娛樂滿紛 26FUN - Powered by Discuz! Board

標題: 甚麼叫知己? [打印本頁]

作者: Kev 時間: 2007-7-30 12:21 AM 標題: 甚麼叫知己?

我女朋友有個好要好既男朋仔朋友..
乜都講.. 成日都會講下電話呀.. 講下i miss you呀..
就算去旅行都可以2個人去.. 住埋同一間房都唔會覺得有問題..
亦唔會避忌係佢面前走光呀個d.. (當然唔係特登,只不過係唔會在意)
個男仔係我同佢一齊之前佢地已經識架喇..
我同佢個女知已幾熟.. 但係個男就唔識.. 見過佢一次不過係拍拖之前既事..
我女朋友同我都係外國讀書.. 所以佢都會唔成日見到佢兩個知己..
我同佢亦都唔係同一個地方出生.. 所以一放長假佢就會成日同個佢兩個知已一齊.. 而我唔會係佢身邊..
早幾日.. 我同我女朋友都因為小事.. 大家冇講野.. 咁我返到屋企去佢個男知已個blog到見到.. 佢reply返個男知已話miss you too.. (唔係因為我地argue佢先同佢講)..
咁我覺得點解.. 係我地大家都唔係幾好既時候.. 佢會有心情同人地講miss u 呢?
而家我地冇事喇.. 佢問我係咪jealous佢個男仔朋友.. 佢叫我千析唔好jealous..因為佢當佢係一個好好既知已..
問題所在..
知已代表乜? 男同女係咪就可以因為知已, 係咪只要覺得真係冇野, 就可以做好多一男一女應該要避忌既野?
我女朋友幾靚,身邊既男仔朋友都會鍾意佢..
我知咁唔代表佢個知已都心懷不鬼.. 但係做d野的確令我覺得比正常朋友..一男一女要有既避忌都過份...
咁其實係我多心.. 唔夠大方.. ?
定係其實我可以做d咩幫助個問題..?
大家有冇類似既經歷.. 可以分享.. 再分析一下我既問題所在嗎?

[ Last edited by Kev on 2007-7-30 at 12:24 AM ]

作者: sang50 時間: 2007-7-30 03:20 AM

可能我幫唔到樓主d咩,,,但係我前一星期
就同我一個好好既女仔朋友絕左交
原因係因為佢男朋友接受唔到佢女朋友有個好好既男仔朋友
我同呢個女仔好朋友已經識左5年,,,
而佢地拍拖半年都冇
我同好朋友得閒就會出街,,傾電話
但係呢個男朋友就一直都會好介意~
所以最後我選擇唔同佢做朋友
等佢同佢男朋友開心d過 =]

其實係呢件事,,我覺得男女朋友應該要互相信任
好多人都會話男同女唔可以做到真正既朋友!!
但事實又係咪呢??可能你未試過,,但係你又可唔可以sure到
如果我係樓主你,,有時都會覺得嬲嬲地
但係俾多d信任你女朋友,,,對大家都會好d啦
係咪!!!???

作者: athome 時間: 2007-7-30 04:00 AM

而我就岩岩我相反
我個以前女朋友簡左朋友
就係咁我地分左手
P.S.我同你有少少唔同..佢係同所以男仔都係咁.....
雖然話信任係必要
但係都有相當既難度
可能係因為佔有慾
覺得個女仔係你既~~
搞到個女仔同我分左手
有時D野~~能放鬆的就放鬆
同女朋友拍拖都係想比到開心佢~~(呢個我都係依家先發現,,實在太遲)
希望你同佢可以一路發展結埋婚啦~~

作者: 自由神 時間: 2007-7-30 11:39 AM

甚麼叫知己？
有趣！呢排D新post真係好有趣

樓主.......好大男人喎！

其實你把口就話明白個男知己對你女友無意思
不過從你言語間已經反映左你好怕呢你女友俾呢個男知己有咩損失

其實o係你眼中佢地應該有咩避忌呢？
唔好傾計？
唔好一齊出街？
唔好走光俾個男人睇？
定係唔好成日miss佢？

講真！你話你女友又靚又多男人鐘意
但係而家佢對你咁坦白！你仲唔信佢？

不如我問番你咩叫男女朋友呀

男女朋友等如出面唔可以識異性朋友？
你係咪咁勁，無事無刻都可以陪住你女人先？
你又係咪咁勁，你既生活圈子裡面無其它女性朋友？

大佬呀！呢個世界無咁多過楊過同小龍女嫁！
你估個個都可以留o係古墓一世嫁咩？

當然如果有過火既行為係要阻止，不過講到尾都係要信任佢囉。
既然你都覺得個男知己對你女朋友無果種意思既話
你又有咩好怕呢？

男女之間在呼信呀！

作者: 極樂 時間: 2007-7-30 11:49 AM

咁......到我講下我既情況啦~~
我係女, 識左一個男性朋友差唔多十年.....
係四,五年前左右, 我同呢個男性朋友友誼突飛猛進~
真係兩個人去旅行.....(同樓主既女朋友既情況差唔多一模一樣啦)
同時, 我有一個拍緊拖幾年既男朋友......
我男朋友知道我同呢個男仔既關係.....
只要我鐘意, 佢都唔會阻止 (包括去玩, 去旅行)
而我一路好天真咁覺得, 呢個男仔只係"好朋友, 好姐妹"~~
直到有次去旅行 (同行有個新相識既朋友)
個女仔同我講: 乜你睇唔出個男仔鐘意你咩? 佢對你係特別好架......
我話:唔覺喎, 佢對所有女仔都好好架.......

就係咁......我同呢個男性朋友既友誼變左質.....
而我也差點兒選擇左佢......
但理智話俾我知, 呢個只可以做朋友, 做情人仲差d...
所以我選擇左男朋友 (即依家既老公)

依家同呢個男性朋友都仲有聯絡既, 不過少左好多....
佢都有個女朋友啦!
(p.s: 佢個女朋友係佢個朋友之前既女朋友, 又係玩下玩下走埋左一齊)

講到呢到, 我只可以同你講"小心處理"~~
當日我老公唔係同我講左句說話感動到我.....
我可能揀左果個人.....
(因為果次佢feel到我變左心, 見我好辛苦)

我老公對我好信任, 俾我好大自由度.......
佢無阻止我同呢個男仔去玩, 就算係鬧分手之前&之後都係.......
當然係佢方面,佢會好就我,好錫我.....我會感覺到佢愛我.....

(p.s: 呢個問題唔係一時三刻可以解決, 我當年....拖拖拉拉左2年幾~~
我見意係: 係你女朋友未變心之前, 俾佢覺得佢愛你多d, 你愛佢多d......十個女仔, 九個都重色輕友架啦!! 加油啦!!)

哈哈~~可能叫我老公答你呢條問題會比較好.....
如果當日佢唔係處理得咁好, 我依家唔會係一個幸福師奶仔囉~~

作者: 自由神 時間: 2007-7-30 11:51 AM

Originally posted by 極樂 at 2007-7-30 11:49 AM:
咁......到我講下我既情況啦~~
我係...

就快有相睇

作者: 米多人不怪 時間: 2007-7-30 01:25 PM

知己是悲傷時的依靠 ? 是快樂時的分享 ? 還是煩惱時的傾訴 ?

作者: Kev 時間: 2007-7-30 04:00 PM

Originally posted by 自由神 at 2007-7-30 11:39 AM:
甚麼叫知己？
有趣！呢排D新post真係...

一對朋友.. 男女好正常.. 我唔會反對我女朋友有男性朋友..
你唔好講到我好大男人咁先啦..
其實我冇講過個男仔一定唔會對我女朋友有野..
點解我覺得有問題既係..
呢一刻我信任我女朋友.. 我知佢只係當個男仔係知已..
我亦對自己有信心.. 我女朋友真係愛我..
但係..
下一刻會係點?
我睇得出我女朋友好鍾意同個男仔相處..
個男仔亦周不時話"我成日都好掛住你架.. 雖然好忙.. 但都一路諗住你" (你地覺得一d野都冇?)
普普通通一兩句miss來miss去.. 我真係唔會咁concern..
重有.. 我係對我自己有信心.. 當我同女朋友一齊既時候當然成日都可以比幸福佢啦..
但係..
我講左.. 一有長假.. 2-3個月.. 我都可能唔會見到佢..
而假期亦都係一個女仔最開心既時候..
佢就會係呢段日子.. 差唔多日日都同個男仔一齊..
有時d野.. 我唔係話女仔點..
不過.. 真係善變架..
日日對住.. 感情有增冇減..
我對自己幾有信心都好..
都唔可以話肯定樣樣野比個男仔好..
當一個女仔覺得.. 哦..原來呢個男仔比到d開心我.. 第個比唔到..
at least都會諗下d negative既野..
咁對我黎講.. 我根本做唔到d咩..
呢個好似極樂姐姐個case..
我唔係對我女朋友唔信任..
我只係怕future..
想睇下可以做d咩唔會影響佢地友誼.. 但又唔好真係有一日比唔開心既事發生..
一個女仔變左心..
就算係佢唔岩.. 唔通要死留住佢咩?
冇架喇..
要避免.. 就只好係冇事既時候諗一諗..
唔係要話jealous唔jealous.. 我只係唔想失去左先後悔當日冇做d咩去prevent..

作者: 極樂 時間: 2007-7-30 06:39 PM

Originally posted by Kev at 2007-7-30 04:00 PM:

一對朋友.. 男女好正常.. 我唔會...

其實你都好理智, 講既野都好岩~
但係感情既野真係可以一發不可收拾.....
到果陣先黎補救都好遲......

我咪講左, 果個男仔有女朋友, 而佢既女朋友係佢朋友既女朋友黎架嘛....
當時佢地兩個玩得好埋, 我地身為朋友既都覺得已經過左火.....
但係佢口口聲聲講: 就算他日佢地兩個分手, 佢都唔會同個女仔一齊......
結果呢? 結果咪又走埋左一齊......

唉~~我都唔知可以俾乜野建議你......
如果果個男仔成日向你女朋友講"miss u"~~
你唯有......照做啦........
比果個男仔做既野更多.....
佢應該無地方埋手架啦!!

仲有"小別勝新婚"~~
無事既!!無事既!!

作者: 自由神 時間: 2007-7-30 10:14 PM

Originally posted by Kev at 2007-7-30 04:00 PM:

一對朋友.. 男女好正常.. 我唔會...

男人唔大女人又點會鐘意呢！阿大男人！

你睇清楚先！

我有講話如果有過火就要停，要阻止嫁！

我當然明白女人心海底針啦

我只係唔希望你完全斷絕曬你女人同其它異性既聯系姐。

如果你真係怕既話，你有義務去提一提你女朋友嫁！

作者: 艾力克 時間: 2007-7-30 10:41 PM

又等我分享下啦...係我之前朋友o既一d事
又係一男一女拍拖, 個女仔就有個好好o既男性朋友成日搵佢, 有時傾電話都會講d深入o既野同無聊o既野(即係話返工返成點呀o個d, 你唔會特登同人講o個d)

個男朋友需要對佢有信心, 但覺得個男仔係鍾意佢, 所以叫個女朋友唔好咁close;
個女仔覺得男女做朋友好正常, 所以同個男仔send下sms, 玩下msn, 傾下電話都覺得無所謂;
個男仔就真係鍾意佢o既, 所以就繼續逐d逐d話俾個女仔知佢鍾意佢;

所以如果個男仔冇咩"進一步"行動, 基本上你都冇乜野好做, 做多左反而會覺得你小氣, 管住晒佢個世界咁, 所以你最多都係留意下佢, "千祈"唔好check住佢

既然個女仔想令你對佢有信心(同你講清楚), 你就梗加要俾佢知道你對佢有信心;
如果個男仔有過火行為而你又知o既, 你先"有技巧"咁同佢講小心d, 避忌下~
與此同時, 你都可以等佢知道你比個男仔更鍾意佢, 對佢更好(我冇話過依個男仔係咪鍾意佢); 舉例說..如果你解決倒佢d煩惱, 佢都唔會同個男仔講佢d煩惱啦, 最多咪話男朋友幫左佢一個大忙~

總結: 你要俾佢知道你對佢有信心, 你對佢好d等佢連諗o既機會都冇

作者: 小强 時間: 2007-7-31 12:20 AM

Originally posted by Kev at 2007-7-30 04:00 PM:

一對朋友.. 男女好正常.. 我唔會...

覺得你段感情已開始變質。。。

覺得你開始對女友無信心。。。

覺得你女友無CARE你感受。。。

覺得你應該向女友表達下。。。

覺得自私係愛情要素之一。。。

覺得佔有係愛情指定動作。。。

覺得愛情係不容一粒細沙。。。

一對朋友﹐男女好正常﹐已各有愛人就不好太OVER。。。因為無GUARANTEE﹗﹗ 日久一定生情﹗﹗ 人非草木﹗﹗

你女友若覺得你太管佢﹐不信佢。。無法啦﹐至少俾佢知你底線﹐如果你一路黎都表現好好﹐非常愛佢﹐而佢 FEEL到既話﹐佢一定考慮你既底線

。。。(希望佢無任性啦﹐同你賭氣

)

作者: red0011101 時間: 2007-8-12 01:31 AM

i think u give more confiderence for ur G.F la
actually ...friend (male) for her have chance like her so much ...
but not represent he will do anything to chase her .....
since u not know her attitude ....i think u dont mind it at all...
i do think u make friend with him ...to know more about of him...
since thinking is worst than knowing the male...

and if he also like ur G. F so much ...so also help her .....but not represent ur G.F will give chance to him (unless u dont care her ...that will give chance for her and him to develop)

in the whole life ...i think ....also exist that guys and gals....
but they dont care to pay their afford to please their Friends.... without getting returns
they dont "break " the "paper " ...then nothing can occur
and gals also like to develop this relationship....since it will give a "chance " for them in "later"
and they want ppl care them

at last i think u jealous la .....pay afford to care her .....the level u reach is higher than other ppl pay ....ur G.F will not leave u unless she dont love u again

add oil la

作者: joe159357 時間: 2007-8-12 02:25 AM

我記得有人講一句話：
　　　　　　　　　男女之間沒有真正的知己
　　　　　　　　有的只是時差而形成的副產品！
明白當中的意思嗎？　

作者: 物__ 時間: 2007-8-12 02:56 AM

我覺得知己no need 去講miss , 掛住類似呢ｄ字眼
我係一個男仔
我有好多男性朋友，我未同講佢地講”ｍｉｓｓ，掛住”
呢ｄ野
咁唔通佢地唔係我知己咩？

作者: lawyuhoi 時間: 2007-8-13 01:18 AM

嘩靠～好多的回覆！（早知道就早ｄ回覆，好讓我多點機會加分

）
以下的內容，多多少少都有點說教的成份，希望不要介意

雖然說每個人都是獨特的，但每個人的能力都是有限的～
而且這個「有限」更是一個定律！！
就是人不能直接去改變別人！
（我指的是對方由衷的去改變，並非用其他條件去迫使對方就範～）
「遷就」只是強迫自己去做某件事，好取悅對方 / 使大家的磨擦減少）

對於他跟她，你是完全沒有辦法的.........
人不能直接去改變別人，但你可以改變自己！
從改變自己開始，就能慢慢地去影響別人～
而你就只能完全相信她，但同時你不能讓她覺得你不再著緊她～
也許你可以讓她知道你不太信任她的那位朋友
（更可以建議她介紹他給你認識．當然你要表現得大方一點！同時也表明自己的位置）

看到你說「下一刻會點」從這裡看出，你有佔有慾！！！！
如果你沒有佔有慾，為何你會怕未來呢？
的確！誰都曾害怕過未來．因為未來是預測不了的，存有著很大的變數......
但你又能做甚麼呢？也許明天她會出意外，她也許會就此......（假設罷了！）
那你要怎樣？為了保護她而不再讓她外出？（這些假設都只是想說明你害怕失去她！）
她不是物件，你不可能「擁有」她！
（一旦擁有了，就不會失去。給人家偷了，擁有權還在你手上！）
因此你亦要給她一定的空間，畢竟她是個體的。她需要空間，就如你也需要空間～

不用管明天或未來，因為未來你是管不了的！
愛她的話，就應該每時每刻都愛她，盡你的一切去愛她
不想後悔！？就更應該用盡現在的這一分這一秒去愛她
做每件事都要盡力去做，就算結果如何，你都不會後悔為何當時沒盡力去做
（同一個道理而已，因此你就別想太多了，去愛吧！）

每個人都有他的優點與缺點，每個人都會在某方面比其他人優勝，某方面比其他人弱
不要說甚麼「都唔可以話肯定樣樣野比個男仔好」
你有你的優點，他有他的優點．她要比較，你沒甚麼可以做～
你只能做好你自己；不造作，自然地做你自己～

最後還是多提醒一句，不要計較愛的多少！
應該說，愛是沒得計算的．愛是分享，是付出！
你付出了１００％的愛，她也付出了１００％的愛，那你倆就能享分２００％的愛了
祝你愛得愉快～

作者: 小强 時間: 2007-8-13 10:22 AM

Originally posted by 物__ at 2007-8-12 02:56 AM:
我覺得知己no need 去講miss , 掛住類似呢ｄ字眼
我係一個男仔
我有好多男性朋友，我未同講佢地講”ｍｉｓｓ，掛住”
呢ｄ野
咁唔通佢地唔係我知己咩？

希望係打錯啦。。

但佢既 POINT 又無錯wor...

作者: 物__ 時間: 2007-8-14 04:01 AM

Originally posted by 小强 at 2007-8-13 10:22 AM:

希望係打錯啦。。

但佢既 POINT 又無錯wor...

可能表達得唔好
我意思係相信大家都有不少同性好知己
但大家都唔會成日都對知己講"miss,掛住"呢d野

歡迎光臨娛樂滿紛 26FUN (http://26fun.com/bbs/)