車仔既人根本冇意思要令別人捧車仔，由頭到尾都係想為車仔平反姐，唔鐘意車仔還唔鐘意車仔，但唔好係唔係都中傷車仔。(唔係話你)

[ Last edited by Kian76 on 2006-5-30 at 02:27 AM ]

作者: 艾力克 時間: 2006-5-30 10:57 AM

Originally posted by 金魚佬 at 2006-5-30 02:15 AM:

點會呢，起碼我就吾鐘意呢部車。...

講入球少, 車仔點都係top 3啦, 如果場場入人地5球, 又會俾人話屈機

車仔同利記o既分別, 就係隊波個個位去比時d名氣都會高d
咁d人對車仔時, 攞倒一分都覺得好好, 咁就自然會死守同踢破壞性足球啦
但對利記時就好多都會鬥攻, 因為利記前線唔夠攻力嘛, 咁後防就自然多d位俾人creative啦

雖然車仔係以嬴波為先, 但都好正常姐, 嬴唔倒波就算踢得幾好都冇用, 何況都有好多突破同gd pass呀, 唔通真係要ronaldinho, c ronaldo o個d creative咩

作者: Azuma 時間: 2006-5-30 12:23 PM

Originally posted by 金魚佬 at 2006-5-30 02:15 AM:

點會呢，起碼我就吾鐘意呢部車。...

無錯個兩場真係代表作

但係車仔上年係主洶汰巴塞隆納
今年最後對mu個場3比0一樣好睇

其實利記大上大落...............都真係得呢兩場

上年聯冠對車仔時...............死守
入o左一球之後更加..............

唔係否認利記娛樂性
不過可能大家支持的球隊唔同
睇gei波又唔同,心態都會唔同

利記嬴車仔個場................................
如果你仲記得車仔用個個陣gei話

今年聯賽車仔對利記都係SURE WIN
好似一場3-0tim....................

我地唔係要求別人支持車路士
但係唔需要反車路士

我喜歡車路士
但係都關心曼聯,利記,阿記買o左咩人會點打
唔係話佢地買o左咩人我地有錢都無得買咁.......

作者: cfccfcc 時間: 2006-5-30 01:16 PM

Sorry,想話...今屆英超入得最多波的球隊好似係........曼聯同車仔,各72球
車仔失球-22 曼聯-34
而好有"娛樂性"的利記入57 失25
我完全唔見得娛樂性從何而來??
話大起大落的表現
車仔呢季都唔知試過幾多次落後先,再追上黎
即刻都數到比你
作客sunderland,主場對west ham

P.S. 今季季初車仔晌Anfield係贏4-1~
娛樂性豐富------因為利記??? Be smart~!

作者: masi 時間: 2006-5-31 09:46 AM

Originally posted by Azuma at 2006-5-30 12:23 PM:

如果你仲記得車仔用個個陣gei話

車仔無端端排442...打得勁差
我係利記fans都係咁話...
如果車仔排番原本ge 433...
我諗應該要和到加時

至於娛樂性
利記今季求穩守先...好多1比0..
呢個踢法好似上年ge車仔....不過車依家入多左好多波
其實咁踢都岩
利記上年作客好多時都輸0比1..
輸左追唔番...
因為班前鋒交唔到貨-.-

作者: masi 時間: 2006-5-31 09:48 AM

Originally posted by cfccfcc at 2006-5-30 01:16 PM:
今季季初車仔晌Anfield係贏4-1

呢場波幾好睇...
不過唔係利記輸左要攻
車仔都未必入到第3、4球
所以我覺得大比數都唔係出奇

作者: 艾力克 時間: 2006-5-31 10:00 AM

Originally posted by cfccfcc at 2006-5-30 01:16 PM:
Sorry,想話...今屆英超入得最多波的球...

娛樂性並唔可以o係得失球數字踢倒o既, 娛樂性係拍創造力, 而唔係入波多, 所以一場 ac vs barcelona 0-0 都可以好有娛樂性

一場比賽有 zidane, ronaldinho 等球員都會有娛樂性o既元素喇

作者: anakinchan 時間: 2006-5-31 11:33 AM

冇人話車路士有錢有問題，太多人批評chelsea是因為佢地大部份的正選都是買回來的。而買唔係在佢地後生時買，而是在佢地成晒名後買。再加上車仔青訓出來而走入一隊又有幾多個。

對比曼聯、利物浦和阿仙奴，佢地都有啲青訓產品，但俾人個感覺冇咁功利，佢地買人都係想贏波、贏錦標，佢地成名或奪標的過程，隊中有好多球員是青訓出身的，或失意球員(阿仙奴的亨利(在祖記時))，但車仔給我的感覺是中了張六合彩然後財大氣粗，買堆人回來贏波。當然大家成日話摩佬好野，但其實車仔在阿布入主而買了人，當屆已奪了亞軍(2004)，摩佬只是把隊聯賽亞軍的人腳加多幾件，奪冠有何難。好似阿仙奴、曼、利，如果用現在的人腳加cech、費拉拿、卡華奴、洛賓、杜奧巴、基士文

雲加、費sir都想中六合彩，可惜過了期，我是唔鐘意車仔，但佢地咁做只係保障自己利益，老細要贏，唔通你仲讓賽等俾人炒。

其次，佢出高價買人，都要球員和球會肯，好似shevchenko，我真係諗住佢會好似啲名宿在ac退休，但佢唔係意大利人，有走的一天，但為何是車仔，你不得不佩服車仔的魅力(雖然我唔覺)。講錢，ac都有(不過可能唔想比，因有gilardino)，國米大家講咗玩死唔少球星。

作者: cfccfcc 時間: 2006-5-31 11:34 AM

如果係咁講
有無娛樂性呢回事係好主觀架啦?
入波有話未必有娛樂性........
我都係想話有人講車仔入波少係topic 3是錯的
有無娛樂性,真係好睇人
車仔fans咪覺佢有lor,反車迷咪話無lor.....
車仔贏到liverpool 4-1係因為liverpool要攻??
咁又唔見FA cupliverpool贏到咁大比數???
呢d野無話點解既,神來之筆入你幾球真係無得估
米保都入車仔3粒啦~~~唔通又係因為車仔局攻???

作者: masi 時間: 2006-5-31 01:06 PM

你咁講又唔見FA車仔入番利記4球....哈

排陣唔同踢法都唔同ga la~

米堡對車果場我無睇...so ...no comment

[ Last edited by masi on 2006-5-31 at 01:09 PM ]

作者: cfccfcc 時間: 2006-5-31 06:43 PM

Originally posted by masi at 2006-5-31 01:06 PM:
你咁講又唔見FA車仔入番利記4球....哈

排陣唔同踢法都唔同ga la~

米堡對車果場我無睇...so ...no comment

[ Last edited by masi on 2006-5-31 at 01:09 PM ]

咪係lor
所以點樣先叫有娛樂性?
我真係唔想拗喇.......
入波多唔代表有娛樂性...ok
入波少又唔代表無娛樂性....都ok
不過話車仔無娛樂性,而利記d波扣人心絃.....點都唔ok~!!!!!

作者: masi 時間: 2006-5-31 10:29 PM

Originally posted by cfccfcc at 2006-5-31 06:43 PM:

不過話車仔無娛樂性,而利記d波扣人心絃.....點都唔ok~!!!!!
...

同意你~

作者: Azuma 時間: 2006-6-1 01:18 AM

Originally posted by anakinchan at 2006-5-31 11:33 AM:
冇人話車路士有錢有問題，太多人批評c...

其實
青年球員係中些班先有機會生存

係大球會真係無咩機會比你出場
垃圾時間都要比後備出先............
先到你o的新仔..........................

如果你係100%青年軍出生真係少之又少

車仔買大部球員都唔係有名但係唔係世界級
近呢兩個收購先係咁..........................

作者: rock003 時間: 2006-6-3 04:01 PM

呢個世界系有錢大哂
而家的車路士只能以屈機形容
不過物極必反
我相信車路士一定會有折墮的一日

作者: 金魚佬 時間: 2006-6-3 05:52 PM

〔不過話車仔無娛樂性,而利記d波扣人心絃.....點都唔ok~!!!!!〕
請你搵場車仔既球賽俾我睇下〔先輸三，再追三；又或者先輸二追二，再輸一追一〕。咁，我吾係話佢有娛樂性囉！
重有#42〔兩場決賽都大起大落，咁先叫扣人心弦嗎。我點解要捧個d無娛樂性既球隊〕#
我講明係〔大起大落〕，咁先叫扣人心弦嗎----請先看清楚！所以要我捧車仔，我一樣係〔點都唔ok~!!!!〕

〔呢個世界系有錢大哂〕
等等等等等.......佢有朝一日，一季裡面，到聯賽、足總杯、歐聯/歐協、洲際杯。隨便有三樣先講啦。不過利記同曼聯都做過一次三冠王。車仔就...........連兩個都未做到，所以都仲只不過係部車仔。點解有錢大哂都見吾到成績既？？

作者: Kian76 時間: 2006-6-3 07:03 PM

Originally posted by 金魚佬 at 2006-6-3 05:52 PM:
〔不過話車仔無娛樂性,而利記d波扣人...

娛樂性在於勝利，看著自己喜愛的球隊勝利將會是最大的娛樂，眼下車路士球迷愈黎愈多，愈黎愈多曼聯、阿仙奴、利記迷變心，車路士的足球自然會愈黎愈富娛樂性，點解？？因為球迷更重視球隊勝利與否，而非華唔華麗，華麗而冇實際，贏唔倒波既話任何車路士球迷只會氣結。但唔華麗而場場贏波，任何車路士球迷都會非常高興。

作者: 艾力克 時間: 2006-6-3 07:18 PM

Originally posted by Kian76 at 2006-6-3 07:03 PM:

娛樂性在於勝利，看著自己喜愛的...

你識睇波嗎?

作者: abc123aa 時間: 2006-6-3 09:48 PM

Originally posted by Kian76 at 2006-6-3 07:03 PM:

娛樂性在於勝利，看著自己喜愛的...

哈,冇錯

作者: Kian76 時間: 2006-6-3 10:36 PM

Originally posted by 艾力克 at 2006-6-3 07:18 PM:

你識睇波嗎?

識睇波先唔會咁單向睇波，唔係進攻先係藝術，防守都係一種藝術，足球是一個團隊合作所得的，攻與守是相連著的，華麗在於攻與守的配合，適當的分配從而勝利，而非單一主攻反而失守被別人擊敗。

最終能勝利的球隊總有刻隊的致勝妙法，失敗者就是失敗者，沒可能失敗者會比成功者更出色。

再者，我看到的留言是針對車路士的較重防守踢法來攻擊，還說得津津有味地批評其沉悶，但問心吧，若你是車路士的球迷，你會開心還是灰心？？看到車路士勝利開心，還是看到車路士漂亮地失敗？？請別總是從別會球迷的角度去看，車路士絕對100%冇義務為你們而踢某種足球。他只需滿足自己球隊的球迷便夠了。在車路士球迷會說，或許會覺得其他球隊的球迷很可憐，因為總是看到得個樣的失敗者。

作者: abc123aa 時間: 2006-6-3 10:55 PM

Originally posted by Kian76 at 2006-6-3 10:36 PM:
再者，我看到的留言是針對車路士的較重防守踢法來攻擊，還說得津津有味地批評其沉悶，但問心吧，若你是車路士的球迷，你會開心還是灰心？？看到車路士勝利開心，還是看到車路士漂亮地失敗？？

如果我支持果隊波踢防守足球但係贏波的話我會開心過狂攻輸波

作者: 金魚佬 時間: 2006-6-4 01:32 AM

〔識睇波先唔會咁單向睇波，唔係進攻先係藝術，防守都係一種藝術〕
如果真係咁，多年前就吾會將贏波由二改為三分啦！你講既藝術！！〔全球〕實踐咁多年已經証實啦！吾係就係踢走觀眾囉！！咁係吾係〔全球人〕都吾識睇波？？還是吾鐘意睇偏重防守隊伍先！！
巴西多年踢進攻足球，佢輸波就會令觀眾失望離棄嗎，之後帶來既勝利吾係仲開心。乜做擁蠆會記住隊吾好既野嗎？我只記得利記做三冠王，叻過車仔。利記今年一樣有杯捧。

#59你識睇波嗎?
咁你又識睇波嗎？無point就吾好搞挑釁行為！！跟你有咁〔好〕德行既車仔迷討論，我吾反車都要翻車啦！！哈哈

作者: Azuma 時間: 2006-6-5 07:02 PM

Originally posted by 金魚佬 at 2006-6-4 01:32 AM:
〔識睇波先唔會咁單向睇波，唔係進攻...

金兄
艾兄只是引用kian76而非你的說話
所以佢可能並非話你唔識睇波

不要太動氣吧..............................

其實反勝只有兩場
一季踢38場波
個兩場反勝都唔係英超而係盃賽或歐聯

你想一想
世界盃有多少國家係反勝而進級
nba都有不過一定唔多

難道nba和世界盃也沒有娛樂性嗎?

每個人睇的都不同
有些愛球星,睇進攻合作,反勝等等

我們不是要人認同車路士有沒有娛樂性
而是不希望什麼都是車路士

大家有唔同睇法
我地沒有批評其他球會
為什麼他們要朝著我們而來呢

作者: abc123aa 時間: 2006-6-6 02:00 AM

Originally posted by Azuma at 2006-6-5 07:02 PM:
大家有唔同睇法
我地沒有批評其他球會
為什麼他們要朝著我們而來呢

好句

難得車仔d球迷仲可以咁冷靜,好野

作者: cfccfcc 時間: 2006-6-6 02:11 AM

Originally posted by 金魚佬 at 2006-6-3 05:52 PM:
〔不過話車仔無娛樂性,而利記d波扣人...

睇到你咁講
呢個世界真係得利記一隊玻係有娛樂性lu~
人地輸一贏四都唔得
係要輸三追三?輸二追二再輸一追一????
我睇唔出呢隻叫有娛樂性lor....
我想講佢係防守差................^^
我認輸了 --- 車仔無娛樂性
你的利記最有娛樂性---請繼續打d輸十追一千的波比我地d球迷睇啦
不過最後補多一句

I love chelsea~
Blues is the Colour~
Even thought they play badly or even play poorly
I still support them

[ Last edited by cfccfcc on 2006-6-6 at 02:50 AM ]

作者: 20steven 時間: 2006-6-6 05:52 AM

如果我係領隊,花甘多時間討論車仔有錢係咪玩晒!我不如諗下下季點樣同佢摙好過la
係又點唔係又點!呢個e經係一個事實la
與其怨天尤人不如做好自己!
當自己心儀既野唔夠人黎就會自己水自己
我好記得當年檸檬玩呢個張x芝
我有個同學好荒謬地話檸檬甘做都係為左比d經驗x芝唔洗佢第時比人玩係對佢好wo
我當時係啞左!@0@

作者: Azuma 時間: 2006-6-7 01:24 AM

Originally posted by abc123aa at 2006-6-6 02:00 AM:

好句

難得車仔d球迷仲可以咁冷靜,好野

過獎了

不過這也不是一件壞事

這裡有不同的人表達意見

雖然有時有點火藥味

但如果係適可而止的話我相信對這裡係百利而無一害

作者: abc123aa 時間: 2006-6-7 01:32 AM

Originally posted by Azuma at 2006-6-7 01:24 AM:

過獎了

不過這也不是一...

呢度既討論氣氛係呢度最值錢既其中一樣野,但可惜太多無理既人了,造成好多罵戰

我明白Azuma你既心情

歡迎光臨娛樂滿紛 26FUN (http://26fun.com/bbs/)