娛樂滿紛 26FUN - Powered by Discuz! Board

標題: 雲加用意 [打印本頁]

作者: HansChan 時間: 2009-8-18 09:22 AM 標題: 雲加用意

雖然只係踼咗第一場唔可以代表啲乜..但班波同之前係有啲唔同!
之前佢冇乜買人情況底下仲放走咗兩個大將,高路托里同矣的巴若...
嗰時我向咗佢哋唔夠人踼既方向去諗....
睇完第一場.....
我覺得佢係岩既!
冇咗矣的巴若....前面進攻真係快咗好多....之前成班中前場好似下下要等佢一個甘...
關鍵係之後路司機出唔出得返黎.....
沙皇,路司機,禾確特,拿思利全部都係好有校率...
正前鋒,逹思華定van pussy都係殺手...
甘既中前場先至係我哋想睇既阿仙奴!
song...第一場好有驚喜,腳腳到....成個viera甘!
所以雲加..個人認為係始終高人一名!

作者: fderek 時間: 2009-8-18 10:28 AM

只能說雲格手上有的是潛力無窮但經驗尚淺的球員
現在回想起來, 從賣走皮里斯的年代到現在賣走托利與艾巴翁
阿仙奴似有刻意保持大部份主力年紀實力不差很遠的做法
某程度上這能激發球員自我提醒向上爭取正選
所以說雲格還是滿有自己一套的

作者: amigofans 時間: 2009-8-18 12:10 PM

係生意上, 球會利益上, 我認為佢呢幾季係成功,

但相反係成績上, 唔洗講大家都知係失敗....

個人覺得問題係, 實力平均靠合作性係好, 但太"平均"就無神來之筆,
當睇到扥理斯, 謝拉特, c朗, 朗尼, 杜奧巴同林柏特點樣靠個人救隊波之時,
阿仙奴fans 就自然會想起亨利同柏金....

曼聯其實係big4中較偏向阿仙奴既整體打法, 但曼聯都有靠巨星支撐既時候,
而每年買人, 都有兼顧球員class呢個方向, 但雲加唔係呢個style,
佢教阿仙奴10年, 過2000萬既人, 印象中一個都無....
呢10年入面, 曼聯過2000萬既人, 最少已經有4個....

雲加係絕對有功力捧第二個亨利或者柏金既人物出黎, 偏偏佢算錯一著,
雷恩斯, acole, 希比, 迪亞拉, 艾迪巴約, 高路扥尼全部都係養唔熟之流...

呢班大帝自以為是, 無耐性兼且貪錢成性...

c朗, 朗尼等人, 都係好耐心咁磨左3季, 先攞到佢地人生中第一個超聯冠軍,
都唔計老將giggs之流, 講班波忠心, 費sir似乎比雲加幸運得多....

作者: hamsubboy 時間: 2009-8-18 02:29 PM

原帖由 filter-052fans 於 2009-8-18 12:10 PM 發表
係生意上, 球會利益上, 我認為佢呢幾季係成功,

但相反係成績上, 唔洗講大家都知係失敗....

個人覺得問題係, 實力平均靠合作性係好, 但太"平均"就無神來之筆,
當睇到扥理斯, 謝拉特, c朗, 朗尼, 杜奧巴同林柏特點 ...

filter-052fans brother, you said,

"而每年買人, 都有兼顧球員class呢個方向, 但雲加唔係呢個style,
佢教阿仙奴10年, 過2000萬既人, 印象中一個都無....
呢10年入面, 曼聯過2000萬既人, 最少已經有4個...."

曼聯過2000萬既人,有4個.... 如果用英磅計, 我計來計去都無4個, 請問係哪4個? thanks!

[ 本帖最後由 hamsubboy 於 2009-8-18 02:47 PM 編輯 ]

作者: hamsubboy 時間: 2009-8-18 02:47 PM

唔好意思, 打字慢.... 引用之前既 post

http://www.26fun.com/bbs/thread-206359-2-1.html

其實, 我認為Arsenal 最大問題係.....
一個硬"正" 既防中

作者: amigofans 時間: 2009-8-18 02:52 PM

原帖由 hamsubboy 於 2009-8-18 02:29 PM 發表

filter-052fans brother, you said,

"而每年買人, 都有兼顧球員class呢個方向, 但雲加唔係呢個style,
佢教阿仙奴10年, 過2000萬既人, 印象中一個都無....
呢10年入面, 曼聯過2000萬既人, 最少已經有4個...."

曼 ...

01年華朗 2800萬
02年里奧費迪南 3000萬
04年朗尼 2560萬
08年貝碧扥夫 3075萬

作者: amigofans 時間: 2009-8-18 03:14 PM

原帖由 hamsubboy 於 2009-8-18 02:47 PM 發表
唔好意思, 打字慢.... 引用之前既 post

http://www.26fun.com/bbs/thread-206359-2-1.html

其實, 我認為Arsenal 最大問題係.....
一個硬"正" 既防中

我都認為無一個好掃蕩, 夠硬淨既防中只係佢地其中一個弱點,
個人覺得並非致命, 好多阿仙奴fans有呢個感覺全因為,
過去有兩個硬淨防中比提同韋拉, 而咁o岩韋拉走人後, 阿仙奴就未贏過一樣野!

巴打你可以睇番曼聯, 堅尼走左之後都係無一個夠硬淨既防中, 卡域克較砲好過搶截, 費查夠高但單薄,
anderson只係有活力, 史高斯只係夠茅, 勉強有堅尼影子既只有夏格維斯, 可憐佢傷多過踢....

不過曼聯呢3季一樣好好成績, 當然兩隊風格仲有d出入,
但如你所講阿仙奴似巴塞既話, 參考番巴塞既正選恩尼斯達同沙維都唔係硬淨型, 人家一樣掂...

可見係打法配合, 好明顯無掃蕩中場呢d野雲加一定睇到, 問題係佢覺得唔需要似車仔咁, 有3個咁有硬淨既中場....
當然呢4年成績都唔好, 大家係有權話佢失敗既...

作者: hamsubboy 時間: 2009-8-18 03:35 PM

原帖由 filter-052fans 於 2009-8-18 02:52 PM 發表

01年華朗 2800萬
02年里奧費迪南 3000萬
04年朗尼 2560萬
08年貝碧扥夫 3075萬

O! THANKS!
Veron & Lio, oic!!

作者: fderek 時間: 2009-8-18 03:39 PM

原帖由 filter-052fans 於 2009-8-18 03:14 PM 發表

我都認為無一個好掃蕩, 夠硬淨既防中只係佢地其中一個弱點,
個人覺得並非致命, 好多阿仙奴fans有呢個感覺全因為,
過去有兩個硬淨防中比提同韋拉, 而咁o岩韋拉走人後, 阿仙奴就未贏過一樣野!

巴打你可以睇番曼聯, ...

我覺得阿仙奴的確是需要有較硬淨的防中的
用曼聯來相比有不公平之處
1. 曼聯整體球員體能明顯上是佔優的, 可以補救防中掃蕩不足的能力
尢其前場朗尼, 星仔, 以前既泰維斯都係前場搶得之人
相比阿記即使艾巴翁在陣的時候也不見協防很多
沒有艾巴翁後前場既壓迫更是少, 只靠整體企位去給予壓力
後防組織能力稍強, 阿記前場既防守壓迫根本沒有什麼威脅可言
2.曼記近年成功既原因之一是C朗拿度正值癲鋒
幾乎可以對所有球隊在前場做成極大壓力
除左個別球會, 大部份球隊都要耗費中場既球員去看管C朗
形成球隊對曼聯時中場上既控制力大為降低, 令曼聯容易控制中場
防中掃蕩力不足因此不足以成為具傷殺力的威脅
不過去到上季C朗狀態下降後就明顯看到曼聯中場中空的問題
去到打巴塞隆拿的歐聯決賽就根正是完全暴露出來
明對更強控制力的中場, 缺乏有效防中一下子令曼聯完全失去搶回中場主動權既能力
所以話強如曼聯亦不能不面對需要強大防中既問題
何妨是阿仙奴?
3.曼聯一對中堅, 要比阿仙奴的穩許多
維迪+費迪南算得上英超曼穩健的中後配塔
但阿仙奴呢, 只能算是一般的罷了, 要是防中都沒個像樣
防守怎可能長期穩固~

[ 本帖最後由 fderek 於 2009-8-18 03:40 PM 編輯 ]

作者: hamsubboy 時間: 2009-8-18 04:01 PM

原帖由 filter-052fans 於 2009-8-18 03:14 PM 發表

我都認為無一個好掃蕩, 夠硬淨既防中只係佢地其中一個弱點,
個人覺得並非致命, 好多阿仙奴fans有呢個感覺全因為,
過去有兩個硬淨防中比提同韋拉, 而咁o岩韋拉走人後, 阿仙奴就未贏過一樣野!

巴打你可以睇番曼聯, ...

but barcelona 有 yaya toure 播

巴塞之前係....

                     eto'o
henry                                        messi
iniesta          toure             xavi

or

                  eto'o
iniesta                         messi
xavi             toure       布斯基斯 (or 古莊 or 馬古斯)

巴塞係用 YAYA TOURE 殺中場......
SO, 我依然覺得 Arsenal need one 硬"淨"中場

其實, Arsenal 呢4年成績唔好......
主要原因係....
傷兵多後備兵不足 & (main) 無水
對比
manu 條中場線幾多人
giggs, nani, (anderson, 史高斯, carrick, 夏格, flecheter,) valencia, park JS,
傷左仲有.......

作者: ~心水~ 時間: 2009-8-18 04:56 PM

講真呀, 我同樓主一樣, 睇完第一場波真係有驚喜嫁
份驚喜仲要係尼自SUPER den 既遠射,
冇錯就係遠射.
唔知大家有冇留意到上季阿記真係冇咩邊個會遠射冷戰, 下下都要猜猜猜到入6碼....
只係之後沙皇尼到就開始有改善
阿記重技術,一遇到d人死守就冇附, 死球同冷戰就可以改變戰局, 偏偏上季佢地兩樣都冇
唔好講亨利柏金入既金球呀,
當年vp11果球足球小將式既入波, 柏奴亞射入車仔果球遠射, even法明尼兩季前都有入過令遠射.

今年阿記真係明顯唔同左

作者: tlkwan 時間: 2009-8-18 05:08 PM

上一次阿仙奴染指英超錦標已經是2003/04球季的事，而阿仙奴亦在四年前失落歐聯錦標，但雲加仍然受到兵工廠重用，而阿仙奴球會上下至球迷都認同雲加的功績，奈何外界認為雲加的過份慳儉而導致球隊實力受到削弱，而面對實力日漸強大的車路士、曼聯甚至利物浦，阿仙奴的優勢已經蕩然無存。他堅持不會像曼城那樣在轉會市場上一擲千金，高價引進大牌球員對他來說是不可能的事。他不關注誰的名氣大，他關注的是球員的態度和能力。其實現時球會方面已經揚言可以撥出六千萬英鎊給雲加買入新球員，雲加不妨改變一下買人策略。不過他不會改變作風，他認為一個好的球員沒有必要一定和高價聯繫在一起。他說過要想買一個合適的球員並不容易，市場就是那樣。現在球隊需要努力去尋找一個合適的球員，但如果沒能做到(引進新球員)，球隊仍然足夠去應付所有的比賽。

但要一名年青球員步向成熟需要多方面的配合，而且這需要時間，因此年青球員肯定不能為球隊帶來即時的成功。加上大部份年青球員的競賽穩定性不夠高，試問要在英超這類高水平的賽事中，每星期都有所表現談何容易！因此，一支球隊中有幾位經驗較為豐富的球員或星級球員帶領，球隊的水平較為容易維持，而在很多重要的時刻，星級球員往往就會發揮最大的價值。究竟雲加的政策是對與錯，到了季尾就會一清二楚，一如雲加自己的名句：「我們都會講大話，但事實卻不會！」

作者: hwkeung 時間: 2009-8-19 02:11 AM

我綜合以上論點我會咁睇, 其實阿仙奴都有改寫比數的球員,
法比仔, 雲佩斯, 艾沙雲我認為算係, 其實呢幾年失敗我覺得係等年輕小將成熟,
雲加真係當一個工廠咁做, 從新打造一個生產球星的模式,

好似巴塞而家都係咁, 由青訓開始訓練巴塞的球隊踢法,
所以d新提升上來的青訓每個都好快融入球隊, 因為由細已經踢慣種打法,
但呢種模式唔係一朝一夕就建立到, 巴塞都是由皇馬銀河鑑隊皇朝開始建立,
失敗到朗拿癲佬開始先踢走皇馬, 而家陸續不斷有新星,

阿仙奴用左失敗幾年建立左呢個系統, 睇怕到今年都已經無乜藉口了,
年青小將都變成熟了, 慢慢開始呢幾位主力球員就能夠好似而家巴塞咁樣,
不斷帶領新球員成長變球星, 持續落去,

只可惜真係養熟左一d見錢眼開o既球員,
呢個只能講係運氣唔夠曼聯好, 但我信雲加功力,
因為歐聯阿仙奴仍然都企得好穩, 經常big4入晒8強.

作者: bigfish 時間: 2009-8-19 05:43 PM

我記得幾年前雲加俾費格遜大炒 6-1

今年開 league 對住弱旅愛華頓贏 6-1 唔代表乜
樓上有人講佢地遠射多左好多, 你估遠射下下射得入咩!
再講, 曼聯除左遠射 (史高斯, 朗尼, 加域克), 中路入滲 (朗尼 + 傑斯 + 費查 + 加域克), 側擊 (華倫西亞, 朗尼, 傑斯), 近射 (貝碧, 朗尼, 史高斯), 死球 (安達臣, 朗尼, 傑斯, 華倫西亞), 角球 (里奧 + 維迪), 基本上瓣瓣掂, 防守方面, 基本上可以做到滴水不漏, 呢樣野正正係曼聯過去二十年成功o既基石

點解阿仙奴高層成日話俾錢雲加增兵, 但最後都冇呢? 有兩個可能, 一係就係企圖向外宣稱球會實力雄厚, 以便日後賣盤, 另一可能就係d 錢中間俾人吞左, 如果仲有其他可能, 歡迎大家提出

作者: Azuma 時間: 2009-8-21 07:20 PM

其實我好同意大家講法
好似打winning 咁
阿先奴真係欠缺o左個可以屈機gei人物
曼聯朗尼 c朗
利記謝拉特托利斯
車仔杜奧巴林伯特

雖然打波係11個人gei 運動
但係有時候傷患，狀態都係好影響一隊球隊
有時候就係需要一個人去帶起成隊波走出呢個困境

雲加買人gei 眼光係好好
但係我覺得好多時候
新人上位得太快
好快就打正選
雖然成長都會因此而加快
但係同時就需要放棄球隊gei成績
結果球隊唔上唔落
班靚仔又係當打之年
無成績又無錢
唔通真係個個同隊會講心

雖然我唔係阿先奴fans
但係當年阿先奴gei 水銀瀉地gei打法
到現在係英超都係無一隊球隊做到咁有娛樂性

人到屋簷下，不得不低頭
係呢幾年英超商業化gei情況下
各支球隊都不段擴軍
以車路士及曼城最為嚴重
曼城gei 金錢攻勢直接影響到阿先奴gei big4地位
如果今年阿先奴四大階位 big4又入唔到
球會又無錢
球員又要走
真係一個惡性循環

作者: Rated-R 時間: 2009-8-21 09:32 PM

原帖由 bigfish 於 2009-8-19 05:43 PM 發表
我記得幾年前雲加俾費格遜大炒 6-1
今年開 league 對住弱旅愛華頓贏 6-1 唔代表乜
樓上有人講佢地遠射多左好多, 你估遠射下下射得入咩!
再講, 曼聯除左遠射 (史高斯, 朗尼, 加域克), 中路入滲 (朗尼 ...

唔知愛華頓有幾弱呢???
曼聯近到連12F都唔掂,又夠弱未?

[ 本帖最後由 Rated-R 於 2009-8-21 09:34 PM 編輯 ]

歡迎光臨娛樂滿紛 26FUN (http://26fun.com/bbs/)