娛樂滿紛 26FUN - Powered by Discuz! Board

標題: 祖雲降班莫治囚20年意甲假波案初步判罰 [打印本頁]

作者: night 時間: 2006-6-4 03:56 AM 標題: 祖雲降班莫治囚20年意甲假波案初步判罰

意大利司法機構和當地足總至少還有個多月，才宣布操控賽果醜聞案的刑罰，但足總諮詢委員會副主席史達利安奴在接受報章訪問時，率先透露內部定出了初步處罰，祖雲達斯(相關新聞 - 網站)與費倫天拿將廣告

被嚴懲降班至乙組，祖雲前總經理莫治更面臨最高入獄20年的下場，但AC米蘭(相關新聞 - 網站)及拉素(相關新聞 - 網站)則不會受到處分。

祖雲被遞奪2屆冠軍

據意大利《快報》披露，有關當局針對今次假波醜聞的調查，已收集到充足的證據。史達利安奴更表示，涉案人士肯定會受到重罰，他說﹕「就我所知，祖雲達斯及費倫天拿涉嫌操控賽果罪證確鑿，將會被罰降班至乙組，而且祖雲達斯近兩屆聯賽冠軍的資格也會被褫奪。不過調查小組並沒發現AC米蘭副會長加利安尼及拉素會長羅列圖有任何非法行為，他們都是在足總公布執法球證名字之後才知道球證的安排，所以AC米蘭和拉素不會受到處罰。」

費倫罪成 AC拉素脫罪

據報除了祖雲達斯和費倫天拿將因體育欺詐罪名而受到重罰外，史達利安奴又透露，今次醜聞的第一主角、祖雲達斯前總經理莫治因被指曾禁錮及恐嚇球證，大有可能被判入獄20年﹔即使他上訴得直，最少也會被判入獄8年。至於涉嫌干預操控賽果的球證，包括迪辛迪斯等共10人，亦勢將面臨2至7年有期徒刑。

祖雲邀巴治奧任副會長

至於難逃重罰的祖雲達斯，繼上周邀請了50年代球會英雄邦尼柏迪「出山」領導管理層外，昨日又傳出正力邀巴治奧出任副會長，希望藉該「小馬尾」球星的個人魅力及受歡迎程度，洗脫球會受醜聞影響的負面形象。巴治奧的經理人柏杜尼表示﹕「巴治奧在球場上一向是正直和拼搏的象徵，備受球迷支持。我不能否定他重返祖雲達斯的可能，但他一定會好好衡量各方面的情才決定。」

卡比路先跳船球星陸續逃亡

明報專訊】祖雲達斯(相關新聞 - 網站)早前雖主動提出把教練卡比路提升至兼任球會經理，希望挽留他繼續執教，但隨該隊降班危機日益嚴重，傳聞卡比路在周四早上已向祖雲達斯請辭。若該位名牌教練率先「跳船」廣告

，祖雲達斯勢將陷入「星散」局面。

據意大利傳媒報道，教練卡比路原定在周四早上與球會高層商議來季招兵買馬的事宜，但本在2007年才約滿的他，卻在會議中要求提早1年解約。雖然經過4小時的會議後，與會雙方都未有發表聲明，惟傳聞卡比路大有機會重返皇家馬德里(相關新聞 - 網站)﹔他於1996至97年球季，曾帶領皇馬勇奪西甲聯賽冠軍。至於皇馬今季的暫代教練卡路，則已確定下季離隊執教桑坦德。

迪比亞路(相關新聞 - 網站)基亞連尼共患難

祖雲達斯受到醜聞困擾前景黯淡，若加上卡比路落實掛冠，預料將觸發球星大逃亡潮。巴西中場艾馬遜已表明不願意在乙組比賽，法國國腳韋拉有意重返英超，而伊巴謙莫域、查斯古特、森保達和保方亦極可能他投，捷克中場尼維特(相關新聞 - 網站)則會提早退休。不過亦有球星願意與祖雲達斯共患難，隊長迪比亞路、左後衛基亞連尼及即將正式加盟的馬基安尼都樂意與球會共同進退。

不過大家唔好盡信.............話晒未有外國版本,靠香港報紙真係唔得,
當一段新聞比大家睇啦:

作者: abc123aa 時間: 2006-6-4 04:21 AM

放長雙眼先..........

作者: 唔講得笑 時間: 2006-6-4 04:30 AM

嗯~~都係唔好盡信住,未知有冇官方消息未..........

其實祖雲降班,就算主力大逃亡,以佢球會根基咁深
用後備和青年軍,下年升番上甲組唔難啦,係財政方面元氣超級大傷~~

而費倫有可惜wo,升上甲組夠三年未(不記得)又要落番去~
不過操控賽果先贏,冇辨法~~
國際米蘭實死搶東尼~~

作者: bigfish 時間: 2006-6-4 04:33 AM

ac 米蘭今次甩難

作者: 20steven 時間: 2006-6-4 09:13 AM

祖記唔會降班架la 意大利足球壇既橋楚歷史尢久!有甘多球迷~如果降班~意大利足總可以係話食得屎 !原本意甲足球e經少人睇!再搞單甘既野 ~再少d 對意大利足壇無好處應該唔會架la

作者: german 時間: 2006-6-4 12:53 PM

費倫天拿..............
arm arm先搵到個新巴迪高,仲諗住可以風光番幾年
唉,又要重頭來過

作者: mazingerz 時間: 2006-6-4 01:31 PM

Originally posted by 20steven at 2006-6-4 09:13 AM:
祖記唔會降班架la 意大利足球壇既橋楚...

翹楚唔等於無事，之前10年前法國馬賽打假波，堂堂兩屆歐聯冠軍法國班霸都要即時降班。
更何妨事情鬧得太大，如果意大利足總唔做野，會被UEFA同FIFA追究，
影響成個國家隊仲死。

大家都係做足心理準備，等祖記重上甲組啦。

P.S.我都鐘意祖記，但無辦法，做錯野係要付出代價ge。

作者: MaxFigo 時間: 2006-6-4 03:25 PM

Originally posted by mazingerz at 2006-6-4 01:31 PM:

翹楚唔等於無事，之前10年前法國...

祖記係意甲最受歡迎ge球會...降落乙組對意甲打擊肯定會比當年法甲單野大

但我都支持佢落乙組
皆因我對現時ge祖記無論打法、心態都好唔鐘意

希望上返甲組時會有大改變

如果巴治奧黎ge話都幾好wo....兩大金童合作

歡迎光臨娛樂滿紛 26FUN (http://26fun.com/bbs/)