娛樂滿紛 26FUN - Powered by Discuz! Board

標題: 九龍灣工廠靈異事件 (切切實實-真人真事) [打印本頁]

作者: morikanekkk 時間: 2008-4-21 09:47 PM 標題: 九龍灣工廠靈異事件 (切切實實-真人真事)

呢件事發生係3年前左右0既, 我公司係九龍灣宏開道,
一座叫景X 0既一座11層高工廠大廈, 原本只有9樓一個貨倉, 因為貨倉唔夠用0既關係,
就係3樓另外新租一個單位, 先講講呢個有問題0既3樓倉, 倉外0既走廊佈局先,
佢係一條"L"字形0既走廊, L字0既底部, 係4部電梯,
每次出電梯都要轉180度向番後行先到單位, 而公司租黎做倉庫有問題0既單位就對正走廊0既盡頭, 對正整條走廊.
倉門0既旁邊, 有一個凹位, 係FOR轉入同倉門成一直線0既防煙門,
所以我地彎身開卷閘, 係睇唔到防煙門入面, 有無人企左係道, 係自身安全上, 都已經有D隱憂.

而我身處0既寫字樓係係5樓, 3樓呢一層唔知係唔係因為單位比較少0既關係,
佢係比起我地有同時使用0既5樓同9樓靜好多, 而且燈光亦比較暗,
  3樓有一個幫學校制飯盒0既廚房, 只有呢個廚房先叫做人氣旺一D, 提外話, 奇怪0既係,
呢個廚房除左熱力之外,  我每位同事, 係佢地打開門而且運作緊0既廚房行過,
都從來無聞到過任何煮食物0既味道. 而呢間廚房到依家仍然存在.

再講番我公司出事0既呢個單位, 呢個單位, 其實係有兩面直排大窗,
單位都頗為光猛, 所以我地都無聯想過有咩怪事會發生. 租用0既初期,
我地已經發現倉門有漬水, 但我地不都不以為意, 而呢個倉因為唔係擺放主要貨品,
所以都係有須要0既時候, 先有同事落倉搵貨. 使用初期有好幾次,
同事須要留守倉內做一D貼LABEL之類0既工作, 很多時佢都會見到門底外有人停留, 停留一段時間就走,
同事有時好奇行埋門眼睇, 但永遠就睇唔到有人, 再番埋工作位置又會再次見到腳影,
我地最初都安慰自己只係管理員逛樓就算. 而呢種奇怪事, 亦都無間斷咁一直發生. 後黎其他奇怪0既事開始陸續出現,
例如係倉0既一邊做緊野, 另一邊會有物件移動0既聲, 跌物件聲等等. 甚至乎,
最後一位離開0既同事, 佢第二朝第一個開倉發現, 竟然有d成8,9公斤0既貨,
本來係細箱區0既貨, 竟然比人移動左10幾呎遠. 移動到去左放大箱0既地帶. 門口漬水0既事,
有同事好奇下, 尋訪樓下0既單位, 發現其實同樣都係走廊0既位置,
到底漬水點解會經常出現, 我地都唔明白. 有同事甚至講笑咁講, 係鬼水凶靈. 其間,
有同事唔知係唔係驚得制, 係無辭職0既情況下, 無再番工. 之後請左位新同事,
係無同佢提及倉庫有呢D怪事0既情況下, 佢亦感覺得到呢個倉唔係好尋常,
呢個倉, 由於倉近門口位置0既光管比較遠, 為左有利我地出貨前點算貨件,
公司打算加裝番一兩支光管, 呢位雖要經常落3樓倉0既新同事,
奇怪地竟然極力反對, 問佢原因, 佢只係答: 唔須要.

其實以上種種, 都不至於有勿野值得我地非常恐慌, 再落黎0既日子,
真正恐怖0既事開始黎, 我地公司三層樓都有內線電話接通,
有一次有同事打電話落3樓比倉做緊野0既同事0既時候, 佢聽到通話中, 同事0既背景聲, 有人講野,
係女人0既聲, 但就聽唔出對方說話0既內容. 我地只有兩位倉務員都係男同事黎0既,
咁呢把女人聲係邊個黎呢? 呢位做完野0既3樓同事番上9樓倉, 不意為意, 講開發覺,
當其時, 只有佢一個係3樓單位內. 並無任何其他人. 呢種聽到有其他人存在0既聲,
接二連三咁發生, 事件越黎越開始明顯, 有一次同事去完3樓番上9樓倉,
9樓0既倉同事坐位係背住入門位置, 佢聽到0岩0岩番黎0既同事,
係同一個女人傾住計咁番上黎, 佢下意識以為係同寫子樓0既女同事上黎.  但擰轉面, 就只見到佢一個,
問佢頭先同邊個講野, 佢話無, 只有佢一個上黎, 亦曾經試過, 同事打電話落倉,
打一次, 比人CUT線, 打第二次, 比人再CUT, 打第3次,
呢次甚至比對方"廊"起左個電話, 而其實個同事, 跟本係無落過3樓,
佢只不過一直係9樓0既TOLET如廁緊. 大家戰戰驚驚咁, 一齊走落3樓查明原因, 就竟然見到聽筒,
係無人到過0既情況下, 比人拎起左, 放係檯面. 令人毛骨悚然. 怪事不斷咁發生,
而且一次比一次嚴重, 記得呢次正係打緊一號風球, 雖然係一號風球,
但果日天色好黑, 而且仲行雷閃電咁, 係呢一日, 電話事件, 由簡單0既只到背景講野聲,
變成, 同事至電落佢唔知無人0既3樓倉, 當時有人接聽電話, 呢次無CUT線,
令人標冷汗0既係, 竟然突然有把好尖0既女聲, (HEHE~~~) 咁係聽筒邊笑左一聲.
嚇得係寫字樓位女同事連電話都掉左. 因為全公司0既女同事都係哂5樓0既寫字樓,
佢當然知把聲係咩野黎. 同日, 我本人, 亦都係落3樓出電梯後轉彎0既牆邊,
冷不防見到一個透明水狀0既人形, 好似係不為意我突然由電梯行出黎咁,
佢立即背貼牆, 雙手按住牆身, 閃避我咁, 可能同我身上帶有護身0既物品有關.
由於我趕住工作上0既野, 所以我當時係行得好快, 回頭幾秒間, 透明人已經消失左.

到最後, 因為事件亦都鬧得越黎越大, 公司都安排短時間內搵地方搬,
係搬走0既當日, 本來長期唔係香港0既老闆都親身番黎, 親自裝香拜祭,
仲要倉0既同事係單位留守, 由搬倉0既第一箱開始一直點香, 直至最後一箱都搬走為止.
事件亦就始結束.

作者: coolala2005 時間: 2008-4-22 01:59 AM

真人真事請註明[真事] ,轉貼請註明[轉貼],

有圖片的請註名[圖片], 要同版友討論請註名[討論]

歡迎光臨娛樂滿紛 26FUN (http://26fun.com/bbs/)