Board logo

標題: 曼聯車仔先後失分, 冠軍形勢會否從此緊湊?? [打印本頁]
作者: amigofans    時間: 2007-9-3 01:36 AM     標題: 曼聯車仔先後失分, 冠軍形勢會否從此緊湊??

車仔今晚係維拉公園輸波, 仲要輸夠兩球,
唔講唔覺車仔今年打5場已經失左6球, 同過住後防穩有d出入...
而且兩場作客亦毫無威勢, 都被主隊帶住黎打...
下場作客仲要去奧脫福, 真係唔可以再失手...

曼聯亦唔見得好, 雖然最近贏左兩場, 但只贏在運氣同質素...
打左5場只入得3球, 無晒上年果種攻擊力...作客仲未贏過波..
下場要面對大勇而又強主場既愛華頓...贏輸都會對之後有關鍵影響...

反而利物浦一反常態, 今季一早入局, 而且每場打黎非常流暢,
舊隊友愈見合拍, 新人亦融合得唔錯, 主場對車仔一役更係代表作,
如果唔係個球証, 仲可以贏多2分...

仲有大家都睇淡既阿仙奴, 講下講下, 已經有10大分同利記一樣...
季初好多兵工廠fans擔心佢地會淪落於曼城同熱刺之後, 睇黎都係杞人憂天..
可能無左大哥亨利, 知恥近乎勇, 睇黎呢班後生仔又會比上季更進一步....

車仔曼聯有問題出現, 季初發揮非常麻麻,
佢地再無明顯改善, 會否做就左利記同兵工廠呢?
漫漫長路, 佢地4隊仲有排鍊!!
作者: 禾確特    時間: 2007-9-3 01:44 AM

阿仙奴打得幾好...
進攻好流暢...
今屆睇好呀!!!
作者: Kev    時間: 2007-9-3 03:12 AM

premier league, is the competition of squad DEPTH

that's the reason why chelsea and man utd dominated for last few yrs..
i have no worries for man utd and chelsea for the remaining fixtures..

we will see how injuries would affect arsenal's performance..
wish them good luck..
also for liverpool..
they got a quite good team this year.. with lot's of attacking options..
however their defensive depth is quite a bit weak..
作者: Azuma    時間: 2007-9-3 08:34 AM

仲記得舊年打o左半季車仔lead 12 定9 分
有公司封盆派彩...............................

到最後曼聯羸又邊個會估到

其實squad depth 我好同意
但係係某程度來說係係有主將受傷時先分別先係最大

車曼過去奪冠都係因為佢地的穩定性
主場sure win
客場坐和望羸

但係今年就真係
作者: amigofans    時間: 2007-9-3 09:40 AM

Originally posted by Azuma at 2007-9-3 08:34 AM:
仲記得舊年打o左半季車仔lead 12 定9 ...
我估你記錯, 舊年車仔一路都係落後, 幾時有 lead 過10幾分.....

當然你地講既 squard depth 係好重要啦, 唔係車仔今年唔會一口氣加左3個後防啦...

kev 提醒我利物浦後防不足既問題, 係呀, 上次傷晒2個中堅佢地已經立即賴屎...
佢地缺乏中堅第四人, 右閘亦人手短缺....

不過曼聯車仔也有同樣問題, 不過係前線上面....
佢地都係只有3個正前鋒, 萬一之後又再出現曼聯而家呢個情況,
佢地仍然會失分....

反觀阿仙奴, 反而係夠人用, 因為佢地質素平均, 以青年軍為主,
反正打年青活力, 萬一主力傷左影響反而無其他三強咁大...

當然我同kev一樣都仲係睇好曼聯同車仔, 我開個post係想講,
如果佢地再打得咁麻麻落去, 唔可以當利物浦同阿仙奴無到既....
作者: fabric    時間: 2007-9-3 09:57 AM

希望利記可以一路keep住, 唔好好似上一年咁海鮮啦, 係時候拿聯賽冠軍啦
作者: Edgar_Davids    時間: 2007-9-3 12:38 PM

個人認為 Henry 在陣時, 一眾小將只敢傳不敢射, 故當 Henry 無態時, 阿仙奴就會 0 攻勢.......
但 Henry 現己離隊, 重心已不在前線, 令阿仙奴反而重拾攻擊火力.....
阿仙奴近數場皆能有双位數字射門, 而以往一眾射術差的小將如 Rosicky, Febregas, Hleb 等更重拾佳態, 可見阿仙奴開始已邁進另一新紀元.........


我覺得 Wenger 真係好有遠見......... 寧要賽果, 不要商機.....

[ Last edited by Edgar Davids on 2007-9-3 at 12:49 PM ]
作者: 艾力克    時間: 2007-9-3 12:59 PM

Originally posted by 禾確特 at 2007-9-3 01:44 AM:
阿仙奴打得幾好...
進攻好流暢...
今屆睇好呀!!!
温格:「我們不簽超級巨星，我們製造超級巨星」

「也許有些球員有了世界級的身價，但是並沒有世界級的水平。如果你坐下來給我三千萬英鎊去買一個人，我們能找到一個這樣的球員嗎？」

「如果有三千萬，我會被告知『對不起，他是非賣品，你用這個價格不可能得到他』。」

「切爾西也許嘗試簽下羅納爾迪尼奧(Ronaldinho)，他們有比世界上任何人都多的錢，但是羅納爾迪尼奧並沒有加入切爾西。」

「對我來說，六千萬英鎊身價的球員必須是每場比賽都能上場，他一碰到球就必須能破門得分。」
作者: Edgar_Davids    時間: 2007-9-3 01:13 PM

Originally posted by filter-052fans at 3-9-2007 09:40:

我估你記錯, 舊年車仔一路都係
如果 squad depth 係一個 factor 嘅話,
咁紐卡素, 熱刺應該最有呢方面優勢.........

可惜傷兵, 領隊質素都有關係.........
作者: Foxcom    時間: 2007-9-3 01:26 PM

Originally posted by Edgar Davids at 2007-9-3 12:38:
個人認為 Henry 在陣時, 一眾小將只敢...
很同意你的見解, 不過希望阿仙奴的一班小將(甚至老將)的入球把握能力能再進一步, 這樣才能於漫漫長路的聯賽爭勝
作者: amigofans    時間: 2007-9-3 01:48 PM

Originally posted by Edgar Davids at 2007-9-3 01:13 PM:


如果 squad depth 係一個 factor 嘅話,
咁紐卡素, 熱刺應該最有呢方面優勢.........

可惜傷兵, 領隊質素都有關係.........
我又唔覺熱刺同紐卡素有 squard depth 既優勢 wor...
至少而家熱刺d中堅傷晒, 佢地既後備好明顯唔夠質素...

曼聯一對後備中堅成日被人(包括united fans)笑佢地甩甩漏漏,
但其實佢地去打紐卡素或者熱刺已經會係正選....

人多係好做作, 當然仲要講質素....
佢地人係多, 不過平均質素仲係同頭四強有一段距離....
作者: michelle_tom    時間: 2007-9-3 05:14 PM

Originally posted by Edgar Davids at 2007-9-3 12:38 PM:
個人認為 Henry 在陣時, 一眾小將只敢...
Fabregas, Rosicky, Hleb都算小將
作者: jackylee9142004    時間: 2007-9-3 08:41 PM

Originally posted by michelle_tom at 2007-9-3 05:14 PM:


Fabregas, Rosicky, Hleb都算小將
Fabregas得廿歲, 算唔算小將
作者: hongkongpeople    時間: 2007-9-3 09:47 PM

現在有幾隊爭標球隊重好啦,咁大家打得會更加燦爛嘛.......
作者: amigofans    時間: 2007-9-4 09:53 AM

Originally posted by jackylee9142004 at 2007-9-3 08:41 PM:

Fabregas得廿歲, 算唔算小將
咁要睇你地小將既定義啦, 因為佢地年齡就係小,  
仲係學習階段, 仲有好多進步空間, 如果從呢點出發,
佢地的確係小將黎..

但佢地出名, 又好球技, 已經成為球隊不可橫缺既骨幹,
俗語所謂食糊人物, 如果從呢個角度講, 佢地係大將,
只不過年齡輕輕咁解o者.......

c7同rooney都唔過23, 曼聯無左佢兩個完全失色,
咁你話佢地係大將定小將?
作者: 艾奧羅斯    時間: 2007-9-4 11:52 AM

到利記拎啦~
今年人齊當fit領隊勁 + 其他三強運濟...其他黑馬會輸經驗
英超BIG4係得佢地未有...拎埋就真真正正既BIG4喇..
作者: amigofans    時間: 2007-9-4 11:57 AM

Originally posted by 艾奧羅斯 at 2007-9-4 11:52 AM:
到利記拎啦~
今年人齊當fit領隊勁 + 其他三強運濟...其他黑馬會輸經驗
英超BIG4係得佢地未有...拎埋就真真正正既BIG4喇..
講真, 下年會現實少少....

上季佢地輸20幾分比車仔同曼聯.....

佢地仲要fix番作客奇差既問題,
仲有歐聯, facup同聯賽3條戰線全開, 佢地都未試過...
雖然現在成績唔錯, 我只會覺得佢地今年會好近...

要爭都係下年!!
作者: 勇勇    時間: 2007-9-4 03:37 PM

我已經過低去利物浦
作者: amigofans    時間: 2007-9-4 03:43 PM

Originally posted by 勇勇 at 2007-9-4 03:37 PM:
我已經過低去利物浦
哈哈, 我估你好快又會洗底....
作者: terencey    時間: 2007-9-4 04:09 PM

作為一個捧咗利物浦接近 20 年嘅 fan 黎講, 一直都好希望見到利物浦自杜格利殊時代之後, 再一次高舉頂級聯賽冠軍獎盃. 可是由桑拿士嘅世紀浩劫, 伊雲斯既攻強守弱同侯利亞嘅矯枉過正, 不知令多少利物浦球迷傷心失望, 令人感到重拾勁旅本色, 爭奪聯賽冠軍嘅指望變得遙遙無期! 直至賓尼迪斯上任, 執教首季以有限兵源, 經典地奪得久違嘅歐聯冠軍開始, 令我對球隊未來再次滿懷憧憬!

我相信賓尼迪斯能帶領利物浦取得聯賽冠軍, 但未必會係今季. 雖然今季不再 "出閘脫腳", 球隊打出氣勢, 攻勢亦開始比以往流暢. 若非球証枉判十二碼, 被車仔僥倖迫和 1 比 1 , 否則已經開季 4 戰全勝. 加上現時利物浦係自 2002 年以來再嘗榜首滋味, 當然開心. 但係, 聯賽係漫長既, 實際d諗, 現時首要任務係要延續呢股氣勢同流暢嘅攻勢, 尤其作客嘅表現必需比以往穩定, 以便進一步縮窄與曼聯同車仔之間嘅差距. 另外,  現時只有艾加, 加歷查同希比亞三個中堅, 艾比路亞都可以打中堅, 但佢似乎打兩閘最合適, 而柏列達又賣咗去小保加. 所以球隊需要再引入中堅, 最好可以兼任閘位, 以免有傷兵時導致防線兵源緊張, 影響球隊成績. 此外, 我覺得需要買左翼, 除左列圖 (Leto) 之外, 再無可供調動嘅正宗左翼; 同埋前鋒嘅打握力都仲要改善吓, 例如古治咁.

我覺得今季開始會見到輪流上陣政策既作用, 可望日後好似賓尼迪斯帶華倫西亞咁, 用輪流上陣政策下在聯賽同歐洲賽都取得成功. 所以今季我都係睇好曼聯同車仔, 雖然佢哋開季不順, 令聯賽形勢緊湊咗, 但相信好快會進入狀態, 特別是曼聯, 佢哋既後勁係好强嘅. 因此我期望利物浦下季會更有機會問鼎聯賽冠軍.

[ Last edited by terencey on 2007-9-4 at 04:11 PM ]
作者: amigofans    時間: 2007-9-4 04:21 PM

Originally posted by terencey at 2007-9-4 04:09 PM:
作為一個捧咗利物浦接近 20 年嘅 fan ...
從torres對車仔果一腳技驚四座, 有佢同謝老四呢d球員,
再加上車仔對維拉一役, 俄國佬既拂袖而去...

相信利物浦要攞番次聯賽冠軍,日子已經不遠啦...
作者: kk33    時間: 2007-9-4 09:42 PM

Originally posted by filter-052fans at 2007-9-3 01:36 AM:
可能無左大哥亨利, 知恥近乎勇, 睇黎呢班後生仔又會比上季更進一步....
其實冇左亨利,又關"恥"咩事呢?????
作者: 勇勇    時間: 2007-9-4 09:52 PM

本人覺得最有冠軍相都係利記，佢地攻又得守又得，如果唔係太多球員受傷，失落好耐嘅聯賽冠軍今年好大機會會攞到手！
作者: amigofans    時間: 2007-9-5 09:19 AM

Originally posted by kk33 at 2007-9-4 09:42 PM:

其實冇左亨利,又關"恥"咩事呢?????
其實我係咪應該用少d呢d詞語呢, 因為好多朋友d中文都好似唔太好...

知恥近乎勇係話...

要明白自己的缺點, 努力去改善, 呢種態度就係勇既表現...

咁再白d講, 阿仙奴班小子知道無左亨利呢個入球機器,
人地走多一步, 所以呢幾場好似唔錯!!
作者: amigofans    時間: 2007-9-5 09:20 AM

Originally posted by 勇勇 at 2007-9-4 09:52 PM:
本人覺得最有冠軍相都係[colo...
你條衰仔, 過兩個月如果曼聯或車仔帶番頭, 你又會講睇好佢地架啦...
作者: he1022    時間: 2007-9-5 11:42 AM

利記上一場好勁..大炒-.-
作者: 勇勇    時間: 2007-9-5 08:36 PM

Originally posted by filter-052fans at 2007-9-5 09:20:


你條衰仔, 過兩個月如果曼聯或車仔帶番頭, 你又會講睇好佢地架啦...
咁都比你知道
因為我係向錢睇
作者: yoyo123456    時間: 2007-9-10 02:47 PM

of course, coz man.u don't even played against strong team yet !!



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0