娛樂滿紛 26FUN - Powered by Discuz! Board

標題: [轉貼] 香港流行歇後語 [打印本頁]

作者: chiukui 時間: 2010-3-2 09:27 PM 標題: [轉貼] 香港流行歇後語

笑騎騎　－　放毒蛇 (笑裡藏刀也)
知少少　－　扮代表 (貪功認叻)
牙斬斬　－　死得慘 (禍從口出)
周身郁　－　扮忙碌 (郁者，動也；講多過做)
眼濕濕　－　扮憂鬱 (貓哭老鼠)
嘴藐藐　－　打得少 (口花花，撩是鬥非)
靜雞雞　－　認低威 (衰衰地 "慣" 低，認錯也)
有早知　－　冇乞兒 (世事難料)
有早知  －  無ｂｂ (早知唔要)
擔凳仔  －　霸頭位 (驚死執輸)
好好好　－　睇唔到 (敷衍了事)
繞埋手　－　晨早走 (練精學懶)
有得振　－　冇得0訓 (大禍臨頭。振，顫抖也)
搞搞振　－　冇幫襯 (搞事破壞份子)
側側膊　－　唔多覺 (得過且過，求求其其)
搏大霧　－　唔使做 (使讀作洗；混水摸魚)
包二奶　－　實聽拉 (香港人回大陸偷情十分危險)
有姿勢　－　冇實際 (虛有其表)
手頭緊　－　搵真銀 (勤力搵錢)
淡淡定　－　有錢剩 (凡事處變不驚；剩，音「靜」)
慌失失　－　害街坊 (小不忍則亂大謀)
有得賭　－　精神好 (爛賭之輩)
三缺一　－　慘過乞 (麻雀術語)
時運高　－　搏番鋪 (掌握時機)
隨口蹹　－  當祕笈 (語不驚人誓不休)
面懵懵　－　當老馮 (老馮，意謂奉旨也)
細細兜　－　容易媾 (初出茅廬少女，容易被騙，追求異性也)
女人心　－　海底針 (女人善變)
面撞面　－　好面善 (似曾相識)
頭0岳0岳－　四圍度 (無聊發悶)
爛撻撻　－　唔負責 (無恥之徒)
冇晒計　－　發 Long 禮 (意思不按常理做事，全句是趕狗入窮巷)
頻頻撲　－　冇聯絡 (貴人善忘)
咁人齊　－　等發圍 (同心協力)
趁佢病　－　囉佢命 (趕盡殺絕)
出o黎威－　識搶咪 (要懂得爭取機會)
唔想衰　－　埋大堆 (圍結就是力量)
有異性　－　無人性 (見色忘義)
有殺錯　－　冇放過 (寧枉莫縱也)
聽唔明　－　扮純情 (裝模作樣)
懶癡纏　－　博可憐 (做戲咁做)
眼光光　－　等天光 (失眠，滿懷心事)
印印腳　－　等人約 (無所事事)
斷乜估　－　冇痛苦 (難得糊塗)
人工高　－　冇祕撈 (祕撈，祕密地去做兼職也)
唔夠班　－　執二攤 (未夠斤兩)
跟老頂　－　有得醒 (老頂，大哥大之輩；醒，有好處是也)
著草鞋　－　有排捱 (著草，是黑語，即走路、遲難之意)
走得快　－　好世界 (童年時順口溜)
走得摩　－　冇鼻哥 (走得慢者，沒好下場)
有 Background　－　冇困難 (Background，人事背景也)
密響 Call　－　冇甩拖 (將勤補拙)
十十0下－　拉頭馬 (十十0下，「十」即「霎」，香港人極為抵死之用語。
               意指一個人「霎」0下「霎」0下，表示一個人渾渾噩噩，
               此句意，傻人有傻福，胡里胡塗，無端端發財)
唔夠皮　－　無面俾 (皮，即「皮費」，經營開支洗費。唔夠錢用時，甚麼人也不賣帳)
冇啦啦　－　整笪疤 (「疤」讀「啦」音)
手頭緊　－　賣白粉 (狗急跳牆，不擇手段，不理後果)
吹吹水　－　唔抹嘴 (吹水，口沫橫飛，愛吹牛皮)
唔用腦　－　等運到 (批評那些靠好彩不靠辛勤努力之輩)
癲癲地　－　唔識死 (不知天高地厚)
過大海　－　博好彩 (大海，指澳門，香港人假期喜歡到澳門賭場搏殺)
口水多　－　無尿屙 (指喜歡發表偉論的人，香港俗語有云：口水
                  多過茶，口水多到連尿也沒有，厲害可想而知)
四圍酒　－　鬥疊友 (疊友，墨幫背語。指人強馬壯)
褲頭鬆　－　搏街鐘 (街鐘，歡場術語，客人帶小姐外出為街鐘，
                  小姐要有街鐘，多賺錢，那麼就不能惜身如玉)
出黎混－　無責任 (指吊兒郎噹，不負責任之人)
賣大包　－　任人抄 (不計較得失)

歡迎光臨娛樂滿紛 26FUN (http://26fun.com/bbs/)