娛樂滿紛 26FUN - Powered by Discuz! Board

標題: 娛圈360：3D電影有乜好睇？ [打印本頁]

作者: 七仔男 時間: 2012-7-14 08:26 AM 標題: 娛圈360：3D電影有乜好睇？

三分鐘熱度

http://hk.apple.nextmedia.com/entertainment/art/20120714/16512088

一齣劃時代的《阿凡達》（ Avatar），掀起了3D電影熱潮，間接令大量3D電影誕生，有些為3D而3D，完全是多餘。最令人氣餒的，就是硬掘多你幾十元，迫你戴那不稱身的眼鏡，去看彈出來的3D字幕，到底3D電影有乜咁好睇呢？　撰文：蘇芬妮

票價特別貴

貴，肯定是令人對睇3D電影卻步的最大原因，連早場最少都要畀70大元，仲要假設睇的是齣好戲。老老實實，如果花成百元換嚟兩小時憤怒同無限後悔，一定會揼心口的。

戴眼鏡點算？

相信唔少有近視的讀者都有戴兩副眼鏡去睇3D電影的經驗，3D眼鏡為遷就全世界人都能戴上，特登將眼鏡柄造到特別長，鼻位亦沒承托，好多戴眼鏡的朋友，副3D眼鏡睇戲成日睇到跌眼鏡，搞到要全程托住副眼鏡，簡直是折磨！

鑊鑊買眼鏡

剛剛有3D電影推出，戲院都會派3D眼鏡畀觀眾，不過後來以衞生為名，有些院線硬性要觀眾自行購買，但試問有幾多人睇3D戲會記得帶埋副眼鏡？即興睇戲又點算？結果買埋買埋儲起一堆3D眼鏡囉！最抵死是不同院線的眼鏡不能夠互相使用，極之不環保。

冇2D焗睇

有些人好有原則，堅持唔睇3D電影，但電影發行商往往不理觀眾感受，好似之前上映的電影《黑超特警組3》，香港竟然冇2D版，換言之是焗香港人睇3D貴戲。

食定止暈丸

如果大家坐最前排睇3D電影而不覺得頭暈的話，行船絕對難唔到大家。有美國視覺神經科專家已經警告，睇3D電影會令眼部肌肉不平衡的人士產生不適，作嘔作悶事小，影響視力事大。貼錢買難受，認真不化算。

加無謂特效

3D電影票價差不多是普通電影的兩倍，食水勁深，搞到部份電影人以為拍3D電影可以令票房更高，於是將一些根本沒必要造成3D的電影，夾硬加插動作或爆破場面，又為加強所謂的3D效果，將動作設計得十分低智，搞到觀眾出現審美疲勞。

歡迎光臨娛樂滿紛 26FUN (http://26fun.com/bbs/)