娛樂滿紛 26FUN - Powered by Discuz! Board

標題: [愛情診療室] 想大家來一來幫幫我 , 好煩, 好無助.. [打印本頁]

作者: mcsimon0574 時間: 2006-11-22 10:43 PM 標題: 想大家來一來幫幫我 , 好煩, 好無助..

依件事關於好多好多人, 主要有4個 . 我 , Y1 , Y2 , A .
我同Y1 , Y2係fri .
佢兩個係半年前巳經開始追A ..
果個area全部人都知佢兩個追佢嫁啦 .
一個月前 , 我同A開始慢慢識.
大家都對大家都有野 .
而且都慢慢開始 ,
但係 , 依幾日開始, Y2就知道左我同a既野 .
我唔同y2講係因為我當佢係fri .
但係....佢地知道左 ,我企係依個立場.
你地會點做?
去避開果班人?唔同a一齊? 定係同y2/y1講清楚?

作者: 極樂 時間: 2006-11-22 10:54 PM

Originally posted by mcsimon0574 at 2006-11-22 10:43 PM:
依件事關於好多好多人, 主要有4個 . ...

如果你已經同左 a 一齊 (或者將會一齊)
我都建議你同y1, y2 講聲.....
身為朋友應該明白....
但係你有心理準備係: 佢地明白還明白, 但係未必接受.......

你都照樣同班朋友出黎玩~~
如果 a 都同場, 咁你地就要避免所有親熱行為.........
(最好連手都唔好拖....當然事前要同a講明啦)
時間可以令y1, y2 接受現實.....

岩岩開始果陣可能你地之間會有d野....
(可能個個扮無野, 其實個心有條刺)

不過....守得雲開見月明.....
大家都係後生仔女....出多幾次黎就會無野架啦~~

祝你好運

作者: mcsimon0574 時間: 2006-11-22 11:03 PM

講真果句 , 我地咁多個都係係機鋪識.
除左我地4個, 仲有好多人.
係果到玩既時間 , 都佔好多好多....
好難話, 一時一刻會當番大家係朋友

作者: austin666 時間: 2006-11-22 11:22 PM

Originally posted by mcsimon0574 at 2006-11-22 10:43 PM:
依件事關於好多好多人, 主要有4個 . ...

如果你仲當同y2/y1應該講清楚
冇必要等人地越踩越深
不過，你俾人發現左先講
y2/y1都好難平常心去面對

作者: guswan 時間: 2006-11-22 11:29 PM

如果A愛你,你又愛A,
咁呢件只係你同A之間嘅事,
與其他人無關,
所有權利全在你2人,
你們喜歡讓誰人知道或不知道都可以.
跟本沒有煩惱可言,
問題是你們愛得夠還是不夠.

作者: 極樂 時間: 2006-11-22 11:32 PM

Originally posted by mcsimon0574 at 2006-11-22 11:03 PM:
講真果句 , 我地咁多個都係係機鋪識.
除左我地4個, 仲有好多人.
係果到玩既時間 , 都佔好多好多....
好難話, 一時一刻會當番大家係朋友

無錯丫~~但係我絶對唔贊成你避開佢地~~再唔同佢地出黎玩~~
你今日選擇避開....等同無左一班朋友.....
如果你照樣出黎玩~~照你講係一大班人~~
只要你扮到無野, 而其他人都無野 (除左y1,y2), 當然最好呢班人都唔知y1y2鐘意a啦....
久而久之, y1,y2都唔會有野架啦(因為無形中俾左群眾壓力佢地)~~

作者: wind69 時間: 2006-11-22 11:47 PM

我覺得最好先搞清楚，究竟最關鍵ge人物"阿A"o係成件事扮演咩角色lor.......

作者: qqwqqwqqw1 時間: 2006-11-23 06:56 AM

你無講你係唔係鍾意a wor- -......

作者: sakura310 時間: 2006-11-23 06:08 PM

哇~~
個問題好複雜呀><
真係"鄧"樓主頭痛

呢個係我生活圈子所發生ge事
唔知俾唔俾到樓主一d參考呢?^^
我地班fd係咁ga
就似我黎做個例子
如果我鐘意左個女仔
係我一日未承認我想追哥個女仔前,如果我d(個)fd佢都鐘意左個女仔,咁大家都係公平競爭(街外人無得講啦)
就算我做到出哂面去追個女仔都好,只要我一日唔出聲,人地都有機會去追個女仔
如果我同我d朋友講,我鐘意哥個女仔,想追佢,即使有人都想追個女仔都好,咁大家自然會收手
其實可能我係一早想避免呢d問題而影響到我地朋友之間ge關係
所以係好早之前我地班fd已經因為呢類ge問題達到共識
或者呢d叫先小人後君子啦~

可能我而家咁講就多餘,馬後炮啦
但係如果y1同y2都無同你講過佢地鐘意個女仔,想追佢(或者向第三者咁講過)
只係從行動上俾人覺得佢地係追緊個女仔
咁我覺得就算樓主去追個女仔都無問題
你話我諗野有問題都係咁話
佢地如果連鐘意一個人,想去追人都講唔出,連講出黎ge勇氣都無,咁俾其他人追走左個女仔,佢地怨得邊個?

但如果佢地係有講過佢地鐘意個女仔,想追佢
咁我覺得樓主應該自己避忌一下啦
就算唔係朋友,人地已經表明目標,再差隻腳落去,咁就好唔尊重人lor~~

至於點面對y1同y2
我諗真係要睇樓主點諗lor
因為樓主無寫明而家你對個女仔ge感情係去到咩野地步,咁我胡亂俾意見就唔好啦~
不過我又唔係咁主張避ge~~
話哂都係朋友ma,或者係老友添啦
唔通你想避佢地成世咩~~
雖然話鐘意一個人係無罪
但鐘意一個自己朋友追緊ge人就有問題(我係話追緊,唔係話鐘意)

如果樓主真係想追哥個女仔ge,咁梗係要同y1y2講清楚啦,始終係對人的尊重ma
當然要開口就一定係件難事,而且要處埋得好亦都唔係易事
不過呢,如果能夠有"和事佬"出面幫手就自然會好d,而且"和事佬"唔係將你地聚埋一齊講呢個問題佢就走左去,而係佢要成場係度,責任都好大,佢處理唔好,咁大家都會好麻煩
因為係我ge老友圈子裡面,就係有充當"和事佬"角色ge人係度(有2個添~)
記得有次出事都係靠佢地搞返掂
要個樓主真係要同y1y2講清楚,我真係強烈建議用呢個方法(特別係大家關係有d疆ge時候)
點解要有和事佬,因為大家要嘈,通常唔會聽對方講,但從第三者個口度講出黎,聽哥方條氣會順d,易接受d,到相方態度軟化,和事佬就要俾大家有落台階
咁件事就會易d解決

當然啦,我唔係現在,亦唔知詳情,我呢d都只能當係建議
不過"和事佬"呢樣野,我真係覺得好掂,特別係處理朋友的感情問題,但重點係有合適人選

希望我所講ge野無跑題啦><
說得好的地方,見諒啦><
(幾天沒打字,打字打得好開心 XD)

作者: mcsimon0574 時間: 2006-11-23 10:21 PM

但係果到大部份人都當左A係y1既女朋友 .
記住..係<當>...
我問過y1 ,佢同A點.....佢個答案就係無咩野呀.
今日我問左個和事佬,A2點....A2就係驚我會玩A , 因為我個樣似係d咁既人．
而我同A , 個關係．．似係剛剛拍拖果d.又未去到深愛囉．．．

作者: Rika 時間: 2006-11-24 02:03 PM

我以前有個好好既朋友，有咩幫手一定盡幫，有咩玩一定搵埋我，有咩野都一定講
但係，有一次，佢識到個台灣女仔，話想追，我當然叫佢去追啦，我仲話要幫手出聲
佢好似未拍過拖添，我都想佢得米
過左兩日，鬼異既事就發生，個台灣女仔無啦啦搭尾玩車黎左我屋企 (我同個台灣仔住)
個台灣仔同個台灣妹響我間房傾計 (因為我間房係慣性聚腳地)
傾傾下，3點幾，我第朝返9點，咪訓先，由得佢地繼續
第朝，好奇怪點解台灣仔唔黎叫我起身返學，於是，我叫埋台灣妹起身返學啦
一返到學校，全校既人都知道台灣妹響我房過左一晚，我話我一早訓左，無人信
呢d野，講一句唔信，我都費事講落去，解釋唔到
台灣仔仲四圍講話台灣妹攬住我訓，所以唔好意思叫我起身，搞到我完全無得解釋既餘地
又好似怪唔落台灣仔，佢只係睇到部份既事實，搞到唔知點咁
最可怕既事，我既好朋友知道左，佢灰到極點，咁就少左個朋友
所以女仔既，搞到朋友就唔好掂，出面大把，好朋友少左個就少左個

mcsimon0574，如果唔想得失兩邊，要諗下辦法應對，a 先至係要去解釋既人
你叫呀 a 去交代返啦，又係情敵又係朋友，你盡量低調d，響佢地面前唔好提 a
留唔留到個朋友真係好難講，所以我成日都話，搵就搵出面d女仔，圍內就唔好掂

作者: sakura310 時間: 2006-11-24 04:13 PM

咁講,即係樓主想追A?
係GE話當然要搞清楚D關係先啦^^

咁Y1佢都自己話同A無咩野,咁你放心啦
即使佢係口不對心,呢個都係佢問題,我咁講唔係話你朋友點點點
而係佢自己放棄呢個權利,咁你都唔需要擔心啦^^
佢咁講,即係你去佢追佢都無理由嬲你

唔知Y2點呢?

「果到大部份人都當左A係y1既女朋友...」
我覺得呢個唔算大問題GE~
當之MA,即係未肯定啦,特別係一班朋友中(外人我唔理)
有重要野就要講清楚,我同我班朋友都係咁,講左就係,唔講就唔係
而且,「當」呢個心理活動係好主觀的
我自己會同自己講(人地問到我亦會咁同人講)
係大家當係之MA,從來都無証實過Y1同A係拍拖緊,佢地有無正式承認過?
如果下下都話「當」係真GE,咁要法律哥D黎做咩?做事要講事實MA~
所以樓主不用太在意這個問題
至少你同一個你信得過GE FD講左(你想追個女仔呢件事OR你同個女仔拍緊拖)
到其他人(你D FD)注意你同個女仔拍拖,點解唔係Y1,有心的人會去周圍問D FD
最終總會問到你哥個FD,又或者直接問到你哥度
雖我覺得拍拖呢個關係係兩個人GE事,無必要大聲講出黎我同邊個邊個拍拖
但人地問到,我覺得應該如實作答,一來係尊重個女仔,承認你地的關係(不然你當個女仔是甚麼? HAHA)
二來,你講得出,你就有作為男朋友的責任,唔可以玩玩下,這樣也不錯呀~
話哂個女仔將來都會同你係埋一齊,認真D都好應該啦,係咪?^^

作者: adamboyhk 時間: 2006-12-2 11:45 PM

避開佢地會好d 囉 ,反正你地d關係都攪都咁亂難攪

作者: nic51 時間: 2007-1-4 04:14 AM

我唔會選擇逃避,如果我真係鐘意a﹐而a又0答我糖,我會同班fds講清楚

歡迎光臨娛樂滿紛 26FUN (http://26fun.com/bbs/)