娛樂滿紛 26FUN - Powered by Discuz! Board

標題: Arsenal [打印本頁]

作者: Prined1209 時間: 2007-7-30 12:31 AM 標題: Arsenal

有三樣野想講下...
1.賓特拿唔多掂喎....等我重睇好佢...d pass由其差!辛仔都好過佢....不過係夠高大
2.個35號唔知乜水...豪無potential既青年軍...
3.我好中意希比打呢個位!!

作者: kakeidevil 時間: 2007-7-30 12:33 AM

講緊而家對Inter場波？
Eboue打得好sharp

作者: kakeidevil 時間: 2007-7-30 12:34 AM

vps同Sagna都ok唔錯～

作者: kakeidevil 時間: 2007-7-30 12:41 AM

Inter1:0

作者: kakeidevil 時間: 2007-7-30 12:47 AM

1:1希比

作者: kakeidevil 時間: 2007-7-30 01:10 AM

2:1 VPS

估唔到你右腳都得~

作者: MaxFigo 時間: 2007-7-30 01:19 AM

對阿仙奴今場波表現有d驚喜
兩翼攻勢好有威脅，傳送、組織亦好流暢
雖說國米並非精銳盡出，而且發揮更加係極差
進攻無章法，左路防守漏洞百出....

但能夠迫使仍有蘇拿利、蘇阿素、費高、阿祖安奴在陣o既國米全場僅錄得一次射門中框
都可以說明阿仙奴加拿斯+高路托尼o既中堅組合絕對有保證
同時亦證明左費明尼o既價值

畢竟隊波由雲加苦心經營多年...
絕對唔會因為一個亨利o既離開而被打垮
對來季英超冠軍爭奪戰開始有d期待

[ Last edited by MaxFigo on 2007-7-30 at 01:20 AM ]

作者: kljc03 時間: 2007-7-30 01:34 AM

睇完對國米後, 真係放心左d!!!!

作者: iknow 時間: 2007-7-30 01:50 AM

Originally posted by MaxFigo at 2007-7-30 01:19 AM:
對阿仙奴今場波表現有d驚喜
兩翼攻勢...

亦證明左...
國米下季都係讓路俾AC同埋「升班馬」祖雲達斯...

作者: negator 時間: 2007-7-30 02:21 AM

呢幾場可以睇到D野...
買Sagna番黎打右閘,將伊保爾推上一格打隻翼
完全將佢個人優點SHOW晒出黎...
左閘斯力治都有咁GE情況...

法明尼同丹尼臣都可以完全替補法比同基拔圖

同埋賓特拿真係好唔掂...唔知係未融入隊入波定點~

LAST就係死搓開始有D改善~

作者: justhandguns 時間: 2007-7-30 07:10 AM

35號唔知乜水...豪無potential既青年軍? Gibbs? I think he is good for a teenager wor!

作者: amigofans 時間: 2007-7-30 10:21 AM

Originally posted by MaxFigo at 2007-7-30 01:19 AM:
對阿仙奴今場波表現有d驚喜
兩翼攻勢...

咪lor, 打黎有板有眼, 雲佩斯果球free kick仲差d入.....

爭冠軍就一定無佢地份架啦, 但講到第2第3第4都係有大機會既, 我都唔明點解有d阿仙奴fans會整整下連保頓曼城果d都要驚....唔係ma....

所以話球迷係擦鞋既多, 打番一兩場似樣既, 大家又開心番晒.....

不過如果講到對手國米.....就真係....

作者: cwc_tkd 時間: 2007-7-30 11:19 AM

有冇人可以post阿仙奴今場個陣黎睇睇呀??
thx!

作者: amigofans 時間: 2007-7-30 11:28 AM

Originally posted by cwc_tkd at 2007-7-30 11:19 AM:
有冇人可以post阿仙奴今場個陣黎睇睇呀??
thx!

見係你咋, 師傅...

Jens Lehmann
Emmanuel Eboue
Kolo Toure
Justin HoyteArmand
Traore 69
William Gallas
Bacary Sagna
Kieran Gibbs
Nicklas Bendtner 79
Francesc Fabregas
Denilson 83
Mathieu Flamini
Alexander Hleb
Robin Van Persie

Subs not used
Lukasz Fabianski
Philippe Senderos
Gael Clichy
Nacer Barazite
Mark Randall
Abou Diaby
Henri Lansbury
Rhys Murphy

作者: cwc_tkd 時間: 2007-7-30 12:04 PM

Originally posted by filter-052fans at 2007-7-30 11:28 AM:

見係你咋, 師傅...

Jens Lehma...

感激感激!

作者: arthur8088 時間: 2007-7-30 12:28 PM

wow....RVP's goal is brilliant....especially his dribble~~

作者: locklock 時間: 2007-8-1 12:10 PM

友誼賽唔好信啊！因為對手認真程度好另人懷疑，
比方華倫西亞可以數國米兩粒，點解又會兵敗巴黎聖日耳門？
國米在領先情況下點解又會比雲佩斯成英雄反勝？
最後阿仙奴會有６分，而其他球隊不過３分？
猶長盃係第一次舉辦，好有比面派對ＦＥＥＬ。

如果真刀真槍，阿仙奴未必會打得咁順，因為中場打得好亂，
多數攻勢都是從邊路進發。還有阿仙奴球員年紀太輕了，
好多都無大賽經驗，以今季英超咁多中型班變大型班，
小型班變中型班來看，阿仙奴條路唔易行啊！可能又會好多和波！

　　　　　　　　　　　人類出世也是一個離開也是一個

[ Last edited by locklock on 2007-8-1 at 12:13 PM ]

作者: amigofans 時間: 2007-8-1 12:39 PM

Originally posted by locklock at 2007-8-1 12:10 PM:
友誼賽唔好信啊！因為對手認真程度好...

又係比面? 踢波落到場邊有咁多面比!! 你不如話其他果幾隊作客兼且又無態啦...咁國米點解釋? 輸晒, 佢地要比面華倫咩?

不過你講得o岩既熱身賽係唔可以盡信, 阿仙奴今年肯定唔易行....

但小弟唔同意話阿仙奴人腳唔好, 有巴打指出過唔好成日錯覺佢地只係有年青球員, 其實列文, 加拿斯, 基拔圖斯華, 費比加斯, 路斯基, 雲佩斯呢d全部都係一級國家隊既主力球員....

阿仙奴係英超4強當中, 無可否認人腳係差dd, 但比起下面果d有綽綽有餘, 閣下所講既中型班變大形班所指既係熱刺? 定係紐卡素? 我唔覺得佢地d人夠阿仙奴果d級數wor.....

作者: locklock 時間: 2007-8-1 03:04 PM

Originally posted by filter-052fans at 2007-8-1 12:39 PM:
又係比面? 踢波落到場邊有咁多...

中型班變大型班：阿士東維拉，韋斯咸，曼城，樸茨茅夫

阿士東維拉：一季調整，係時候發力，因為奧尼爾以對球員和球隊有一定認知。
韋斯咸　　：在多事之秋一季後，順利被冰島人佔領，古比士利亦不是善類。
曼城　　　：又一隻老狐狸領軍，還有十一個壯士快將加盟，係時候發威。
樸茨茅夫　：唔聲唔聲，越買越多老將，可話係英超過氣球星集中營。

今季最老危球會：富咸，保頓，米杜士堡，韋根

韋根　　　：巴布爾來投，足以另球隊從返英冠。
富咸　　　：變成了美國人和北愛爾蘭人兩隊波合班，攻不強守不強。
保頓　　　：艾拿戴斯走佐，以往好多古靈精怪既波和比面派對，都應該唔會再有了。
米杜士堡　：修夫基執教水平好低，又無佐維杜卡，前場得隻耶古堡，信唔過。

紐卡素一直都係大型班，買人多，換人多，投資多，不過攪咁多，就係找不到帥材。
現在艾拿戴斯加盟，球隊可以話如獲置寶，係時候一展所長了。
其實隊內好多勁人，今季應會重用路基，還有國米雙殺安利和馬田斯。
而奧雲終於可以歸隊了，再加上國腳殺人王巴頓。後防廢柴巴布爾亦以離隊。
上季過份倚重的法國老將施比斯基亦以和巴布爾一齊加盟降班膽韋根。
其實紐卡素之所以另大家有強隊之感，是因為卜比ＳＩＲ的功力深厚所至，
年年都會季前脫腳，季後發威。但主席不愛這種打法，所以才炒了他，
最後請來請去都得個吉，現在終於遇伯樂了！係時候重現卜比ＳＩＲ時的鋒芒了！

　　　　　　　　　　　人類出世也是一個離開也是一個

[ Last edited by locklock on 2007-8-1 at 03:36 PM ]
作者: amigofans 時間: 2007-8-2 12:38 AM

Originally posted by locklock at 2007-8-1 03:04 PM:

中型班變大型班：阿士東維拉，韋...
阿locklock你講果4隊中型變大型既球會, 睇黎無一隊可以威脅到阿仙奴既地位,
佢地4隊野連一個稍為有一級質素既球員都無, 而且曼城, 韋斯咸只係係度亂洗錢,
佢地買得黎甲得黎都已經季尾, 發現自己可能仲要護級....

你講果幾隊危機球隊都係正路之選, 不過我覺得富咸可能會出奇地有好表現,
今季加入左d實用既球員, 可能會有新睇法, 而且佢地一路問題都只在作客,
主場佢地係有一定水準既, 只要作客唔好輸咁多, 7-10名唔係無可能既事....

至於紐卡素, 最近突然唔睇好, 因為早幾日傳出大森要求老細放水既消息,
今日又睇到佢地要賣馬田斯套現先可以再買人, 而且最近交易的確係停左落黎,
如果真係柵水喉, 咁就真係兩睇啦.....

仲有季初脫腳似乎唔係老頭子波比笠臣既風格, 而係紐記本身既風格,
杜格利殊, 基謹, 古列治到老頭子, 桑拿士到路達都試過季初大讓賽...

睇下阿sam哥可以可以扭轉乾坤啦!!

[ Last edited by amigofans on 2007-8-2 at 12:40 AM ]
作者: brightlee 時間: 2007-8-2 04:35 AM

Originally posted by filter-052fans at 2007-8-2 02:38:

阿locklock你講果4隊中型變大型既...
I have no comment about Man City as I never see any new signing (players) this year.
But I agree what Locklock talking about as West Ham Utd will be stronger this year!
Last year, when Alan took over the team, West Ham was in their lowest spirit, and more than 99% people that he bought in Jan, who were injured during in season, (i.e. similar situation as Birmingham City 2 years ago). No one can prevent injury, at least they can escape and I could see Alan buy some "reliable" players, i.e. Freddie Ljungberg for helping them in midfield (They miss someone who got experience and who could play in late 20s/early 30s) p.s. Terry was too old, (41 years old)

So I believe West Ham can be top 7
作者: amigofans 時間: 2007-8-2 10:36 AM

Originally posted by brightlee at 2007-8-2 04:35 AM:

I have no comment about Man City ...
經你一提回心諗下, 其實曼城到現在為止都無咩大動作, 炒作新聞就多多,
佢地到而家為止, 最大既收購竟然係艾力臣....

一再強調他信唔係艾巴莫域治, 佢極其量都係阿法耶茲果種級數既有錢...
個人覺得當年利物浦拒絕他信收購係明智之舉, 不竟佢既資金係來自咩出處,
仍然值得相確, 所以曼城之後是福是禍都係未知之數......

無沒殺韋斯咸可以殺入頭6 7名既可能性, 但始終覺得佢地係將d錢亂洗一通,
一如上季, 分別只係執教者係古比士利, 令人產生一點期望咁解....

個人覺得古比士利係穩健領隊, 但覺得佢只係出色既經營者,
即係keep得住隊波既位置係英超既高手咁解, 但入前列或杯賽你唔洗預佢....

而且一個食慣清茶淡飯既人, 突然之間中左六合彩大把錢洗, 問題就出現,
佢其實識唔識得洗錢既呢? 呢個情況同樣出現係今季艾拿戴斯身上, 佢地無錢慣,
慣左借或搵d實而不華既球員, 但一隊爭前列, 爭冠軍既球隊用呢招係唔work既....

過往桑拿斯亦出現過呢個情況, 布力般無錢比佢玩, 佢只會著眼平價貨,
又或者大會既過氣球星, 咁做反而令佢地keep得住中上游, 但當佢一過紐卡素,
有千萬金元在手果時, 原來大家先發現佢唔識買人, 冤枉錢洗完一舖又一舖...

睇上季佢接手之後果種對輸波完全無乎既情況, 我對古比士利有點保留,
護級或者唔再需要, 但能夠挑戰前列似乎有點疑問.....
作者: locklock 時間: 2007-8-2 01:08 PM

Originally posted by filter-052fans at 2007-8-2 10:36 AM:
經你一提回心諗下, 其實曼城到現...
曼城攻擊手勁多，無必要再補強，只要艾歷臣另每人入多過５球，
都會有２０球以上之多，唔會好似上季咁，個個死火，每人１球。
因為上任教練古靈精怪，打防守戰術，攻勢單調！
伊美梅賓沙　華素爾　森馬拉斯　哥拉迪　路蘭度比安基

中場應該係艾歷臣著手買人中，因為太少人和年齡兩極化。
達保　艾利蘭　夏文　米高波爾　馬田柏杜夫　謝臣費南迪斯

後防十分穩健，無必要再補強，上季亦證明了這一點。
失球數字排在中上遊位置，如果前場可以入到波，
後面失球數會再減低，因為久守必失，攻才是最好的防守。
米卡李察士　史提芬佐敦　奧奴夏　孫繼海　李察鄧尼

門將這個位置最為頭痛，上季重點收購的伊沙克臣，
不被教練重用，肯定是一個大錯。今季艾歷臣在這位置上，
已買了意大利路蘭度比安基來補強，但預料伊沙克臣會打正。
伊沙克臣

曼城前場和後場都好齊腳，籠門位置亦以攪定。
現在艾歷臣最為頭痛的是中場無領軍人物，
買人重點應會放在中場方面。

上季曼城vs阿仙奴，１勝１負，唔係一面倒！
英超  26/08/2006　曼城主勝阿仙奴 1:0(1:0)
英超  17/04/2007　曼城客負阿仙奴 1:3(1:1)

不過，如果以艾歷臣的功力，用上面這班人打開季，都唔會衰得去邊，
因為只係走佐個隊內不受歡迎份子，殺人王巴頓。只少達保會好開心！
必要時，我想會用以下陣容作開季也不定。等冬季再買人也不定。

　　　伊美梅賓沙　森馬拉斯
馬田柏杜夫　艾利蘭　達保　米卡李察士　
米高波爾　李察鄧尼　奧奴夏　孫繼海
　　　　　　伊沙克臣

====================================================

韋斯咸

加盟球員
球員 (位置) 原屬球會備註
柏加(中場) 紐卡素轉會費700萬鎊
比拿美(前鋒) 利物浦轉會費750萬鎊
法拔(中場) 波爾多轉會費610萬鎊
李察胡禮(守門員) 愛華頓免費轉會
龍格保(中場) 阿仙奴轉會費300萬鎊

離隊球員
球員 (位置) 加盟球會備註
李奧曲卡(中場) 阿士東維拉轉會費850萬鎊
舒寧咸(前鋒) 高車士打免費轉會
卡路爾(守門員) 格拉斯哥流浪免費轉會
米亞斯(後衛) 打比郡轉會費100萬鎊
班拿約(中場) 利物浦
高捷斯基(後衛) 富咸
希活(前鋒) 維拉

你睇吓古比士利幾咁幸福，買人好似買股票咁，
唔ＬＩＫＥ就ＳＥＬＬ，ＬＩＫＥ就ＣＡＬＬ！
所以，大把人用，唔係大型班，真係唔知係乜？
其實賣走Ｄ人可能前一季好勁，但上季就不敢恭維了！

====================================================

阿士東維拉下半季已買夠人，現在是放壞血時間，但也買了兩件勁野：
李奧曲卡(中場) 希活(前鋒)

樸茨茅夫不用多介紹，英超過氣球星集中營，行番艾拿戴斯條不二之路！

　　　　　　　　　　　人類出世也是一個離開也是一個

[ Last edited by locklock on 2007-8-2 at 01:44 PM ]
作者: amigofans 時間: 2007-8-2 02:47 PM

Originally posted by locklock at 2007-8-2 01:08 PM:

曼城攻擊手勁多，無必要再補強，只...
點講都係唔會睇好曼城, 阿locklock你講果班球員, 正正就係有份打到曼城要護級既球員,
講咁耐曼城既賣點只有艾歷臣一人, 佢成功在意甲, 用番同一套打英超能否成功還有疑問,

"假設"每個前鋒可以入5球以上? 不如"假設"15球啦, 咁就攞埋冠軍!!

其實你都識講韋斯咸放走果班人係應該啦, 因為縱使前季打得好, 上季實在係差,
咁點解曼城果班又可以用呢咁既假設呢? 佢地唔可以繼續衰落去?

無錯上年係對阿仙奴一勝一負, 但就咁唔代表可以係聯賽排名威脅阿仙奴,
上年阿仙奴2次技術擊倒曼聯, 但分數輸足兩條街, 證明數, 係唔可以咁計法....

如果阿仙奴用呢班咁既人腳去打, 都要驚甚至最後排名上輸比韋斯咸, 撲次茅夫, 曼城同維拉既話, 咁唔單止雲加要炒魷, 連d球員都應該打lor友啦....
作者: locklock 時間: 2007-8-2 04:49 PM

Originally posted by filter-052fans at 2007-8-2 02:47 PM:
點講都係唔會睇好曼城, 阿lockloc...
曼城上季打得差，１００％唔係球員的錯，係教練的錯，
因為教練是以防守見稱，和基勤時進攻相違背，
咁你要一隊波買人組班時都係以攻為主，突然玩守，
唔護級就有假啦！

韋斯咸之所以不濟，因為球隊內部嚴重不和，
不論是球員之間，教練和球員之間，教練和主席之間，
都出現嚴重分岐，兩個阿根廷人成了導火線，
一觸即發，才會另球隊如此差勁。
想想點解有咁多球會爭住要韋斯咸班廢柴？
因為佢地唔係廢，係好多不利因素另他們攪到咁既田地。

今季曼城有艾歷臣領軍，球隊唔會再玩守，咁又點會雞？
而古比士利出山，滅魔都有得你睇，今季依佢獨見買咁多人，
一定有佢既道理。

當然啦，我話佢地勁，如果扒佐街，一年後你又可以大做文章來插我，
但我可以同你講，我唔係神仙，我只係講事實。信不信都係由你。
做人要有承擔，自己做錯佐，就要自己承擔，唔好怨人呀！

可能你對阿仙奴好有好感，但我覺得他們今年會出事囉，
因為他們好大機會行韋斯咸條舊路，主席和教練出現不和，
而導火線是過多年輕嬾Ｂ，另球隊成積下滑！

　　　　　　　　　　　人類出世也是一個離開也是一個

[ Last edited by locklock on 2007-8-2 at 04:52 PM ]
作者: amigofans 時間: 2007-8-2 05:47 PM

Originally posted by locklock at 2007-8-2 04:49 PM:

曼城上季打得差，１００％唔係球員...
大佬呀大佬, 而家果堆球員8成以上都係皮亞斯買番黎或者提升上黎架, 尤其係攻擊果班,
基謹? n世之前啦, 而家果班好似得迪斯天, 鄧尼, 老孫果幾個係出自基謹手筆...

當然我無話皮亞斯好, 不過都唔得晒佢掛.....

講到艾歷臣, 佢最叻就係守wor, 會唔打守勢波打攻? 我又真係好想見識下wor....

韋斯咸無咩好爭論, 係你話佢地班友上年狀態唔好, 我附和, 但我無講佢地係廢柴...

我係united既, 所以我對阿仙奴唔會有咩好感, 但講波要講客觀事實咁解o者,
艾迪巴約, 雲佩斯, 伊保爾, 高路扥尼同費比加斯又後生又好波,
今季睇熱身賽雲佩斯似乎又更進一步, 都未計加拿斯地果班老少少既實力派...

唔係話一定, never say never, 但要阿仙奴衰到上年韋斯咸咁, 似乎機會好微...
因為質素上有分野, 其實上年阿仙奴都打到一劈屎咁, 但就係贏你質素,
愛華頓, 保頓, 雷丁打得再好都過唔到佢地頭, 皆因輸在質素也...

唔通利物浦上季打得好好? 點解輸到咁仲有第3??

講錯唔洗死既, 吹水o者大家, 邊得閒同你番咁多舊帳, 仲要等成年...
我係見到痴線野會忍唔住發言咁解o者.....

歡迎光臨娛樂滿紛 26FUN (http://26fun.com/bbs/) Powered by Discuz! 7.0.0