娛樂滿紛 26FUN - Powered by Discuz! Board

標題: 個人對樂壇感覺 [打印本頁]

作者: richardx 時間: 2007-6-23 11:27 PM 標題: 個人對樂壇感覺

以下係小弟對樂壇感覺:

而家呢個世界陣係識得搵人地既錯處,去研究人地係咪抄歌,去等人地走音...

反而唔係留意歌詞,唔係聽首歌

歌詞與歌曲唔協調, 歌手感受/明白唔到歌的意思而令自己用心去唱

從而不能令人有聯想, 共嗚, "起雞皮"(係感動到唔係難聽到)

我覺得唱歌技巧係次要, 至少要畀人覺得你係用心去做, 有誠意

唱歌技巧係可以後天補救的, 但作曲/作詞我覺得至少有咁上下文學/歌藝修養先好去作

作曲/作詞係一首歌基礎, 有TOP歌手冇好作曲/作詞人都係無用武之地, 對嗎???

歡迎大家討論(OR 插我都得)

作者: ch.chak 時間: 2007-6-23 11:32 PM

某程度上唔同意
"我覺得唱歌技巧係次要, 至少要畀人覺得你係用心去做, 有誠意"
我相信william hung應該係有誠意唱歌既
不過你可以忍受到佢唱歌咩

作者: richardx 時間: 2007-6-23 11:44 PM

Originally posted by ch.chak at 2007-6-23 11:32 PM:
某程度上唔同意
"我覺得唱歌技...

這EXAMPLE是失衡,強來是沒用的, 即使他並非五音不全, 他的聲線本身唔好聽, 再唱也沒用....
我這並非一概而論, 只是着眼點問題

作者: ch.chak 時間: 2007-6-24 12:02 AM

Originally posted by richardx at 2007-6-23 11:44 PM:

這EXAMPLE是失衡,強來是沒用的, 即使他並非五音不全, 他的聲線本身唔好聽, 再唱也沒用....
我這並非一概而論, 只是着眼點問題

我既意思係
一個人冇歌藝
根本就吸引唔到人黎聽
冇人聽既
又點會去留意其他野
一首寫得幾好既歌,比一個冇歌藝既人唱=廢物

作者: 自由神 時間: 2007-6-24 12:07 AM

Originally posted by richardx at 2007-6-23 11:27 PM:
以下係小弟對樂壇感覺:

而家呢個世...

無錯，而家歌手落重平o係外表，包裝
唱歌唔掂就死練

無人了解自己唱緊咩！

作者: cmchi 時間: 2007-6-24 12:09 AM

Originally posted by ch.chak at 2007-6-23 11:32 PM:
某程度上唔同意
"我覺得唱歌技...

你講得太極端了....

作者: loklok117 時間: 2007-6-24 12:26 AM

Originally posted by richardx at 2007-6-23 23:27:
以下係小弟對樂壇感覺:

而家呢個世...

陣係識得搵人地既錯處
成日搵人地既錯處係唔好
但抄歌當原創係應該?
唱一首歌走十幾次音係一個"歌手"既小問題?

我覺得唱歌技巧係次要, 至少要畀人覺得你係用心去做, 有誠意
你既林法係岩,但好單純
好多人唱k果時都好有感情(重叫人留意歌詞

)
但唱到五音不存:giveup....唔通重要拍手叫"安哥"??

人地摟開收音機一聽
走哂音,唱完都唔知唱咩
重要欣賞同支持?
欣賞佢無走音既部份?

作者: loklok117 時間: 2007-6-24 12:27 AM

Originally posted by ch.chak at 2007-6-24 00:02:

我既意思係
一個人冇歌藝
根本就吸引唔到人黎聽
冇人聽既
又點會去留意其他野
一首寫得幾好既歌,比一個冇歌藝既人唱=廢物

講得好
+你2fun

作者: Yui.i 時間: 2007-6-24 12:32 AM

香港d倒模歌都係死2樣野姐......
詞太堆砌,o來o來去去都係講愛情都hihi啦,講下親情友情得唔得ar?不過有d友情歌又係講2個好朋友爭仔爭女....真仆街...
曲就仲衰,o來o來都係o個d chord progression,聽都聽到悶...
阿mark lui o個套簽名式chord progression我都識背: C G Am Em F C,仲有呢條hihi唔係紅o既歌都唔抄,好x憎佢.
仲有唱o個d....咁多年都冇進步....收得皮啦.....

[ Last edited by Yui.i on 2007-6-24 at 12:33 AM ]

作者: 20001160 時間: 2007-6-24 12:48 AM

呢個題目一排就會出一次= =

作者: 阿感 時間: 2007-6-24 01:10 AM

張如城,一個對音樂熱情如火的小伙子,他心中那團火,我看得到
不過,他的歌曲有多少人會欣賞?一直以來,他都只淪為網民的笑柄

顏福偉,他對唱歌也很有熱誠
歌藝比張如城好,加上音樂有強烈個人風格,喜歡他的人較張如城多

有些歌手,歌唱得不好,過了數年還是沒有進步,怎能叫人相信她對歌唱有熱誠
說她不尊重自已的職業也算得上理直氣壯

歌藝是一個歌手的基本,說技巧是次要我不同意
歌藝與態度對一個歌手同樣重要

為何有些音樂人經常被抽秤呢?
就是因為他沒有誠意
一個作曲人,假如經常都被人發現抄襲,還算一個有誠意的音樂人
這樣的音樂人,必為大眾反感,對他不滿自然會抽秤他

有誠意的,還是會有人看得出
JUNO就是其中的好例子
還有,王菀之,謝安琪,方大同這些有誠意有歌藝的歌手,也有很多人欣賞

假如,有一個有歌藝沒誠意的歌手,就算要等他走音出錯還是沒有可能的

總結,作為一個歌手還是以歌藝行先,應當擁有最起碼的歌藝(當偶像的另作別論)

[ Last edited by 阿感 on 2007-6-24 at 01:13 AM ]

作者: 小火山 時間: 2007-6-24 01:15 AM

講2句~

第1：「有怎樣的聽眾就會產生怎樣的歌手」

第2：「而家d人聽歌係用眼....而唔係用耳...」

作者: 深夜逃亡者 時間: 2007-6-24 02:08 AM

我覺得香港只有娛樂圈，
無樂壇！！

作者: 蘿萄糕 時間: 2007-6-24 05:16 AM

Originally posted by 小火山 at 2007-6-24 01:15 AM:
講2句~

第1：「有怎樣的聽眾就會產生怎樣的歌手」

第2：「而家d人聽歌係用眼....而唔係用耳...」

請多用收音機!!

用心去做, 有誠意就唔應該批評?當年前任特首董生都好想香港巿民咁諗!!

有個廚師好用心整D食物食壞人唔通佢應該比人批評?好心做壞事無聽咩?

作者: 小火山 時間: 2007-6-24 12:47 PM

Originally posted by 蘿萄糕 at 2007-6-24 05:16 AM:

請多用收音機!!

用心去做, 有...

我想講o既係...
而家好多人已經唔理人地有無heart造音樂....
因為佢地唔會理....
只要你有樣 !
咁就等於唱得好聽 !

即係：靚樣 = 靚聲...

所以我先話d人「用眼去聽音樂」

明未?

即使你唱得好好
但個樣勁唔掂...
唱片公司都要執靚你個樣...
點解?
雖然...咁樣做係岩!
但最重要的原因係...有d歌迷鍾意靚人...

所以你問d歌迷點解鍾意個歌手
佢地會答：「因為佢靚囉!」....再過一陣先講：「唱歌好聽...」

正因為有d咁o既歌迷...唱片公司會選靚人優先
亦都係我所講：「有點o既聽眾就會有點o既歌手」

講完~

講真
我自己都好鍾意juno
因為佢真係有heart搞music !

作者: FRANCISE 時間: 2007-6-24 07:51 PM

香港只有娛樂圈，無樂壇

作者: HansChan 時間: 2007-6-24 07:57 PM

我認為.......一個歌手最仲要係佢有冇資質或能耐唱歌多於一切鍾唔鍾意唱歌或有冇誠意....有冇心去唱係下一個層次既嘢!!
有啲砍手本身根本就唔係唱歌既材料....佢用心又如何??我甘講係完完全全企响一個聽眾既立場黎講!因你本身唔適合唱, 你係要唱,係大眾耳仔受苦....當然唔岩聽人人都有權唔聽,但聽到,即使熄電視,收音機....走開....都會响心度講一句"頂!!呀豬呀狗都走出黎唱!!"..我覺得哩啲所謂歌手....佢甘鍾意唱,响屋企自己唱囉!!(以前既例子有古天樂同鄭伊健!)
講到作曲作詞....唔駛多講....你一開電視下下都聽到"來簡約地愛多八十年,態度未層改變!!!"...係源創....但大家係唔係好愛聽??
抄歌!!你可以話佢cheap.....但有時....順耳咪算囉!!
當然又係原創,又作得好,又有好歌手演釋,係絕對值得欣賞!!!

作者: noell 時間: 2007-6-24 11:28 PM

"有誠意的,還是會有人看得出
JUNO就是其中的好例子
還有,王菀之,謝安琪,方大同這些有誠意有歌藝的歌手,也有很多人欣賞"

某些歌手, 跟本無料, 係有誠意, 咁不如去做幕後啦. 唔好扮實力派出鏡,
人家問你音樂既問題, 唔識答, 因為d音樂唔係你整, 你只不過係鍾意聽音樂, 唔係做音樂

作者: joeyuenasap25 時間: 2007-6-24 11:43 PM

其實，點樣睇到佢哋班賣唱的有無「誠意」架？
我聽歌咁多年，歌只有好聽（襟聽）同唔好聽，
唔識研究幕前幕後的「誠意」...
有誠意，但係做啲垃圾出嚟，
果啲就係垃圾，
唔會係「一堆有誠意的垃圾」...
唔好比藉口自己，
同埋我好能憎啲人讚某某唱功「比上次有進步」，
大佬，你即係話佢以前唱得唔好，
唱得唔好又出到碟？
乜唔係唱得好先出得碟咩？

作者: 藍熊 時間: 2007-6-26 12:39 PM

本人對香港樂壇唔敢期望太多, 就算有實力既但好可能因為市場關係而淡出或被迫創作低質素歌曲.

作者: eric1874 時間: 2007-6-26 05:19 PM

其實而家開始慢慢好轉緊ga喇，好多所謂得個樣，無唱功ge都唔會紅得起，新o個批，由其903撐o個班都比較似個歌手，like王苑之，張繼聰，張敬軒，謝安琪等，甚至吳浩康，佢唱得ok，如果唔係咁多負面新聞or如果離開左英王可能多d人會撐佢。。英皇專捧偶像派，但lee一，兩年比前幾年已經唔係好得，睇到而家ge市場比較需要歌手多過偶像，再比d時間la，會好好多ga喇

作者: 155220 時間: 2007-6-26 06:06 PM

如果歌手是有誠意，就唔該佢地唔好整埋d垃圾音樂啦．．．咁樣既唔尊重自己，又唔尊重音樂。

作者: Jerome 時間: 2007-6-26 09:24 PM

連歌詞與歌曲都唔能夠令我感動....

我覺得而家d創作人為左開飯, 一年寫百幾隻歌, 都好難首首有誠意....

歌手呢, 日日都無時停, 做埋晒d無為show, 私人時間又有狗仔隊, 好難有時間做好首歌.
錄音又要趕 schedule, 租 studio 又要睇錶走, 錄到一兩隻歌勉強派到台就算...

一隻碟得兩隻歌OK, 咁點呢, 你點說服人地囉 $80 買兩隻歌?

出碟唔好彩賣得幾千隻, 賺得幾萬蚊, 扣左成本都唔知夠唔夠出人工比助手.

一路就係咁惡性循環....

作者: eric911 時間: 2007-6-26 10:25 PM

歌手又好藝人也好，要成功要得到觀眾欣賞，一定要是但一樣成功﹕1.包裝 2.唱功
後者香港還有幾位有心有力的歌手，但前者就一直無進步。雖說天下文章一大抄，總之抄得高明就得，但香港一班所謂作曲、形象設計，一個二個呃飯食，以為香港觀眾無知識，點知一抄就立即俾人踢爆，愈踢愈多，樂迷又點會再信你？大家咪轉晒聽日、英、韓文歌囉﹗依家咪留番一班10歲多啲只顧捧靚仔靚女偶像既女仔去聽歌﹗不如跟日本人學下點去將歌手攪形象好過啦﹗

作者: loklok117 時間: 2007-6-29 03:25 AM

Originally posted by joeyuenasap25 at 2007-6-24 23:43:
其實，點樣睇到佢哋班賣唱的有無「誠...

你好有火woo

我都認同你既林法
但"進步"依樣野對每個人黎講係需要ga
如果無進步,無改變
咪隻隻碟都差唔多

例子:周華健
開頭濃情化不開,沿途有你,都好新鮮好好聽
之後再出個幾隻碟...無咩變化,歌路,腔調一樣
(如是華健fans多多得罪)

作者: loklok117 時間: 2007-6-29 03:28 AM

Originally posted by eric1874 at 2007-6-26 17:19:
其實而家開始慢慢好轉緊ga喇，好多所...

講得好+2fun

作者: ##123## 時間: 2007-6-29 10:56 AM

Originally posted by richardx at 2007-6-23 11:27 PM:
以下係小弟對樂壇感覺:

而家呢個世...

"我覺得唱歌技巧係次要, 至少要畀人覺得你係用心去做, 有誠意"

呢句說話, 我覺得你同你o的親朋戚友講就得, 或者佢o地同你講, 你出得o黎俾人睇, 我係睇成績, 唔係誠意, 唔係有心, 有誠意有心不過做得唔好就走去自己練練先, 唔係出o黎獻出

作者: steve123456 時間: 2007-6-29 12:54 PM

香港樂壇根本上係冇希望 , 香港市場本身已經係細 , 情歌佔8-90% , 聽到你都唔想聽 , 再加上mp3非法下載 , 已經令個市場縮到細冇可細 . 以前賣到十零廿萬張係平常 , 依家賣到幾萬張已經偷笑 . 而且個市場已經唔同左 , 依家高消費力既變左係d 0靚仔 0靚妹 , 講樣 , 講包裝 , 係model公司執幾個過黎已經搞掂(尤其是係英皇呢d pk) , 賣唔到碟唔緊要(因為賺唔到錢) , 最緊要出到show , 拍到廣告 , 拍到劇 , 拍到戲 , 唱歌反而變左其次 . 舊果班唱得既已經退哂 , 新果班又唔掂 , 好似李克勤 , 容祖兒呢d唱得既都撈哂第2飯 , 係年尾先出番幾首歌搏拎獎 , 班新人唱歌又唔掂 , 所以搞到惡性循環 , 菁黃不接. 同時d 作詞作曲果d 水準唔好講啦, 個個趕住起貨 , 粗製濫造 , 而且題材又少 , 作黎作去唔係情就係愛 , 種類小亦都係pk , 你唔似美國又blues , 又soul ,又hip hop......香港咪黎黎去去果幾味 , 聽都聽到悶
上面題到話用心唱俾起唱歌技巧重要 , 但係一首好歌就係要兩者都要有 , 我覺得唱歌技巧呢d野基本上係一個歌手最基本既野 , 依家反而變左"車齒"品 , 唉 , 如果香港有番幾個好似楊宗緯呢d新人既話 , 香港樂壇或者有d希望

[ Last edited by steve123456 on 2007-6-29 at 12:56 PM ]

作者: YAN@@ 時間: 2007-8-26 04:48 PM

其實香港近年既新人都唱得唔錯
慢慢每個唱得都唔會走晒音咁難頂
新人如果仲走音就難紅架啦
之前紅開又唔唱得果d 咪繼續係度囉

作者: ronald001120 時間: 2007-8-26 05:21 PM

一個歌手唱功係其次?
甘佢就唔好去做歌手la
連唱歌都唔識唱
香港唔係冇唔識唱歌既人
唔係冇對音樂冇熱誠既人
只不過係D大唱片公司老細壓制住
唔畀有其他音樂
音樂人都要搵飯食
就要作k歌
我相信有D音樂人都唔係甘想作

[ Last edited by ronald001120 on 2007-8-26 at 05:23 PM ]

作者: sing200x 時間: 2007-8-28 05:51 PM

香港樂壇無得救ga la...
星光幫事旦派一個黎單挑香港近10年ge歌手...
都可以嬴幾條街la...

作者: K@M 時間: 2007-8-28 07:30 PM

Originally posted by FRANCISE at 2007-6-24 07:51 PM:
香港只有娛樂圈，無樂壇

同意
香港樂壇早就死左

作者: Yui.i 時間: 2007-8-29 08:51 AM

我個人已經放棄唔聽d香港情歌.....聽到心情差曬

作者: lllyipho 時間: 2007-9-1 02:19 AM

反而唔係留意歌詞,唔係聽首歌

歌詞與歌曲唔協調, 歌手感受/明白唔到歌的意思而令自己用心去唱

歌詞係好重要,平時我聽歌都會留意歌詞,有時會因為歌詞唔再聽首歌

作者: mozzz 時間: 2007-9-6 08:40 AM

幾同意
我都唔聽中文song

歡迎光臨娛樂滿紛 26FUN (http://26fun.com/bbs/)