娛樂滿紛 26FUN - Powered by Discuz! Board

標題: 阿根廷......欲哭無淚 [打印本頁]

作者: abu1984 時間: 2007-7-16 07:09 AM 標題: 阿根廷......欲哭無淚

比利條友可能開始發現自己太準......所以 ' 有心 ' 捧阿根廷

作者: sky308 時間: 2007-7-16 07:19 AM

唔指阿根廷我都欲哭無淚

作者: leeyanta 時間: 2007-7-16 07:39 AM

我返咁工,無得睇場波,請問阿根廷發生咗咩事?
輸3粒,咁慘!

作者: Edgar_Davids 時間: 2007-7-16 08:28 AM

Originally posted by leeyanta at 16-7-2007 07:39:
我返咁工,無得睇場波,請問阿根廷發生咗咩事?
輸3粒,咁慘!

阿根廷今場在受著極大壓力下作賽，打得畏手畏腳，眾多球星都不出一成水準。
反之由於巴西之前沒阿根廷般打得搶鏡，陣容沒阿根廷好，一眾小將全場都以反攻戰術應付對手。豈料異常成功，所有人都打得很輕鬆，很流暢，很出色。三球入球也是反攻得手的。

說回比賽，僅四分鐘，巴西在第一腳射門就造成入球。巴迪斯達在禁區頂控球後憑一己之力扭過艾耶拉怒射破網。

之後巴西隊一直佔據優勢，攻勢比阿根廷來得更流暢，阿根廷就像老鼠拉龜一樣。這是因為美斯被釘死、迪維斯完全隱形、華朗及甘比阿素做不出轉守為攻的角色、列基美一受壓就會不安，這使他打得更差。

戰至廿分鐘，列基美兩次反擊射門一次中楣，一次被當尼救出。整隊阿根廷防守不穩，進攻不出色，已埋伏大敗伏線。

到卅九分鐘，巴西隊一次反攻突擊成功，馬干邊線傳球，隊長艾耶拉再一次因壓力下犯錯，瞓身剷球卻把球撞至死角，艾邦丹斯利眼看隊長射門入網。巴西領先至２：０。

完半場前巴西更換入海倫芬之王艾方素艾維斯以三前鋒強攻姿態出現，此子對比賽勝負起了關鍵作用。

半場後，阿根廷換入艾馬力求追回一球，豈料領隊沒考慮列基美乃三攻中之命脈發動者，不換走列基美的決定令阿根廷注定敗北。列基美下半場無直接射門，而處理罰球亦差之千里，斬的不到位，射的高出幾米，毫不出領導者之味道。

關鍵時刻來自六十九分鐘。列基美此時於禁區外卅碼以半斬半射形式處理一記罰球，被巴西防守球員頂出，路芙終於以速度證明其身價。路芙在邊線反攻二打三，帶了將近半場，此時見艾方素艾維斯殺上，於是以一記斜傳劏開阿根廷防線，艾維斯單刀姿態射破阿根廷大門，巴西領先至３：０。

此時阿根廷已無還擊之勇，也再無戰鬥之戀，一次射門破網被誤判越位更把阿根廷打下地獄。

巴西續以防反戰術完成下半場，阿根廷被打得落花流水。
巴西以實力、以技術、以高質素處理壓力的能力擊敗阿根廷，奪得「美洲霸主」之位。

PS: 頒獎時明顯眾阿根廷球員未能接受技不如人之現實，在領取亞軍獎牌後紛紛從頸上除下，有點那個。

作者: 渭d肆 時間: 2007-7-16 09:38 AM

我都話巴西食住你啦!
有球星大晒呀!
巴西簡直就係......癲

作者: fabric 時間: 2007-7-16 09:43 AM

再一次恭喜巴西, 王者萬歲

作者: locklock 時間: 2007-7-16 09:52 AM

最後一擊，莊家大豐收！
如果要我形容阿根廷今場表演，我會說是超水準。
簡直演技一流，單單是列基美開罰球一環，可以一球都打唔中個籠，
以屬超水準現出。
而泰維斯以忍形戰機角色在前場，打足全場，簡直無械可擊。

還有全場焦點在於，開大還是開小，點解會係３：０？
因為阿根廷下半場高級的換人技巧，另後防出現一個小小既適應期，
導致新入場既艾華斯得手，比分自自然然又變成了開大的３：０，
簡直精確無誤，我心感五內和敬服致今！

一場好好的世紀大戰，因財失真，真有點遺憾！

看來今代阿根廷球員真係好窮，要贏巴西，先決條件是先讓阿根廷人富起來！

　　　　　　　　　　　人類出世也是一個離開也是一個

[ Last edited by locklock on 2007-7-16 at 09:56 AM ]

作者: Edgar_Davids 時間: 2007-7-16 10:15 AM

Originally posted by locklock at 16-7-2007 09:52:
最後一擊，莊家大豐收！

locklock兄你有無睇阿根廷球員領獎牌時情況？？

迪維斯笑得好開心

攞冠軍佢都未必有咁既笑容。

不過你好似有點兒輸打贏要....

我從來唔會認為阿根廷會假得過巴西.........

[ Last edited by Edgar Davids on 2007-7-16 at 10:23 AM ]

作者: amigofans 時間: 2007-7-16 10:43 AM

98年巴西輸比法國係假波, 今年阿根廷輸亦係, 自從有波賭以後每逢賽果吾合球迷心意, 就推落球員賭波, 莊家大豐收云云....

大家有無研究過d莊家做咩要設讓球? 點解有大舊錢買落去d賠率就會趺?

我亦吾明白一班開法拉利去練波既人, 要收到幾多"酬金"先肯"做野"...

不過講多都side氣, 有人覺得係假, 無辦法既!

我吾明點解匈牙利可以輸比西德, 西班牙數完烏拉圭之後可以比丹麥數, 喀麥隆可以贏阿根廷, 丹麥希臘可以贏歐國杯, 法國可以一球不進出局世界杯, 但巴西吾可以贏阿根廷....

我想問覺得場波假既朋友, 點解阿根廷要放水? 巴西點解吾放呢?

作者: locklock 時間: 2007-7-16 11:16 AM

Originally posted by Edgar Davids at 2007-7-16 10:15 AM:
locklock兄你有無睇阿根廷球員領...

咁大班人先可以做到Ｄ野，不過真係古唔到班阿根廷大帝咁樣標尾會！

輸打贏要？我支持阿根廷大人同小朋友，大人為錢而做假，小朋友就純潔好多，
所以我都無輸，又何來贏要？

你信唔信阿根廷真係弱到比巴西２隊數３：０啊！
我信囉，因為阿根廷球員老有所依，退休無憂了，還有今場波有一個人不在場，
他就是馬勒當拿！

　唔知老馬係咪收到風，知道有人標尾會，都係唔好攪寸個場呢？

阿根廷０６世盃出局過場，老馬都無臨場觀戰，這就是玄機所在了！

　　　　　　　　　　　人類出世也是一個離開也是一個

[ Last edited by locklock on 2007-7-16 at 11:56 AM ]

作者: amigofans 時間: 2007-7-16 11:53 AM

Originally posted by locklock at 2007-7-16 11:16 AM:

咁大班人先可以做到Ｄ野，不過真係...

你不如答左我樓上d問題先研究假波啦, 答吾到, 一世你都覺得咩波都假!

咁點解巴西又吾打假波呢? 錢wor, 贏黎咪好on居?

巴西d人有錢d咩? 好似佢地仲cheap wor, 佢地點解又吾打假波?

咁會吾會成個杯賽都係假既呢? 咩老有所依丫ma, 哈哈

作者: cwc_tkd 時間: 2007-7-16 11:57 AM

唉.. 足球世界本來就應該好簡單..
一係贏, 一係輸, 再唔係就和..
點解要搞到咁死複雜?
要去猜測人地係咪特登輸?
阿根廷十幾年黎冇贏過大賽冠軍,
仲要特登輸比巴西?
其實都係一個賭字, 大家先會講咁多話陰謀論o既野.
所以我從來唔賭波, 因為當足球同賭博有關o既時候,
就會變得唔再係因為鐘意足球, 而去欣賞足球.

作者: locklock 時間: 2007-7-16 12:18 PM

Originally posted by cwc_tkd at 2007-7-16 11:57 AM:
唉.. 足球世界本來就應該好簡單..一...

咁如果照你咁講，無花邊，足球都真係好悶，變到得番贏輸和咁可悲！
其實要形容今場波，可以講一樣野，就係早失波，無耐性，早強攻所致，
下半場換人不檔，咁夠唔夠專業呀！但我覺得咁講好悶喎！同賣有睇既人都知！

往積係死，人係活既，臨場換人強就係強者，阿根廷無用到連最後一人都唔敢換，
反觀鄧加就換一個，勁一個。

阿根廷係低死架！有米列圖唔用，偏偏要用個矮腳虎泰維斯，
泰維斯係祖安和阿歷斯中間走來走去，好似個小朋友係佢老母裙底走來走去咁，
變佐裙腳仔！

　阿根廷個教教咁都認為無問題，底阿根廷輸架！

列基美可能因為太倦了，所以射死球無球中，真係好慘啊！

馬些卓蘭奴太早拿黃了，影響表現。

艾耶拉老了，在關鍵時刻烏龍，另球隊雪上加霜。

華朗谷得太前，無曬作為，進退失據！

美斯就比人圍搶，怪只怪墨西哥做了個好榜樣比巴西睇，四五條友圍住美斯踢，
個波就無得踢，個個踢美斯！

上面有邊句和賭波有關？

　有睇都知既野，再講一次比無睇波同無賭波既人聽！

滿意啦！滿意啦！滿意啦！滿意啦！滿意啦！

　　　　　　　　　　　人類出世也是一個離開也是一個

[ Last edited by locklock on 2007-7-16 at 12:26 PM ]

作者: autod 時間: 2007-7-16 12:25 PM

唔明locklock兄由頭撐阿根廷到尾,分析呢樣分析果樣.
阿根廷順風順水就大大隻紅色字,到決賽輸左就話係假波.

我唔係當事人我唔會話係唔係假波,但估波呢家野有時就係要睇好多野,唔係睇實力等於一切.
又話阿根廷"標尾會",分析一大輪最後估錯左都話"所以我都無輸".

就當"假波"都係一個因素,"分析"漏左就係漏左,唔明點解講波分析果時就唔理,結果唔岩自己心水就要拉埋黎講.

單場計,有人一句講巴西贏中左就係叻,估波叻,你分析十萬個字都好話巴西輸就係渣,估波渣.

作者: locklock 時間: 2007-7-16 12:30 PM

Originally posted by autod at 2007-7-16 12:25 PM:
唔明locklock兄由頭撐阿根廷到尾,分析...

咁佢輸佐，我重大字佢輸，你都好殘忍！

我無你咁唔人道，話曬都開心佐咁多日，
傷心一日半日都唔得？可能我真係累人輸錢，
有民怨了，但我可以話比大家聽我無事喎！

還有ＷＩＮ足咁多場都係咁啦，最後脫腳都無計！
其實倒轉睇，巴西同阿根廷一樣，都係輸佐一場，
不過巴西輸頭場，阿根廷輸尾場，咁咪無盃拿囉！

我可以１００％答大家，我買佐阿根廷ＷＩＮ，無花假。
我亦可以１００％答大家我有賭波，但唔代表我唔識分析波。
如果有人要強行拿帽子扣人，我都無話可說了！

我粗佐大字啦，圖要晚Ｄ先有，你滿意啦！

http://www.26fun.com/bbs/viewthr ... ;page=2&fpage=1

還有我一直都有分析巴西和其他球隊，可能你忘了，
有時間找找看。不過當然我重點講焦點阿根廷啦。

　　　　　　　　　　　人類出世也是一個離開也是一個

[ Last edited by locklock on 2007-7-16 at 12:41 PM ]

作者: amigofans 時間: 2007-7-16 12:52 PM

講分析, 都可以睇錯既, 有咩問題先? 吹吹水又吾係打官司.....

只不過係分析過左龍, 一隊阿根廷打到天花龍鳳, 一隊巴西打到劈屎咁, 好自然大家睇好阿根廷...

不過決賽的確係55波, 同分組賽8強果d根本係兩回事, 因為巴西同阿根廷, 係美洲根本係高兩班波!!

講番咩所謂假波, 人地開架法拉利去練波, 放工番成個古堡咁大既屋企relax, 個個都係大明星有錢佬, 要幾多錢先收賣到佢地?

小弟好吾鐘意咩都話d球員打假波, 要做手腳, 收賣球証係最直接, 吾係向d球員埋手!

我覺得講到佢地有錢就得, 好吾尊重同係度母辱緊d球員, 吾通踢波就係爛仔?

點解費達拿泥地次次輸比拿度吾係打假? 點解nba又無人講佢地打假波? 舒麥加輸比艾朗素又吾假?

點解大家咁鐘意母辱足球員?

大家如果有興趣研究, 要打一場假波有幾咁高難度, 小弟好樂意同大家吹水

作者: michelle_tom 時間: 2007-7-16 12:59 PM

我就冇話特別鍾意邊隊...
但我個人認為今場Brazil踢得真係唔錯.
大家眾志成城, 發揮得好好, 將Argentina一班老兵新星比下去.
當中好似Batista, Love都打得唔錯.
對於Argentina慘敗3:0既事實...
我就完全唔認同佢地打假波law...

第一, 足球真係一樣好刺激既運動, 冇話你人腳齊, 勁就一定win,
賽事往往峰迴路轉, 球證未吹雞完場, 比數都仲可以改寫,
係90分鐘既賽事入面(或加上加時同十二碼) 任何事都有機會發生,
引用名句 " 足球是圓的" 就最貼切不過.
觀乎古今中外既足球賽事,
無論係世界各國國內League, 歐洲賽, 以至世界盃
爆冷例子屢見不鮮...
就如以上各位Bros所指既
希臘可以贏歐國杯, 法國可以一球唔入出局世杯....仲有咩唔可能?

第二, 我地都有眼睇...大部分Argentina國腳都係係大球會效力, 有一定身價同人工.
真係俾莊家收買機會真係好微...
你估班新兵唔想揚威世界球壇, 老將好似列基美, 華朗, 艾耶拉老黎都唔想拎多個Gold medal咩?

第三, 如果話Argentina國腳賭自己輸..亦都機會好微,
大佬呀, 你估錢大晒咩, 拎金牌係榮耀黎架,
Brazil同Argentina一直爭做南美1哥, 你估Argentina唔想爭氣咩...
衰D講句, 俾人發現打假波, 返到去祖家真係分分鐘會俾人暗殺架! @@''
加上名譽掃地, 為左個D所謂酬金, 個個都肯制?

當然, 我地唔可以話冇假波既存在
而的確, 意大利League之前假波醜聞亦係一個球圈既羞恥
我其實有時唔係好明點解一有爆冷就有人覺得係假波?
唔通真係唔相信足球既奧妙?
技術, 目標, 團結固然重要, 但臨場發揮, 同運氣亦係不可?略既要素
係呢場好明顯我地可以見到Argentina球員係有盡力, 無奈既係
狀態的確係差D, 只好嘆句技不如人, 時也命也了.

所以, 我覺得Argentina根本冇放水, 亦冇理由會放水
此役慘敗, 是緣於自己發揮差, 而Brazil小將發揮出色, 再加上輸運
Brazil係值得win既, 最終造就左呢一個令許多世人驚訝的賽果.

[ Last edited by michelle_tom on 2007-7-16 at 01:13 PM ]

作者: joe159357 時間: 2007-7-16 01:02 PM

目訓死左睇唔到

作者: michelle_tom 時間: 2007-7-16 01:17 PM

Originally posted by locklock at 2007-7-16 12:18 PM:

咁如果照你咁講，無花邊，足球都真...

聽你咁講, 你咪就係話D人踢得唔好law,
又話咩Ayala老左擺老烏, Messi又俾人凍結咁樣
而且你係就應該鬧班Coach出錯陣, 換人失當

所以你自己都識講, 我唔明你點解係都要話呢場係打假波law...

P.S 我唔係有心窒你, 但我想問下locklolck兄你出post不時會有別字出現
未知你係唔識打正字定係偶有出錯呢?

[ Last edited by michelle_tom on 2007-7-16 at 01:30 PM ]

作者: locklock 時間: 2007-7-16 01:40 PM

Originally posted by michelle_tom at 2007-7-16 01:17 PM:
聽你咁講, 你咪就係話D人踢得唔好...

請指教，可否幫我更正錯字，我打得太多睇唔到有無錯，謝謝！

其實我都會睇到有人打錯字，但我一定會包容，而唔會指正，
因為網上世界唔係讀書上堂，錯一兩個字或一千個字都好平常。

我希望你唔會係某人的分身就好了，因為我已經見分身見得太多了！
我可以話比你聽，我得一個戶口在這裏的！

其實這題都回得太多了，反正錢就輸佐，而阿根廷小朋友又幫我執番，
我唔再回這題了，大家有民怨就罵啦，這是我在這裏最後的欲哭無淚！

　　　　　　　　　　　人類出世也是一個離開也是一個

[ Last edited by locklock on 2007-7-16 at 01:49 PM ]

作者: michelle_tom 時間: 2007-7-16 01:57 PM

Originally posted by locklock at 2007-7-16 01:40 PM:

請指教，可否幫我更正錯字，我打得...

我緊係唔係分身, 係既話鬼得閒打咁多野

其實我明白你既立場,
我只係講下我對場波既覲觀感
以及我唔相信呢場係假波而已.

作者: 038886 時間: 2007-7-16 01:57 PM

唔好咩都話假波啦－．－人地係勁就勁．．
冇得講．．

作者: amigofans 時間: 2007-7-16 02:36 PM

Originally posted by michelle_tom at 2007-7-16 12:59 PM:
我就冇話特別鍾意邊隊...
但我個人認...

意大利d假波, 比錢出黎係收賣對方輸比自己, 吾係用黎賭錢!!

雖然3比0係冷門左少少,但亦正正引證左南美水準吾隱定既特性!

作者: autod 時間: 2007-7-16 03:34 PM

Originally posted by locklock at 2007-7-16 12:30 PM:

咁佢輸佐，我重大字佢輸，你都好殘忍！
我無你咁唔人道，話曬都開心佐咁多日，
傷心一日半日都唔得？可能我真係累人輸錢，
有民怨了，但我可以話比大家聽我無事喎！

還有ＷＩＮ足咁多場都係咁啦，最後脫腳都無計！
其實倒轉睇，巴西同阿根廷一樣，都係輸佐一場，
不過巴西輸頭場，阿根廷輸尾場，咁咪無盃拿囉！

我可以１００％答大家，我買佐阿根廷ＷＩＮ，無花假。
我亦可以１００％答大家我有賭波，但唔代表我唔識分析波。
如果有人要強行拿帽子扣人，我都無話可說了！

我粗佐大字啦，圖要晚Ｄ先有，你滿意啦！
http://www.26fun.com/bbs/viewth ... ;page=2&fpage=1

還有我一直都有分析巴西和其他球隊，可能你忘了，
有時間找找看。不過當然我重點講焦點阿根廷啦。

locklock兄,我只係對事唔對人.
我都明白球迷支持球隊既心態,我都鍾意阿根廷(依家少左).
但我覺得講波就係吹水,好似樓上D同志咁講,吹下水洗乜咁在意輸贏.
如果純發洩都可以接受,只係唔同意自己支持隊波輸左就話"假波",好似贏係應份,輸都唔係人地較優勝咁.
仲要話"因財失真",有點兒抹殺左阿根廷班球員既努力.

球賽有時就係咁難以捉摸先咁吸引,學某人講"波係圓既".
如果咁堅信"假波"係因素,可以估波時講埋自己既觀點,而唔係出現唔滿意既結果先黎話"假波".

一件還一件,你貼圖講賽果既努力大家有眼睇既.

作者: JE 時間: 2007-7-16 03:41 PM

輸就輸啦~!
每次大賽巴西都係食住阿根廷架啦~!

上次美洲杯人地咪又係用2線...咪又贏你~!
巴西可以輸俾弱隊，就係唔可以輸俾阿根廷~!
阿根廷一o係大賽對巴西就唔識踢，冇得解o既~!
我都撐阿根廷...但冇計~!
你咁鍾意阿根廷冇理由唔覺架~!

作者: Edgar_Davids 時間: 2007-7-16 03:59 PM

Originally posted by JE at 16-7-2007 15:41:
輸就輸啦~!
每次大賽巴西都係食住阿

I hope the honour will be back to Argentina in 2014, the world cup held at ""Brasil""

They're too dare to wear the shirt with "2014 Brasil" and get the cup today.....

Hopefully youngsters from Argentine can teach them a lesson.

Add oil to all Argentine future A team "National Players".....

作者: amigofans 時間: 2007-7-16 04:57 PM

Originally posted by JE at 2007-7-16 03:41 PM:
輸就輸啦~!
每次大賽巴西都係食住阿...

係呢幾年o者, 肥馬踢巴西出局果時又點計?

作者: amigofans 時間: 2007-7-16 04:58 PM

Originally posted by Edgar Davids at 2007-7-16 03:59 PM:

I hope the honour will be back ...

嘩, 你都幾絕架wor, 攪串人個party....

作者: eric911 時間: 2007-7-16 05:40 PM

無得講﹗真係睇住啲盤黎食，總之輸死人啦﹗

作者: alantai 時間: 2007-7-16 08:48 PM

今場既阿根廷（或者一路都係）
打法幾似ｅ一兩年既阿仙奴
過份依賴技術型球員
控球，上腳既球員有好多（美斯，列基美，華朗）
入楔，善射既就唔夠
大部份進攻都係靠強闖同遠射
相反巴西就全面好多
中路有Robinho,前面有Love做掩護，Baptista做柱躉
左右兩翼又快又靈活
贏3粒我覺得唔算意外囉
ｅ隊巴西真係開始成熟
ｄ新仔都好有默契，
咁打落去好有前途，到時唔使靠ｄ巨星tim

作者: 038886 時間: 2007-7-16 09:11 PM

Originally posted by filter-052fans at 2007-7-16 04:57 PM:

係呢幾年o者, 肥馬踢巴西出局果時又點計?

咁你講之前肥馬果個年代...你講晒啦..

作者: bigfish 時間: 2007-7-17 12:41 AM

阿根廷d 球員, 美斯手球, 泰維斯跳草裙舞, 列基美出爾反爾, 馬斯查蘭奴背信棄義, 辛尼迪假慈悲, 個個球員都唔肯正正經經踢波, 咁點會有得捧盃呢

作者: donald15 時間: 2007-7-17 12:57 AM

一早起身睇左場波都冇時間講下感受
睇見巴西既踢法真係睇到我火滾
完全用左nba中既犯規戰術
防守戰術只有一個就係要阿根延係踏入30碼範圍之前唔理你做緊乜總之犯規整停你
比個無威脅途程罰球你但係我又唔駛拎黃牌
唔知有冇統計巴西既犯規次數呢
我估40次都應該走唔甩啦
90分鐘40次犯規平均2分幾鐘就犯規一次
完全違反公平競技既原則
呢場波巴西係贏左但係輸左好多人個心
打得真係好肉酸
相反阿根延真係雖敗猶榮啦
決賽前全勝有晒交代啦
比人用超技術破壞攻勢流暢而無法取得入球仲有乜好講姐

作者: JE 時間: 2007-7-17 01:36 AM

Originally posted by alantai at 2007-7-16 20:48:
今場既阿根廷（或者一路都係）
打法...

阿根廷真係幾似阿仙奴~!
控球搓波真係一流~!
但扭到波o既得messi一個~!
不嬲都唔鍾意列基美，冇黎精神咁~!
企o係度踢波，巴西真係唔驚你~!
軒斯又係廢，今次巴西擺明唔俾辛尼迪上，放條左路俾你
又慢又冇腳法，阿根廷咁多人才
真係唔知點解用佢地...

期望messi帶領阿根廷贏番次大賽~!

作者: Jk 時間: 2007-7-17 02:40 AM

再一次證實左 ---- 現代足球賽果係同賭博掛勾嘅!!

作者: cwc_tkd 時間: 2007-7-17 11:59 AM

Originally posted by bigfish at 2007-7-17 12:41 AM:
阿根廷d 球員, 美斯手球, 泰維斯跳草裙舞, 列基美出爾反爾, 馬斯查蘭奴背信棄義, 辛尼迪假慈悲, 個個球員都唔肯正正經經踢波, 咁點會有得捧盃呢

好利害, 咁都同輸波有關.
佩服佩服!

作者: autod 時間: 2007-7-17 01:33 PM

Originally posted by cwc_tkd at 2007-7-17 11:59 AM:

好利害, 咁都同輸波有關.
佩服佩服!

人家連波膽都一矢中的,梗有道理既!!

作者: amigofans 時間: 2007-7-17 02:19 PM

Originally posted by autod at 2007-7-17 01:33 PM:

人家連波膽都一矢中的,梗有道理既!!

真係有眼不識泰山, 最初睇佢post d野, 仲以為佢係short既, 原來佢係世外高魚....

歡迎光臨娛樂滿紛 26FUN (http://26fun.com/bbs/)