Board logo

標題: 摩連奴將棄用鑽石陣式 [打印本頁]
作者: wer    時間: 2007-7-17 04:47 PM     標題: 摩連奴將棄用鑽石陣式

車路士領隊摩連奴直言來季將重新使用成功的4-3-3陣式，棄用上季並不湊效的鑽石型4-4-2。

另外，他也坦言上季與老闆艾巴莫域治冰釋前嫌，兩者將無芥蒂。

球隊亦於美國之旅中有好開始，並以二比一擊敗阿美尼加。新加盟的翼鋒馬路達於七十五分鐘射入扳平入球，隨後更助攻隊長泰利反勝，另外新球員賓希姆及薛維爾均有上陣。

摩連奴的合約到二零一零年屆滿，他表示願意履行合約，更準備繼續執教下去。他說：「我並無意思要在西班牙或意大利尋找新挑戰。我希望留下來，如果車路士希望轉變的話，他們現在就應行動。」

談及新球季時，摩連奴向中場波歷克發出警告，表示會棄用對他最有利的鑽石型排陣：「我希望重新使用翼鋒陣式，大打進攻足球。陣中擁有洛賓、祖高爾、馬路達及S. 卡奴的原因，就是希望運用球場的寬度，以速度及創造力去撕破防線。」

「我不希望再打鑽石型陣式，所以波歷克或許要適應一下。不過他是個出色的球員，他將準備努力爭取隊中席位。」




棄用4-4-2,車仔攻力實有增無减
作者: autod    時間: 2007-7-17 04:56 PM

車仔FANS CLUB全部都講過

http://www.26fun.com/bbs/viewthr ... p;page=3#pid2245733
http://www.26fun.com/bbs/viewthr ... p;page=3#pid2245306
作者: wer    時間: 2007-7-17 04:57 PM

Originally posted by autod at 2007-7-17 16:56:
車仔FANS CLUB全部都講過

[ur...
請delete此貼
作者: autod    時間: 2007-7-17 04:59 PM

Originally posted by wer at 2007-7-17 04:57 PM:



請delete此貼
唔係車仔FANS都可以講者
作者: achan87    時間: 2007-7-17 05:00 PM

佢地下年應該唔得..........
作者: autod    時間: 2007-7-17 05:02 PM

Originally posted by achan87 at 2007-7-17 05:00 PM:
佢地下年應該唔得..........
佢地 = 車仔?
唔得 =
作者: wer    時間: 2007-7-17 05:04 PM

Originally posted by autod at 2007-7-17 17:02:

佢地 = 車仔?
唔得 =
作者: autod    時間: 2007-7-17 05:06 PM

Originally posted by wer at 2007-7-17 05:04 PM:

你點頭D乜?
唔得即係乜?
作者: wer    時間: 2007-7-17 05:09 PM

Originally posted by autod at 2007-7-17 17:06:


你點頭D乜?
唔得即係乜?
車仔唔得
作者: autod    時間: 2007-7-17 05:19 PM

Originally posted by wer at 2007-7-17 05:09 PM:

車仔唔得
都係唔知講乜...
等上面位仁兄番黎解畫.
作者: amigofans    時間: 2007-7-17 05:36 PM

Originally posted by autod at 2007-7-17 05:02 PM:

佢地 = 車仔?
唔得 =
佢即係話車仔出年都係車毀人亡呀

眼見熱刺利物浦曼聯交易多多, 阿仙奴亦蠢蠢欲動, 俄國佬本來扮清高唔買人, 最後亦只好向現實低頭購入馬奴達, 而家又傳出丹尼爾等等....

好唔明白痴線俄國佬諗咩, 唔應洗既時侯就揮金如土, 應洗既時候則唔洗, 呢個年頭 唔洗等於自我毀滅.....

我就係度睇緊雷丁, 保頓出年點死
作者: autod    時間: 2007-7-17 06:17 PM

Originally posted by filter-052fans at 2007-7-17 05:36 PM:


佢即係話車仔出年都係車毀人亡呀

眼見熱刺利物浦曼聯交易多多, 阿仙奴亦蠢蠢欲動, 俄國佬本來扮清高唔買人, 最後亦只好向現實低頭購入馬奴達, 而家又傳出丹尼爾等等....

好唔明白痴線俄國佬諗咩, 唔應洗既時侯就揮金如土, 應洗既時候則唔洗, 呢個年頭 唔洗等於自我毀滅.....
"都係車毀人亡"?
兄台對於"車毀人亡"既定義係乜?願聞其詳.....

以車仔本身既陣容,本來就主要係只差後備力量,恕難同意扮清高唔買人同埋應唔應洗既見解.

Daniel Alves岩岩上季完果時就傳過,唔係呢幾日既事


球迷有喜惡好正常,但欲加之罪何患無詞??
買人就俾你話揮金如土,唔買就俾你話扮清高,神又係你鬼又係你?

[ Last edited by autod on 2007-7-17 at 06:19 PM ]
作者: cfccfcc    時間: 2007-7-17 09:41 PM

Originally posted by autod at 2007-7-17 06:17 PM:


"都係車毀人亡&q...
講得好吖~
我作為車仔fans, 當年大灑金錢都贏唔到，抄左雲尼亞里，比其他球迷笑"足球並唔係用金錢就可以買到勝利"。到之後引入魔帥，贏左兩年，又比人話用金錢堆砌出黎的球隊贏都贏得唔光彩，真係乜都見識過

好喇，今年買既人唔多，又話實輸硬....
唉，我知每個人都有佢既意見，不過呢，發表自己既意見時，最好唔好亂咁踩人地條尾lor
車仔個陣講真，好夠勁，上年勁多傷兵都有....League 2nd place, Fa cup and Carling cup winners, Champions League semi-final............今年走左Geremi.........其餘都無變過，仲加左幾個free-transfer的bench player....我唔覺得有d乜野問題lor........

有無好結果，一年後咪會知lor~!
作者: autod    時間: 2007-7-17 09:57 PM

Originally posted by cfccfcc at 2007-7-17 09:41 PM:


講得好吖~
我作為車仔fans, 當年...
CFCCFCC兄好耐冇見,得閒去坐坐啦
http://www.26fun.com/bbs/viewthread.php?tid=155555
作者: amigofans    時間: 2007-7-17 10:32 PM

Originally posted by autod at 2007-7-17 06:17 PM:


"都係車毀人亡&q...
我欣賞車仔個領隊, 多過佢個老細,

摩連奴從來做野正頭正路, 就算係大灑金錢買人, 亦係買o岩球隊用又高質素既貨式, 直到上季...
可能係贏左兩季聯賽, 買人開始走火入魔, a.cole同波歷克根本係多餘之選, 反而放走左實用貨式古莊臣同加拿斯等等, 攪到季中唔夠人用....

摩帥明知唔夠人用, 要求1月買人, 但比痴線老細認為係時候要關水喉, 最後被曼聯拋開, 鞭長莫及!!

我要講既正正係車仔根本係要買人, 但偏偏呢個時侯黎扮沿華盡洗, 我從來唔會因為車仔係用錢打造出黎而看偏佢地, 好波就係好波, 摩連奴雖口臭但係非常好領隊.

有錢佬主導既球會, 缺點亦在於此, 唔知老細幾時發神經, 主帥想買人不能, 棄用表現差既巨星亦不能, 因為整個球會唔係一盤生意, 只係一個心頭好.

車仔fans可能好唔鐘意外間球迷話車仔用錢買冠軍, 但睇番車仔果種天文數字既虧蝕, 似乎比人講亦不為過份!

舒夫真高下季表現仍未知道, 洛賓胡禮菲立斯又停滯不前, 馬基利尼年紀日大, 後防後備兵源非常薄弱, 下季如泰利卡華奴又再傷, 艾辛去打中堅呢d攪笑場面又會再出現!

車仔係應該買番d高質素既球員, 定係為左唔比人笑, 關水喉買d 2 3流free transfer?

之前幾季打得咁好都怕比人笑? 人笑車仔, 應該笑番佢唔識野先真!!
作者: autod    時間: 2007-7-17 11:19 PM

容許我XYZ一句....... 頭先打完哂回覆個FIREFOX先黎HANG.............. 重新打過
Originally posted by filter-052fans at 2007-7-17 10:32 PM:


摩連奴從來做野正頭正路, 就算係大灑金錢買人, 亦係買o岩球隊用又高質素既貨式, 直到上季...
可能係贏左兩季聯賽, 買人開始走火入魔, a.cole同波歷克根本係多餘之選, 反而放走左實用貨式古莊臣同加拿斯等等, 攪到季中唔夠人用....
A.Cole唔可以話係多餘,因為Del Horno走人,係唔夠左閘.

Ballack就講真我都覺得唔係好有需要,不過球會需要國際級球星壯大球會聲望亦無可厚非.

Gudjohnsen係實用,但唔係頂級人材,中場大把人好過佢,踢前鋒又有Shevchenko.

Gallas的確係一流既後衛,只怪當初唔肯加薪俾佢,最終佢極力要求走人已經冇得挽救,實屬一次失敗之舉.
摩帥明知唔夠人用, 要求1月買人, 但比痴線老細認為係時候要關水喉, 最後被曼聯拋開, 鞭長莫及!!
上季1月時係好需要人手特別係中堅.
最終冇買到人,背後既真正原因我相信你同我都唔知.....
你可以去相信係老闆從中作梗,我就會相信係由好多唔同因素所影響既.
我要講既正正係車仔根本係要買人, 但偏偏呢個時侯黎扮沿華盡洗, 我從來唔會因為車仔係用錢打造出黎而看偏佢地, 好波就係好波, 摩連奴雖口臭但係非常好領隊.
車仔冇錯係要買人,但並唔係要買World-Class既人,一支球隊大球星太多只會弄巧反拙,冇可能出場11個都係World-Class.
現時車仔既球星絕對足夠,上季既失足好大好大程度係因為後備力量不足.

今季既收購可以話係對症下藥,Ben Haim打英超後備綽綽有餘,增加後備支援,再配合適當既調兵輪換,絕對係more than enough.
所以我唔會同意扮D乜野.
舒夫真高下季表現仍未知道, 洛賓胡禮菲立斯又停滯不前, 馬基利尼年紀日大, 後防後備兵源非常薄弱, 下季如泰利卡華奴又再傷, 艾辛去打中堅呢d攪笑場面又會再出現!
Shevchenko的確仍然有待觀察,我對佢都有期望,但今季抖暑休息多左,而且佢動左手術搞掂左傷患,相信肯定有所改善.

SWP就一向唔係正選既希望,Robben就長期容易受傷搞到冇乜進步,相信買入Malouda或多或少同呢一點有關.

近兩季已經慢慢開始準備Makelele既fade out,佢唔會成為主力,休息會變多,佢既技術經驗肯定幫到班後生.
佢個位搵Essien或Mikel打都相當OK了.

後防後備係非常薄弱,但只係上季既事,唔明點解你會覺得依家都係?
右邊: Johnson回巢,Ferreira,仲有Diarra串演.
中堅: Terry,Carvalho,Ben Haim,Alex有可能黎
左邊: Bridge,A.Cole,必要時Malouda串演.
如果咁都係非常薄弱,咁請問成個英超有邊隊唔係非常薄弱?

Terry同Carvalho上季受傷既情況之嚴重並唔常見,可以話係非常黑仔.
真係要如果Terry,Carvalho,Ben Haim(甚至有可能既Alex)都一齊傷哂既話,隊隊波都唔得掂.
車仔係應該買番d高質素既球員, 定係為左唔比人笑, 關水喉買d 2 3流free transfer?
有邊個唔想成隊波正選連後備廿幾個都係高質素世界級球星?但有可能嗎?
係為實際需要定係為左唔俾人笑,上面都講清楚了.


最後補一句, a-migo兄好似對車仔今季既收購唔多了解?
作者: amigofans    時間: 2007-7-17 11:49 PM

Originally posted by autod at 2007-7-17 11:19 PM:
容許我XYZ一句....... 頭先打完哂回覆...
我覺得車迷係應該面對現實, 現實係老細唔放水, 摩連奴只好向可以自由轉會既球員埋手, 而且呢班球員一黎都亦係用作替補之用而非主力, 硬要將呢件事講成係對正下藥, 似乎係唱好多過面對現實, 就用賓希武為例, 上季一月時曾經想出手購入, 但對方索價過高最後告吹, 但今季夏天唔洗錢就立即簽佢, 好明顯賓生係有用, 但要錢車仔就覺得吾值, 情況一如香港電影, 唔洗錢bt網民樂意下載, 要錢買飛就無人入場!!

a.cole到現在小弟仍然覺得係多舊魚, 可能d老細覺得迪荷奴有問題, 歐聯出局係覺得後防未夠完美, 但睇番前年輸果幾場波, 非能加入一兩位巨星就可以改變, 即係以0比3輸比米保為例, 有波歷克, a.cole同舒夫真高亦一樣會輸0比3, 因為無可能成季都會贏, 總有一場半場撞邪波....

我唔信俄國佬無干預, 如果無, 根本摩連奴唔會同老細有問題!! 睇舒夫真高咁差仍有正選, 完全唔係摩帥作風, 佢本人亦多次要求軍刀打好一d!

johnson果班根本完全唔夠班踢車仔, 費拉拿都快被放棄, 如果現時呢幾條友係夠洗, 就唔會傳出車仔搵右閘, 即係你有無聽見manu搵中堅, 巴塞買左亨利仲要搵前鋒?
我都係講上季, 如果alex同賓生對辦, 後備問題係可以解決, 但仍唔代表有4個中堅就一定穩健, 其實車仔攞冠軍果兩季, 傷兵少先係出奇事, 上季唔係黑, 根本一隊有3條戰線咁多既球隊, 會傷咁多人係正常, 上年manu後防共有8人可用, 最後仍要費查李察臣打後防!!

舒夫真高, 波歷克, 馬基里尼, 卡華奴無錯係star, 但已經係江河日下, 長遠計仍要買點有質素既球員, 小弟唔係講皇馬果種唔理有無用都買既星河艦隊!

如果真係如車迷心目中果種唱好自己, 自由轉會果種係對正下藥, 咁我唔相信佢地會用1000幾萬買馬奴達.

買馬奴達係一種向現實低頭既表現, 小弟覺得車迷應該開心, 俄國佬臨危勒馬...

假設佢地真係唔洗錢, 連馬奴達都唔買....

你覺得比沙路表現好過舒夫真高, 賓希武非常對辦又好穩健, 薜維爾又可以打到比波歷克更好既水準, 收番黎既g.johnson突然上力, 而呢4條友又全世界都走寶,比車仔執到, 呢個機會唔知有幾多?

p.s. thx你hang完機都繼續吹落去, 好一個車迷!!
作者: cfccfcc    時間: 2007-7-18 12:09 AM

Originally posted by filter-052fans at 2007-7-17 11:49 PM:


我覺得車迷係應該面對現實, 現實...
面對現實?
刪水吼?

邊有咁既事

1)你睇，車仔咁多當打球員(Terry Carvahlo cole bridge essien diarra mikel robben swp Malouda Drogba j.cole)，出兩隊都夠，再買人返黎實會有後備埋怨無得踢正選搞到隊波分化，添左0個幾個free-transfer的所謂"垃圾"，個個都有d料到，當然係未去到world class, 咁曼聯都要有費"柴"，奧沙呢d"勁人"撐0下場既(見你咁鍾意用曼聯黎比)

2)反之，我就真真真係唔明曼聯做乜洗咁多錢都唔買返個高大前鋒，買黎買去都係矮仔，得個扭字..........隊波明明要後防又唔買

3)free-transfer來的，有兩個即刻可以融入球隊打英超，即時可作後備替補。比沙路打CL最arm，夠晒經驗..........

4)老?你傻眼了，車仔唔會好似人地咁，20m20m咁買d20歲仔黎，車仔現在成日都搞到官司纏身，就係佢地成人撬左人地d 15-16歲新星，比人地球會告......眼光長遠好多~

5)要買的，一定會買，Alves,我個人覺得買硬了，只在乎幾時join jeh~

Come on........Be smart

Blues is the colour
作者: amigofans    時間: 2007-7-18 12:40 AM

Originally posted by cfccfcc at 2007-7-18 12:09 AM:


面對現實?
刪水吼?

邊有咁既...
1.上季夠人用就唔會輸, 就算上季連manu亦唔夠人用, 因為車仔曼聯巴塞皇馬呢d大隊, 唔係出黎爭一個錦標, 係3條或多到4條戰線, 每一個位置如果無2個人以上, 唔洗止意打到尾, 歐聯好快又改制, 每年又要打多幾場

我從來無講過車仔free transfer果3位人兄係垃圾, 每隊波都雖要替補同擦鞋仔, 你覺得奧沙同費查係費柴, 係你睇少左佢地既作用! 我一路講既係車仔簽賓希武番黎係限米煮限飯既結果, 並非重點收購, 如上文講, 如係心頭好, 又或係差一個賓希武咁既球員, 今年1月早已出手!

2. 曼聯已經完全唔係beckham年代, 而家係打快速地面小組入滲, 我先唔明佢買個高大中鋒番黎有咩人斬波比佢頂! 當然你可以講買多一類球員多點變化, 但非曼聯主力需求!

後防我睇唔出曼聯有咩咁大問題, 穩定有正選四個, 奧沙可以打左右二閘, 中堅布朗施維斯達雖非大將之材, 但作為後備係綽綽有餘, 仲有比基, 伊雲斯, 巴斯里等已經有點名氣既年青球員作為3線力量.

3.此點小弟同意, 我無講過佢地係垃圾, 只係唔算係一級class..

4.官司纏身係因為車仔買人打茅波, 如果你唔明白點解車仔要比1000萬曼聯買米基爾, 我可以不厭其煩講過你知, 至於你講到咩著眼15 6歲球員, 其實成個英超d球會都係咁做, 根本全世界都係咁玩, not咩眼光遠大, 講青訓, 車仔仲係處於去撬人既階段, 近幾年講青訓,一d如曼城咁既球會都比車仔出色得多, 講咩所謂眼光遠大, 講撬年青球員, 車仔同熱刺阿仙奴差5條街!!

5.應該如你所願, 我唔相信俄國佬忍到手!

come on! 講到興起
作者: 艾力克    時間: 2007-7-18 12:47 AM

Originally posted by filter-052fans at 2007-7-18 12:40 AM:


1.上季夠人用就唔會輸, 就算上季...歐聯好快又改制, 每年又要打多幾場...
願聞其詳, 因為未聽過
作者: cfccfcc    時間: 2007-7-18 01:28 AM

Originally posted by filter-052fans at 2007-7-18 12:40 AM:


1.上季夠人用就唔會輸, 就算上季...
咁當然啦，每隊波都會有球員受傷的時侯，但車仔上屆的傷兵情況真係好值得同情
兩個keeper同時傷了，中堅也曾同時傷2個
joe cole到季尾才能踢
咁多人傷.........仲想點?
贏到2個cup仔都算交到功課
魔帥都有講啦，佢勢估唔到前季4個中堅(JT, Carvahlo,Gallas and Huth) 未有人傷過，搞到gallas踢左邊，huth又無得踢.......咁咪放走2個，買左保拿路斯返黎，點知買返黎的唔對版，仲要有咁多傷兵.....無人預計到~

魔帥亦有講，黎緊將會打多d wing players
我覺得唔會係4-3-3，而係一個將4-3-3- and 4-4-2 combine左的陣式，前鋒係Drogba +sheva,中場重點係essien and lampard,打2個wing robben/malouda/joe cole/swp
其中一個會入中路幫波，有時又去wing,呢個應該係摩帥的用意，睇左佢friendly第一場就略知一二

所以摩帥真係一位好高級數的manager, 陣式係死既，佢希望隊波會有唔同打法，唔洗換人都可以有咁既效果，高招~!
作者: amigofans    時間: 2007-7-18 01:53 AM

Originally posted by 艾力克 at 2007-7-18 12:47 AM:

願聞其詳, 因為未聽過
柏天尼先生要再引入2 round小組賽, 即係打完一組, 出頭兩隊, 再分組, 再出兩隊入8強, 咁玩法就一隊打多4場波....

且看一眾球會拑唔拑得佢住....
作者: amigofans    時間: 2007-7-18 02:00 AM

Originally posted by cfccfcc at 2007-7-18 01:28 AM:


咁當然啦，每隊波都會有球員受傷...
講真啦, 早2季佢地真係好好彩, 無咩傷兵, 有傷兵係好正常, 所以咁多比賽要爭要打, 就買多d人無蝕底!!

摩連奴好還好, 不過我唔相信佢滿足於而家個陣容, 而家係局用咁解, 因為無咩錢洗!!

仲有唔好旨意舒夫真高一定打得好番d, 有時衰起上黎有帶路, 可以打2季都係唔適應, 睇科蘭, 雷恩斯呢d, 係西甲同英超係兩個人, 而且呢把軍刀已經30大歲, 回覆ac時代水準, 吾係必然!!



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0