Board logo

標題: [愛情診療室] 第三者的矛盾 [打印本頁]
作者: 龍尼    時間: 2009-2-13 03:55 PM     標題: 第三者的矛盾

我同佢(她)係同事黎,因為佢係客服部(我做舖面,CS dept. office同舖好近),起初有客打黎投訴令到佢咸(當然係咁鬧),加上佢上司好差,所以佢有一排好唔開心。

本來我對佢冇乜野,只係同事關係,因為見佢唔開心,所以就特別氹(逗)佢。直至有一日,佢係msn同我講話做佢男朋友好辛苦。
雖然我知道佢誤會左,但因為我主要目的係氹佢開心,唔想佢失望或者唔開心,所以我冇表明到我其實對佢有冇意思。
後來...我對佢都產生愛意,氹佢之餘仲做左d浪漫野,甚至我更表明想同佢一齊。但因為年齡既差距(我21,佢25),所以佢一直咁考慮,亦唔俾我同佢單獨約會。

但係依段時間,我地係公司愈行愈埋,由拖下手,到攬得,以及錫臉...因為個時感情唔係太深,加上佢考慮左都有1,2個月,所以我同佢講過如果有第2個人追佢,希望佢話我知,我會放棄追求佢。但一直佢都話冇...直至等到一日,佢send sms俾我,話佢揀左另一個(比佢大,約30到)...當時我完全呆滯,雖然個心痛,但未至於去到最痛。

雖然我愛既人揀左另一個,我同佢仍然感覺同之前一樣,係公司拖拖拉拉,點知道就佢話我知佢揀左另一個之後幾日,我想攬佢,但佢拒絕(其實一路都係),點知佢一轉個頭就主動錫左落我錫到...錫完我地都靜左...個種感覺,係成世都未試過咁舒服,就好似成世人第一次呼吸咁。
就依日後,每日我地至少都錫2~3次,仲比以前更曖昧,而且佢仲更關心我好似拍緊拖咁,就咁樣維持左1~2個星期(當然一直都冇同佢單獨約會)。直至一日我好慣常咁錫佢,佢非常地抗拒我,後來問返,原來係俾佢男朋友發現左...就係咁,我地再冇好似以前咁,我亦都想忘記依段情...
停止左曖昧3~4個月到,至今年1月尾,因為星期日有時CS dept.只有佢一個返,成個office得佢一個,我同佢獨處時,忍唔住去吻佢(強吻 ...),起初佢有反抗,但慢慢,就順我意,隨我攬錫,又好似往日咁...

到依家...心痛既感覺就好似俾人一擊打碎左個心咁,生不如死。因為升職關係,工作忙左,原來諗住事業為重,忘記依段情。每日大部份時間都係重視工作,但...一有得閒既時候,心中既悲痛就好似洪水咁湧出黎,非常非常難受,加上工作關係差唔多每日都會見到佢,佢當然冇野,但我表現扮冇野,其實個心不斷咁掙扎...我根本忘記唔到對佢既愛...或者再係咁落去我會選擇辭職唔做,但因為有2個上司都好睇得起我,無論係工事上定做人處事上(當然比我大)都肯花時間教導我好多野,升職都係佢地幫我爭取(慚愧慚愧... ),辭職的話會覺得好對佢地唔住...
對於繼續去追求佢定係放棄(雖然一直拖著既只係我)...我真係唔知應該點揀,我知道我已成為第三者,但我完全抽離唔到......請大家俾d意見,多謝 ...
作者: hwkeung    時間: 2009-2-13 06:06 PM

道德上, 你唔應該再煩住人, 因為無結果, 人地亦都揀左第二個,
人地同你曖昧都唔同你一齊, 證明左你響佢心底裡的確有個大問題,
本身年齡對女人黎講已經係大問題, 雖然年齡與成唔成熟都未必關事,
但你咁樣拖拖拉拉搞住人等於唔成熟的表現, 好明顯問題係你唔夠成熟,
女人到左適婚年齡係會想要安全感, 你咁唔成熟佢好難會跟你.

實際上, 條女都可以咁對你, 你又何須咁執著要佔有甚麼呢?
珍惜當下能夠與她一起做什麼也好的時間啦,
因為曖昧關係係隨時求其一個醒左就無嫁啦,
雖則愛情是自私的, 但你與她既然並不是正常的戀情發展,
有乜野想做可以做就盡量做晒佢啦, 激情要燒得夠盡興先好玩.
作者: loklok117    時間: 2009-2-14 03:54 PM

珍惜當下能夠與她一起做什麼也好的時間啦
無錯,講得好 x100

我以前都試過同你差唔多既處境
個女仔大我5年,重已經同人定左婚(現在已經係人老婆)
但一有機會or佢男友唔得閒
我地就會出街拍拖,好似正常情侶咁
但係時候時間耐左,最後都係......
作者: 龍尼    時間: 2009-2-15 08:44 AM

好多謝你地既意見,尋日情人節我已經係前一晚將一份禮物放左係佢櫃桶,當然有哂指示,但佢發現左之後睇都冇睇
亦都再同我講多一次好清楚...依家問題係最大既痛苦就係差唔多日日都對住...真係好難放底

[ 本帖最後由 龍尼 於 2009-2-15 08:50 AM 編輯 ]
作者: hwkeung    時間: 2009-2-15 09:08 AM

如果你鐘意第二個咪唔駛痛苦囉,
我唔信你身邊無第二個女仔靚過佢或者好過佢啦?
你要見客o既容乜易見到d靚女客姐,
天涯何處無芳草啊, 仲有成大個森林.

多數人都係未搵到另一條索女做目標先會咁痛苦o既姐,
唔知你會唔會係果多數人呢?
我覺得係o勒.
作者: loklok117    時間: 2009-2-16 01:38 AM

[quote]原帖由 龍尼 於 2009-2-15 08:44 AM 發表
好多謝你地既意見,尋日情人節我已經係前一晚將一份禮物放左係佢櫃桶,當然有哂指示,但佢發現左之後睇都冇睇
亦都再同我講多一次好清楚...依家問題係最大既痛苦就係差唔多日日都對住...真係好難放底 ... [/quot

咁米好law,佢講到明唔拖住你 (拖拖拉拉得耐就大獲 )
等你唔洗浪費青春時間
可以去追求一段新戀情
你應該多謝佢,佢係一個好女仔

算la,人地都講得咁清楚
只有等時間慢慢沖淡la
你依個時間有一樣野一定要做
就係振作,否則只會令佢覺得無和你一起是對的


作者: 龍尼    時間: 2009-2-17 02:19 AM

希望可以啦...因為以往都未試過咁,咁大個人算係拍過一次拖,都只係拖下手,蜻蜓點水既錫2次,仲要唔夠3個月散左...
所以依家依段情,真係幾深下...要放底都幾難,因為一得閒或者一個人個陣就傷感就好似山洪暴發咁爆出黎 ~ 唉
但至少依家同佢獨處都冇亂黎,但個心就好矛盾..

[ 本帖最後由 龍尼 於 2009-2-17 02:21 AM 編輯 ]
作者: 自由神    時間: 2009-2-17 09:19 PM

年紀仲細
下次遇到一個更好的話
你對感情事既處理將會更加好更加成熟
作者: hwkeung    時間: 2009-2-18 02:16 AM

原帖由 自由神 於 2009-2-17 09:19 PM 發表
年紀仲細
下次遇到一個更好的話
你對感情事既處理將會更加好更加成熟
唔係年紀仲細, 應該用拍多幾次拖或者跌多幾次會比較好聽d,
有意/無意歧視年紀細的人其實唔係太好, 好多人都可以好早熟.

不過一講愛情就好感嘆啦, 現今呢一代年青人世界,
要拍一段穩定又長久的愛情確係難度甚高,
同以前相比, 而家時代步伐咁快速, 連感情壽命都好快速,
男女接觸異性途徑又多左好多好多, 即係誘惑多左,
以前的童話式愛情故事以前就有, 而家好難有呢支歌仔唱......
作者: 龍尼    時間: 2009-2-20 02:07 AM

要放底真係好難...難受既感覺每日都有増無減,我個人重感情,原來我好怕有日得知佢會結婚既消息,尋晚發夢夢到佢同另一半一齊,仲有埋仔囝,成日都好感覺難受...但又要做野,好辛苦
講出來總算舒服一點,多謝大家肯睇同俾意見
作者: 自由神    時間: 2009-2-20 03:47 PM

原帖由 龍尼 於 2009-2-20 02:07 AM 發表
要放底真係好難...難受既感覺每日都有増無減,我個人重感情,原來我好怕有日得知佢會結婚既消息,尋晚發夢夢到佢同另一半一齊,仲有埋仔囝,成日都好感覺難受...但又要做野,好辛苦
講出來總算舒服一點,多謝大家肯睇同俾意 ...
日諗夜諗唔掂嫁
不如試下放輕鬆一d啦......
你得21歲咋...
到一日你真係去到我呢d年紀，你先好咁癡心
放開懷抱吧！咁樣你先會遇到第二個嫁



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0