我而家在上海工作，買親相機鏡頭都盡量趁放假返香港買，因為方便實在又有保證。上星期返香港，去百老匯整左支40餅，$1590，本來都好開心，點知返到上海後至發現，原來香港行貨版本係帶有歧視成分的……
先睇香港版本，就淨鏡一支，其他都係選購配件：
睇落無乜問題對吧？後來，我發現大陸行貨版本，係咁的：
無錯，大陸行貨係包埋原廠金屬遮光罩同埋鏡袋，都係標準配備。價錢？
我在淘寶Canon正貨供應商買，人仔1269包速遞運費，行貨發票保用證乜都有齊，而人仔1269，按今日匯率等於HK$1545。
大陸行貨同樣係有中港聯保的，同香港行貨一模一樣。咁點解我要在香港畀更高價錢買到更少的野？Canon香港你黐左邊條線，要搞個咁的歧視性包裝出嚟？你當香港人係水魚？
如果大陸朋友到香港買野，至發現同樣價錢買的，竟然還不如大陸，點解仲要落黎買？會唔會有被騙的感覺？
我立刻在上海放左香港版畀朋友，人仔900至勉強放到。本來有諗過單獨配hood算了，但現實係未有同唔知邊度配，而且本來就應該有，點解要我勞心勞力再搵同畀更多錢？
為了大家的利益，杯葛Canon香港這種所作所為吧。
圖片附件: 1.jpg (2012-7-8 07:15 AM, 173.2 KB) / 下載次數 0
