Board logo

標題: 在失望中表白了...... [打印本頁]
作者: Kian76    時間: 2007-5-18 11:11 PM     標題: 在失望中表白了......

而家個腦一片空白，今日送佢返屋企，佢原來好討厭我送佢返屋企，在sms度叫我以後放工唔使搵佢，又話覺得好煩，唔想有人誤會之類，我認為佢想話我知叫我放棄，所以我同左佢講我好鐘意佢，唔會再煩佢，佢就話只係唔想有人特登落車送佢返屋企姐。

跟住佢問我鐘意佢d乜，又話同我出街真係有少少悶，我就一次過講晒我既感覺，佢話佢好煩，好多野煩，舉左好多例，話唔想理呢樣野先，我話我會等佢......

全部都係sms既對話，我真係覺得好失敗，點解自己會咁失敗，點解我就係對住佢我先唔可以做番平時鐘意講笑好多野講既自己，就係對住佢我先~~~我真係好失敗，而家我真係唔知想點，好想喊，但又喊唔出，眼淚在眼邊，想乜都唔理，乜都唔做，好心痛......
作者: Aivn    時間: 2007-5-18 11:20 PM

Originally posted by Kian76 at 2007-5-18 11:11 PM:
而家個腦一片空白，今日送佢返屋企，...
因為你太緊張你係佢面前既自己
所以反面無左自己
少少挫折jei
唔駛咁灰既
向好處睇
佢都係sms同你講呢番說話
證明佢都係估慮你既感受
至於唔想送佢返屋企,
咁你咪唔好送lor
可以試下用其他方法架嘛

同埋最緊要既係
你要問下自己
係咪真係好鍾意佢
係既, 就再試下
唔好輕言放棄
好多時女仔要長d時間先接受到架
同埋同佢一齊時既感覺
你自己應該最清楚
大家一齊究竟岩唔岩,
有無feel, 開唔開心?
當俾d時間再諗清楚d啦

anyway,
加油啦
太易得到就會唔識珍惜架啦
作者: shanlinlla    時間: 2007-5-18 11:27 PM

如果個女仔唔多like你,你做麥都無用!!!!
呢個唔得,咪下一個囉....
香港唔只一個女仔令你心動/你鍾意!!!!!!!
作者: 勇勇    時間: 2007-5-18 11:34 PM

算吧啦兄弟！佢講嘅野咁直，擺到明根本冇鍾意過你，只係你死纏住佢！！
你喊唔出係因為你一早已經知道佢係唔鍾意你，一早已經知道自己同佢係冇可能，係你自己唔想放棄姐，所以用最後一分面最後一口氣留住佢！
聽你講！你話你係一個健談嘅人，應該好快會識到第２個女朋友！聽我講飲多２杯早Ｄ訓覺早Ｄ忙記哩個全無愛過你嘅女人．
　　　　　　　　　　　　　　　　　　　　　　　失戀的過來人上．
作者: loklok117    時間: 2007-5-18 11:51 PM

你係男人黎ka
比番小小自尊自己得唔得ar?
人地都表明唔愛你
你再死纏難打只會令對方覺得你好可憐好無用
作者: loklok117    時間: 2007-5-18 11:54 PM

Originally posted by 勇勇 at 2007-5-18 23:34:
算吧啦兄弟！佢講嘅野咁直，擺到明根...
勇勇,最可怕唔係分手
係單戀同一廂情願
作者: 自由神    時間: 2007-5-18 11:59 PM

Originally posted by Kian76 at 2007-5-18 11:11 PM:
而家個腦一片空白，今日送佢返屋企，...
講真呀！
我覺得個女仔都真係幾顧你感受嫁。
雖然我對於佢問你鐘意佢D咩既事，有D反感。
不過我相信佢都係對你真係有好感嫁！


佢同你講佢有好多野煩緊..........
唔...
我覺得有兩個可能性啦！
一、佢想同你分擔，你有時聽下佢訴苦。佢好快就會愛上你。
二、佢真係好多野煩緊，唔想有愛情住。不過我想講既係：佢未reject你嫁。


啦！兄弟！你唔係咁就放棄呀！
你唔去努力追求又點會成功先！
你唔好咁快灰心呀！唔係我叫版主扣你分嫁
作者: Aivn    時間: 2007-5-19 12:23 AM

Originally posted by 自由神 at 2007-5-18 11:59 PM:

講真呀！
我覺得個女仔都真係幾顧...
"唔係我叫版主扣你分嫁"
咁追到係咪叫版主加分嫁??
作者: 'nice'    時間: 2007-5-19 12:38 AM

Originally posted by shanlinlla at 2007-5-18 11:27 PM:
如果個女仔唔多like你,你做麥都無用!!!!
呢個唔得,咪下一個囉....
香港唔只一個女仔令你心動/你鍾意!!!!!!!
同意!!
俾多少少時間同空間大家,
如果你真係喜歡個女仔的,不妨用真心打動她!
不過如果個女仔真係對你無feel,你就不如找過另外一棵樹啦!!
作者: 自由神    時間: 2007-5-19 12:41 AM

Originally posted by Aivn at 2007-5-19 12:23 AM:


"唔係我叫版主扣你分嫁"
咁追到係咪叫版主加分嫁??
好呀！佢唔加俾你。
我自扣10分俾佢！
作者: kolete    時間: 2007-5-19 01:07 AM

你應該去睇睇曾幾何時係度發過既一篇文章
叫做追女仔新態度(好似)
咁你就會明晒架la...
作者: 衰貓    時間: 2007-5-19 01:28 AM

Originally posted by loklok117 at 2007-5-18 23:51:
你係男人黎ka
比番小小自尊自己得唔得ar?
人地都表明唔愛你
你再死纏難打只會令對方覺得你好可憐好無用
無錯喇，男人如果無咗最基本既尊嚴同自信，等於乜都無晒，唔單止個女仔會睇你唔起，連周遭既人都會睇唔起你，如果你係一個真男人既話，抬起頭，重拾自己既尊嚴，做番自己，唔好因為其他人去改變，好快你會知道咁做係無錯‧‧‧‧‧你既遭遇其實唔算好慘，起碼個女仔肯同你交待清楚，如果拖拖拉拉，你只會受傷得更厲害，而且緣份既事，可遇不可求，用平常心去對待吧，不要再為唔值得你傷心既人去傷心，做番啲有建設性既事喇‧‧‧‧‧
作者: luxiaofung    時間: 2007-5-19 02:33 AM

what a sad story man...but give a bit faith to yourself.have alot girl at Hong kong ma.
作者: Kian76    時間: 2007-5-19 03:43 AM

很多謝大家的意見，我有了決定了，現在還是專心番工作上，不停做不停做，就算愛情失意都要金錢得意，但唔代表我放棄佢，我決定等，除非有一天我等等下竟然唔再愛佢而愛上了另一個，我就放棄。

雖然到現在我還搞不清自己在她心中的位置，但我會用時間來証明，最起碼看看她會否像往日般一得閒就會打俾我傾電話吧。

(現在的感覺是很空虛，少了一些東西似的~~)
作者: Kian76    時間: 2007-5-19 05:49 PM

但我真係重有d地方好唔明，我朋友話佢都係女仔，佢明白話而家多野煩唔理呢d野住係一個籍口，想我好過d，話冇機會架喇，但一d小動作同經過真係唔明點解。

第一，佢有主動搵我傾電話，一得閒就搵。

第二，佢見我去左佢鋪頭搵佢，本來話約佢食飯，但佢唔去，主動問我一唔一齊返去。

第三，返去既途中我發現佢隻戒指唔同左，本來我唔為意係戴在無名指上，但佢好快咁除左出黎解釋話本來戴食指，但太緊，中指又唔夠入，所以戴無名指。


其實佢係咪覺得太快？？定係我多心？？


佢真係冇諗過同我發展？？定係發現真係唔適合佢？？
作者: 自由神    時間: 2007-5-19 06:30 PM

Originally posted by Kian76 at 2007-5-19 05:49 PM:
但我真係重有d地方好唔明，我朋友話佢...
第一，佢有主動搵我傾電話，一得閒就搵。

我想講你知，你而家出街有邊個女仔唔係講緊電話嫁呢？
我之前都試過俾呢種既女仔「煩」，佢地可以話一出街無人陪。
就拎個電話出黎，睇下邊個會陪佢吹水。
我問你呀：佢同你講電話既內容有無D類似下面既例子呢？
1、E！好唔開心呀！阿XX又唔做XXX啦！
2、超無聊呀！你陪我傾下計啦！而家等緊車呀！
3、你做緊咩呀？下？咁無聊。
4、你好忙呀？好啦！你唔使陪我嫁啦！等我悶死佢算啦！

如果有既話，我想講：你俾人用黎消摸時間。

第二，佢見我去左佢鋪頭搵佢，本來話約佢食飯，但佢唔去，主動問我一唔一齊返去。

返去邊先？
我諗你唔會上到樓嫁啦可！
如果係由一齊食飯變成你淨送佢番屋企（無得入屋）既話.......
佢咪即係唔想同你食囉

第三，返去既途中我發現佢隻戒指唔同左，本來我唔為意係戴在無名指上，但佢好快咁除左出黎解釋話本來戴食指，但太緊，中指又唔夠入，所以戴無名指。

呢樣野又真係幾奇怪。
不過換做第二個人，佢都可能做同一樣既解釋。
始終女仔人家未嫁人但係俾人以為佢嫁左人都唔係好睇。

其實佢係咪覺得太快？？定係我多心？？
佢真係冇諗過同我發展？？定係發現真係唔適合佢？？

可能........
可能佢習慣左同你一齊生活既時光
不過可能無愛情o係入面（當你係阿哥之類）
佢唔想無左一向都有你存在既生活，不過又無愛情既成份
唯有.................拖字決。
當住係水泡都好呀！起碼有人關心佢呀Ma.
作者: Kian76    時間: 2007-5-19 08:08 PM

Originally posted by 自由神 at 2007-5-19 06:30 PM:

第一，佢有主動搵我傾...
我想講你知，你而家出街有邊個女仔唔係講緊電話嫁呢？
我之前都試過俾呢種既女仔「煩」，佢地可以話一出街無人陪。
就拎個電話出黎，睇下邊個會陪佢吹水。
我問你呀：佢同你講電話既內容有無D類似下面既例子呢？
1、E！好唔開心呀！阿XX又唔做XXX啦！
2、超無聊呀！你陪我傾下計啦！而家等緊車呀！
3、你做緊咩呀？下？咁無聊。
4、你好忙呀？好啦！你唔使陪我嫁啦！等我悶死佢算啦！

如果有既話，我想講：你俾人用黎消摸時間。

佢呢大半個月以黎接近每一日都打俾我，有陣時係一日幾個，佢去廁所、食飯、放工、返到屋企都有機會打俾我。而當中的內容都有d係你講既野，但佢唔開心係試過一次send sms問我o係邊，話佢唔開心。

佢會問我做緊咩，佢試過好幾次發我脾氣，原因一：我聽個客電話而唔聽佢電話，同佢講一陣先搵番佢。原因二：遲左聽佢電話，響得耐。原因三：有個女仔聽左個電話，話我特登搵，死唔信我行開左。佢就會話唔阻你啦，然後cut線，之後幾次都會cut線同俾說話我聽，但全部都係自己打來......


返去邊先？
我諗你唔會上到樓嫁啦可！
如果係由一齊食飯變成你淨送佢番屋企（無得入屋）既話.......
佢咪即係唔想同你食囉

佢話佢本來去整頭既，但冇得整所以冇mood去食，佢初頭聽我無法顯示既電話時聽倒我把聲cut左我線，之後打番俾我問係咪我搵佢，跟住我話佢cut我線，佢冇回應我，話我把聲好死，跟住主動提出一齊搭車返屋企，之後去我個站度行街買d野又係佢主動提出既~~~(佢早我兩個站出的。)
而家佢就係話唔鐘意人特登落車送佢返屋企~~~~


呢樣野又真係幾奇怪。
不過換做第二個人，佢都可能做同一樣既解釋。
始終女仔人家未嫁人但係俾人以為佢嫁左人都唔係好睇。

初初識佢既時候佢話過佢邊有人要，其實都係三個月前既事，我當時去佢鋪頭食野見倒佢，一星期內去食左三四次，之後問佢電話，佢俾左~~~~就係咁樣開始識左佢。佢曾多次強調自己冇男朋友，但近來又要同我講有人追佢，有一男一女追緊佢。昨日同佢出街既時候個Tom boy都不斷打俾佢，因為個TB都係做o個度，知道我搵佢後，不斷打過去，個TB追左佢一年，但佢話佢冇接受過，但睇落去好鬼fd，個TB在多次既電話中好似發緊脾氣咁~~~~

可能........
可能佢習慣左同你一齊生活既時光
不過可能無愛情o係入面（當你係阿哥之類）
佢唔想無左一向都有你存在既生活，不過又無愛情既成份
唯有.................拖字決。
當住係水泡都好呀！起碼有人關心佢呀Ma.

我同佢識左冇幾耐，唔會咁快習慣既，佢由一開始就知道我鐘意佢了吧，唔鐘意佢都唔會去問佢電話約佢出街啦，但佢係咪當我係冇男朋友時既水泡我真係唔知，唉，仲係好無奈~~~~
作者: Edgar_Davids    時間: 2007-5-20 01:51 AM

我仲想遲啲加你分添.................



而家慳返.....
作者: 自由神    時間: 2007-5-20 04:30 PM

Originally posted by Kian76 at 2007-5-19 08:08 PM:

我想講你知，你而家出...
兄弟！
愈睇，愈覺得你一廂情願。
作者: Kian76    時間: 2007-5-20 05:54 PM

Originally posted by 自由神 at 2007-5-20 04:30 PM:

兄弟！
愈睇，愈覺得你一廂情願。
我都唔知呀，冇計呀，真係鐘意佢~~~
作者: 自由神    時間: 2007-5-21 12:00 AM

Originally posted by Kian76 at 2007-5-20 05:54 PM:

我都唔知呀，冇計呀，真係鐘意佢~~~
無論你之前講幾多籍口都好啦！
我覺得你唔好再諗咁多啦。


我明白你好鐘意佢。
不過有時D野唔可以勉強嫁。
唔好誤會！我唔係叫你放棄呀！

你而家應該佢打俾你，你就聽。
佢約你出街，你就出。
你唔好搵得佢咁密，唔使日日接放工嫁！

你唯有Keep住呢個relationship令佢唔會對你產生厭惡感。
萬一你太急進令佢產生厭惡感你就一世都無行呀！

你真心愛佢既話，你就慢慢keep住呢個關系同埋等
等一日佢突然愛上你啦！
作者: Edgar_Davids    時間: 2007-5-21 07:44 AM

Originally posted by 自由神 at 21-5-2007 00:00:

無論你之前講幾多籍口都好啦！
我...
咁我係咪唔駛做野喇......
呀巡警大哥.............
作者: 自由神    時間: 2007-5-21 09:48 AM

Originally posted by Edgar Davids at 2007-5-21 07:44 AM:


咁我係咪唔駛做野喇......
呀巡警大哥.............
咪玩玩下啦！
Kian76佢幾好人嫁！
真係希望幫到佢手。
作者: loklok117    時間: 2007-5-21 07:49 PM

[quote]Originally posted by 自由神 at 2007-5-21 09:4
你都幾好ar

[ Last edited by loklok117 on 2007-5-21 at 07:50 PM ]
作者: Kian76    時間: 2007-5-22 08:10 PM

繼續進行中，佢己經四日冇再搵我~~~灰~~~

我昨日send左一個問候sms俾佢，純粹問候。

決定明天先send多個sms俾佢，盡量放慢番個節奏佢先。
作者: Kian76    時間: 2007-5-22 08:36 PM

剛剛佢終於都打番俾我，但傾左一陣間就因為我講錯野俾佢借題發揮話：我好唔高興囉，Bye！！！

又cut左我線，不過我諗我搵倒佢短期死穴，所以今次冇打番俾佢，我相信佢聽日會搵番我的。



今次一定要反客為主，令佢鐘意自己。(著火中)
作者: 自由神    時間: 2007-5-23 04:55 PM

Originally posted by Kian76 at 2007-5-22 08:10 PM:
繼續進行中，佢己經四日冇再搵我~~~灰~~~
我昨日send左一個問候sms俾佢，純粹問候。
決定明天先send多個sms俾佢，盡量放慢番個節奏佢先。
一日一sms咁都叫放慢？
真係服左你啦！
Originally posted by Kian76 at 2007-5-22 08:36 PM:
剛剛佢終於都打番俾我，但傾左一陣間...
你真係捉到佢弱點既話，你就唔使而家咁煩啦！

你果位女子既性格我諗係時下年青既女仔既一份子
呢D女仔就真係............

希望你真係會成功啦！
作者: kakeidevil    時間: 2007-5-23 06:43 PM

Originally posted by 自由神 at 2007-5-23 16:55:

一日一sms咁都叫放慢？
...
戀愛專家鼓油陳！
作者: 自由神    時間: 2007-5-23 06:48 PM

Originally posted by kakeidevil at 2007-5-23 06:43 PM:


戀愛專家鼓油陳！
邊位？




















係咪想死呀！
作者: Kian76    時間: 2007-6-3 04:32 AM

最近有d起色，我地自從上星期破冰後，最近又再回復以前既方式，就係佢每日或每兩日就會打俾我最少一次~~~~星期六、日一定唔會打俾我~~~~

而佢星期五換左新衫，升左職，佢都特登打俾我叫我去探佢，睇下佢套新衫~~~~



之前佢有好幾次電話入面講左一d內容，好越軌，例如：
一：我係咪好體貼呢？讚下我啦！....(笑)
二：一唔一齊返去？(放工搭車)
三：大前提係唔影響你工作之下.......嘛~~~~
四：同我講追緊佢既o個個TB想搵人打我，打唔成就打佢~~~問我會唔會幫佢拆掂佢~~~~
五：你講野都唔夠甜~~~


究竟佢諗緊乜架？？真係唔明，自由神兄，你覺得佢係點既意思？

[ Last edited by Kian76 on 2007-6-3 at 04:33 AM ]
作者: 艾力克    時間: 2007-6-3 12:08 PM

我答得唔得架
首先有一樣野係肯定o既, 就係每一個女仔都鍾意俾人追, 因為就算鍾唔鍾意o個個人都好, 有人鍾意都係一件開心o既事, 所以我覺得佢係享受緊而家o既關係

其實聽佢講o既野, 我覺得佢對你係有好感o既. 不過佢o既思想反反覆覆咁, 可能係唔想"無端端"開始掛; 俾人追好多時仲sweet過真正拍拖o既時間嘛
而且你追佢就受佢又會覺得太隨便, 所以佢會keep住依個關係睇下係咪真係適合先

就算佢唔係鍾意你, 希望都當你係其中一個較為close o既朋友呀. 如果你真係好(or表現得好)o既話, 佢鍾意你都唔奇啦

總之, 表現自己o既優點instead of特點, 同埋發掘自己o既缺點就得喇

P.S. 自從以前o係體育版串過你之後你就好少去o個度喇
作者: 自由神    時間: 2007-6-3 12:35 PM

Originally posted by Kian76 at 2007-6-3 04:32 AM:
最近有d起色，我地自從上星期破冰後，...
最近又再回復以前既方式，就係佢每日或每兩日就會打俾我最少一次~~~~星期六、日一定唔會打俾我~~~~

又back to the starting point
之前唔係日日都打俾你嫁咩？
做咩而家六日唔打，有時仲要隔日既

而佢星期五換左新衫，升左職，佢都特登打俾我叫我去探佢，睇下佢套新衫~~~~

咁都好正常！
因為佢同你傾電話傾得咁密
佢既日常生活轉變話你知都好正常
我估你關心佢多過佢主動話你知啦可

一：我係咪好體貼呢？讚下我啦！....(笑)
五：你講野都唔夠甜~~~

佢係咪好鐘意撒嬌果類型既女仔呢？（係人都撒果種呀）
如果係既話~~我勸你唔好誤會啦！
如果唔係既話~~你得米啦！

二：一唔一齊返去？(放工搭車)
三：大前提係唔影響你工作之下.......嘛~~~~

有矛盾..........好難諗

四：同我講追緊佢既o個個TB想搵人打我，打唔成就打佢~~~問我會唔會幫佢拆掂佢~~~~

求愛不成，之後用武力解決
呢句係重點
點解？
點解個TB會打你呢？
你o係個TB眼中係佢既男朋友既地位喎
而你又話你示愛衰左喎
係咪根本上佢已經當左你係男朋友，而你自己唔知呀？
作者: Kian76    時間: 2007-6-3 07:14 PM

Originally posted by 艾力克 at 2007-6-3 12:08 PM:
我答得唔得架
首先有一樣野係肯定o既, 就係每一個女仔都鍾意俾人追, 因為就算鍾唔鍾意o個個人都好, 有人鍾意都係一件開心o既事, 所以我覺得佢係享受緊而家o既關係

其實聽佢講o既野, 我覺得佢對你係有好感o既. 不過佢o既思想反反覆覆咁, 可能係唔想"無端端"開始掛; 俾人追好多時仲sweet過真正拍拖o既時間嘛
而且你追佢就受佢又會覺得太隨便, 所以佢會keep住依個關係睇下係咪真係適合先

就算佢唔係鍾意你, 希望都當你係其中一個較為close o既朋友呀. 如果你真係好(or表現得好)o既話, 佢鍾意你都唔奇啦

總之, 表現自己o既優點instead of特點, 同埋發掘自己o既缺點就得喇

P.S. 自從以前o係體育版串過你之後你就好少去o個度喇
你有串過我咩？？唔記得，我最近少去體區係因為唔知點解自從abc消失左之後體區就人流好少，講完野冇乜人回，所以少去左。

我d朋友都話可能佢鐘意人追自己。
作者: Kian76    時間: 2007-6-3 07:40 PM

Originally posted by 自由神 at 2007-6-3 12:35 PM:

又back to the starting point
之前唔係日日都打俾你嫁咩？
做咩而家六日唔打，有時仲要隔日既
表白後既一個星期只係傾過兩日電話，探過佢一次咋，但o個兩日夾埋佢打俾我既次數夾埋都有成10次定11次~~~~係密集式~~~~而家佢呢個禮拜都要返夜，佢星期一、二都有起身後打俾我，星期五叫我落去睇佢換衫囉。(佢之前都極少星期六日打俾我的，講過話因為好忙)
Originally posted by 自由神 at 2007-6-3 12:35 PM:

咁都好正常！
因為佢同你傾電話傾得咁密
佢既日常生活轉變話你知都好正常
我估你關心佢多過佢主動話你知啦可
今次係佢4點幾時打左個電話俾我，但我做緊野，冇聽到個電話，但佢連續打左三個電話俾我，我一個都冇聽，之後過左一陣我打番俾佢，佢又發悔氣咁話唔阻我，我就講sorry，跟住佢話仲諗住叫我落去探佢，因為佢換左新衫，跟住就話算數，唔阻我cut線~~之後我借d倚鼠左出公司落樓下探佢，個TB 就o係隔離做緊野，我諗唔倒特別野同佢講，淨係成個傻佬咁望住佢對眼，望住佢對籃con，同佢講：今日你好籃wor~~~~

哈哈！！我本來想講你好靚，但講唔出口，哈哈！！佢聽倒我話佢好籃之後佢笑左，哈！！我諗番起個情景，覺得自己好似個傻佬，真係一直望住佢定左鏡咁，o個陣我一路諗野對眼就望住左佢，唔知佢會點諗呢？？哈哈！！
Originally posted by 自由神 at 2007-6-3 12:35 PM:

佢係咪好鐘意撒嬌果類型既女仔呢？（係人都撒果種呀）
如果係既話~~我勸你唔好誤會啦！
如果唔係既話~~你得米啦！
佢一時時啦，佢平時返工係超級黑面神，但傾電話時好鐘意扮發脾氣同埋撒嬌，我真係唔知佢對其他男仔會唔會咁，但佢平時就好鐘意玩，鐘意打d男仔o個種。(唔係用手掌式，而係一拳打落雞心o個種)佢又會好憎d姣婆。
Originally posted by 自由神 at 2007-6-3 12:35 PM:

有矛盾..........好難諗
其實係有關連的，係佢問完我一唔一齊返去既時候，我問返佢乜唔係唔鐘意我送你返屋企架咩？佢冇正面回答，之後我講俾佢知我要留夜，不過都可以送你返去先既，跟住佢就醒起喇，跟住講左一陣佢話唔使送佢返去喇，態度好好咁，跟住就話大前題係唔影響你工作底下~~~~嘛~~~~當時我聽倒之後真係啞左~~~~因為平時就算我做野勁忙而話一陣打番俾佢，佢都會發脾氣既，但今次竟然從佢口中講出呢番咁體貼既說話？？？簡直聽完標冷汗~~~~~感覺係一個迷。哈！！！
Originally posted by 自由神 at 2007-6-3 12:35 PM:

求愛不成，之後用武力解決
呢句係重點
點解？
點解個TB會打你呢？
你o係個TB眼中係佢既男朋友既地位喎
而你又話你示愛衰左喎
係咪根本上佢已經當左你係男朋友，而你自己唔知呀？
我都懷疑過佢會唔會係默認左我既位置呢？？但又唔敢俾自己太大希望，但佢之前講過唔想傾呢d野住，攪到我又唔敢問，唔敢再表白多次，驚佢反感，我問過佢點解個TB想搵人打我，佢話可能個TB知道你追緊我瓜，我問咁之前成年都冇人追過你咩？佢話可能個TB之前冇咁鐘意我瓜~~~~


講番最近呢次見面，個TB在隔離見我落去搵佢，仲同佢傾左一陣間，個TB就好粗魯咁同佢講野：仲有好多野想講呀？？下？

但正正係呢個時候我咁o岩轉緊身走人，唔知個TB係想向我示威定係見我走所以同佢講，但我冇理佢，轉身就走，做得o岩唔o岩？？

我本來諗過好唔好特登去TB o個度買野食的，特登對住佢四萬咁口，同佢講我黎探我鐘意既人，哈哈，但最後都冇實行到，哈哈！！
作者: 自由神    時間: 2007-6-3 09:02 PM

Originally posted by Kian76 at 2007-6-3 07:40 PM:


表白後既一個星期只係傾過兩日電...
對唔住呀！我唔打咁長啦！
你睇黎幾享受咁樣既生活喎。
佢既世界有你，你既世界有佢。
你好重視佢，佢又有事會搵你。

你係咪想維持咁既關系直到永遠呀？
我完全感受到你已經愛佢愛到另一個層次。
你唔介紹係咪佢正式男朋友啦！

等待吧！等待一日你又ready，佢又ok。
再花D心思，示多一次不勝無歸既愛啦！
作者: Kian76    時間: 2007-6-4 11:37 PM

Originally posted by 自由神 at 2007-6-3 09:02 PM:

對唔住呀！我唔打咁長啦！
你睇黎幾享受咁樣既生活喎。
佢既世界有你，你既世界有佢。
你好重視佢，佢又有事會搵你。

你係咪想維持咁既關系直到永遠呀？
我完全感受到你已經愛佢愛到另一個層次。
你唔介紹係咪佢正式男朋友啦！

等待吧！等待一日你又ready，佢又ok。
再花D心思，示多一次不勝無歸既愛啦！
都唔係完全享受架，因為講真有時自己都會諗多左，跟住就會覺得好sad~~~哈哈！！

始終而家既我真係有種唔知點形容既感覺，成日都覺得好冇安全感咁樣，佢只要唔打俾我，我就會有呢種感覺~~~~sosad~~~

而家我真係好想好想好想打俾佢，好想平時想見佢時就落去搵佢和打俾佢，但又唔可以破戒，破壞之前諗好左既忽冷忽熱計劃，太任性又會壞左大事，但有陣時真係忍得好辛苦~~~~今晚就係咁，好想打俾佢同佢傾電話，但最後都只能選擇send sms俾佢，佢末打番俾我~~~~我諗今晚都係冇機會再聽倒佢把聲居多架喇，唉，好掛住佢呀！！！！！！
作者: 自由神    時間: 2007-6-5 07:15 PM

Originally posted by Kian76 at 2007-6-4 11:37 PM:


都唔係完全享受架，因為講真有時...
你呢番話，令我諗起一首歌！
好Match 你而家既情景。

想你  Beyond
為何有一天    仍未與我通電
感覺太懸疑    為何難啟齒
但偏偏想你知

徬徨又一天    期待見你一面
走到你門前    誰人在身邊
是否可講我知
這一刻我    千百樣心思
不過兩個字    你叫我如此

想你    你叫我太歡喜
裝不出不羈    巴不得一起

想你    你叫我怎心死
只想今晚    擁你入懷
細說舊夢

從前曾失戀    曾話過已長大
不在少年時    明明曾識穿
再不單思暗戀

這一刻我    千百樣心思
不過兩個字    你叫我如此

想你    你叫我太歡喜
裝不出不羈    巴不得一起

想你    你叫我怎心死
只想今晚    擁你入懷
細說舊夢



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0