娛樂滿紛 26FUN - Powered by Discuz! Board

標題: 祖兒、阿詩黑面齊藐謝安琪 [打印本頁]

作者: wkyjason 時間: 2008-12-29 01:17 AM 標題: 祖兒、阿詩黑面齊藐謝安琪

不屑與後輩平起平坐
祖兒、阿詩黑面齊藐謝安琪

今年憑一曲《囍帖街》大發神威的謝安琪（ Kay ），走勢直逼一眾天后，前晚 Kay更在新城頒獎禮上勇奪 4 獎，緊貼得 5 獎的大贏家容祖兒，並與楊千嬅及何韻詩（阿詩）等一線女歌手看齊，陳奕迅（ Eason ）更出口力撐指 Kay 可與祖兒一較高下。祖兒和阿詩這對緋聞好友似是感到威脅埋身，前晚在慶功宴上不約而同排斥 Kay，擺明車馬阻她上位。

今年第一張樂壇成績表「新城勁爆頒獎禮 2008 」，前晚在亞洲國際博覽館舉行，賽果一如所料由陳奕迅及容祖兒各得 5 獎成為大贏家，但謝安琪卻憑《囍帖街》勇奪勁爆年度歌曲大獎、我最欣賞歌曲及我最欣賞女歌手等獎項，更上位躋身成為新城勁爆女歌手獎得主，與容祖兒、何韻詩及楊千嬅等一姐平起平坐，風頭一時無兩。

阿詩唔願排排企合照

Eason 和千嬅前晚在慶功宴上，異口同聲力撐 Kay ，直言看好她可與祖兒「鍊過」，為 Kay 打下一支強心針。 Kay 整晚在慶功宴上也表現風騷，大合照時企正中間位全程笑容滿面，更將 Eason 的頭髮撥亂，心情勁靚，但她與身旁的祖兒卻交流不多，不時你望左我望右。當 Kay 在台上講述得獎感受時，祖兒更表現得極不留心，寧願跟 Eason 傾偈。
至於阿詩據聞不滿女歌手獎由 3 變 4 ，被 Kay 上位分一杯，加上二人雖然同樣得 4個獎，但全晚焦點全落在 Kay 身上，阿詩聲勢被蓋，難怪她在慶功宴上全程黑面。當千嬅、祖兒和 Kay 三人在台上平排合照時，惟獨阿詩一人坐到前排梯級，刻意避開其他三位女歌手獎得主，擺明避開 Kay 以免和她在台上硬碰。

祖兒自稱重質唔重量
http://www1.appledaily.atnext.com/images/apple-photos/apple/20081228/large/28ec1p3a.jpg

謝安琪發表得獎感言時，祖兒寧願與 Eason 傾偈，似乎不太尊重。

已為人母的 Kay 已屆 31 歲，與阿詩同齡，比 28 歲的祖兒年長，但論入行資歷，出道僅 3 年的 Kay 則是三人中最淺的一個，祖兒和阿詩這對緋聞情人眼見這位「後輩」來勢洶洶，似乎有意合力阻她上位。事後祖兒被問到是否覺得 Kay 成為其勁敵時，未有正面回應，她只說：「我冇去計，最緊要係對樂壇有貢獻，獎項係鼓勵，多少唔重要，同埋係重質不重量，所以得獎人都係實至名歸。」
Kay 被記者指已躋身一線女歌手之列時，謂最重要是歌曲受歡迎，她說：「我冇諗過同人比，歌手唔應該分乜線，幾多線唔係自己講， Eason 畀好多鼓勵我，阿詩、祖兒都畀好多意見我。」

千嬅讚謝安琪夠努力

另一方面， Eason 被問到覺得 Kay 是否可與祖兒比拼時，他直說：「真係有得鍊，我今晚最開心睇到本地樂壇唔係青黃不接， Kay 、方大同、張敬軒都有咁好成績。」一直是祖兒宿敵的楊千嬅也出言支持 Kay ，指 Kay 上位是好事，她說：「冇理由樂壇得幾個女歌手，我見到阿 Kay 台上喊，都明白佢付出好多努力，後輩上位唔應該覺得有壓力，反而自己要更加努力，不停同自己鬥。」
採訪：胡比、馬建華
攝影：葉君海

講真,我都唔明點解d人吹到謝安琪咁勁,唱live真係好麻麻

作者: ki_ki 時間: 2008-12-29 01:59 AM

回想去年(還是前年, 不太記得時間), 謝安琪大著肚上頒獎禮, 大家都好照顧她
今日成為競爭對手, 班阿姐就給面色她看了!

其實佢地無必要咁, 和陸相處又係咁過, 黑面相向又係咁過, 唔通黑面謝安琪就會退出咩?
面對著中台韓的威脅, 香港歌手們應同心協力做好自己互勵互勉才是

作者: dawander3r 時間: 2008-12-29 02:24 AM

shes always little air ga la
no pt.
she won't win all the awards anyways, n she won't win forever ga la
no one ever does

作者: -仔仔仔- 時間: 2008-12-29 02:32 AM

kay係有實力
上到位都係實至名歸

作者: johnlaisin 時間: 2008-12-29 06:51 AM

Apple老作新聞
個次903 show聽到我

Kay唱live真垃圾

作者: cwc_tkd 時間: 2008-12-29 10:05 AM

原帖由 johnlaisin 於 2008-12-29 06:51 AM 發表 http://www.26fun.com/bbs/images/common/back.gif
Apple老作新聞
個次903 show聽到我
Kay唱live真垃圾

我係eason fans, 但eason都會走音啦..
kay都算係新, 表現唔穩定都正常..

作者: ＬＵ 時間: 2008-12-29 12:51 PM

kay 其實把聲係好, 唱歌都唔錯, 當然佢唱 live 經驗同水準仲有待發展

不過大家要記得, kay 本身個肺部布問題, 我成日覺得佢唱 live 要就著就著, 已經抵銷咗本身優勢

但如果係咁計, 其實 joey 同 hocc 實力應該係 kay 之上, 如果咁都比 kay 挑倒機, 就係兩位自身有問題

不過話又講返嚟喇, 我有時都覺得 eason 自己係有心提拔後晉, 佢支持 kay 好正常

其實 eason 講嘢好真好直, 亦都好公道, 衰啲講句, eason + joey + hocc 呢輩歌手

都已經紅咗咁多年啦, 而且遲早都會老, 亦好難保證長時間保持水準 keep 著咁高

樂壇需要有新一代歌手接棒, 我個人睇好 kay 張敬軒方大同 juno, 佢哋有心並的確製作好音樂

再後生啲嘅, 仲有 GEM 鄧紫棋同埋周吉佩等等, 再過一代又到佢哋接力, 如此香港樂壇先有生機

joey 話 "重質不重量", 如果呢係佢真正諗法, 佢同 hocc 就要思考

自己點解會失落勁爆年度歌曲大獎、我最欣賞歌曲、我最欣賞女歌手及新城勁爆女歌手獎等真正大獎

千樺嘅言論倒係似諷刺緊 joey 同 hocc, 如果 hocc 真係因為唔啹 kay 而唔同佢同排合照, 就太唔大方喇

作者: 123456yyyYYY 時間: 2008-12-29 03:57 PM

佢d live一日唔練好..
一日都坐唔到上去...
唉= =呢個世界就係咁現實架啦

作者: tomstar100 時間: 2008-12-29 04:48 PM

我是音樂人,何,容都是公司的影響力攞獎,何小姐以為自己有唱功及音樂領域廣,容小姐以為自己是真正一姐,唱歌技巧都未懂.我覺得Kay比她們多觀眾緣,她們Jealousy.何小姐更將她人健康來開玩笑真過份."kay 本身個肺部布問題, 所以佢唱 live 要就著就著"是正確.攞獎多不代表是歌后.公信力來自樂迷.Kay銷售量肯定多過何小姐,容小姐也不見賣得多,否則好像八十年代,登報幾多白金數量.何及容是香港樂壇之敗類.

作者: 小小種子 時間: 2008-12-29 05:13 PM

唔作呢d垃圾新聞班劣質記者邊有飯開

作者: johnlaisin 時間: 2008-12-29 08:45 PM

原帖由 cwc_tkd 於 2008-12-29 10:05 AM 發表 http://www.26fun.com/bbs/images/common/back.gif

我係eason fans, 但eason都會走音啦..
kay都算係新, 表現唔穩定都正常..

唔只走音，係連歌都未識唱
連Kay都上位,香港樂壇無得救

作者: frendaso 時間: 2008-12-29 09:54 PM

容joey,,何cc,,
呢d行為好唔要得

作者: little boyboy 時間: 2008-12-30 12:26 AM

阿Kay曾經係電台親自講過，容祖兒係第一個公開讚謝安琪嘅歌手，所以我覺得娛樂記者寫嘅嘢，睇咗就算，信佢就傻仔。

作者: Lynx2000 時間: 2008-12-30 12:56 AM

原帖由 johnlaisin 於 2008-12-29 06:51 AM 發表 http://www.26fun.com/bbs/images/common/back.gif
Apple老作新聞
個次903 show聽到我
Kay唱live真垃圾

Totally agree!!!
Kay唱live, all 垃圾
n the face not so good, too.

歡迎光臨娛樂滿紛 26FUN (http://26fun.com/bbs/)