而是因為每次播放呢 d 歌，當晚電台裡面就自然會有事發生，雖然你可以話係巧合，不過如果每次都有咁 ge 事情發生，就唔到你唔懷疑，甚至有好多好多的揣測。
而其中我所知道 ge 一首禁播歌曲，係屬於一位已經淡出樂壇 ge 女歌手 ge 一首舊作，呢首歌曲相信好多人都會聽過，因為呢首歌曾經於係 80 年代一齣電影ge 主體曲，更曾經紅極一時添。不過近年，呢首歌已經好少 DJ 會播。就算真係要播放都絕少會於深宵 ge 節目裡面播放...........
其實個故事係一個做電台 ge 朋友話比我知。
話說當佢初入行 ge 時候，係一個網上電台 ge 見習，有一次佢 handle 個黃昏節目
，負責揀歌 ge 時候，番呢首歌出 o 。起初冇人去理佢做乜，以為佢只係播一 d 普通流行曲。點知道當隻歌既音樂一奏起，個 producer 就好緊張地闖入 control room ，問我朋友點解播呢首歌......
講真，我個朋友好少見個 producer 會緊張成咁。
事後，我好奇地問點解佢個 producer 咁緊張，而我朋友話我知原來多年來，電台裡面都有一 d 歌，係唔可以亂播。
就好似呢首歌咁，每次播出都會有怪事發生，而佢初初入行時，試過有晚做深夜節目，當時錄音室有幾個新人（包括果位 producer）；有人負責開咪，有人負責 on panel，有人就做錄音剪接 ge 練習。
而當晚當呢首歌播緊 ge 時候，做錄音 ge 同事，發現錄到一 d 怪聲，佢播緊新聞
，叫另外兩個人一齊聽，原來裡面竟然錄到一把女人聲，果把聲好慘，好依一路喊，一路跟住旋律哼歌咁。最後唯有將件事話比帶佢 o地 ge 前輩聽，個前輩就同佢 o地 講，呢件事已經唔係第一次發生。只叫佢 o地 以後盡量唔好再播呢首歌，就應該沒事。
〝夜夜痴纏 〞
麥潔文 ge 歌，早幾年經常 o係 903 蔡康年做 ge 恐怖節目度播，被 DJ 喻為『商台邪歌』…
