娛樂滿紛 26FUN - Powered by Discuz! Board

標題: 迪斯拿好慘呀... [打印本頁]

作者: cwc_tkd 時間: 2007-1-16 10:13 PM 標題: 迪斯拿好慘呀...

27歲的拜仁慕尼黑(網站 - 圖片)(網站 - 圖片)德國中場代斯勒(迪斯拿)即將結束球員生涯。

代斯勒周二在拜仁舉行的記者會上宣布了退役決定。他生涯長期受傷病困擾，去年也因傷無緣出戰世界杯(網站 - 圖片)。

「我對自己的膝蓋已經沒有任何信心...這一直折磨著我，」代斯勒說。

代斯勒一度被視為德國足球的希望之星，但傷病和隨之而來的心理問題讓他無法真正發光發亮。

佢係哈化個陣打得好好架..
我覺得佢係世上最佳右中場/右翼之一,
係其中一個速度唔高, 但可以係右翼位置踢出高水準o既球員!
德國一直冇得召用呢位天才, 真係遺憾.
但迪斯拿自己先至係最遺憾個個..
希望佢可以有好o既生活啦..

作者: mj1234456 時間: 2007-1-16 10:15 PM

唉......
佢只係27歲就要退休.....真係可惜......
佢好似都未真係發揮過.....就咁就退出.........

作者: hugh090702 時間: 2007-1-16 10:20 PM

咩都係假.....無傷患就係新星最重要既野

作者: german 時間: 2007-1-16 10:34 PM

相信每個德國球迷都不期望迪斯拿可以再踢出高水準
只希望著他能健健康康地在球場奔馳
可惜現在...............

作者: 王晶 時間: 2007-1-16 10:34 PM

我細細個已經知道迪斯拿踢世青果陣好勁
但係想睇佢比賽都無乜點睇過次次都係傷左

作者: 中華卡樂ｂ 時間: 2007-1-16 10:50 PM

佢真係好慘,一到佢好番,就會傷過

作者: hernanjorgecres 時間: 2007-1-16 11:13 PM

99/00 歐聯代表哈化柏林已經打得幾好
2000年歐洲國家杯成隊都差, 得佢一個畀到0的希望德國球迷
02年世界杯之前最後一場熱身賽整傷膝頭, 冇得打
如果有佢...
之後復出去拜仁, 都係不斷咁傷
03/04仲患上抑鬱症
抖左大半季
04 EURO 又冇佢份
德國分組賽出局
如果有佢...
04/05球季真係復出
打得唔錯
05夏天打洲際國家杯
德國隊終於有佢!
0係中場拍住波歷克
佢有傳中, 有突破, 有死球
係德國少有(幾乎係唯一)同最好0既技術形進攻中場
一隊打進攻足球0既德國隊
有左佢真係好好多
以為06世界杯可以靠佢同波歷克,高路斯
05/06
表現唔錯
歐聯對祖記都有波入
點知球季就快完0既時候
0係拜仁一次操練
同夏格維斯頂完波落地整傷膝頭
06德國世界杯又冇得踢
一定好hurt
今季出左一兩場
而家又話退休...

初出道0既"德國奧雲" (雖然踢法完全唔似)
本來係德國青黃不接時期0既希望
可以頂到希士拿,慕拿進攻中場個位
但係因為傷而起起落落
每諗住有希望表現就重傷幾個月
加上佢同一個年紀比佢大0既黑人女人一齊
話外界畀好多壓力佢
最尾有抑鬱症
但係克服左抑鬱症又傷過

悲劇人物--廸斯拿

作者: lookityourself 時間: 2007-1-16 11:49 PM

我喊左出黎la....

作者: donald15 時間: 2007-1-17 01:22 AM

蘇斯克查都傷左幾年啦
今年出番黎又生番晒
廸斯拿咁後生點解唔等下再試下呢

作者: 艾奧羅斯 時間: 2007-1-17 01:37 AM

拜仁又少個勁人-_-'''

作者: 扭耳仔 時間: 2007-1-17 02:22 AM

看著他，不禁使我想起拜仁的史高爾，
他和迪斯拿的確有點相似…
同樣是技術超凡，但同時長期受傷患折磨，
更從未在國際賽展示其應有的才華…
但他比迪斯拿好運的是，
最少他仍然可以在球會級賽事贏盡光榮，
兼且不論正選後備都有發揮的空間﹔
迪斯拿儘管都贏過德甲及德國盃冠軍，
然而過去的日子卻一直養傷多於比賽…

迪斯拿作為德國少有的華麗型技術中場，
以他的超卓球技本應是球壇的巨星，
最終未能戰勝傷患，黯然結束球員生涯…
最令人婉惜的是，他本來隨時可以發放萬丈光芒，
然而卻連發揮的機會也沒有…傷痛。
只嘆天妒英才﹗悲夫﹗

作者: tomken 時間: 2007-1-17 08:31 AM

27歲就要退休...真係好慘

作者: specificness 時間: 2007-1-17 10:27 AM

看著他，我想到的是奧雲，雖然他的打法的確不同。同樣都是少年成名，同樣得到人們愛戴（起碼是26fun各位），但就是因為不斷的傷患，完全不能表現……如果大家踢波少啲故意粗野的攔截，雖然仍然不免會有意外，但大家就能有更多的好波睇了……

作者: achan87 時間: 2007-1-17 11:43 AM

oh........he plays good when he is young

作者: bigfish 時間: 2007-1-17 12:36 PM

好在有碧咸轉會新聞沖喜下 jeh, 如果唔係突然俾單咁慘o既新聞刺激下, 大家都唔知點算...

作者: locklock 時間: 2007-1-17 01:20 PM

是一種解脫，何慘之有？

其實是拜仁一手做成他今天的樣子。他本已進精神病院住，治理抑鬱症。
亦早有聲明希望退出球壇，但拜仁的高層不段希望他早早復出。
最後他唯有對外諠稱已更治好抑鬱症的問題，提早歸隊。

如此差劣的心理素質，早後讓成他在球場上不但沒有發揮，更受了重創。
如今諠告退休，可能是因為約也將滿，拜仁亦知再沒有利用價值。
終告得到解脫，何慘之有？應該是可喜可賀才對。

作者: 王晶 時間: 2007-1-17 01:25 PM

Originally posted by bigfish at 2007-1-17 12:36 PM:
好在有碧咸轉會新聞沖喜下 jeh, 如果唔係突然俾單咁慘o既新聞刺激下, 大家都唔知點算...

喔原來你覺得自己偶像比人雪半年係喜事

作者: shevshev 時間: 2007-1-17 07:10 PM

本來對佢好有期望，好想係世界盃睇佢ge演出，無奈...........

作者: cristiano3156 時間: 2007-1-17 08:56 PM

Originally posted by donald15 at 2007-1-17 01:22 AM:
蘇斯克查都傷左幾年啦
今年出番黎又生番晒
廸斯拿咁後生點解唔等下再試下呢

蘇斯克查在的係曼聯
佢為曼聯立下的汗馬功勞不比92黃金一代少
而且蘇斯克查本身的意志好強,識應力一流,
如果唔係點可以後備入來就入咁多波
可況曼聯的球迷唔會因為佢重傷而忘記佢
反之十分支持佢,比到佢十足的信心。
但迪斯拿在的係拜仁
本身佢同拜仁d球員都唔係太close嫁啦
德甲同西甲一讓,都係只可有當世英雄,不能有一時失意
d球迷都已經可能漸漸忘記佢啦
在多種情況下,佢仲有咩東山再起的決心呀!!!!!!!

[ Last edited by cristiano3156 on 2007-1-17 at 08:58 PM ]

作者: ahdee33 時間: 2007-1-17 09:06 PM

同碧咸一樣既技術型中埸

作者: cristiano3156 時間: 2007-1-17 10:03 PM

Originally posted by ahdee33 at 2007-1-17 09:06 PM:
同碧咸一樣既技術型中埸

比佢好扭啦,係咪呀

作者: iknow 時間: 2007-1-18 12:01 AM

Originally posted by donald15 at 2007-1-17 01:22 AM:
蘇斯克查都傷左幾年啦
今年出番黎又生番晒
廸斯拿咁後生點解唔等下再試下呢

佢冇蘇斯克查咁樂觀...
之前又有抑鬱症咁樣...
都好無奈下...
蘇斯克查起碼有去過高峰, 有過風光...
但迪斯拿...世界又未踢過...
成世人俾人話佢好好波...但係就冇去過高峰...
有埋抑鬱症...佢都真係要離開呢個傷心地...

作者: german 時間: 2007-1-18 02:07 AM

Originally posted by locklock at 2007-1-17 01:20 PM:
是一種解脫，何慘之有？

其實是拜仁一手做成他今天的樣子。他本已進精神病院住，治理抑鬱症。
亦早有聲明希望退出球壇，但拜仁的高層不段希望他早早復出。
最後他唯有對外諠稱已更治好抑鬱症的問題，提早歸隊。

如此差劣的心理素質，早後讓成他在球場上不但沒有發揮，更受了重創。
如今諠告退休，可能是因為約也將滿，拜仁亦知再沒有利用價值。
終告得到解脫，何慘之有？應該是可喜可賀才對。

慘,是慘在他的才華未能發揮
未能好好享受原本自己喜歡的足球
有抑鬱症唔等於心理素質差
當年成為全德國人民的希望和跟一個黑人結婚之壓力
又豈是你這小小球迷可以想像,有資格去批判
以往有多少新星受不住壓力、傷患而離開球壇
迪斯拿是另一個不幸者
才華就此埋沒,是他,是球迷的不幸
不是慘是甚麼?
當然,現在他選擇離開
無可否認能令他再有快樂的生活,是件好事
只能是說句:塞翁失馬,焉知非福,和祝他生活愉快,身體健康

[ Last edited by german on 2007-1-18 at 02:09 AM ]

作者: ASPP 時間: 2007-1-18 08:31 PM

點解冇人講雲巴士頓 ?!
佢都黃金時期，因傷患而提早收山 >.<

作者: MaxFigo 時間: 2007-1-18 08:49 PM

Originally posted by ASPP at 2007-1-18 08:31 PM:
點解冇人講雲巴士頓 ?!
佢都黃金時期，因傷患而提早收山 >.<

雲巴士頓都叫係職業生涯中得到佢應得的名聲
但迪斯拿....我同我個fd講佢退休
佢竟然問我....迪斯拿係邊個...

作者: bigfish 時間: 2007-1-18 10:17 PM

Originally posted by ahdee33 at 2007-1-17 09:06 PM:
同碧咸一樣既技術型中埸

成就都差好遠啦下話

作者: cwc_tkd 時間: 2007-1-18 11:17 PM

Originally posted by bigfish at 2007-1-18 10:17 PM:

成就都差好遠啦下話

技術都差好遠tim~~~
迪斯拿好咁多!

作者: cwc_tkd 時間: 2007-1-18 11:21 PM

Originally posted by german at 2007-1-18 02:07 AM:

慘,是慘在他的才華未能發揮
未能...

同意..
迪斯拿有志難伸,
佢其實需要好大勇氣先可以作呢個決定..

因為作為一個天才球員, 佢咁快就要掛靴,
真係聞者傷心..
又抑鬱症, 又5次膝部重創..

作者: hello1997 時間: 2007-1-18 11:55 PM

佢仲後生過我....0甘快就退休....

可惜可惜

作者: kubrick 時間: 2007-1-19 09:22 PM

Originally posted by bigfish at 2007-1-18 10:17 PM:

成就都差好遠啦下話

吾計碧咸名同佢樣既商業價值同佢既號召力..
如果有同等機會發揮..
我肯定碧咸差N皮啦
技術方面更加無得比

作者: yyy00000 時間: 2007-1-20 12:50 AM

足球生涯真係短,27 years就退休

作者: kekekaka222233 時間: 2007-1-20 02:15 PM

迪斯拿佢27歲就退休真係好慘呀
踢多幾年呀ma
休息多陣先呀ma
睇呀真係得唔得

作者: broomstubbs 時間: 2007-1-23 12:13 PM

He was good when he played. he never lived up to expectation. He could be the best winger in the game.

作者: miomio 時間: 2007-1-24 11:13 AM

廸斯拿... god bless u

歡迎光臨娛樂滿紛 26FUN (http://26fun.com/bbs/)