Board logo

標題: 老孫今屆係曼城會唔會出場機會呀? [打印本頁]
作者: hongkongpeople    時間: 2007-9-15 09:17 PM     標題: 老孫今屆係曼城會唔會出場機會呀?

自從艾歷臣執掌帥印后,真係一朝天子一朝臣,老孫變成大后備,好似一分鐘都未係英超出過場喎? 唔知今屆佢有機會係英超出下場?
作者: Edgar_Davids    時間: 2007-9-15 10:15 PM

只要今晚曼城後防再有人傷, 因為鄧尼停賽, 老孫必有出場機會
作者: shehboy    時間: 2007-9-15 10:43 PM

寧願借走或賣走佢好過, 根本無心俾佢出.
咁樣只係磨蝕一個好球員的狀態, 浪費大家光陰.
作者: leety112233    時間: 2007-9-15 11:44 PM

Originally posted by shehboy at 2007-9-15 10:43 PM:
寧願借走或賣走佢好過, 根本無心俾佢出.
咁樣只係磨蝕一個好球員的狀態, 浪費大家光陰.
Agree

Or ask another Chinese to buy the Club!!
作者: 迷途小羔羊    時間: 2007-9-16 12:01 AM

Originally posted by leety112233 at 2007-9-15 11:44 PM:

Agree

Or ask another Chinese to buy the Club!!
以老孫既質素同經驗，使唔使要由個中國人做左英超球會l既老板先有得出呀？！
作者: amigofans    時間: 2007-9-17 12:15 AM

果時我同sport版第一大癲狗講, 老孫一定會被out,
奈何佢老哥鍾愛中國球員, 更認為老孫係亞洲最出色既外緩...

結果艾生上場, 打左6場英超, 老孫鬼影都唔見....

客觀講, 亞洲球員水準低, 中國球員更低...
老孫同鄭智都係"可以"果級, 球會無錢買人既時候,
當然樂意用佢地, 但人家有錢買人時, 又點會用佢地?
作者: captainpower    時間: 2007-9-17 01:07 AM

剛剛對維拉出咗來, 不過中左過黃牌.
作者: 奪命老妖    時間: 2007-9-17 11:23 AM

中國球員無論幾好波,都唔會俾到鬼佬好大信心
作者: 王晶    時間: 2007-9-17 06:51 PM

老孫轉會吧喇~~無記錯佢同曼城得番一年約
下年 他信又會注資好多錢入黎 因為佢想曼城踢歐聯
唔係老孫唔得 係當一個球會有左錢 就會有野心更上一層
當年李鐵踢愛記果陣 佢踢足一季正選咁滯
傷完踢都無得踢 點解?斷腳之後恢復唔番係一個問題 但係最主要係
愛記 開始做番中上游球隊 有得踢歐洲賽 + 賣左朗尼 多左筆錢
好自然會取締舊人 情況同曼城一樣 他信係泰國左貪右貪
佢D錢 你真係估唔到有幾~ 正所謂一朝天子一朝臣
依家好多曼城舊將都唔得大力神歡心
前幾個星期 大力神同記者講 唔賣老孫 比起其他人其實已經好幸運....
作者: sbbnuftne.    時間: 2007-9-17 07:04 PM

努力吧...總會有機會
作者: amigofans    時間: 2007-9-17 08:51 PM

Originally posted by 王晶 at 2007-9-17 06:51 PM:
老孫轉會吧喇~~無記錯佢同曼城得番一...
李鐵邊有打成季愛華頓呀? 正選上場好似都唔過廿場...
最好問下巨根果班拖肥之友啦!!

老孫咩水平, 心照啦, 中國人之中佢就好, 亞洲人之中佢係一線尾,
講到打英超, 兩個字, 平庸...

捧國家隊一件事, 好心D友仔咪癲啦, 比你做艾歷臣都唔會用佢做主力啦....
作者: 王晶    時間: 2007-9-17 10:51 PM

Originally posted by filter-052fans at 2007-9-17 08:51 PM:


李鐵邊有打成季愛華頓呀? 正選上...
我唔會好似d友仔 車d無煙大炮出黎  
如果你呢2年先睇英超我唔怪你 李鐵係唔係主力你自己睇

http://sports.sina.com.cn/s/2003-08-17/0430544252.shtml

老孫 的確係平庸 佢永遠唔會光芒四射 因為佢係工兵型球員
勤力同穩定 先係佢既特點 皮雅斯 同 雲拿保斯 都係鐘意佢呢點先用佢

如果佢學你講係亞洲一線尾

咁中田英壽係第幾線 中村又係第幾線?ALI DIAE?AZIZI?艾渣巴??呢D幾多線?
如果你睇佢落場 一定要超好技術
先計到佢係第幾線 咁只係代表你鐘意睇悅目既足球~
但我同你講 唔係個個要一個盤幾廿個先可以踢英超
任何一個聯賽都需要唔同類型既球員~

你唔想人盲目吹捧中國球員實力之前 你都唔好將英超神化到個個C朗咁先落得場先得架

[ Last edited by 王晶 on 2007-9-17 at 11:02 PM ]
作者: amigofans    時間: 2007-9-17 11:24 PM

Originally posted by 王晶 at 2007-9-17 10:51 PM:



我唔會好似d友仔 車d無煙大炮出...
又唔洗差能署我, 我up得出都唔sure, 所以先會話最好問下d拖肥友...
當然咩叫主力, 睇你點睇, 我覺得佢叫做常規球員, not 主力,
一季得16場打得晒全場, 主力? 仲有一堆比賽係後備上陣....
不過無謂爭論, 我想講都唔係呢樣野...

我無話要一個扭九個先踢到英超, 我都無神化英超, i'm not that fish...

我一路都話老孫同鄭智係"可以"果個級數, 即係可以係英超生存到!!
上面提到既李鐵, 果d咪叫生存唔到lor!!

我覺得老孫無錯係穩定, 亦有佢一定實力, 但大家唔可以沉醉係呢度,
然後就問中田英壽, 中村俊輔呢d係第幾線....

人家日本出左第一個攞意甲既亞洲人中田英壽,
仲出埋第一個亞洲人攞歐洲地方足球先生既中村俊輔,
人家南韓亦出左第一個攞英超既亞洲人朴志星,

當然大家可以安慰自己, 中國都好, 有老孫,
佢係第一個攞到英超入球既亞洲人.....

問人地d star係幾線? 咪攪笑啦...
如果人家要串, 串死我地中國人都得!!

乒乓球, 跳水, 排球呢d就可以認叻, 足球, 中國真係好低水平....

[ Last edited by amigofans on 2007-9-17 at 11:30 PM ]
作者: 王晶    時間: 2007-9-17 11:54 PM

Originally posted by filter-052fans at 2007-9-17 11:24 PM:


又唔洗差能署我, 我up得出都唔sur...
咁你既意思係  場場踢90分鐘先係 主力?
朗尼 C朗 亨利 謝4都唔得喇

中國足球水平低 都唔代表 佢地無一個球員可以踢英超
利比利亞 足球水平低唔低? 人地出到 世界足球先生
威爾斯都好廢 但係傑斯可以踢曼聯 由出山踢到收山


代表乜野? 水平低與否 不能代表該國有無好球員
我講出黎既亞洲球員 有幾多踢英超??
中田 有踢過呀 最後???但係 代唔代表 佢地廢?
NO! 因為合唔合適踢英超唔係 該球員是否 成功球員的標準
D契弟 鐘意用黎寸 咪由佢囉 佢係咁睇波 你控制到咩?

而且一唔一線 點定 ? 防守球員黎講亞洲邊個一線
我就夠膽話 老孫 係亞洲係一線球員  你差能署呢點 你數黎睇睇

[ Last edited by 王晶 on 2007-9-18 at 12:11 AM ]
作者: amigofans    時間: 2007-9-18 12:22 AM

Originally posted by 王晶 at 2007-9-17 11:54 PM:



咁你既意思係  場場踢90分鐘先...
要覺得李鐵係主力球員, 我就無咩好講...
主力? 隊波圍住佢砌出黎? 佢係 key person? 佢傷左好大獲?

我只係知道, 主力就唔會玩一季半季就被人投閒置散啦...
華朗都係曼聯重點球員, 玩足兩季唔o岩, 老費投降,
賣出去都仲有間車路士肯接貨, 李鐵? 鍚菲聯都唔要...
根本係一個完全失敗既例子....

再講老孫, 講左9萬次, 我係讚佢架大佬,
我講左9萬幾次佢完全可以夠班踢英超, 我係話佢只係平庸之輩,
佢呢d球員, 英超隨時可以搵兩打出黎,
只因為佢作為亞洲人, 中國人, 已經好夠水準....所以我地先談多兩句
即係埃及腳加利係熱刺無正選, 有屁人講咩...

我只係強調不可以覺得有得踢就叫好威, 我三番四次講,
要同人家相比, 同樣亞洲, 人地日本伊朗南韓球員早已大放光芒...
人地個個有獎牌係手, 我地有咩?

人地坐緊豐田, 我地重踏緊單車, 仲要講單車幾好丫, 穩穩當當...
呢 d 咪係大半世紀之前, 中國文壇巨人魯遜筆下既....阿q lor....
作者: 王晶    時間: 2007-9-18 12:55 AM

Originally posted by filter-052fans at 2007-9-18 12:22 AM:


要覺得李鐵係主力球員, 我就無咩...
係同一位置 超過半個賽季 都係正選 咁仲唔叫主力?
你唔好將主力同KEY PLAYER混淆得格 ~ 如果學你話圍住佢砌出黎果隻 叫重心球員
NOT 主力~~ 你搞錯左

一個幾好波既球員 經歷過2次斷腳 可以起番身踢好波既球員 世上唔係好多
我見最好例子 都已經係施斯 都要回流法甲 今時今日既李鐵 已經唔同左
斷過腳 心裡點都有重陰影 出腳就住就住 對一個出腳要狠辣既防守中場
無左呢種勇態 係無可能打得起 如果你唔了解前恩後果 只睇佢出唔到場 就定性為失敗
只能代表 你睇野睇表面~ 佢既英超生涯雖然短暫 但係佢係成功過 呢點不能沒殺
也不能 拎住呢樣野黎話佢失敗
再講老孫, 講左9萬次, 我係讚佢架大佬,
我講左9萬幾次佢完全可以夠班踢英超, 我係話佢只係平庸之輩,
佢呢d球員, 英超隨時可以搵兩打出黎,
只因為佢作為亞洲人, 中國人, 已經好夠水準....所以我地先談多兩句
即係埃及腳加利係熱刺無正選, 有屁人講咩...

我只係強調不可以覺得有得踢就叫好威, 我三番四次講,
要同人家相比, 同樣亞洲, 人地日本伊朗南韓球員早已大放光芒...
人地個個有獎牌係手, 我地有咩?
阿老友  係你之前
老孫咩水平, 心照啦, 中國人之中佢就好, 亞洲人之中佢係一線尾,
講到打英超, 兩個字, 平庸...
我無話過D乜 只係奇怪 你話亞洲人中佢係一線尾
咁我問囉 亞洲防守球員邊個一線頭~~
定係你 搵攻擊球員 同 防守球員 做compare?
而且我一直無否定 亞洲球隊 中國同日韓相比的確會被比下去喎
我只係話無論幾多金牌與否 同出唔出到好球員根本無關
作者: amigofans    時間: 2007-9-18 01:43 AM

Originally posted by 王晶 at 2007-9-18 12:55 AM:


係同一位置 超過半個賽季 都係正...
andy cole都唔只斷過一次, 仲一對腳比魯迪克踢斷晒,
人地英超入球超過100...

我唔知佢斷左對腳叫有幾大影響, 講老孫成功還可以,
李鐵呢d失敗個案都算係成功, 咁英超90%以上球員都係成功...
上季舒夫真高, 前季既摩連迪斯, 再前前季既華朗同科蘭都係成功...

我更加唔明一個唔肯定既位置, 咁都叫主力球員?
我估如果我話奧沙係曼聯主力, 卡奴係車仔主力,
一定比人話我痴線...

老孫果part, 咁仲唔係亞洲一線尾? 仲要分防守球員?
咩亞洲而家好多球員外流咩? 洗唔洗分埋年齡, 左右腳?

我無踩佢, 亦無捧佢, 事實佢係平庸, 講突出無佢份,
講差勁佢又係, 只係做到一個英超中下游球隊既常規球員...

我都捧自己國家, 但唔會咁自滿, 根本同人家水平差好遠,
咁叫好球員? 咁蘇格蘭足球先生中村叫咩球員?

無錯你講得o岩, 獎牌同個國家出到咩球員無關係,
但人地就係出到幾個star係歐洲發光芒,
我地中國就係無!!
作者: 迷途小羔羊    時間: 2007-9-18 01:56 AM

Originally posted by filter-052fans at 2007-9-18 01:43 AM:


andy cole都唔只斷過一次, 仲一對...
拿進攻球員同防守球員比較？
作者: amigofans    時間: 2007-9-18 09:25 AM

Originally posted by 迷途小羔羊 at 2007-9-18 01:56 AM:

拿進攻球員同防守球員比較？
咁笠臣成身都係螺絲, 佢又踢到波?

洗唔洗分到咁細致? 係咪要好似以下咁講野先叫做客觀中肯呢?

李鐵係30歲亞洲球員當中數一數二既一線防中,
183cm既身高同70kg重係亞洲球員防中30歲黎講非常有身形,
中國球員更係首屈一指, 佢係第一批登錄英超既國緩,
愛華頓當中既中國球員, 佢係最叻, 叻過李偉峰

但因為佢斷過腳兩次, 直接影響到一個防守球員既進步,
因為每每落腳殺波都有心理陰影, 呢點好無奈,
莫耶斯同愛華頓只好被迫放棄佢, 放棄呢個中場主力猛將...

咁樣公平未?

你地講老孫成功我唔會駁你地, 我話佢平庸無咩特出也好,
至少佢可以係英超站得穩腳, 就算曼城放棄佢,
相信仲有好多下游分子同英甲球會吼佢..

大佬呀,李鐵係英超都叫成功? 佢成功既, 打起左果個就唔係加維臣,
後者最高峰打到去皇馬, 李生, 去左邊?

有時已經唔明白咩標準,
中國d國腳全部平平無奇都要話佢地成功又好波,

咁劉翔, 張怡寧, 郭晶晶果d咪係神仙??
作者: 王晶    時間: 2007-9-18 10:23 AM

Originally posted by filter-052fans at 2007-9-18 09:25 AM:


咁笠臣成身都係螺絲, 佢又踢到波?...
我無話 老孫點勁 點勁喎~~
係你講 老孫係亞洲一線尾  咁原來亞洲防守球員仲有一班更強既"一線頭"
咁我咪請教你指個一線頭既出黎比我見識下亞洲防守"一線頭"有邊幾位囉
唔係我下下追求客觀中肯 你講得出黎 都引d例子呀

至於李鐵 佢踢到傷殘咁滯 養傷養一年半  出番黎已經踢唔番以前既水準
就算佢唔成功 你都唔好話佢失敗呀  你畫畫搵食既 我打斷你隻手
之後畫唔番好畫 你會唔會話你自己失敗先?

第二 依家既奧沙 同當年李鐵既重用程度完全不同  你翻查post果條link
除左 季尾 受傷既時候 絕大部份係正選出場 所以你用奧沙比較 完全唔合適

奧沙 的確唔係主力佢係替補 但係你會話 vidic 係主力 evra係主力 卡域克係主力
李鐵一季有27場正選上陣 話佢主力有咩問題??如果你又差能署既
咁以後 vidic evra 卡域克 叫哂做替補球員喇~

[ Last edited by 王晶 on 2007-9-18 at 10:27 AM ]
作者: amigofans    時間: 2007-9-18 02:57 PM

Originally posted by 王晶 at 2007-9-18 10:23 AM:


我無話 老孫點勁 點勁喎~~
係你...
而家係討論緊亞洲球員係歐洲既表現, 梗係無理由仲要計佢係後衛咁黎分啦,
要好似你咁計, 洗唔洗分埋佢係右閘, 佢係30歲球員黎計?
仲要用後防黎同佢分?而家歐洲好多亞洲後衛咩?

出得到去既亞洲腳, 都肯定係一線, 但如果再要分, 老孫都唔係一線尾?
咁我想問中村, 中田, 朴志星, 果d叫咩?

我一路講都話老孫如果以中國球員黎講, 佢係英超可以站一席位已經好成功
但你要爭論佢係亞洲一線頭根本無意思, 客觀有事實, 中國咩水平人所共知,
就算要講例子, 李榮杓上陣次數同能力都要比孫先生好,
所以人家由psv到今時今日既熱刺都仲有正選打...

去撐李鐵就更加攪笑, 咁樣都係叫係成功, 英超90%以上球員都係成功,
成功? 成功就唔會一季之後就不獲重用啦, 成功? 成功就唔會有個加維臣打起左啦!!

主力既定義, 係就算你傷, 停賽或者無狀態, 領導層仍然會以你為先比機會你, 舉例就加利仔係曼聯就被視為主力, 因為佢一傷愈, 布朗就會打番後備,
李鐵? 主力就唔會被人replace, 就算不知所謂 如果真係主力, 點都玩到兩三季 !!

傷左, 狀態唔夠, 會用第2d人代你, 而你好番唔會即刻比番個位, 要你去爭既..
呢d唔係叫做主力球員, 只係常規球員, 即係有得你玩個game, 但唔一定要有你!!
老孫, 鄭智, 朴志星, 李鐵李榮杓果d全部都要爭位既, 主力?
中村俊輔果d就叫主力啦....

要用首發多少去衡量一個球員是否主力就更唔o岩, 上文所講既奧沙,
相信佢最多首發既一年, 同樣係李鐵登陸英超既02/03球季,
佢正選上陣次數比李生更多, 可唔可以講果一季奧沙係曼聯主力球員?
奧沙只係打得好既, 繼續有得玩, 唔好既就後備...
可能大家"主力"既標準唔同, 所以無謂爭論....

但談傷患影響到佢好多, 也有相確, 首先講明我唔清楚佢咩咁大傷,
講錯可以提出, 但我所知佢只係斷腳, 斷腳已經係嚴重傷中較為易好番架啦,
佢傷既係大哨同蘇斯克查既十字韌帶? 定係堅尼成季唔出得既腰傷?
定話係史密夫既腳踝斷骨? 定係施斯一條腿斷開兩截?
點解人家仲嚴重, 好番之後行得走得又射得?

而且你好似肯定佢唔傷一定會有好表現咁, 佢未傷之前好突出表現咩??

我唔係踩自己國家球員, 我更應該覺得鼓勵佢地, 其實比起范將軍果代,
佢地已經更進一步, 但鼓勵還鼓勵, 也要認清個現實, 人家日本南韓伊朗球員,
已經有歐洲冠軍獎牌係手, 我地除左一隻手都數得晒既入球數字之外, 有d咩?

李偉峰徹底失敗, 李鐵同孫翔亦只係玩到一季,
老孫, 鄭智同邵佳一只能存活於護級分子,
董方卓未見進步, 一直只係預備組等運到.....

以上呢d都係客觀現實, 如果咁講都叫主觀, 真係唔知咩叫現實,
當然我唔會好似第d朋友咁勁踩小董呢d中國球員,
但我更沉醉係 "老孫打英超都成日有正選, 仲入過波, 都好成功架啦"
看清個現實, 唔好阿q!!
作者: 王晶    時間: 2007-9-18 05:33 PM

Originally posted by filter-052fans at 2007-9-18 02:57 PM:

而家係討論緊亞洲球員係歐洲既表現, 梗係無理由仲要計佢係後衛咁黎分啦,
要好似你咁計, 洗唔洗分埋佢係右閘, 佢係30歲球員黎計?
仲要用後防黎同佢分?而家歐洲好多亞洲後衛咩?

出得到去既亞洲腳, 都肯定係一線, 但如果再要分, 老孫都唔係一線尾?
咁我想問中村, 中田, 朴志星, 果d叫咩?
進攻同防守分開黎計好應該呀 根本無人會溝埋黎比 你有無見過人問 c朗好波定李奧好波咁呀?如果你應為咁計好正常 咁仲有得講既? 助攻 入波實唔夠你玩喇 人地打後衛既
再講 老孫打左7年曼城 上陣次數你估下邊個多 就我黎睇 杓哥同呀老孫 平起平坐JA喎
而且 "老孫係一線尾" 都係你提出既  依家你又話無意義
去撐李鐵就更加攪笑, 咁樣都係叫係成功, 英超90%以上球員都係成功,
成功? 成功就唔會一季之後就不獲重用啦, 成功? 成功就唔會有個加維臣打起左啦!!

主力既定義, 係就算你傷, 停賽或者無狀態, 領導層仍然會以你為先比機會你, 舉例就加利仔係曼聯就被視為主力, 因為佢一傷愈, 布朗就會打番後備,
李鐵? 主力就唔會被人replace, 就算不知所謂 如果真係主力, 點都玩到兩三季 !!

傷左, 狀態唔夠, 會用第2d人代你, 而你好番唔會即刻比番個位, 要你去爭既..
呢d唔係叫做主力球員, 只係常規球員, 即係有得你玩個game, 但唔一定要有你!!
老孫, 鄭智, 朴志星, 李鐵李榮杓果d全部都要爭位既, 主力?
中村俊輔果d就叫主力啦....
或者我講下李鐵點傷 當年番國踢國家隊賽事受傷 正正就係施斯果種 斷脛骨分開2節果隻 養傷9個月 岩岩康復既時候 代表愛記踢第2場預備組賽事 又比對方剷斷同一位置 又係脛骨
再養傷 7個月 姐係連續 一年五個月 要用拐杖行路 對一個職業球員黎講 一年五個月連運動都做唔到 佢就算操番起實力都大打節扣 就算佢再好波 一年零五個月呢段時間 作為一隊英超球隊 會唔搵人REPLACE?
你係領隊 你會唔會?? 家陣朴志星傷左菠羅蓋要長休 費SIR都買番D蘭尼 安達臣番黎喇
星仔 都係一兩季貨仔架JA 但我都覺得佢成功過 而且都係主力球員囉

成唔成功可能大家標準唔同  但你唔好話人失敗囉 運動員唔係機械人
副"計"壞左 有D野係整唔番~
亦都無人阿Q 話中國球員好強 呢個世界無咁多大魚
作者: amigofans    時間: 2007-9-18 11:15 PM

Originally posted by 王晶 at 2007-9-18 05:33 PM:




進攻同防守分開黎計好應該呀 ...
正常情況就梗係分開黎計公道啦, 但我都講左,
而家係討論緊亞洲球員在歐洲既表現,
我就係問你, 而家係咪好多亞洲球員o係歐洲打波呢?

仲要分開後衛黎講佢係一線頭頭 ?
如果咁分法, 假如范進業去左伯明漢打波,
我可唔可以講佢係亞洲一線頭?

如果亞洲球員黎講, 老孫都叫一線頭既,
攞過意甲既中田, 攞過荷甲既李榮杓,
攞過荷甲同英超既朴志星, 做到蘇格蘭足球先生既中村,
佢地係屬於亞洲一線既咩呢?

好明顯你標準唔同我, 亦有點偏離客觀,
所以我先講無謂爭論, 無錯係我提出老孫只係亞洲球員一線尾,
但唔認同要平反果個係閣下, not me....

講到何為主力, 根本就有客觀既標準, 你覺得朴志星呢d都叫係主力,
唔認同, 之前講過主力就係, 球會要重視你, 就算你傷就算你缺態,
球會仲會比機會你, 以你為先為主, 就叫主力...
如果主力要泛指到朴志星呢d都叫主力, 咁曼聯成隊大約有23 4個主力...

蘇斯克查傷幾季, 曼聯仲同佢簽約仲比佢機會上陣,
祖高爾傷足成年, 一番出黎又有機會佢打,
列納傷到要收山咁滯, 利物浦都比機會佢到最後一刻,
情況尤如現在既基維爾一樣, 利記仲唔掃佢出門口..
點解呢d會要比機會佢地呢? 好簡單, 因為人地有過好表現,
球會了解佢既實力, 佢地係主力, 球員可以為佢地等!

點解愛華頓唔會再比機會李鐵, 唔會浪費時間係佢身上呢?
更簡單, 因為佢唔係主力, 因為佢打左一季表現根本唔突出...

我好同情佢既遭遇, 但一樣還一樣, 失敗就係失敗 !!
我唔可以認同一個表現平平無奇既球員,
打左一季被out既球員, 叫做成功過 !!

如果李鐵都算成功, 咁淪為曼聯fans笑柄既科蘭都成功,
打左車仔一季88既泰亞高也成功, 施斯打左兩季利物浦又成功..

我其實唔係要挑戰你d咩, 你有你既睇法,
我只係想大家現實dd, 認清楚中國球員既實力同現實中既地位..
如果沉醉於現在小小既成就, 再過20年都無進步...

唔好忘記, 李鐵加盟愛華頓既原因, 係科健贊助拖肥糖果張約...

[ Last edited by amigofans on 2007-9-18 at 11:17 PM ]
作者: 迷途小羔羊    時間: 2007-9-18 11:23 PM

Originally posted by filter-052fans at 2007-9-18 11:15 PM:


老孫果part, 咁仲唔係亞洲一線尾? 仲要分防守球員?
咩亞洲而家好多球員外流咩? 洗唔洗分埋年齡, 左右腳?

我無踩佢, 亦無捧佢, 事實佢係平庸, 講突出無佢份,
講差勁佢又係, 只係做到一個英超中下游球隊既常規球員...

我都捧自己國家, 但唔會咁自滿, 根本同人家水平差好遠,
咁叫好球員? 咁蘇格蘭足球先生中村叫咩球員?
唔好成日以為人地提出質疑就係插你好唔好？

你睇下係咪你以老孫（一個防守球員），同中村輔晉（一個進攻球員）黎比？！

我亦無take side孫繼海成唔成功，只係想講你個比較有問題姐

我從來無講過李鐵果部份架，

真是不知你是有意轉移視線定係跟本唔會考慮人意見



想你清楚一點，唔係踢歐洲波既亞洲人少，就代表將佢地炒埋一碟比較

進攻球員有進攻球員既數據
防守球員有防守球員既數據

你諗清楚自己用緊中村的進攻數據黎同老孫既防守進據比較呢種方法公唔公平啦

諗多一樣野

艾力神係因為老孫唔夠隊中進攻球員般強而唔出佢

定係唔夠隊中防守球員般強而唔出佢啦

呢個可以令你諗清楚咩叫客觀比較

[ Last edited by 迷途小羔羊 on 2007-9-18 at 11:41 PM ]
作者: amigofans    時間: 2007-9-18 11:40 PM

Originally posted by 迷途小羔羊 at 2007-9-18 11:23 PM:


唔好成日以為人地提出質疑就係插...
大佬, 我好似講左一句老孫只係 "亞洲一線尾"
仲講過佢只係平庸質素, 我唔知咁講有幾咁唔客觀?
撐佢, 都要有野撐先得架...平平常常一條友,
我唔知要點先可以讚到佢上一線頭頭...

我真係唔明點解要分開佢係後防, 中村係中場, 唔可以相比,
而家講係成班亞洲球員黎計呀大佬....

選世界足球先生, 會唔會同你地分開後衛先生, 前鋒先生?

可能你地覺得  "亞洲一線尾" 呢句野係踩佢啦...

至於講李鐵果d, 你自己碌番上去睇下, 你覺得唔o岩聽再講...
作者: 迷途小羔羊    時間: 2007-9-18 11:48 PM

Originally posted by filter-052fans at 2007-9-18 11:40 PM:


大佬, 我好似講左一句老孫只係 &q...
球員選舉
是一個投票制度
投票就不是絕對客觀！
只是多數人的主觀意願都覺得某樣野是最好
不一定能客觀地反映事實

所以一人一票投出黎既最佳球員，
唔係一種十分客觀既比較
只是大部份人覺得佢既表現好

而家要做到客觀果個是你
點解你又講d咁唔客觀既野？
作者: 王晶    時間: 2007-9-19 12:07 AM

Originally posted by 迷途小羔羊 at 2007-9-18 11:48 PM:


球員選舉
是一個投票制度
投...
算喇算喇~~唔拗喇 唔拗喇~~
作者: amigofans    時間: 2007-9-19 12:54 AM

Originally posted by 迷途小羔羊 at 2007-9-18 11:48 PM:


球員選舉
是一個投票制度
投...
嘩, 你到底知唔知咩叫"客觀"架?
你所講既 "多數人的主觀意願都覺得某樣野..."
呢樣都係客觀既一個標準黎架....

算啦, 我根本用果個例子, 你好似唔係好明...

我話選足球先生, 都係唔會去分開位置同年紀同國家,
因為係以所有足球員黎去講ma, 我唔明點解以整體黎講會唔fair,
用中村同老孫比好唔公平? 點唔公平法?
打中場既, 不知所謂都會好波d? 打後衛既, 好波到爆都會被人忽視?
咁點解連續兩次世杯mvp都係後防? 因為人地出色lor...

亞洲球員一個整體黎計, 而家講緊亞洲球員係歐洲表現wor,
唔係亞洲後防係歐洲如何wor, 仲要用後防黎分開, 令到佢係一線一?

如果要咁分法先算公平, 好多球員都可以up到係頂尖兒,

我可以講到碧咸係球王, 因為以右中場加上果腳傳中計,

大佬, 唔好為左要讚而讚好無?
人家球員做得到一個歐洲地區既足球先生,
我地阿老孫只係打一隊中下游, 仲唔係必然正選,
仲要咩都無係手,

如果係要用後衛黎區分, 話到佢係亞洲頂級...
我有點汗顏...
作者: hongkongpeople    時間: 2007-9-20 12:56 AM

艾歷臣終於肯係花果山於番老孫出黎熱下身喇.............
作者: malung    時間: 2007-9-21 04:43 PM

買佢去伯明翰啦～佢幾好架，幫中國人打天下！
作者: hongkongpeople    時間: 2007-9-22 01:13 AM

老孫勝在係通天老官可以打好多位置,真係好駛好用架...........
作者: amigofans    時間: 2007-9-22 04:48 AM

Originally posted by hongkongpeople at 2007-9-22 01:13 AM:
老孫勝在係通天老官可以打好多位置,真係好駛好用架...........
打 d 中下游球隊咁ok lor, 其實嚴格講, 張張刀, 無一張利...
作者: shehboy    時間: 2007-9-23 01:27 AM

Originally posted by filter-052fans at 2007-9-22 04:48 AM:


打 d 中下游球隊咁ok lor, 其實嚴格講, 張張刀, 無一張利...
你最欣賞果個加利仔, 都係"嚴格講, 張張刀, 無一張利", 不過唔妨礙佢作為一個好球員, 平均,穩定(好似加利仔), 已經係一把利刀 ! 尤其是防守球員, 到有啲特別有一兩把利刀既, 好似卡路士咁, 你又話... 香港人淨係識鍾意啲一個過幾個既球星架咋...
作者: shehboy    時間: 2007-9-23 01:38 AM

老孫在亞洲球員之中係幾突出, 無講錯, 在英超球員中唔算好突出, 亦無錯, 拗甚麼 ?

佢絕對有級數可以做英超中下游球隊正選, 但好視乎競爭對手, 如果曼城係閘位增左精兵, 咁可能出場無佢份, 但唔代表去到同級球隊無得立足.

防守球員係比較難搶鏡, 用番閘同閘比, 我諗李榮杓仲係贏老孫少少, 但佢真係唔差, 如果為左爭拗, 就俾個 "" 佢, 唔多公道.

中國球員中, 只有鄭智同佢真正達到英超水平, 其他果d李鐵, 李瑋峰之流, 得啖笑咁啦.
作者: hongkongpeople    時間: 2007-9-23 02:10 AM

老孫其實唔差呀,作為后衛助攻都表現得唔錯吖....
作者: shehboy    時間: 2007-9-23 02:15 AM

多口講多句, 中國暫時仲未有中村, 中田, 星仔咁級數既球員, 當然唔應該見到中國球員就加哂感情分, 但亦唔好以為中國球員就係.

亞洲球員登陸英倫之初, 大概90年代末, 沙特阿拉伯靈魂艾查巴踢英冠狼隊, 唔掂, 伊朗三劍俠之一巴哈里踢查爾頓, 出得一場咁大把, 西澤明訓,稻本潤一踢英超, 死哂火, 南韓球員, 仍係一片空白, 仲有泰國薛高Senamuang, 印度球王Bhutia, 响英冠英甲都唔掂... 但當時范志毅, 孫繼海, 張恩華在英冠都打出名堂, 受到好評, 可以話, 英國入既第一批亞洲貨之中, 只有中國既球員係對辦既. 所以大家亦無須妄自菲薄.

[ Last edited by shehboy on 2007-9-23 at 02:28 AM ]
作者: hongkongpeople    時間: 2007-9-23 02:25 AM

可惜今屆艾歷臣又係今晚對富咸臨完場前七分鐘才俾老孫出黎執番些出場獎金!!!
作者: shehboy    時間: 2007-9-23 02:26 AM

Originally posted by hongkongpeople at 2007-9-23 02:10 AM:
老孫其實唔差呀,作為后衛助攻都表現得唔錯吖....
其實佢中場同後衛都踢得, 成日都截到對方啲波.
一個好球員, 球隊唔識用, 甚至唔肯用, 當然會令佢變得平庸.
作者: amigofans    時間: 2007-9-23 12:53 PM

Originally posted by shehboy at 2007-9-23 02:15 AM:
多口講多句, 中國暫時仲未有中村, 中...
你可以睇番我講語老孫果d野, 我從來讚佢多過彈...
我同你意見一樣, 佢同鄭智係可以立足英超...

但客觀講佢無張刀利, 係我無偏袒佢係中國人,
佢穩定係ok, 但無殺色之處, 平庸也...
加利仔平均得黎, 水平都係高於佢, 如果唔係既,
老孫唔洗踢曼城, 最少可以踢到愛華頓!!

因為我唔相信懷才不遇既, 只要你好,
你係愛斯基摩人也有大會向你出手....

完全同意你講, 中國球員有d係表現係唔錯,
可能英超(尤其英甲)唔係咁技術化, 可以比佢地立足到...

但我間中會潑下冷水, 係因為我唔明香港球迷咩心態...
有人會同我爭論, 李鐵係愛華頓主力, 亦係英超成功過...
撐一個完全失敗既個案都得, 但去到亞洲杯....

平平實力既中國輸波, 就比人媽到飛起...
董方卓亦一樣....一個後生仔, 好似當佢係大哨咁...

真係唔明, 唔明....
作者: hongkongpeople    時間: 2007-9-24 12:20 AM

鄭智係查爾頓真係越打越好喎,總好過董方卓係曼聯甘心打預備組!!!
作者: 王晶    時間: 2007-9-24 01:26 AM

Originally posted by filter-052fans at 2007-9-23 12:53 PM:


但我間中會潑下冷水, 係因為我唔明香港球迷咩心態...
有人會同我爭論, 李鐵係愛華頓主力, 亦係英超成功過...
撐一個完全失敗既個案都得, 但去到亞洲杯....
喂~你老哥叫人唔好睇得中國球員咁"堅"  咁你就唔好搵其他歐洲球員去同佢比較成功失敗喇  眾多亞洲球員黎講有幾多件出到正選 ? ok 佢唔成功 佢有咩失敗?阿星仔呢獲重傷完
以後無正選踢 你係咪話佢失敗先? 喇喇喇 你小心講呀 我book低佢  佢第日星仔 好番踢唔到正選 我話佢垃圾、失敗、完全失敗 你唔好出聲

仲要搵過攻擊球員同個防守球完去比較級數  你汗顏?我一地都係汗tim喇
家陣老孫真係三張野開始走下波既時候 你就走出黎話佢無正選 未夠班
場場正選果幾季你未睇波咩?搵走下坡既時間黎比黃金時間既球員 我汗唔汗顏??
仲要搵 唔同位置既球員去比較 你真係夠哂"嚇"觀呀
再講唔同國家聯賽 有唔同風格 呢點好多人都知
係蘇格蘭拎足球先生 係應該拍掌 但係唔該你又客觀少少去睇
我記得阿生 你自己都講過 蘇超球隊 落到黎英超 分分鐘都係護級份子
個聯賽低幾班 又拎黎比較  你係咪好嚇觀?

就算我係為而讚都好  都只係因為有人為彈而彈~自己唔得客觀 就去教人客觀去睇
同條神魚有咩分別  唔怪得全26fun得你一個欣賞佢
作者: amigofans    時間: 2007-9-24 02:10 AM

Originally posted by 王晶 at 2007-9-24 01:26 AM:


喂~你老哥叫人唔好睇得中國球員咁...
第一, 我好似無講過老孫唔夠班, 我咁耐都係言論一致,
佢只係平庸質素, 但水準穩定, 態度積極, 中國腳之中,
佢同鄭智絕對可以係英超立足,

第二, 主力呢個字根本已經有客觀標準, 我唔想要咬文嚼字,
你可以試下同人講, 朴志星係曼聯都係主力,
李鐵打愛華頓果時都係主力, 睇下個世界有幾多人認為主力係咁解讀..

第三, 我唔可能係中國人就話李鐵係英超成功過,
佢之加盟愛華頓完全係科健贊助果張合約,
而且傷患根本唔係被棄用既關鍵, 你睇卡希爾果d就叫主力啦,
等都等到你好番, 你一出番黎, 無態也好都會比你踢!!
你可以同人講, 李鐵係英超唔係失敗過案, 睇下有幾個人認同...

第四, 我唔明白, 話老孫係一線尾有咩問題?
一線, 我有踩佢咩? 有亞洲球員攞過意甲英超荷甲蘇超,
仲有好多係球會中地位同作用, 都比老孫高既亞洲球員,
唔通我要為左讚佢係一線頭, 再同佢分開年紀同位置?
如果咁講, 我可唔可以話加利仔係英格蘭球員既一線一?
後防黎計, 30以上黎計, 右閘黎計wor,
我估咁講一定比人笑爆個咀....

有時可以試諗下, 唔好當老孫, 李鐵呢d係中國人, 當佢地係一個英國佬,
相信講出黎既野, 有另一番睇法....

最後一提大魚, 佢玩野你地當真, 講真果時你地當佢玩野,
我唔服佢, 服邊個? 係度講得多, 我都明佢點解要玩野,
我有時都覺得好吹脹, 我係有碗話碗有碟話碟,
都話我主觀?

良性討論, 歡迎賜教
作者: 王晶    時間: 2007-9-24 11:05 AM

Originally posted by filter-052fans at 2007-9-24 02:10 AM:


第一, 我好似無講...
主唔主力呢個字眼問題的確唔需要針著 但係李鐵失敗呢個字 完全談唔上囉~之於成功 作為首批亞洲球員踢英超 而且經常性有正選踢 有幾多個做得到?
到今時今日可以話勉強叫做經常性正選既亞洲球員 你自己都數得出
背後有幾多 坐冷板坐一季執野走人?稻本潤一?川口能活?李偉鋒?巴哈里?艾渣巴?
咁以上呢D又點? 咁點都比佢地成功喇瓜?咁點都唔夠佢地失敗係咪?
第四, 我唔明白, 話老孫係一線尾有咩問題?
一線, 我有踩佢咩? 有亞洲球員攞過意甲英超荷甲蘇超,
仲有好多係球會中地位同作用, 都比老孫高既亞洲球員,
唔通我要為左讚佢係一線頭, 再同佢分開年紀同位置?
如果咁講, 我可唔可以話加利仔係英格蘭球員既一線一?
後防黎計, 30以上黎計, 右閘黎計wor,
我估咁講一定比人笑爆個咀....
年紀可以唔分 但係位置就梗係要分
如果唔同位置可以用黎比較高低 咁你答我你用咩黎衡量一線?
地位? 全亞洲留洋4大聯賽時間最長 目前係老孫
連續7季上陣時間過半 亦係老孫 呢個紀錄印象中佢仲係第一位
你所講果D意甲冠軍英超冠軍隊成員依家變成點 佢地依家既地位又係點 你自己睇
蘇超 荷甲果2隊落去踢英超又會點?
我當然唔係話踩佢地 但係你同我講佢地位點重要法 係咪有D搞笑
有D聯賽水準唔同 有D場上位置又唔同 再講你所講既一線球員名額有幾多
3件?4件?5件?第6件就一線尾 第10件就二線?咁成個歐洲一線球員係咪得10個唔夠?
其他全部二線

第二 唔好係度混淆 歐洲黎講一堆球員會比加利仔優勝得多
但係唔好將歐洲同亞洲黎比 亞洲防守球員 老孫可以講係頂班
你咁樣比較 的確笑爆好多人個咀
你一時叫人自量一下亞洲球員既水平 一時又叫人用英國人身份去睇佢2個
阿老友 你開邊飯架



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0