Board logo

標題: [股票經營] 古勝於東方日報既專欄 [打印本頁]
作者: jasonkat    時間: 2007-5-1 07:26 PM     標題: 古勝於東方日報既專欄

銀泰商機處處
30/04/2007  

上 周 道 指 連 續 三 日 創 收 市 新 高 ， 花 旗 魚 缸 未 肯 退 縮 ， 但 本 地 魚 缸 上 周 五 先 行 腳 軟 ， 皆 因 缸 邊 友 擔 心 黃 金 周 期 間 北 大 人 推 宏 調 新 招 ， 加 上 期 貨 場 結 算 ， 本 地 魚 缸 開 倒 車 唔 出 奇 。 結 果 北 大 人 再 一 次 決 定 調 高 存 款 準 備 金 率 0.5% ， 其 實 呢 招 過 去 試 過 多 次 ， 結 果 都 收 效 不 大 。 再 者 ， 祖 國 經 濟 增 長 強 勁 ， 即 使 再 加 多 一 、 兩 次 息 亦 頂 得 住 有 餘 ， 最 緊 要 都 係 魚 缸 水 頭 充 足 ， 其 他 講 乜 都 無 用 。

上 周 五  指 低 開 110 點 後 持 續 向 下 ， 一 度 低 見 20,425 點 ， 散 場 前 收 復 部 分 失 地 ， 現 貨 場 跌 140 點 ， 報 收 20,526 點 ， 成 交 額 641.6 億 元 ， 撇 除 新 丁 中 信 錢 莊 （ 0998 ） 135 億 元 成 交 ， 實 際 成 交 不 足 500 億 元 唔 算 多 。

中 信 行 要 慢 火 煎 魚
藍 色 大 隻 佬 唔 多 精 神 ， 淡 友 當 然 唔 放 過 祖 國 移 動 （ 0941 ） ， 跌 逾 1% 報 收 72.2 元 ， 大 笨 象 （ 0005 ） 硬 撐 兩 日 後 亦 頂 唔 順 ， 跌 6 粒 神 報 收 144.5 元 。 國 企 指 數 則 隨 祖 國 魚 缸 下 跌 ， 報 收 10,141 點 跌 119 點 。 新 丁 中 信 錢 莊 登 場 聲 勢 唔 算 強 勁 ， 雖 然 在 祖 國 的 A 股 較 招 股 價 勁 升 96% ， 本 地 魚 缸 H 股 僅 升 13.99% 至 6.68 元 散 場 。

中 信 行 表 現 平 平 ， 古 勝 早 已 預 告 ， 其 他 紅 色 錢 莊 股 首 日 掛 牌 表 現 都 係 咁 ， 需 要 時 間 慢 火 煎 魚 ， 晒 士 大 無 計 ， 唔 同 A 股 在 僧 多 粥 少 的 情 況 下 ， 新 丁 登 場 往 往 被 推 高 一 倍 ， 資 金 推 動 瘋 狂 走 強 。 反 而 早 一 日 登 場 的 洛 陽 鉬 業 （ 3993 ） 更 上 一 層 樓 ， 周 五 逆 市 上 升 ， 報 收 11.9 元 升 近 一 成 ， 盤 中 曾 創 12 元 高 位 ， 成 交 額 34.3 億 元 陣 容 鼎 盛 。

油 價 回 升 低 買 飛 機
「 油 魔 」 每 到 月 底 又 出 動 ， 上 周 五 紐 約 期 油 重 上 每 桶 66 美 元 ， 照 道 理 石 油 股 有 得 升 ， 偏 偏 石 油 股 都 係 樣 衰 衰 跟 市 跌 ， 預 告 了 「 油 魔 」 發 惡 又 係 假 象 。

油 價 回 升 又 有 藉 口 質 低 飛 機 股 ， 古 勝 認 為 又 係 買 入 紅 色 飛 機 的 好 機 會 ， 2.4 元 樓 下 買 東 航 （ 0670 ） ， 等 佢 同 獅 城 航 空 早 日 拉 埋 天 窗 ， 股 價 有 權 博 升 1 皮 ， 初 步 目 標 睇 3.5 元 。

祖 國 航 空 業 正 面 對 新 一 輪 行 業 改 革 ， 為  做 大 做 強 ， 北 大 人 有 可 能 直 接 注 資 予 國 航 （ 0753 ） ， 由 國 航 出 面 收 購 東 航 及 南 航 股 份 ， 「 外 交 」 則 交 由 東 南 航 去 處 理 ， 東 航 跟 獅 城 航 空 「 成 親 」 係 首 場 樣 板 戲 ， 點 都 要 搞 得 好 好 睇 睇 。 三 四 線 股 仔 各 自 各 精 彩 ， 日 日 有 股 仔 拉 閘 ， 但 是 福 是 禍 純 粹 靠 估 ， 看 官 炒 股 仔 要 識 執 生 ， 有 唔 對 路 第 一 時 間 跳 車 ， 免 得 夜 長 夢 多 。 每 到 黃 金 周 假 期 ， 鑊 鏟 友 又 會 翻 炒 零 售 股 ， 古 勝 則 認 為 要 炒 得 「 到 肉 」 ， 祖 國 零 售 股 才 是 主 角 。

業 績 對 辦 前 景 樂 觀
銀 泰 百 貨 （ 1833 ） 早 前 派 出 登 陸 魚 缸 後 首 份 成 績 表 ， 截 至 去 年 底 盈 利 激 增 1.4 倍 至 2.06 億 元 ， 略 高 於 招 股 時 預 測 ， 可 見 祖 國 百 貨 業 前 景 極 為 樂 觀 。 集 團 所 經 營 的 百 貨 公 司 ， 集 中 在 浙 江 省 ， 在 該 省 經 營 五 家 百 貨 公 司 。 除 了 杭 州 旗 艦 店 投 入 營 運 ， 集 團 兩 間 在 寧 波 的 百 貨 公 司 ， 亦 於 年 初 時 開 幕 。

至 於 跟 人 參 國 樂 天 合 作 經 營 的 北 京 百 貨 公 司 ， 則 於 明 年 3 月 北 京 奧 運 開 幕 前 ， 在 北 京 王 府 井 大 街 開 業 ， 食 正 奧 運 條 水 。 呢 個 百 貨 商 場 佔 地 1.3 萬 平 方 米 ， 並 由 樂 天 銀 泰 百 貨 以 租 賃 方 式 經 營 ， 未 來 五 年 在 浙 江 增 開 十 家 百 貨 公 司 ， 保 持 在 該 省 的 領 導 地 位 。 此 外 ， 集 團 持 有 深 圳 上 市 武 商 百 貨 （ 000501 ） 22.62% 股 權 ， 祖 國 魚 缸 屢 創 新 高 ， 呢 項 投 資 帳 面 贏 大 鑊 。

銀 泰 於 3 月 登 陸 本 地 魚 缸 ， 並 以 上 限 5.39 元 定 價 ， 相 當 於 06 年 預 測 市 盈 率 46.9 倍 ， 睇 落 PE 唔 算 平 。 但 隨 住 集 團 旗 下 多 家 百 貨 公 司 投 入 營 運 ， 07 年 份 成 績 表 肯 定 大 躍 進 。 預 測 07 年 純 利 增 長 率 為 61% ， 預 測 市 盈 率 可 降 至 30 倍 的 合 理 水 平 ， 估 值 與 其 他 擁 有 內 需 概 念 的 零 售 股 相 若 。 不 過 ， 銀 泰 現 價 僅 較 招 股 價 升 兩 成 ， 作 為 紅 色 分 子 表 現 似 乎 未 能 收 貨 ， 古 勝 相 信 銀 泰 中 長 向 好 ， 睇 8 元 難 度 唔 高 。

古 勝



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0