娛樂滿紛 26FUN - Powered by Discuz! Board

標題: [散文小品區] 夏娃問亞當 [打印本頁]

作者: 3755 時間: 2010-5-4 12:05 PM 標題: 夏娃問亞當

夏娃問亞當：「其實你鍾意我啲咩？」亞當話：「我唔知，只知道我唔鍾意你，故事就冇機會繼續發生。」
後世人覺得亞當同夏娃係天生一對。但係佢地既相遇係真心相愛既事實，定係為左之後劇情發展而凝造既故事？
好多人都唔識答究竟鍾意對方啲乜。
用「feel」這個藉口簡直係一流，可以好婉轉咁迴避好多既問題。
而事實上愛情就係咁，問得清清楚楚，答得確確實實，變相成為一種壓力；有壓力既愛情，會令「壽命」縮短。
所以好多人都用「feel」去解答問題，就當係上天冥冥中既安排，比面上睇好似好浪漫咁。其實說到底連佢地自己都唔知道鍾意對方啲乜？
好多既愛情故事就係靠一句「有feel」而開始，亦會因為一句「冇feel」而結束。
照咁睇「感覺行先」既人先係最唔真實。雖然係浪漫，但係浪漫始終都唔係長遠。
真實既愛情，老土咁講，都係需要時間去了解。所以千萬不要答：鍾意個feel！
我試過比女朋友問鍾意佢啲乜？
我話：我份人好真實，相處落左，我發覺我好需要你；
我鍾意你煲湯唔記得落鹽；
我鍾意你經常迫我陪你試衫；
我鍾意你日日叫我起身返工；
我鍾意你收到我送你禮物時候會感動；
我鍾意你知道我最鍾意飲乜；
我鍾意你尊重我意見；
我鍾意你係朋友面前讚我；
我最鍾意既………係你。

歡迎光臨娛樂滿紛 26FUN (http://26fun.com/bbs/)