娛樂滿紛 26FUN - Powered by Discuz! Board

標題: 徘徊於友情與愛情之間2.......... [打印本頁]

作者: ian2910 時間: 2007-2-16 10:30 PM 標題: 徘徊於友情與愛情之間2..........

琴日返到公司,一早就唔見左我上司..........

原來佢真係摺左兩朵金莎花,一朵比左一個女同事,一朵比左我師妹.........

我師妹收左之後笑到見牙唔見眼,而我就心知不妙:今日一定有事發生!!

跟住做緊野,有個客打電話泥,我師妹一拎起個電話就比佢噴到一面屁...........

重要打去總公司屈佢無禮貌...........我當時忙緊,等我知道ge時候事情已經發生左!

我地頂頭經理走過泥問返個情況.....

我就即刻力撐我師妹,我話:我知佢作風,佢一定唔會咁樣對個客人ge!

我師妹希望住我無出聲.......

個經理走左之後,我見到師妹都仲係好唔高興,我真係唔忍心

我就同佢講:

你知唔知我其實好過意唔去呀!我當初介紹你泥同我拍檔,我係唔想你咁唔開心ge,然家見到你咁樣,我覺得係我無能力撐你,所以我好唔好意思,以往個個同親我拍檔ge人都好開心架!

佢就即刻好溫柔咁同我講:唔係ge!都唔關你事............

跟住佢冷靜左一陣,我就好心平氣和咁同佢講:其實你知唔知你好容易人影響到你自己ge情緒?其實你咁樣會好辛苦........(我地做客戶服務業ge),你應該嘗試唔好咁容易比人刺激到,有一個方法,當你同人地嘈ge時候,留意自己講野ge聲調同埋速度,唔3好同個客人互相影響,控制返講野平和d,語氣唔好咁急燥,咁樣就會緩和到個氣氛嫁啦!

我師妹就話:我知道嫁啦!我會試下留意......

之後食完飯返泥,佢做左一陣野就同我講:我頭先遇到個客,我照你個方法去試,真係好左好多......

我自己覺得好安慰!

果然距離收工仲有一個鐘頭左右...........

我上司叫左我師妹出寫字樓,話要帶佢巡事設施云云........

兩個人臨出門口,我上司仲同我講,得嫁啦,寫字樓有你睇實就無問題啦!

我幾乎想撲上去打佢一大身!!

睇住兩個人越行越遠,我心知不妙,但係又無計可施,唯有寄望我師妹唔好沖昏頭腦............

跟住個一個鐘,對我泥講可能真係一生人最漫長ge等待........

我不斷係度徘徊,心裡面諗若果小師妹接受左我上司,我會有乜野反應,我無法想象亦無法承受個種打擊..........

其間有幾個八掛同事經過問我:點解唔見xx(指我上司)同xx(指我師妹)ge?

我就好低死咁答:哦!佢地去左巡野呀嘛!

然後仲要扮到好古惑咁,笑得不知幾衰格!

其他人會意,又笑埋一份!

其實我好似笑到標眼水,d眼水係...........

跟住d人行開左個陣,我真係發晒矛,我以為自己好冷靜,點知寫完d文件,我成支筆掟爛左!

連我自己都有d愕然!

臨收工前三個字左右,d同事走晒出泥,想等埋我上司一齊走............

而我就不斷同佢地吹水,強迫自己分散注意力.........

但係點都比d細心ge女同事注意到我有d唔自然,祇不過佢地講唔出係乜野!

終於,我離遠見到佢地兩個一齊返泥................

兩人離門口尚遠,我就見到佢兩個都無乜表情.....

而我亦情緒激動,幾乎想沖出去,好彩最後關頭,我仲識拎部手機出泥,係一班愕左然ge同事面前,勉力扮笑,作狀要影佢地相...........

兩個人一前一後入門口,我上司行先,講左一句:係時候收工啦!

跟住就無左影!

而我師妹就入泥執野,當其他散晒之後,佢就同我講左句:點解佢會鐘意我架?!

然後就催我同佢一齊係另一個門口走..........

兩個人出左門口行緊去等車個陣,佢首先同我講:佢(指我上司)頭先同我講話鐘意我呀!但係比我拒絕左!

我心裡面如釋重負...........但係一時間仲未完全消化得到,好似有d抽離咁!

我跟住同佢講:我見佢連金莎花都送,我都知實出事啦!一早叫你唔好玩出火啦!

我師妹就話:放心,我知道自己做緊乜ge!

我都唔知自己當時感覺點形容:又慶幸又係失落........

我同佢用朋友式ge口吻講:我之前見你好似好受落咁!我幾驚你會搞出事呀!我地大家都係成年人,我唔想太過過你d私人野,作為朋友,我祇會話比你聽你而家ge處境,等你諗清楚先好行下一步,我相信你會自己決定得到........

佢示意明白!

之後我地各自返屋企...........

係車上面,我諗左好多野,終於下左決心,以後我會同佢做一對好好ge知己,等時間去沖淡愛情感覺,直至他日我會遇到一個真正可以成為我另一半ge人,或者上天賜比我同我師妹另一個機會......

我諗我會慢慢咁唔再執著,祇不過我知道我需要經過一段漫長ge時間至可以......

今夜於我而然,係無淚的遺憾!!

作者: 極樂 時間: 2007-2-16 10:39 PM

小師弟~~你無黎一排發生左咁多事丫?!

(不過我都發生左大件事)

其實你同佢既進展一路都幾好......

不過, 始終係你先感受到你同小師妹之間既感情~~

最緊要開心, 順其自然啦~~

有時d野, 係你就係你, 避都避唔開既..........

作者: specificness 時間: 2007-2-16 10:46 PM

我寄予無限的同情。我好明白你的想法，而且，由佢拒絕上司以至你同佢既對話（首先，好多謝你鉅細無遺的告訴我們），可以想像佢心裡面仍很重視她跟男友的關係，亦可以想像她不會輕易變心，所以，以現在的情況來說，似乎你是做對的，最好只有在她身旁默默的守候了。很為你這個決定感到無奈，並感動。希望你早日康復。

作者: specificness 時間: 2007-2-16 10:52 PM

忍不住再覆。希望你成功將對小師妹的愛昇華！這絕對不是無可能的，而且，這也不是絕對的只剩悲哀。雖然我未有心理準備講自己的故事出來，不過，我可以肯定的告訴你，這種昇華絕對是可能和可行的，因為我做到過了。到現在，感覺上也許仍不能說是無憾，但是，絕不是只剩悲傷。失去愛情而換來一個知己，也是非常讓人安慰的。

祝福

作者: ian2910 時間: 2007-2-17 12:26 AM

Originally posted by specificness at 2007-2-16 10:52 PM:
忍不住再覆。希望你成功將對小師妹的...

多謝你呢幾日以泥,都係度聆聽我既經歷,又比左好多意見同睇法我,每個人既生活同體驗都唔同,所以我地每個人背後都有一個故事,能夠有人願意聆聽,咁唔多唔少都會起到安慰ge作用,希望當你準備好個陣,可以將你ge故事講出泥,我未必會比到d乜野意見你,但係就一定會細聽ge!

祝生活安好!

作者: ian2910 時間: 2007-2-17 12:33 AM

Originally posted by 極樂 at 2007-2-16 10:39 PM:
小師弟~~你無黎一排發生左咁多事丫?!
...

我都唔知點解會搞成咁,有d野錯過左就無得返轉頭,而家我真係需要好好咁整理一下自己,但係見到你係度聽過我講兩句,我己經好安慰啦!

我唔會強求d乜野,正如你所講,順其自然把啦!

可曾有人ge人生從來無一絲ge遺憾呢?學識點去承受,學識點去珍惜,咁就得喇!

作者: 極樂 時間: 2007-2-17 12:49 AM

小師弟~~你無黎一排發生左咁多事丫?!

(不過我都發生左大件事)

其實你同佢既進展一路都幾好......

不過, 始終係你先感受到你同小師妹之間既感情~~

最緊要開心, 順其自然啦~~

有時d野, 係你就係你, 避都避唔開既..........

作者: ian2910 時間: 2007-2-17 01:07 AM

Originally posted by 極樂 at 2007-2-17 12:49 AM:
小師弟~~你無黎一排發生左咁多事丫?!
...

咦!小師姐!點...........點..........解你個reply一樣GE?

作者: kalos 時間: 2007-2-17 07:24 AM

Wa, bro... It's so sad to see the story ended like this... As I remember, it's like a year already... At the beginning, I thought that you'll success... But, at the end...

I'm so sorry to hear that n I'm really understand your feeling, it's so 無奈 like a man losing his hair but can't stop that, right?

I wish that you can 昇華 your love n be her 知己... Eventhough I know it's hard to do so... I don't know what to say to 安慰你 but just can remind you that:

No pain, no gain!

Eventhough this time you screw it up at the end, but, there're more chance choice in the future. You may not care or interested in these choice n chance at the moment, but, you'll take one of them in the future for sure n you'll find your true love as well.

Finally, remember, don't be too depress n if you have any good or bad news, remember to tell us as, we'll always here to listen n give you advise.

Hope you don't mind that I type in English coz I can't type Chinese, Best Wish n Happy New Year~

作者: sakura310 時間: 2007-2-17 07:59 AM

極樂姐~發生咩大事呀?唔係個BB有事呀?!

ian兄~
唔知係好事定壞事啦~
你個上司表白左兼俾小師拒絕左,大概你可以鬆一口氣啦

不過你上司話帶你師妹去巡視,睇埋之前你寫ge野
我已經係笑住黎睇

因為我覺得佢會同你小師妹表白仲會食檸檬(純粹係咁覺得

)

你上司哥句"得嫁啦,寫字樓有你睇實就無問題啦!"
我心裡實在想爆粗鬧佢,唔講由自可,講左我知佢咩事
叫你睇住寫字樓,你無得say no,即係要你唔好離開寫字樓去搵佢地,佢仲唔係想行動?

不過而家呢件事都解決左啦~你唔使失落ge,你應該因為小師妹個心仲向住佢男友,無接受到你上司而開心ma^^

雖然呢件事係完左
但係另一件事又開始啦wor
不過我諗應該無今次件事咁大件事ge,不過點睇都係件壞事

你上司被拒絕左,唔知第二日會對小師妹ge態度點呢?
當然你其實可以唔需要理會ge,等小師妹同你上司自己搞掂
但佢點都係你上司,我諗應該都係小師妹個上司啦
做野面阻阻又唔係幾好ge
我諗你稍為做下和事佬會好d,當然唔係主動哥隻啦

你最好唔好係你上司面前講佢同小師妹表白ge事啦,不然佢會知道你知道佢同小師妹之間ge野
萬一覺得係你因為ge關係而阻礙佢同小師妹發展,咁你水洗都唔清啦~

係現階段,我真係咁覺得
同所愛ge人關係無左,無咩大不了
但同好友,或者知己ge關係無左,我就覺得好大件事
雖然我係覺得,好友知己可以好多個,而愛人得一個
但我依然覺得,要搵到個知己真係好難
我諗上天俾你同小師妹做到知己,已經係一份好好ge禮物(我無叫你放棄yo~)
日後你同小師妹會點,日後先算啦^^
至少而家你地係好知己ma^^

作者: specificness 時間: 2007-2-17 11:59 AM

Originally posted by sakura310 at 2007-2-17 07:59 AM:

你上司哥句"得嫁啦,寫字樓有你睇實就無問題啦!"
我心裡實在想爆粗鬧佢,唔講由自可,講左我知佢咩事
叫你睇住寫字樓,你無得say no,即係要你唔好離開寫字樓去搵佢地,佢仲唔係想行動?

不過而家呢件事都解決左啦~你唔使失落ge,你應該因為小師妹個心仲向住佢男友,無接受到你上司而開心ma^^

...

好同意。昨晚一知道這消息，顧住感同身受（因為實在有點感觸），忘了回這個point。看到這裡時，同sakura的想法一樣，覺得佢真係好cheap，直頭有點以權謀私添。對，小師妹拒絕左上司，雖然表示你在現階段的可能也不大，但卻表明小師妹不是朝秦暮楚的人，表示她對感情是認真的。當然你大概一早就知道，不過對於只靠你口述去了解事件的人如我，這個是一個很好的証明，証明小師妹的決定總算不枉了你花了這許多時間心力去喜歡她。雖然你現在不是「現身」的時候，但正如sakura所講，你應該因為小師妹個心仲向住佢男友，無接受到你上司而開心！

明天就新年了，大家好好的過年，努力的活一個新的開始！你身邊也許有許多你以前沒有留意到的機會呢！不過，最好先讓自己的精神休息一下，不要為求填補霎眼的空虛而胡亂選擇。慢慢的張開眼睛，目光從小師妹的身上釋放出來，你會看到許多新的景象——新的景象不必然比小師妹「更」好，但卻肯定會有不同的味道、清新氣息！

期待你告訴我們你的新消息。各位新年快樂！

作者: ian2910 時間: 2007-2-17 08:08 PM

Originally posted by specificness at 2007-2-17 11:59 AM:

好同意。昨晚一知道這消息，顧住...

新年快樂!!

作者: pc20001103b 時間: 2007-2-18 06:14 PM

係車上面,我諗左好多野,終於下左決心,以後我會同佢做一對好好ge知己,等時間去沖淡愛情感覺,直至他日我會遇到一個真正可以成為我另一半ge人,或者上天賜比我同我師妹另一個機會......

真係咁就好喇....我都唔希望你係扮偉大既人

作者: free321man 時間: 2007-2-22 03:03 AM

Your encounter is very touching and I really appreciate your courage to turn your love into care for the girl. This is a difficult decision and may the friendship be life-long.

I sincerely hope that you will meet your better half in the near future.

歡迎光臨娛樂滿紛 26FUN (http://26fun.com/bbs/)