娛樂滿紛 26FUN - Powered by Discuz! Board

標題: [股票經營] 小孩講股：29/07/07 跌市大亂鬥 [打印本頁]

作者: 笨小孩 時間: 2007-7-29 10:09 PM 標題: 小孩講股：29/07/07 跌市大亂鬥

若有留意小孩講股的話，就會知道小孩五月中時已話“Buy in May, and 笑咪咪”，當時以99%資金入市，直至上星期四前持貨量已下降至40%，雖然未能全身而退，但總算略有微利。4成持貨皆因仍看好後市，今年見二萬五目標不變。

全球股市草木皆兵

3浪已經結束，4浪調整浪開始，調整目標21500，21000點以上會有強勁支持，現時靜待買貨良機。

個市癲左咁耐都係時候黎一個健康調整，突破性裂口22850阻力強，反彈完會再試一試底。策略上應以反彈後逢高沽出以及在恐慌抛售時逢低吸納為主。

其實個市跌得咁急全因獲利盤湧現，早前已講杜仔如果有技術性獲利盤，到時有四、五百波幅絕對唔出奇，美股對港股影響性絕對驚人，另外7月份期指以好倉主導，帶動港股升至23000點以上，期指結算在即，平倉套利活動令大市被質低都好正常。聽日期指結算加上滙豐公布業績，令市況更趨波動，所以聽日個市應該會好亂…預期8月會以牛皮上落市為主。

手持現金，準備掃貨

而家未係最壞時候，等待屋漏兼逢夜雨，預期中央會再次出招打壓內地過熱經濟，界時大市有機會進一步下挫，應該小心為上。

雖然未係最佳良機，但其實50天線附近已經可以分段吸納，若聽日個市跌幅過大，會嘗試撈一撈貨，首選盈喜股、績優股或QDII受惠股。8月業績公布高峰期將至，多間公司預期增長強勁，及早買入等收息應該有不錯回報。

九霄龍吟驚天變，

風雲際會淺水遊。

免責聲明：本文純為小孩無聊之作，若對閣下造成任何投資上的損失，實屬不幸！

[ Last edited by 笨小孩 on 2007-7-29 at 10:10 PM ]

作者: littlepig 時間: 2007-7-29 11:48 PM

都係果句,英雄所見略同

我認同今年必見25000點的看法,然而,現階段我卻希望佢跌番一千幾百點。唔係黑心,恆指自上21000點幾乎冇跌過,急升2千點都未有番次像樣既調整。其實調整唔係一件壞事,只係調較番去一個合理既投資價值,咁樣反而會繼續吸引資金投資港股。

7月底前已陸續沽出部份股票鎖定了利潤。想個市跌,個人既私心就係想掃平貨,若你問我跌夠未,我會說未。8月初還會有幾下小陽春俾大家乘機沽下貨,但8月中後我認為港股有機會下試至21500點。

22/8日本將會議息,縱然部份證券商認為市場已消化加息這不利消息,然而大家不會忘記2月份日本加息後,觸發國際投資者平倉提早償還日元貸款,恒指由2萬點急跌回萬八點。加上中央將會再出招加大宏調等因素..........我會選擇手持現金。

都係果句,留得青山在那怕冇柴燒,與其現在買貴貨做隻蟹,不如手持現金等調整,大家買貨前不妨三思小弟之言。

作者: coolyiceman 時間: 2007-7-30 01:04 AM

agree~~
我已經張手頭上八成貨放了
睇準時機再入貨

歡迎光臨娛樂滿紛 26FUN (http://26fun.com/bbs/)