娛樂滿紛 26FUN - Powered by Discuz! Board

標題: [轉貼]串老師的9個方法 [打印本頁]

作者: bestgerrard2 時間: 2008-7-8 10:24 PM 標題: [轉貼]串老師的9個方法

情境1：某某同某某同學係堂上面傾計，老師就話佢地。ｘ老師：「你地係到傾緊乜？」同學甲既回答：「我地傾緊既題目係：ｘ老師即係你今年幾多歲？Ａ：５０歲　Ｂ：６０歲　Ｃ：７０歲　Ｄ：７０歲以上。你可以用５０５０／問現場觀眾或者打電話問朋友～」同學乙既回答：「我傾緊乜關你乜事？你又唔係我阿媽又唔係我阿爸。」同學丙既回答：「係心理學角度黎講，我傾乜野我係無可能話你知，因為如果我話左比你知，咁你就會罰得更重，所以你咁問法好蠢。係法律上黎講，你同我非親非故，無權過問我傾緊乜野，就算你問我我都有權不回答～」
情境2：某某係堂上傾計，於是被老師罰留堂落堂時，ｘ老師：「上堂傾乜野計？放學ｏ個陣時你唔走得！」同學甲既回答：「老師～如果我唔走得咁我咪行囉，再唔係我就搭車返屋企，使唔使咁惡呀！」同學乙既回答：「我鍾意傾咪傾囉！我鍾意走咪走囉！你唔通用條鐵鍊鎖住我？」同學丙既回答：「係法律上黎講，香港係有言論自由，就算無，你無憑無據就咬定我傾計，咁係冇效力既～除非你搵出證據證明我有傾計，否則唔好話我傾計～」

情境3：某某係堂上訓教。ｘ老師：「訓教？你係唔係嫌功課太少？」同學甲既回答：「我唔係嫌功課太少，只係想同周公做番盤棋，本來我將軍抽左佢隻車，點知比佢隻炮反咬左一啖，本來就輸想走～但係周公唔比我走呀～不過好彩你幫我～唔該晒～～～～」同學乙既回答：「Ｉ　ｌｉｋｅ　訓教～你吹咩～比多ｄ功課我丫笨。」同學丙既回答：「老師，請你訂立『訓教』同『嫌功課太少』既定義，頭先我認為我自己只係閉目養神，並唔算係訓教。我都唔知道『嫌功課太少』既定義，又點會嫌功課太少？就算我係你所講既『嫌功課太少』，我都唔知道自己係『嫌功課太少』，ｓｏ呢題我答唔到你～」

情境4：某某欠做功課簿。ｘ老師：「你點解唔做功課？」同學甲：「就係因為你地呢ｄ咁既人，大量使用紙張，搞到ｄ樹木冇晒，我呢個環保使者，當然要為ｄ樹木出一分力～」同學乙：「做功課好麻煩，不如去ｄｉｓｃｏ到玩仲好啦！」同學丙：「我有做功課，只不過呢樣冇做，所以你唔好用『唔做功課』呢類字眼黎形容，仲有，係香港唔係話你想我做我就一定要做，如果你想有呢條法例，你可以到立法會ｏ個到傾下，而唔係問我：『你點解唔做功課？』」同學丁：「做每樣野唔係人地叫你做你就去做，你要先判斷你做既呢樣野有咩用？好唔好？合唔合理？而做功課基本上可以話係冇用，浪費我ｄ時間用精力，咁係非常唔合理既一樣野～」

情境5：某某交白卷ｘ老師：「你做乜交白卷？」同學甲：「我冇交白卷呀！你睇下，我有寫名，班別又有寫學號！」同學乙：「唔識做咪交白卷囉，你問黎都多餘。」同學丙：「請你睇清楚份卷，佢上面有寫問題，唔係空白一片，你唔好話我交『白卷』，仲有，係心理學角度黎講，唔做份卷既原因有好多，而我唔做份卷既原因就係香港法律並沒有提及唔可以唔做份卷，如果尚有唔明白請睇睇基本法。」同學丁：「天下之大，無奇不有，交白卷好出奇咩？」

情境6：出貓被老師捉到
ｘ老師：「你居然出貓？」
同學甲：「老師，我都冇養貓，點出貓呀？」
同學乙：「Ｉ’ｍ　ｌｏｖｉｎ　ｉｔ～」
同學丙：「係心理學角度黎講，只要你唔想溫書又想１００分就會出貓，呢樣野係好正常既～而係香港法律入面，冇提及唔可以出貓，所以請你下次見到我出貓都唔好搞我，如果唔係怕你會被人告你騷擾～」
同學丁：「出貓呢樣野實在係人生一大樂事，出貓可以訓練眼界，反應力，應變能力，何樂而不為？」

情境7：篇文作得唔好
老師：「ｘｘｘ你篇作文作得好差！重作！」
同學甲：「老師，咁到底我作得『好』定係『差』呀？仲有，如果我篇文作得差，作多幾次都係差嫁啦！晒氣。」
同學乙：「點解我要聽你講？」
同學丙：「老師，好差既定義係乜？如果我篇文真係你所講既『好差』又點？香港法例冇講明篇文作得好差要重作，再講，香港係一個自由社會，重唔重作係我自己話事～你冇資格命令（想ｉｎ　ｄ命令改做ｏｒｄｅｒ會好ｄ）我去重作～」
同學丁：「你呢ｄ人識得ｄ咩？呢ｄ先叫作得好！」

情境8：試卷０蛋
老師：「ｘｘｘ你搞咩呀？你份卷食蛋呀！」
同學甲：「老師，份卷又冇口又冇消化系統，點食蛋？」
同學乙：「食蛋又點？個天會跌落黎咩？」
同學丙：「老師，請你講清楚『食蛋』係咩意思，唔係我唔會明，仲有，香港法例邊條講明唔比食蛋？請你證明食蛋就係搞緊野，我學左咁耐邏輯學我都唔明點解食蛋就係搞緊野，如果你證明到，我就會向人申請，將呢個定理發出去～等全世界都知呢個定理，到時你實會多謝我～」
同學丁：「一張純白潔淨既紙，整污糟太可惜啦！」

情境9：遲到，老師質問你
老師：「點解你遲到？」
同學甲：「你想要既答案應該得一個『我訓過龍』，所以我就答你『我訓過龍』。」
同學乙：「唔想早到，唔想準時，所以就遲到囉！廢話！」
同學丙：「『你遲到』呢３個字點解我識少少，你遲到＝你加遲加到，之後我就唔知啦～老師你不如教下我啦～～～～」
同學丁：「多數主角都係最後出場架啦！」

作者: lkhlkh 時間: 2008-7-9 01:41 AM

同學丁：「多數主角都係最後出場架啦！」
e句好正ar 不過唔知咁答有咩後果^^"

作者: RNRSKY 時間: 2008-7-9 03:08 AM

" 同學丁：「出貓呢樣野實在係人生一大樂事，出貓可以訓練眼界，反應力，應變能力，何樂而不為？」"

好句!
點解我當年唔識咁答..........

作者: 乂小林乂 時間: 2008-8-27 03:32 PM

「係法律上黎講，香港係有言論自由，就算無，你無憑無據就咬定我傾計，咁係冇效力既～除非你搵出證據證明我有傾計，否則唔好話我傾計～」

老師，請你訂立『訓教』同『嫌功課太少』既定義，頭先我認為我自己只係閉目養神，並唔算係訓教。我都唔知道『嫌功課太少』既定義，又點會嫌功課太少？就算我係你所講既『嫌功課太少』，我都唔知道自己係『嫌功課太少』，ｓｏ呢題我答唔到你～」

「唔識做咪交白卷囉，你問黎都多餘。」

「老師，咁到底我作得『好』定係『差』呀？仲有，如果我篇文作得差，作多幾次都係差嫁啦！晒氣。」

「食蛋又點？個天會跌落黎咩？」

「多數主角都係最後出場架啦！」

呢幾句都唔錯

作者: hui1991 時間: 2008-8-27 09:49 PM

唔錯

作者: pc_freedom 時間: 2008-8-29 10:50 AM

super bor =)
it is really 串
i support u =)

作者: abc123sa 時間: 2008-9-15 01:34 PM

現實中好難用到

歡迎光臨娛樂滿紛 26FUN (http://26fun.com/bbs/)