娛樂滿紛 26FUN - Powered by Discuz! Board

標題: 老老實實,環觀整個歐洲我覺得只有兩隊係對曼聯最有威 [打印本頁]

作者: alanfcw 時間: 2008-2-5 01:22 PM 標題: 老老實實,環觀整個歐洲我覺得只有兩隊係對曼聯最有威

呢兩隊分別黎自西班牙同英格蘭
就係皇家馬德里同車路士

先講車仔
佢地雖然今季主力輪流傷
不得不承認車仔後備質素一定俾曼聯好
依家佢地冇話冇左邊個唔得
差點就能做出10連勝
唔好話車仔強陣出擊
就算依家既陣對曼聯都係五五波
雖然話季初曼聯贏過車仔 2:0
但係我一d都唔覺得開心
一黎摩佬岩岩落台+主力受傷
軍心大亂,係曼聯主場輸係正常
如果佢地今年順順利利
可能榜首已經係佢地
其待下次英超,車仔可以full team 迎戰曼聯!!

再講皇馬
皇馬西甲打成點,大家都知
雲佬,羅賓奴,史奈達,魯爾,巴迪斯達,洛賓.......佢地既能力絕對不用解釋
我之前都開過post話如果皇馬盡全力打唔打得贏曼聯
估唔到咁大回響,仲要俾人串添~

大家一致都話皇馬必勝/勝算較大
不過呢一刻我就覺得五五波,
今時今日皇馬既實力
真係有力稱霸歐洲
如果曼聯係歐聯有機會遇上皇馬
真係靠邊隊夠穩
十分期待呢場大戰

講完呢兩隊
咁.....
阿仙奴
利物浦
巴塞
ac米蘭
國際米蘭
.....等等咁點呢?

阿仙奴
不嬲都係曼聯宿敵
場場都係大戰
季初當fit既阿仙奴主場迎戰曼聯
兩度落後
補時先追平
你話有冇主場失威就梗有
過往打過咁多場
贏,輸,和既次數大家都係差唔多
不過平均黎講我覺得曼聯發揮得比阿記好
看看下次缺少朗尼的曼聯再次作客阿仙奴會係點

利物浦
昔日強敵,
估唔到依家攪成咁
可惜可惜
費蘭度托利斯唔加盟曼聯真係晒左(自己另加意見)

巴塞
巴塞攻力強就梗,唔強就新聞
但係佢地後防真係好唔穩
今年表現又飄忽
亨利都唔係以前個亨大帝
朗甸更加唔洗講
最有威脅都係美斯
不過睇實佢巴塞都技窮
如果曼聯對巴塞
即管同佢鬥攻

ac米蘭
今時今日既ac米蘭,大家有眼睇
基本上沒可能再贏曼聯3:0
當時歐聯4強大戰
如果唔係軒斯同艾拉既多番失誤
絕對無可能俾ac偷到雞
就算加度素凍結c朗都冇可能輸3粒

國米
講住積,曼聯稍勝
今時今日既國米都唔可以睇少
雖然大賽發揮一般
伊巴一夫當關
但係我有信心
兩軍對壘
曼聯既後防一定可以mark到佢

作者: iknow 時間: 2008-2-5 02:04 PM

其實...皇馬後防同冒塞後防都係慌失失...
AC威脅會大過皇馬...

作者: fabric 時間: 2008-2-5 04:41 PM

都係個句"波係圓既"

作者: wer 時間: 2008-2-5 05:11 PM

Originally posted by fabric at 2008-2-5 16:41:
都係個句"波係圓既"

吹到嗰3隊好似好勁,
但是我唔覺得他們勁過其他強隊好多

作者: 托迪仔T 時間: 2008-2-5 05:53 PM

冇一隊球隊可以話係好勁既.....-_-
每隊每場波既表現都唔同.....
佢地既強弱除左受人腳影響之外...狀態同運都好重要...
老實講....要比較球隊既強弱似乎冇咩必要...

作者: yeung hiu he 時間: 2008-2-5 06:20 PM

樓主, 其實我覺得廠仔都是一支可以威脅到紅魔的一支球隊!
其實今季享利離開,好多人會覺得廠仔無哂威脅, 但事實是剛剛相反,
一班年青球員越來越成熟, 尤其是法比仔, 艾迪巴約, 法明尼等等,
雖然廠仔有一段時間低沈, 但是他們好快就穩定上來, 尤此可見
他們有一定威脅, 另外我覺得廠仔的一個原因是他們就算無了一些主力
都可以保持狀態, 相反紅魔無左C朗或朗尼, 就好像唔識踢波咁!
因為紅魔的入球大多數都是C朗同朗尼, 無左一個就唔識入波,
呢個已經是他們的缺點, 相反地廠仔個個都識入波, 呢樣紅魔已經輸左啦!

此外車仔之所以可以威脅到紅魔我覺得只是錢作怪, 成隊波好似玩WINNING咁買哂D 勁人,
無錯車仔真是一支強隊, 但自從摩帥走左後, 又成隊傷兵, 現家又非洲國家杯,
車仔只夠D 後備力量, 無疑這是他們的缺點!

另外樓主數少左支拜仁, 雖然呢支德甲勁旅今季無得打歐聯,
但是他們下一季一定會打歐聯, 經過上季四大皆空後,拜仁積極
買人, 買左高路斯, 東尼, 列貝利, 這三條友在德甲上半季已經證明左
拜仁仍是一級勁旅, 所以拜仁也不能忽視!

至於巴塞今季真是令人失望, 細哨迪高缺態, 享利不復當年勇, 山度士保贊未夠經驗,
只有美斯, 今季難有寄望!

皇馬陣中球星如雲, 魯爾, 史奈達, 雲佬, 羅賓奴.....以他們現家的陣容今年都好大機會問鼎歐聯冠軍, 近況不是太差, 只是剛剛輸左一場聯賽, 但以他們的實力是完全可以威脅所有歐洲列強!

AC 近排受盡傷兵困擾, 如果AC 無病無痛, 都是一支可以威脅紅魔的球隊,
但衰在條老人防線!

國米時好時壞, 在意甲有時打得好有時打得差, 出到去歐聯直頭唔識贏波咁!

最後利物浦我從來不放這支球隊在眼內, 原因一賓帥太黑人憎, 原因二現家
利記聯賽都危危地, 佢地之前幾季都是靠LUCKY才贏到歐聯冠軍!

作者: 會員仔 時間: 2008-2-5 06:31 PM

硬係要講邊隊勁過邊隊其實我覺得真係幾無謂(個人意見ONLY無心批抨任何人)，
歐洲咁多隊一線強隊，每次對戰都一定會有話題架啦，球迷鍾意牙較戰係好正常，不過對比真正落場既球員相信又係另一回事，我成日都覺得呢D邊隊勁過邊隊都只係口講無憑，真正落到場先見真章；

再加上每次比賽都會有唔同既環境因素而直接/間接影響到球隊既發揮，球員受傷賽程頻密程度球隊內部士氣負面新聞球員狀態...等等等等每次都唔同，其實硬係要直接咁對比一隊強隊比另一隊強隊高/低都幾...唔夠成熟...

每隊波都有名自既發展同復興，際遇都唔同，唔通皇馬貴為歐聯奪冠次數最多既球隊就係天下無敵?國米咁既強勢會有人話佢地差過曼聯?抑或贏過AC囉歐聯、曾將巴塞淘汰出局既利物浦其實唔係歐洲一線強隊咩?而未囉過歐聯既車路士又會有人敢睇低佢地咩?

相信如果真係最終硬係要分邊一隊強隊比邊一隊好的話只有一個方法，就係睇下前G14(最近正式解散左既18間富豪球會聯盟)所提出過既"歐洲超級聯賽"喇...等皇馬巴塞AC國米拜仁車仔利記阿仙奴曼聯里昂呢D歐洲一級球隊踢，邊隊降班或者真係得到想要既答案既...

作者: kakeidevil 時間: 2008-2-5 06:39 PM

閱下請留意版面每日最多發貼數量！

作者: chanhoyingap 時間: 2008-2-5 09:10 PM

唔知點解呢個post比我既感覺
係一個偏袒某球隊既人係到亂講野

作者: 奇 時間: 2008-2-6 10:34 AM

巴塞
巴塞攻力強就梗,唔強就新聞
但係佢地後防真係好唔穩
今年表現又飄忽
亨利都唔係以前個亨大帝
朗甸更加唔洗講
最有威脅都係美斯
不過睇實佢巴塞都技窮
如果曼聯對巴塞
即管同佢鬥攻

今年後防仲弱?
佢地入唔到波反而仲大問題,睇下eto歸隊有無改善,唔係真係踢美斯一個

作者: 天空堡主 時間: 2008-2-6 12:52 PM

巴塞暫時只是失左14球,是西甲最少的一隊,表現OK,在進攻方面,我反而覺得伊度奧的影響力更大,在之前數季,他在沒有受傷時,表現更勝細哨(個人意見)

作者: iknow 時間: 2008-2-7 03:46 PM

Originally posted by yeung hiu he at 2008-2-5 06:20 PM:
樓主, 其實我覺得廠仔都是一支可以威...

AC呢條後防線, 雖然係慢慢慢同老老老
對住唔少球隊都出下羞...
但近兩次對曼聯...
果班老人家都異常穩定, 組成左一條堅固的防線...
加上果個上晒身ge卡卡...對親AC真係特別驚...

作者: AshleyCole 時間: 2008-2-7 05:32 PM

先唔好講呢d = =
曼聯只要C朗死火
就成隊死晒火
一人球隊走唔得遠

歡迎光臨娛樂滿紛 26FUN (http://26fun.com/bbs/)